Browsing: Besimi

Fëmijët e vegjël rriten shumë shpejt dhe gjatë këtij procesi atyre u nevojitet shumë ujë. Mungesa e ujit do të shkaktojë probleme. Sipas studimeve më të reja, mungesa e ujit mund të ndikojë në aftësinë e njohjes tek foshnja.
1. Pse ka uji shumë rëndësi për bebet?
Bebet duhet të pinë ujë mjaftueshëm për shkak se mungesa e tij mund të çojë në dehidratim. Dehidratimi tek bebet çon në uljen e funksioneve të trurit si dhe probleme me njohjen e imazheve, mësimin e gjuhës, dëgjimin etj. Sipas studimeve të ndryshme pas furnizimit të mjaftueshëm me ujë, fëmijët nuk do të kenë probleme, po ashtu do të gëzojnë rritje të kujtesës.
2. Në çfarë moshë duhet të fillojnë të pinë ujë fonshja?
Organizata Botërore e Shëndetësisë inkurajon ushqimin e foshnjës brenda 6 muajve me qumështin e nënës. Uji që ndodhet tek qumështi i nënës mund të plotësojë nevojën për ujë. Pas 6 muajve, bebes mund t’i jepen lëngje të tjera natyrale. Pas 6 muajsh, bebja juaj mund të pijë ujë.
3. Sa litra ujë i nevojiten fëmijëve në mosha të ndryshme?
Fëmijët në mosha të ndryshme kanë metabolizëm ujor dhe aktivitete të ndryshme. Prandaj, atyre u nevojitet ujë në sasi të ndryshme. Bebet nga 6 muaj deri në 1 vjeç duhet të pinë 0.8 litër ujë çdo ditë; ato nga 1-4 vjeç duhet të pinë 1.3 litra ujë çdo ditë; ato nga 4-7 vjeç duhet të pinë deri në 1.7 litra ujë çdo ditë dhe ato nga 7-11 vjeç duhet të pinë 1.8 litra ujë në ditë.
4. Kur është koha e papërshtatshme për pirjen e ujit?
Sipas parimeve të zakonshme, fëmijët nuk duhet të pinë shumë ujë brenda 1 ore para vaktit ose gjatë tij, meqenëse ato kanë aftësi të dobët të tretjes së ushqimeve. Konsumi i ujit të shumtë para vaktit ose gjatë vaktit mund të hollojë lëngun e stomakut dhe të ndikojë në tretjen e ushqimeve. Gjithashtu, fëmijët nuk duhet të pinë shumë ujë menjëherë pas aktiviteteve të forta sportive. Kjo për shkak se qarkullimi i gjakut do të fokusohet tek muskujt gjatë aktiviteteve, dhe se në stomak nuk ka qarkullim të mirë gjakut e ngarkesa e zemrës është shumë e madhe. Konsumi i lartë ujit menjëherë pas aktiviteteve do të shtojë probleme për tretjen po ashtu edhe për metabolizmin ujor në zemër. Prandaj, duhet të pini pak ujë pas sportit. Nëse fëmija djersit shumë mirë është që në ujë të shtohet pak kripë.
Pirja e ujit këshillohet mes dy vakteve. Uji duhet pirë shpesh e nga pak.
5. Lëngjet e tjera të rëndësishme?
Ushqimet e zakonshme si frutat e perimet, po ashtu edhe gatimet si supë, llapa, etj, kanë në vetvete një përqindje të konsiderueshme ujore. Ato mund të sigurojnë pjesën e nevojshme ujore në trup. Lëngjet e frutave dhe pijet e ndryshme e furnizojnë organizmin me energji dhe lëndë të tjera të nevojshme. Megjithatë pijet duhet të jenë natyrale dhe jo pijet me gaz si sprite apo koka-kola që përmbajnë shumë sheqer.Më mirë fëmijëve t’u jepet ujë.
6. Po nëse uji nuk u pëlqen, c’tu japim fëmijëve?
Së pari, prindërit duhet të përgatisin ushqime të lehta për fëmijët, të pakësojnë konsumin e pijeve të ëmbla. Por, jo vetëm fëmijët por edhe prindërit duhet të evitojnë pirjen e lëngjeve me gaz e sheqer.

Në vijim paraqesim metodat e përshtatshme dhe shkencore për pirjen e ilaçeve tek foshnjat.
1. Përzgjedhja e ilaçeve të përshtatshme
Për fëmijët nën 3 vjeç këshillohet përdorimi i shurupëve.
2. Metodat e pirjes së ilaçeve për beben
Shurupi këshillohet t’u jepet foshnjave 1 orë para pirjes së qumështit.
Gjatë pirjes së shurupit mund të mbani foshnjën në një pozicion gjysmë-shtrirë. Koka e bebes duhet të qëndrojë në një nivel relativisht të lartë. Në të njëjtën kohë, mund të vendosni një shami rreth qafës së bebes për të shmangur ndotjen e rrobave. Pas pirjes së shurupit masazhoni lehtë në kurriz beben për të nxjerrë gromësitjen.
Disa ilaçe kanë shije të hidhur dhe foshnjat mund ta refuzojnë pirjen. Për këtë , prindërit duhet gjejnë një mënyrë argëtimi për fëmijën e tyre. Nëse fëmija është në gjendje të kuptojë atëherë prindërit duhet të komunikojmë me të për t’i shpjeguar rolin pozitiv që ka ilaçi kundër sëmundjeve.

Pothuajse çdo muaj dalin dieta të reja, por dieta mesdhetare është cilësuar nga specialistët si dieta më e mirë. Ajo “të zgjat jetën”, pasi konsiston në ushqime që plotësojnë kërkesat ditore për minerale dhe vitamina. Gjithashtu kjo dietë është një dietë e balancuar e përbërë kryesisht nga frutat, perimet, drithërat dhe vaji i ullirit.
Kjo është dieta e vendeve mesdhetare si Italia, Greqia, Spanja dhe Franca jugore. Ushqimi bazohet në traditën e kuzhinës së këtyre vendeve ku bëjnë pjesë drithërat, mishi, peshku, perimet, frutat, qumështi dhe vezët.
Përbërësi kryesor i kësaj diete është vaji i ullirit. Nëse ky vaj përdoret në sasinë e duhur është një mik shumë i mirë i shëndetit pasi ai përmban sasi të konsiderueshme antioksidantësh.
Vaj ulliri përdoret si në sallatë ashtu edhe për të gatuar. Duhet që vaji i ullirit të jetë cilësor dhe nëse përdoret me sallatë duhet përzjerë me lëng limoni ose uthull. Atë mund ta përdorni për peshkun apo gatime të tjera gjithashtu.
