Kur thoi futet në mish, përpos dhembjes, mund të kemi edhe infeksion dhe probleme të tjera, sikur që është vështirësia në ecje. Ky problem në mjekësi konsiderohet si problem kronik, dmth që duhet kohë për të kaluar.
Sikur që thamë, thoi i futur në mish shkakton dhembje të madhe gjatë ecjes, por ka metoda të tjera të heqjes së tij, përpos operacionit. Nëse frikësoheni që të operoheni, atëherë mjekojeni këtë gjendje vetë në shtëpi, transmeton gazeta Kosova Sot Online.
Qitni tri lugë sodë të bukës në 2 litra ujë, prandaj këtë përzierje e vendosni mbi shporet. Kur të nxehet uji, zhyteni aty këmbën që të relaksohet pak lëkura. Më pas vendoseni një copë pambuk midis lëkurës dhe thoit të futur në mish, duke u munduar që ta hiqni atë me pincë. Pambukun më parë futeni në lëng antibakterial. Këtë procedurë përsëriteni çdo 15 ditë, derisa t’i hiqni të gjitha pjesët e thoit nga mishi.
Browsing: Besimi
Shqetësoheni që jeni me stres edhe mund të sëmureni. Respektivisht, nëse shqetësoheni nga diçka ajo edhe mund t’ju ndodhë, është teza kryesore e studimit i cili pohon që stresi mund të rrisë rrezikun nga sulmi në zemër për madje 50 për qind.
Edhe nga vetë mendimi që jeni nën stres mund të sëmureni seriozisht, zbulon studimi i publikuar në revistën “European Heart Journal”. Perceptimi më i lartë për stresin gati dyfishon rrezikun nga sulmi në zemër, thekson hulumtimi në të cilin për herë të parë është zbuluar lidhja në mes sëmundjeve të zemrës dhe mendimit personal të njerëzve për atë se si ndikon stresi në shëndetin e tyre.
Hulumtimi ndërkombëtar sugjeron që mjekët duhet ta marrin parasysh raportin e pacientit dhe perspektiven ndaj stresit kur pacienti ankohet për stres. Kjo po ashtu do të nënkuptonte që reduktimi i stresit do të ndihmonte pacientët për të zvogëluar rrezikun nga sëmundjet kardiovaskulare.
Hulumtimi ka përcjellë më shumë se 7.000 zyrtarë shtetëror në periudhën prej 18 viteve, ndërsa pjesëmarrësit të moshës mesatare prej 49,5 viteve janë pyetur se deri në cilën masë kanë ndjerë që stresi i përditshëm ndikon në shëndetin e tyre.
Pjesëmarrësit të cilët kanë ndjerë që stresi ua dëmton shumë shëndetin e tyre (të tillë kanë qenë tetë për qind në grup) kanë pasur dyfish rrezik më të madh nga sulmi në zemër në krahasim me ata që kanë konsideruar që stresi nuk ka ndikim të konsiderueshëm.
Udhëheqësi i hulumtimit, shkencëtari francez, dr. Hermann Nabi, thotë se si kanë vërtetuar që perceptimi personal i ndikimit të stresit në shëndetin e pacientëve dhe rreziku i tyre nga sulmi në zemër ka qenë i pavarur nga faktorët biologjik, shprehitë e pashëndetshme dhe faktorët tjerë psikologjik.
“Rezultatet tona tregojnë që reagimi në stres ose aftësitë e personit që të përballet me stresin me të madhe dallon nga personi në person, varësisht nga mjetet në dispozicion, si ndihma e shoqërisë, aktivitet shoqërore dhe përvojat e mëhershme të stresit”, thuhet në studimin e publikuar në revistën “European Heart Journal”.
“Edhe pse stresi, ankthi dhe shqetësimet janë në rritje disa vitet e fundit, kemi zbuluar që vetëm pjesëmarrësit që kanë raportuar që stresi ndikon shumë në shëndetin e tyre janë të përballur me rrezikun e rritur nga sëmundjet koronare të zemrës.”
Stresi mund t’ju motivojë që të pini duhan, të hani pashëndetshëm dhe të pini alkool, ndërsa stili i shëndetshëm i jetesës, teknikat e relaksimit dhe aktiviteti trupor mund të jenë të dobishme.