Studime të shumta kanë treguar se dieta mesdhetare ndihmon për të reduktuar nivelin e kolesterolit, nxit funksionin e rregullimit te zorrëve për shkak të fibrave që përmbajne ushqimet.
Antioksidantët përveç përmirësimit të shëndetit të enëve të gjakut frenon procesin e plakjes së parakohshme të qelizave.
Rreth 30 per qind e atakeve kardiake, bllokimit te arterieve dhe vdekjeve nga problemet në zemër mund te parandalohen nëse ushqehemi sipas dietës mesdhetare, e cila eshte e pasur me vaj ulliri, arra, fasule, peshk, fruta dhe perime.
Personat që ndjekin këtë dietë kanë më pak risk për t’u prekur nga sëmundje të zemrës.
Dr. Steven E. Nissen, shefi i Departamentit të Mjekësisë Kardiovaskulare në SHBA tha: “Mund të hash mirë dhe këndshëm në një dietë të balancuar me fruta, zarzavate dhe vaj ulliri dhe njëkohësisht mund të ulësh rrezikun e sëmundjeve të zemrës me 30 per qind. Dhe ndërsa ul rrezikun, ti e shijon jetën”.
Pra dieta mesdhetare është një ndër mënyrat më të mira të të ushqyerit.
Përveç vajit të ullirit kjo dietë konsiston edhe në fruta e perime. Fibrat dhe vitaminat që përfitojmë nga frutat na ndihmojnë për të mos u sëmurur. Perimet si domatet, kungujt dhe kërpudhat janë ndër perimet më të përdorura në dietën mesdhetare. Sipas dietës mesdhetare mund të konsumoni disa herë fruta dhe perime gjatë ditës.
Një tjetër ushqim shumë i rëndësishëm, pjesë e dietës mesgjetare është peshku dhe prodhimet e detit. Peshku gatuhet me vaj ulliri dhe limon. Nëse do të ndiqni këtë dietë duhet të reduktoni disi konsumin e mishit te kuq.
Kjo dietë përmban gjithashtu drithërat dhe arrat. Konsumi i drithërave dhe arrave është i domosdoshëm pasi ato janë të pasura në fibra dhe acide yndyrore omega-3. Mund të konsumoni makarona, bukë arra dhe bajame të cilat kanë një ndikim shumë pozitiv për shëndetin.
Pjesë e rëndësishme janë arrat. Forma e vitaminës E që gjendet tek arrat është e rrallë dhe shumë e ushqyeshme. Arrat sigurojnë një nivel jashtëzakonisht të lartë të vitaminës E në formën e gamma-tocopherol. Sidomos për shëndetin kardiovaskular tek meshkujt, kjo formë e vitaminës E i mbron ata nga problemet me zemrën.
Arrat kanë veti antioksidante dhe anti-inflamatore dhe përdoren për metabolizmin, për problemet me zemrën dhe për diabetin e tipit 2, po ashtu ulin rrezikun e prekjes nga kanceri i prostatës dhe ai i gjirit.
Për më shumë se një dekadë faktet shkencore kanë treguar se konsumimi i përditshëm i arrave ul rrezikun e sëmundjeve të zemrës duke përmirësuar elasticitetin e enëve të gjakut. Studimet tregojnë se arrat kanë veti në uljen e kolesteroli LDL (kolesterolit të keq).
Produktet e qumështit janë një pjesë e rëndësishme e kësaj diete. Djathi dhe kosi i dhisë dhe i deles janë ndër më të përdorurit. Ndërsa në vend të gjalpit, këshillohet konsumi i vajit të ulliri. Përdorimi i qumështit dhe i kosit ju ndihmon për të marrë kalciumin në organizmin tuaj, një element shumë i rëndësishëm.

A ndjeheni pa energji, të lodhur, të varur nga kafeina? Këto dhe simptoma të tjera si këto mund të jenë sinjale që tregojnë se ka ardhur koha të detoksifikoni organizmin, pra për një pastrim.
Lodhja dhe konfuzioni mendor janë kryesisht si pasojë e toksinave të akumuluara në organizmin tuaj. Largoni toksinat apo helmet nga trupi me qëllim që organizmi të jetë plot energji si dhe rrisni afëtsinë tuaj të përqendrimit.
Për të bërë një pastrim të brendshëm të organimzmit nuk duhet kohë apo para të tepërta. Një detoksifikim i zakonshëm kërkon vetëm disa përbërës dhe ju merr vetëm pak koha nga dita juaj.
Po pse duhet ta detoksifikoni organizmin të paktën 2 herë në vit? Ja arsyet.
1. Nëse konsumoni shumë sheqer.
Nëse organizmi juaj ka nevojë për tepër sheqer kjo do të thotë se trupi nuk po prodhon energjinë e duhur. Pastroni mëlcinë dhe pas disa kohë do metabolimi juaj do të ndryshojë dhe do të shkojë drejt normalitetit.
2. Nëse ndjeheni vazhdimisht të lodhur
Të gjithë ne kemi ditë kur ndjehemi pak më të lodhur se zakonisht. Megjithatë nëse ndiheni shpesh të lodhur atëherë kjo është një sinjal që trupi nuk funksionon si duhet dhe që organizmit i duhet një pastrim.
3.Kur keni gazra apo çrregullime zorrësh
Bakteriet e pashëndetshme mund të shkaktojnë gazrave në një trup toksik. Largoni toksinat apo helmet nga organizmi për të rregulluar funksionin normal të tretjes dhe të zorrëve.
4. Jeni pa humor, të irrituar dhe keni ankth
Ndoshta I keni që të treja këto shenja! Pjesa më e madhe e neurotransmetuesit që na bën të ndihemi mirë, serotona, prodhohet në stomak. Kur trupi ka helme, zakonisht niveli i serotoninës bie. Helmet e tjera të krijuara nga parazitët shkaktojnë ankth dhe probleme të tjera me humorin përfshi edhe depresionin.
5. Keni dhimbje koke apo vuani nga migrena
Shumë helme të grumbulluara në organizëm irritojnë sistemin nervor qëndror, duke shkaktuar dhimbje koke dhe migrenë.
6. Nuk rrini dot një ditë pa një….. ose 5 filxhanë kafeje.
Në ditët e sotme kafja mund të zëvendësohet nga pijet energjike, pijet me gaz etj. Megjithatë, pija e vetme më e shëndetshme që mund të konsumoni është uji, pasi ai ndihmon në pastrimin e organizmit nga helmet, përgjegjëse për lodhjen tuaj. Zakonisht pjesë e pastrimit është konsumi i bollshëm i ujit
Imagjinoni nëse zgjoheni në mëngjes plot energji, pastrimi i organizmit nga helmet und të jetë pjesë e këtij suksesi!
Largoni helmet nga trupi me këto pije
Mënyra më e mirë për të larguar toksinat nga trupi është nëpërmjet pirjes së ujit. Për një rezultat më të mirë ujit duhet t’i shtoni përbërësit e mëposhtëm.
•Limoni: Uji me limon është një pije e fuqishme detoksifikuese, pasi ndihmon në pastrimin e organizmit dhe për ta kthyer atë në mjedis alkalin. Siç e dini që sëmundjet në trup shfaqen kur trupi juaj anon më shumë nga mjedisi acid. Shtojini një fetë limon në një enë qelqi ose shtrydhni disa pika limon në gotën me ujë.
•Mendër: Mendra (mint) i jep një shije të mirë ujit edhe pa përdorur sheqer, po ashtu ndihmon shumë për tretjen.
•Trangulli: Uji me trangull nuk është vetëm për SPA. Shtoni disa feta trangulli në ujë për një hidratim të mirë, po ashtu kjo pije ka edhe veti anti-inflamatore.
•Xhenxhefil : E kemi theksuar edhe herët e tjera, xhenxhefili është një pastrues i mirë i organizmit tuaj, stimulon tretjen. Në gotën me ujë hidhni pak copa xhenxhefili të prera shumë hollë.
Pijet e mësipërme mund të bëjnë që të humbisni deri në 2 kg në javë.

Shumë njerëz mendojnë se djali është më i fortë dhe i përballon më mirë gjërat. Por kjo mund të mos jetë plotësisht e vërtetë.
Sipas studimeve përkatëse, djali paraqitet më i paduruar se vajza që nga fëmijëria. Ndryshimet e vogla në jetë dhe presioni i prindërve do të shkaktojnë shqetësime më të mëdha ndaj djalit. Prandaj, në këtë material fokusohemi tek presioni psikologjik ndaj djalit dhe metodat e përshtatshme të arsimit për rritjen e shëndetshme të tij.
1.Divorci i prindërve, dëmtim i madh psikologjik tek djali
Sipas opinioneve të ndryshme, nëse prindërit divorcohen djali tregohet më gjakftohtë se vajza. Por, e vërteta është ndryshe. Divorci i prindërve sjell dëme më të mëdha emocionale për djalin. Vajzat i shprehin emocionet e tyre nëpërmjet të të qarit apo metodave të tjera, për të lehtësuar gjendjen e tyre psikologjike dhe shpirtërore. Por djali gjithnjë i mban ndjenjat e ndrydhura dhe nuk i shpreh ato. Akumulimi i këtyre ndjenjave i dëmton ata pa masë.
2. Djemtë e kanë më të vështirë të shprehin emocionet e tyre
Vajzat janë më të ndjeshme. Në moshë fare të vogël vajzat përdorin më shumë fjalë emocionale si “dashuri”, “pikëllim” etj., në krahasim me djemtë.
Këto ndryshime emocionale ekzistojnë në fëmijëri dhe rriten me kalimin e kohës deri në adoleshencë. Djemtë nuk dinë si të shprehin emocionet e tyre dhe janë të pandjeshëm ndaj reagimeve emocionale. Ata preferojnë të fshehin ndjenjat e tyre të vërteta. Si rezultat, djemtë ka raste kalojnë në periudha të vështira emocionale dhe shpirtërore apo bien në dëshpërim që mund të shkojë deri në vetëvrasje. Kur një djalë është me depresion ai tregohet i dhunshëm ndaj të tjerëve.
3. Djemve u mësohet të jenë dominantë
Djemve nuk u mungon aftësia për t’u vetëshprehur. Disa studiues kanë zbuluar se brenda gjysmë viti, djali i shpreh më shumë ndjenjat e tij. Por, kur ai arrin në moshën 5-6 vjeç ka vështirësi më të madhe për të komunikuar me prindërit apo mësuesit për të shprehur dëshpërimin e tij.
Për këtë specialistët thonë se djemtë që nga hapat e parë mësohen të bëhen dominantë, që gjithmonë të fitojnë dhe kurrë të mos qajnë edhe pse për këtë nuk e kanë të lehtë fare. Por kush mundet ti neutralizojë stereotipet negative sikurse nëna?!
Djemtë janë gjithmonë nën ndikimin e shoqërisë që të jenë të fortë dhe të mos qajnë, por aty është edhe nëna e cila i jep të kuptojë që të jesh i trishtuar është e vështirë por duhet që ndjenjat ti ndajë me dikë.
1. Shoqërimi i babait
Nëse një djalë shoqërohet nga figura e babait, ai nuk do të ecë në rrugën e gabuar. Dashuria e babait është e ndryshme nga ajo e nënës dhe ka vlera të veçanta për rritjen sidomos të djalit.
Djali mund të fitojë vetëbesim dhe të bëhet i zoti nga përvoja, komunikimi dhe shoqërimi me babain e tij. Nëna ka karakter më të butë dhe ndoshta e kufizon fëmijën nga disa aktivitete, por babai në përgjithësi është më tolerant.
Pra, djemtë që pranojnë më shumë dashurinë e babait, do të kenë më pak shqetësime të brendshme dhe mund të kenë aftësi më të forta komunikuese.
Për djalin e vogël babai është heroi i tij. Djali mëson nga veprimet e babait të tij dhe e imiton atë. Babai i kupton më mirë problemet e djalit të tij gjatë procesit të rritjes.
Megjithëse burri në familje ka më shumë detyra për të siguruar të ardhurat dhe për karrierën, ai duhet të gjejë edhe kohë për të qëndruar më shumë me djalin e tij sidomos gjatë fëmijërisë, pasi kjo është periudha më e rëndësishme për të forcuar karakterin psikologjik të fëmijës.
2. Dashuria e nënës
Ndjeshmëria dhe përkushtimi i nënës e mbron djalin nga shumë faktorë gjatë rritjes së tij. Por nëna ka disa vështirësi në rritjen e fëmijës së saj djalë, të cilat shfaqen në forma të tilla si:
Së pari, nëna është femër, ndaj ajo e kupton me vështirësi botën e brendshme të djalit. Së dyti, nëna me përkushtimin e saj për mirërritjen e djalit mund të ndikojë negativisht në rritjen e tij të pavarur dhe ta kufizojë atë në shoqërinë me moshatarët, duke penguar zhvillimin e procesit të rritjes së tij.
Këshillohet që nëna t’i japë më shumë kohë dhe hapësirë babait të djalit për ta shoqëruar atë në aktivitete argëtuese, ndeshje sportive etj. Në këtë mënyrë nëna shton praninë e babait në rritjen e djalit dhe respektin ndaj tij. Figura e babait në rritjen e djalit të tij, shembulli që jep për fëmijën janë vendimtare në formimin e tij karakterial.
3. Inkurajimi i djalit për njohjen e botës së tij të brendshme
Në shoqërinë e sotme, djali i mban ndjenjat të ndrydhura dhe ka vështirësi në shprehjen e tyre.
Prandaj, duhet ta lejojmë djalin të shprehë emocionet e tij dhe ta ndihmojmë atë të kuptojë më mirë botën e tij të brendshme. Pasi ai të ketë njohur emocionet e tij mund edhe t’i menaxhojë ato.

Ushqimi që konsumoni mund të kenë impakt të drejtpërdrejt në jetën tuaj seksuale, duke ndikuar tek hormonet, kimia e trurit, niveli i energjisë dhe i stresit. Disa ushqime kanë veçori psikoaktive dhe mund të rrisin qarkullimin e gjakut në organet tuaja.
Një nga bimët më të rëndësishme është Damiana
Gjethet e Damiana-s janë përdorur prej shumë kohësh si një afrodiziak për rritjen e energjisë seksuale nga meksikanët. Kjo bimë ka efekte për stimulimin seksual tek femrat dhe meshkujt, në rritjen e energjisë, trajton astmën, depresionin, impotencën dhe problemet menstruale.
Historikisht damiana është përdorur për të qetësuar simptomat e ankthit nervozizmit dhe depresionit.
Kjo bimë është përdorur gjithashtu për të përmirësuar tretjen dhe parandaluar kapsllëkun.
Ja 10 afrodiziakët më të mirë
10. Shpargu
Një herbalist anglez në shekullin e 17-të, Nicholas Culpepper, shkruan se shpargu (asparagus) “nxit epshin tek burrat dhe gratë.” Shpargu është një perime që përmban kalium, fibra, vitaminë B6, vitamins A dhe C. Po ashtu ai përmban tiaminë dhe acid folik. Një studim nga britanikët ka arritur në përfundimin se shpargu përmban një aminoacid që quhet asparagin, i cili kur metabolizohet në organizëm sjell efekte në nervat e traktit urinar.
9. Çokollata
Çokollata njihet nga të gjithë si afrodiziaku më natyral. Ajo përmban një substancë, phenylethylamine që njihet edhe si ‘kimikati i dashurisë që çliron dopaminën në qendrën e kënaqësisë në tru dhe kjo mund të arrrijë pikun gjatë orgazmës. Pa dyshim që çokollata renditet në vendet e para të listës së ushqimeve që ndezin epshin.
8. Mjalti
Mjalti është një tjetër ushqim afrozodiak që ka dhënë prova. Ai përmban grupin e vitaminave B, të nevojshme për testosteronin. Ai është gjithashtu një burim i boronit, që ndihmon trupin të përdorë më mirë dhe të emtabolizojë estrogjenin apo hormonin seksual femëror.
Studimet kanë treguar se boroni mund të rrisë gjithashtu nivelin e testosteronit në gjak, hormon ky që përgjegjës gjithashtu për pasionin dhe orgazmën tek meshkujt dhe femrat.
7.Bananet
Ashtu si dhe shpargu bananet kanë formë fallike. Indianët i cilësojnë bananet si afrozodiakët më të mirë natyralë. Bananet përmbajnë kalium, vitaminë B dhe magnez.
Energjia seksuale tek meshkujt mund të rritet nga enzimat dhe mineralet që ndodhen tek bananet.
6. Nenexhiku
Nenexhiku ka efekte shumë pozitive për organizmin dhe ka një aromë shumë të veçantë. Ai është futur në listën e afrodiziakëve pasi stimulon dëshirën seksuale dhe shton të rrahurat e zemrës. Kur bëni darkë për bashkëshortin mos harroni të gatuani me nenexhik.
5. Fiku
Nëse ndani një fik në gjysmë do të shihni një ngjashmëri me organin femëror megjithatë kjo nuk është e vetmja arsye pse fiku futet në listën e afrozodiakëve.
Grekët e lashtë e konsideronin fikun si frut përgjegjës për mbarëvajtjen e dashurisë dhe fertilitetin! Fiku ka gjithashtu shumë efekte të tjera për organizmin.
4. Kanella
Përdorej në të kaluarën si një substancë për të nxitur epshin.
3. Trangujt e detit. Këto krijesa detare plot me vitamina dhe minerale janë shumë popullore për më shumë dëshirë dhe kënaqësi seksuale.
2. Xhenseni
Xhenseni (Ginseng) është një tjetër bimë e çmuar në Mjekësinë Tradicionale Orientale gjë që është pranuar gjerësisht edhe nga perëndimi për rritjen e imunitetit, për ruajtjen dhe ngritjen e energjisë dhe për të luftuar impotencën. Mjekësia kineze e përdor xhensenin për reduktimin e stresit, përmirësimin e kujtesës, rregullimin e sheqerit në gjak etj.
Të mirat e xhensenit nuk mbarojnë këtu. Kjo bimë është është përdorur tradicionalisht për të luftuar kancerin. Studimet kanë treguar se ekstrakti i xhensenit ka potencial në parandalimin e kancerit të fytit, mushkërive, stomakut dhe mëlcisë. Kjo bimë është dhe shpresë e re për ata të cilët vuajnë nga impotenca.
1. Dashuria
Megjithatë afrodiziaku numër një është dashuria. Asgjë nuk mund të ndalojë pasionin e dy njerëzve të dashuruar. Afrodiziaku i dytë është variacioni. Variacioni rinovon zjarrin e dashurisë. Por për të ndezur dëshirën në një çift nevojitet dhe imagjinata.

Çfarë e shkakton impotencën dhe trajtimet për ejakulimin e vonuar dhe atë të shpejtë
ImpotencaPjesa më e madhe e meshkujve do të përjetojnë impotencën (dështimin për të arritur ereksionin) në një pjesë të caktuar të jetës së tyre. Kjo zakonisht është një eksperiencë e përkohshme, shpesh për shkak të ankthit ose përdorimit të tepërt të alkoolit. Për shumë meshkuj me impotencë, që gjithashtu njihet si disfunksioni erektil (ED), ai është një problem i vazhdueshëm, kronik, që shpesh shkakton probleme të ankthit, stresit dhe pakënaqësisë për vetë personat sikundër edhe për partneret e tyre. Ereksioni vjen si rezultat i rritjes së sasisë së gjakut që qarkullon në penis dhe që më pas bllokohet aty. Shumë faktorë kombinohen, në mënyrë që kjo të ndodhë. Është thënë më parë se impotenca është kryesisht një problem psikologjik (mendor), që është e lidhur me stresin, frikën për të dështuar dhe problemet e marrëdhënieve. Por mjekimet moderne kanë treguar që rreth gjysma e këtyre problemeve vijnë si rezultat i shkaqeve fizike. Pjesa më e madhe e këtyre shkaqeve janë të shërueshme.
Çfarë e shkakton impotencën?Ndërmjet gjendjeve mjekësore që shkaktojnë impotencën janë:-Komplikimet e diabetit;-Qarkullimi i dobët për shkak të ngushtimit të arterieve;-Dëmtimi i nervave;-Problemet hormonale, si p.sh. mungesa e testosteronit;-Përdorimi i alkoolit dhe cigares;-Disa ilaçe; dhe-Sëmundja e mëlçisë ose veshkave.
Disa nga ilaçet që mund të shkaktojnë impotencën janë qetësuesit, ilaçet për qarkullimin e gjakut dhe diuretikët. Problemi gjithashtu mund të ndodhë si rezultat i kirurgjisë në fshikëz, gjëndrat e prostatës, zorrës së vogël dhe shpinës.
Shkaqet psikologjike mund të jenë të lidhura me stresin e kohëve të fundit ose një ndryshim në jetesë. Gjithsesi, çfarëdolloj që të mund të jetë shkaku, pjesa më e madhe e meshkujve me impotencë mund të shërohen dhe këshilluesit mund t’i ndihmojnë ato. Trajtimet mjekësore, trajtimet kirurgjikale, në pjesën më të madhe të meshkujve mund të jenë ndihmuese. Këshillimi, mund të ndihmojë njerëzit me probleme psikologjike.Mjeku juaj është personi më i përshtatshëm për të vlerësuar shkakun e impotencës dhe për t’ju rekomanduar trajtimin e duhur.
Zbulimi i ilaçeve siç janë Viagra, Cialis dhe Levitra kanë bërë një ndryshim sinjifikativ në jetën e shumë njerëzve. Këto ilaçe ndihmojnë në përmirësimin e qarkullimit të gjakut që kalon në penis. Ato janë efektive, por duhet të përdoren me kujdes. Njerëzit të cilët përdorin ilaçe të zemrës, nuk duhet të përdorin Viagra, Cialis ose Levitra.
Ndërkohë që shumë meshkuj ndihen në siklet për të diskutuar për impotencën me mjekun e tyre. Nëse ato gjejnë kurajon për të folur, ato do të kenë një jetë më të lumtur me partneren e tyre.
***
Ejakulimi i vonuarËshtë normale për jetën seksuale që të ndryshojë me moshën. Sa më i moshuar të jetë një mashkull, aq më shumë stimulim është i nevojshëm për të arritur ereksionin dhe ejakulimin. Ejakulimi i vonuar është një gjendje në të cilën një mashkull arrin në fazën e ereksionit por në mënyrë jo të thjeshtë, atij i duhet një kohë e caktuar. Ejakulimi i vonuar është një gjendje e rrallë dhe nuk duhet ngatërruar me përgjigjen normale seksuale si rezultat i moshës. Nëse ju jeni të shqetësuar në lidhje me aktivitetin tuaj seksual, pyesni mjekun për këshilla të mëtejshme.
Çfarë e shkakton ejakulimin e vonuar?Ejakulimi i vonuar mund të shkaktohet nga ankthi, nga frika e penetrimit, por ndonjëherë nuk ka asnjë shkak fizik. P.sh. meshkujt me diabet kanë më shumë vështirësi për të ejakuluar sesa meshkujt pa diabet, dhe disa ilaçe të caktuara mund të vonojnë ejakulimin. Këto përfshijnë disa lloje antidepresantësh, siç është SSRI, disa lloje ilaçesh që përdoren për presion e gjakut dhe ato që përdoren për trajtimin e skizofrenisë.
Cilat trajtime janë të pranishme?Nëse ju mendoni se ndonjë nga ilaçet që ju po merrni është shkaku i vonesës së ejakulimit, atëherë tregojani këtë mjekut tuaj në mënyrë që t’ju japë një trajtim tjetër që shmang efektet anësore të padëshirueshme. Shpesh trajtimi për ejakulimin e vonuar përfshin terapinë e sjelljes, kështu që mjeku mund t’ju rekomandojë një trajtim tek këshilluesi ose fizioterapisti. Terapisti mund t’ju mësojë teknika që ndihmojnë në minimizimin e ankthit në lidhje me ejakulimin dhe t’ju japë disa këshilla që do ju ndihmojnë për përmirësimin e jetës seksuale.
***
Ejakulimi i parakohshëmEjakulimi i parakohshëm është një gjendje në të cilën mashkulli ejakulon shumë shpejt, shpesh, shumë para ose menjëherë pasi bie në kontakt me partneren e tij, duke rezultuar në një jetë të pakënaqshme seksuale. Nuk ekziston një përcaktim i qartë i “shumë shpejt”: ajo ndryshon nga njëri person tek tjetri dhe nga një marrëdhënie në tjetrën. Ejakulimi i parakohshëm nënkupton kur ajo ndodh përpara se partneri juaj të jetë kënaqur. Shumë meshkuj, në një moment të caktuar të jetës së tyre, do të përjetojnë ejakulimin e parakohshëm, por nëse ajo ndodh shpesh dhe gruas i pengon, mund të zvogëloi lumturinë në çift.
Kjo është më e zakonshme në fazën e adoleshencës, pasi sa më i ri të jetë mashkulli, aq më shpejt ndodh ereksioni dhe ejakulimi.
Çfarë e shkakton ejakulimin e parakohshëm?
Tradicionalisht, ejakulimi i parakohshëm lidhet me problemet psikologjike, siç është ankthi. Kohët e fundit ka ekzistuar një interes drejt shkaqeve neurobiologjike. Megjithatë, ka raste që mashkulli është i paqartë në lidhje me shkakun.
Ekzistojnë shumë lloje ankthesh, si p.sh. ankthi në lidhje me performancën e tij gjatë aktit seksual, shqetësimi i lënies së femrës së tij shtatzënë ose frika e marrjes së infeksionit nga gruaja, pastaj janë ankthet dhe stresi bashkëkohor i punës, informacionit te tepërt dhe të llojllojt, i situatave të rënda familjare, si gjendja e rënde ekonomike, borxhet, puna, pasiguria etj.
Çfarë trajtimesh janë të pranishme?Shpesh, problemet e ejakulimit zvogëlohen ndërkohë që ju krijoni një marrëdhënie më të sigurt me partnerin tuaj. Është shumë e rëndësishme për të përfshirë partnerin tuaj sa më shpejt që të jetë e mundur në terapi dhe të largoni ndjenja të tilla si presioni, turpi ose dështimi. Zakonisht, është mirë për të larguar ndjenja të tilla si dështimi sikundër edhe akte seksuale deri në momentin që ejakulimi të trajtohet. Këshilluesi juaj do të jetë në gjendje për t’ju treguar teknikat e përshtatshme që do t’ju ndihmojnë për ejakulimin.
Terapia e sjelljes
Një nga terapitë e sjelljes, të njohura si teknikat e ndalimit dhe fillimit, lejojnë partnerin tuaj për të stimuluar penisin deri në momentin që ju ndjeni se jeni në fazën e ejakulimit. Me këtë sinjal që ju i jepni partnerit tuaj, ajo ndalon menjëherë stimulimin dhe pret 20 deri në 30 sekonda dhe më pas fillon përsëri stimulimin. Me kalimin e kohës, dhe bashkë me praktikën, kjo teknikë ju ndihmon për të përmirësuar kontrollin e ejakulimit.
Ilaçet
Një sërë ilaçesh janë përdorur për të trajtuar ejakulimin e parakohshëm. SSRI (një lloj antidepresanti) shpesh është përdorur për trajtimin e ejakulimit të parakohshëm. Disa SSRI janë më efektive sesa të tjerat, por ato mund të ndihmojnë në mënyrë sinjifikative në vonimin e ejakulimit.

Shëndeti i prostatës është tepër i rëndësishëm për burrat. Rreziku i zmadhimit të saj rritet me 40-50% tek burrat e moshës 51- 60 vjeç dhe mbi 80% tek burrat mbi 80 vjeç.
Me kalimin e moshës qelizat në gjendrat e prostatës rriten, duke shkaktuar një zmadhim të saj, që sjell probleme në urinim. Prostata zmadhohet për shkak të rritjes së hormonit mashkullor si dhe moshimit.
Prostata është një organ që gjendet përreth një organi që vlen për boshatisjen e urinës që quhet uretra. Është një nga organet kryesore të rrugëve urinare. Urina që filtrohet nga veshkat zbret në qesen e urinës nëpërmjet dy kanaleve që quhen ureter. Pra ky kanal që quhet uretra kalon nëpërmjet prostatës.
Ndaj në qoftë se është rritur organi i prostatës rruga ku kalon urina shtrëngohet dhe dalin probleme gjatë urinimit.
Disa nga problemet e zmadhimit të prostatës janë probleme gjatë urinimit, apo urinim i shpeshtë, me ndërprerje etj, Është zmadhimi i prostatës një lloj kanceri?- Jo
Megjithatë zmadhimi i prostatës dhe kanceri i prostatës janë sëmundje të ndryshme. Ky problem duhet trajtuar pasi nëse jo, atëherë me kalimin e viteve mund të shkaktojë infeksion në rrugët urinare, duke çuar në probleme me veshkat.

Studimet kanë treguar se konsumi i vajit të farave për një periudhë 2 mujore përmirëson deri në 86% simptomat në problemet me urinimin.
Në studim thuhet gjithashtu se vaji i farave të kungullit arrin të zvogëlojë madhësinë e prostates me 33% tek pacientët që vuajnë nga problemi i zmadhimit të saj..
Një tjetër arsye e konsumit të vajit të farave të kungullit është se ky vaj është burim i shkëlqyer i acidit yndyror Omega 6 (acidi linoleik).
Omega 6 është zbuluar se lehtëson simptomat e prostatës së zmadhuar si dhe I jep mudnësi organizmit të arrijë ekuilibrin hormonal.
Këshillohet që burrat që kanë këtë problem të marrin një lugë vaj të farave të kungullit çdo ditë dhe do të shohin lehtësim të simptomave brenda një muaji.
Një tjetër mënyrë për trajtimin e prostatës së zmadhuar me mjete natyrale është ekstrakti i bimës Saw palmetto.
Shume studime kanë arritur në përfundimin se kjo bimë është tepër efikase në trajtimin e prostatës së zmadhuar.
Saw palmetto përdoret gjithashtu edhe për trajtimin e disa infeksioneve të ndryshme. Ka raste që kombinohet me bimë të tjera për të trajtuar kancerin e prostatës.
Ka njerëz që e përdorin këtë bimë në rastet e ftohjeve dhe kollës, problemeve me fytin, astmës dhe kundër migrenës.
Kjo bimë është e sigurt për shumicën e njerëzve, pavarësisht disa mund të kenë marrje mendsh, dhimbje koke, të përziera, diarre apo kapsllëk.
Për shëndetin e prostatës duhet të konsumoni disa lloje ushqimi po ashtu duhet të evitoni qëndrimin ulur për një kohë të gjatë dhe pirjen e alkoolit.
Gjithshtu temperaturat e ulëta mund të shkaktojnë probleme dhe dhimbje gjatë urinimit. Konsumoni sa më shumë ujë dhe hiqni dorë nga kripa.
Disa ushqime që ju bëjnë mirë dhe ju ndihmojnë në trajtimin e problemit.
1. Qepa dhe hudhra- Të dyja këto perime ju ndihmojnë për shëndetin e prostatës. Konsumoni qepë dhe hudhra çdo ditë.
2 – Peshku, vitaminat e tij kanë një rol të rëndësishëm në mbrojtjen e organizmit.
3 – Arrat, sipas specialistëve kanë vitaminë D
4 – Domatet janë tepër të rëndësishme për konsum të përditshëm, parandalojnë kancerin e prostatës.
5 – Drithërat e ndryshme, të cilat kanë në përbërjen e tyre selen.
6 – Mishi, edhe në të gjendet seleni, por është e rekomandueshme të mos ekzagjerohet me përdorimin e tij.
7. Arrat braziliane
Arrat braziliane, ndryshe nga arrat e tjera, përmbajnë një nivel të lartë seleni, mineral ky shumë thelbësor për shëndetin e prostatës. Nëse konsumoni pak nga këto arra çdo ditë përmbushni fare mirë kërkesat ditore që ka trupi për selen. Studimet e mëparshme kanë treguar se seleni lidhet ngushtë me reduktimin e rrezikut kundër kancerit të prostatës.
8. Speci djegës është një përbërës që mbështet shëndetin e prostatës. Në të ndodhet një substancë e quajtur capsaicin. Kjo substancë njihet për aftësitë e saj në reduktimin e dhimbjes, megjithatë studimet kanë treguar që kjo substancë vret qelizat e kancerit, përfshi edhe ato të prostatës.
Përveç potencialeve që ka kjo substancë kundër kancerit, thuhet se specat djegës i bëjnë mirë edhe shëndetit kardiovaskular, pasi përmbajnë antioksidantë të fuqishëm që eleminojnë radikalet e lira, të cilat shkaktojnë arteriosklerozë. Përfitimet të tjera që kemi nga konsumimi i specave të kuq djegës është parandalimi i ulcerës, hapja e rrugëve të frymëmarrjes dhe reduktimi i dëmtimeve qelizore që çojnë në diabet apo probleme të tjera.
9. Çaji jeshil
Fuqitë medicinale të çajit jeshil i atribuohen antioksidantit të quajtur katekinë, një lloj polifenoli që është vërtetuar se shkatërron disa bakterie dhe viruse, forcon sistemin imunitar dhe lufton disa lloje të kancerit, përfshi atë të prostatës. Megjithëse ka disa lloje katekinash, ekspertët thonë se epigallocatechin gallate, EGCG, është më e fuqishmja.
10. Shega
Kohët e fundit shega ka qenë objekt studimi i shumë kërkimeve dhe diskutimeve të shkencëtarëve. Shega është e pasur me antioksidantë dhe një përbërës të quajtur ellagitaninë, që është veçanërisht e dobishme për shëndetin e prostatës. Testimet kanë treguar se ekstrakti i shegës mund të ngadalësojë riprodhimin e qelizave të kancerit të prostatës.

Shëndet – Do t’i nënshtroheni së shpejti një operacioni kirurgjik? “Daily Mail” ka përpiluar një listë sjelljesh për këtë rast: ju nuk duhet të depiloni këmbët, të përtypni çamçakëz ose të bëni manikyrNëse do të bëni një operacion nuk duhet të depiloheni, të bëni manikyr apo të hani çamçakëz. “Daily Mail” ka hartuar një listë sjelljesh dhe veprimesh, të cilat duhet t’i keni parasysh nëse do të bëni një ndërhyrje kirurgjikale. Rrjeti britanik i është referuar librit “Going Into Hospital? A Guide for patients, carers and families” (Do të shtroheni në spital? Një guidë për pacientët, kujdestarët e shëndetit dhe familjet), të shkruar nga Oliver Warren, Dean Franklin, Charles Vincent. Autorët janë nisur nga një e dhënë: në Mbretërinë e Bashkuar, në Shërbimin Kombëtar të Shëndetit (Nhs), në çdo dhjetë minuta anulohet një operacion – rreth 60 mijë në vit – pikërisht për shkak të faktit se pacientët nuk arrijnë të ndjekin instruksionet e mjekëve në fazën paraoperacionale.
Ja lista:
1) Depilimi i këmbëve
“Gjatë depilimit të këmbëve ekziston mundësia e krijimit të prerjeve të vogla ose irritimeve. Dhe më e rëndësishmja: në këtë mënyrë mund të prishen ‘barrierat’ e lëkurës kundër baktereve, që mund ta infektojnë atë”, kështu ka shpjeguar Andy Goldberg, konsulenti i kirurgjisë ortopedike në spitalin Wellington në Londër. Shumë persona mendojnë se i bëjnë favor kirurgut duke u depiluar përpara operacionit, por ja që nuk është kështu. Këshilla është që këmbët t’i lini ashtu.
2) Humbja e peshës në mënyrë të shpejtë
“Nëse humbni peshë shumë shpejt dhe sidomos nëse kjo nuk është këshilluar nga mjeku, ju do të filloni të humbni masën muskulore”, shton dietistja Rebecca McManamon. Në fakt, trupi në këtë mënyrë do të dobësohej shumë. Këshilla është të ndaloni limitimin e kalorive pesë ditë përpara operacionit.
3) Hudhra dhe ilaçe
Është e nevojshme ta informoni sa më shumë mjekun tuaj personal mbi ilaçet që merrni rregullisht (nëse i merrni), po ashtu edhe për produktet natyrale që konsumoni: hudhër, xhenxhefil etj., sepse disa prej tyre mund të rrisin rrezikun e gjakderdhjes. Ndër të tjera, thotë kirurgu Oliver Warren, është e nevojshme t’u kushtoni vëmendje indikacioneve mbi ilaçet që do të merrni.
4) Përtypja e çamçakëzit për t’i bërë ballë mosngrënies
“Problemi është që stomaku prodhon më shumë acid kur është në pritje. Pastaj, kur ju jeni nën anestezi, të gjitha valvulat e traktit gastrointestinal relaksohen dhe në këtë mënyrë ato kanë shumë mundësi të zbrazen nga acidi. Ndërkohë, nëse ai arrin në mushkëri, atëherë njeriu rrezikon vdekjen”, kështu ka paralajmëruar Anna-Maria Rollin, mjekja anesteziste dhe zëvendësja e “Royal College of Anaesthetists”. Përgjithësisht mjekët këshillojnë që të mos hani për gjashtë orë përpara se të bëni operacion.
5) Bërja e manikyrit
“Gjatë ndërhyrjes kirurgjikale ne përdorim sensorë për të matur nivelin e oksigjenit në gjakun e pacientëve. Ata vendosen në gishta, ndaj manikyri duhet të hiqet përpara operacionit”, shpjegon Warren, një nga autorët e librit, ndërsa ka shtuar se thonjtë duhen prerë të gjithë, sepse ata mund të mbajnë baktere.
6) Furça e dhëmbëve
“Spitalet në ditët e sotme janë thuajse më të pastra, por gjithsesi është e këshillueshme që me vete të keni një furçë të dytë në rastin kur njëra mund të bjerë në dysheme. Kjo gjë ndihmon në reduktimin në minimum të rrezikut nga infeksionet”, shpjegon Ron Cutler, mikrobilog. Eksperti këshillon gjithashtu që të përdorni një furçë dhëmbësh totalisht të re pas operacionit.
7) Mos pini duhan
“Mos pini duhan, asnjëherë, por nëse ende nuk e keni ndërprerë plotësisht, kjo duhet të bëhet një ditë përpara operacionit, shpjegon doktoresha Rollin, kjo gjë mund të bëjë diferencën në rikuperimin tuaj. Madje, sa më herët ta ndaloni, aq më mirë është. Duhani shkatërron mushkëritë dhe mushkëritë e infektuara kanë më shumë gjasa për t’u infektuar, infeksionet pas operacionit janë më të zakonshme te duhanpirësit. Kjo për shkak se tymi është irritues dhe mund të shkaktojnë kollitje, që është veçanërisht e bezdisshme, kur ju sapo keni bërë një operacion.”
8) Mos u kujdesni për kafshët tuaja
“Kam pasur pacientë, shpjegon Warren, që janë zgjuar pas një operacioni dhe gjëja e parë që kanë thënë ka qenë: ‘Askush nuk po kujdeset për qenin tim!’. Ndaj është e rëndësishme të bëni një plan më herët për kafshën tuaj shtëpiake, nëse keni një të tillë.” Ky është një nga shkaqet më të zakonshme për të cilat operacionet anulohen, sepse pacientët pësojnë rritje tensioni kur mendojnë për kafshën e tyre të braktisur.
N.A.

Stresi – Nëse ndiheni të stresuar përpiquni ta ktheni të gjithë këtë energji negative në një forcë që do t’ju ndihmojë pozitivisht në jetën tuaj të përditshme.
Ne të gjithë përballemi me stresin në një çast ose në një tjetër. Por a e keni menduar ndonjëherë që mund ta ktheni stresin në favorin tuaj? A nuk do të ishte diçka e mrekullueshme të përmbushnit me sukses të gjitha sfidat stresuese që ju sjell jeta duke e përdorur stresin si një nxitje?
Stresi vjen në forma të ndryshme. Ndonjëherë është i pakët, si për shembull mund të vij nga shfryrja e gomës së makinës ose vonesa për në punë. Herë të tjera është më i madh dhe shkaktohet nga ngjarje që ju ndryshojnë jetën si për shembull vdekja e një të afërmi, divorci apo një humbje e madhe personale. Megjithatë, gjëja më e mirë që mund të bëni është të mos e mendoni gjatë e gjerë, por të ndryshoni mënyrën se si përballeni me stresin dhe të ecni përpara. Ja se si mund ta ktheni stresin në mikun tuaj më të mirë:
Shkëputuni nga rutina
Gjithçka në jetën tonë duket se na mban të lidhur ose na pengon për të arritur diku. Nëse jeni i stresuar, gjithçka që ju duhet të bëni është të shkëputeni nga rutina e përditshme dhe të jetoni jetën. Dilni nga shtëpia për një ditë, por mos e merrni celularin tuaj, mos e kontrolloni email-in. Jepini vetes një çast pushimi dhe shihni se si kjo mund të bëjë mrekulli në jetën tuaj. Shkëputja nga rutina e aktiviteteve të përditshme mund t’ju japë një karikim të baterive dhe t’ju kthejë sërish te vetja.
Ndani kënaqësinë dhe problemet
Stresi mund t’ju bëjë të ndiheni të dobët. Nëse ndiheni shumë të zënë në grackë prej tij, duhet të diskutoni për këtë gjë. Mund ta diskutoni me partnerin tuaj, prindërit, shefin ose këdo që ju bën të ndiheni mirë. Ndarja e problemit me të tjerët e përgjysmon barrën e tij. Diskutimi me miqtë e ngushtë do t’ju ndihmojë në motivimin dhe do të gjenerojë ide se si të ecni përpara. Gjithashtu do ta qartësojë problemin tuaj dhe do të hapë dyert për mundës të tjera që mund të mos i keni vënë re.
Flini mirë
Që të ruani shëndetin tuaj fizik dhe mendor, duhet të bëni gjumë të mirë. Sigurohuni që të pushoni për të paktën 8 orë në ditë në mënyrë që të merrni kohë për reflektim dhe qetësi. Nuk ka nevojë të nxitoni. Një gjumë i konsiderueshëm do t’ju pastrojë nga mendimet negative që ju kanë shqetësuar.
Jini në lëvizje
Qëndrimi shtrirë ndërkohë që jeni të stresuar do t’ju bëjë të ndiheni më keq. Duhet të çoheni dhe të jeni në lëvizje në mënyrë që të pakësoni nivelin e stresit dhe të ruani qetësinë. Krijoni një rutinë ditore lëvizjeje ose shkoni në palestër. Duhet ta nxisni veten në mënyrë që të arrini atë që dëshironi.
Përqendrohuni
Stresi ju merr energjinë dhe shkatërron dëshirën tuaj për të punuar. Gjithçka që duhet të bëni është të përqendroheni në aspektet e ndryshme të problemit tuaj dhe të merrni kohën e nevojshme për ta zgjidhur atë. Nëse stresi ju fut në telashe, mendoni rreth jetës suaj ndryshe dhe gjeni mënyra të tjera se si të përballeni me të.
Përqendrohuni në çështjet e ndryshme nëpër të cilat po kaloni, bëni një listë dhe filloni të gjeni mënyrat e duhura si t’i zgjidhni ato.
Pranoni faktin që disa gjëra nuk ndryshohen
Është më mirë të pranoni atë që tashmë dihet: nuk ka mënyrë për ta ndryshuar të shkuarën. Gjëja më e mirë që mund të bëni është të pranoni faktin se gjithçka ndodh për një arsye dhe se disa gjëra nuk mund të ndryshohen. Mësoni të mos e çoni më dëm kohën dhe energjitë duke u përqendruar te gabimet e së shkuarës. Çfarë ka kaluar nuk kthehet më, ndaj filloni të jetoni me të dhe kërkoni mundësi të reja në jetë.
Jini optimistë
Fiksimi te gabimet tuaja dhe ndjesa e fajit gjatë gjithë kohës krijon energji negative që mund të dëmtojnë shumë besimin tuaj te vetja. Nëse jeni të stresuar për shkak të gabimeve që keni bërë, nuk duhet të ndiheni të zemëruar. Kërkoni ndihmë për gjërat që nuk i zgjidhni dot vetë. Gjithashtu jini optimistë dhe përpiquni të lini mënjanë ndjenjat negative. Mësoni aftësi të reja dhe bëni gjëra që ju bëjnë të lumtur.
Krijoni një perspektivë të re
Stresi mund t’ju ndihmojë ta shihni jetën ndryshe. Për shembull, nëse keni kaluar nëpër një divorc dhe jeni të stresuar nga vetmia, bëni miq të rinj dhe përpiquni të gjeni njerëz me të cilët mund ta shijoni jetën. Ndoshta ju dhe partneri/ja juaj i/e mëparshëm/e nuk ka qenë e thënë të jeni bashkë. Suksesi fillon duke i parë gjërat ndryshe.
*Burimi: Life Hack.

Falënderimi i qoftë Allahut, të Gjithëmëshirshmit, Mëshirëplotit. Paqja dhe lavdërimi qofshin mbi Pejgamberin tonë, Muhamedin sal-lallahu alejhu ue selem, familjen dhe shokët e tij. Në këtë…