Ekspertët tjerë kanë dyshime ndaj pretendimeve të studimit dhe thonë që lidhja në mes stresit dhe sëmundjes së zemrës nuk është dëshmuar ende.
Mjekrra është e dobishme për fytyrën. Për atë, në vijim ju paraqesim disa fakte të studjuesit Dr. Ron Ketler, ku tregohet për dobitë dhe mbrojtjen që ia jep mjekrra fytyrës së burrit.mfox500
Mbrojtje nga dëmtimi i diellit
Njerëzit që mbajnë mjekërr janë të mbrojtur nga dielli dhe nga kanceri në lëkurë. Kështu tregojnë rezultatet e Universitetit të Kuislendit Jugorë. Pjesët e fytyrës të mbuluara me qime kanë për 30% më shumë mburojë nga UV rrezet.-Edhe dendshmëria luan rol të rëndësishëm, si faktor i rëndësishëm. Sa më e dendur të jetë mjekrra, aq më i lartë është faktori mbrojtës, thotë dr. Nik Lou, dermatolog udhëheqës në Londër.Sipas një teorie tjeëtr, mjekrra “kaçurrele” i refuzon rrezet e dielit të cilët udhëtojnë në mënyrë drejtëvizore. Kur rrezja do të shkojë në qime të lakuar, rrezja thyhet dhe rrallë arrin deri te lëkura.
Mund të parandalohet sulm asmatikBurrat të cilët vuajnë nga astma për shkak të polenit ose pluhurit mund të kenë dobi nga mjekrra, sepse ato i zvogëlojnë simptomet. Mustaqet që e mbulojnë hundën mund të pengojnë depërtimin e alergjenit nëpër hundë e më pas në gjoks.Disa ekspertë mendojnë se në këtë mënyrë poleni pengohet që të hyjë në organizëm, por joe edhe pluhuri grimcat e të cilit janë mikroskopike.
E ngadalëson plakjenQimet në fytyrë me kalimin e kohës mund t’i ndihmojnë lëkurës që të mbetet e re dhe në gjendje të mirë. Ato e pengojnë ujin që të thahet nëpër lëkurë me çrast e mbajnë të lagur, kurse e mbrojnë edhe nga era që e thanë dhe e dëmton shtresën mbrojtëse.Nëse vendosni kremë hidratente, ajo më gjatë do të qëndrojë nën mjekër sesa në fytyrën e rruar.
Mbron kundër gripit dhe rrufësMjekrra do ta ngrisë temperaturën në qafë dhe do të mbrojë kundër gripit dhe ftohjes. Qimet janë izolatorë që ngrohin. Mjekrrat e dendura dhe të gjata, të cilët e “robërojnë” ajrin e ftohtë dhe e ngrisin temperaturën në qafë dhe janë një masë ndihmëse kur burri është i sëmurë.
Pengon infekcionet e lëkurësKur nuk ka rruarje nuk ka as lëndime dhe skuqje. Rruaja është shkaktari kryesorë për disa infekcione bakteriale në pjesën e poshtme të fytyrës. Mund të sjellë edhe deri në prerje, qime të kthyera dhe folikulisin.Por, si këshilla për këtë Dr. Ron Ketler thotë se mjekrra rregullisht duhet të rrregullohet që lëkura nën mjekërr të mos mbetet me ndezje nga qimet e kthyera. Po ashtu edhe duhet të pastrohet rregullisht që mos të gjenden mbetje të ushqimit.
1.Shërimi i problemeve të zemrës:Merrni 1/2 lugë vaj të fares së zezë të përzier me ndonjë pije të nxehtë ,te pihet përdite në mëngjes kjo do te beje te zgjerohen venat & arteriet. Shmangni ushqimet me yndyre
2.Për shërimin e kokëdhembjes:
Lyerja e kokës me vaj të fare së zezëbën dobi të madhe kundër kokë dhembjes.
Mënyra e dytë: ”Lyerja e vendit të dhembjes së kokës duke fërkuar me vaj fares së zezë
Mënyra e tretë: ”Përzihet lëngu i vajit të farës së zezë me vaj ulliri dhe ky komponim pikohen në hundë nga dy pika.
3.Për shërimin e migrenës:
Marrja e dozës orale dhe aplikim në ballë ose në pjesën me dhimbje. Të largohet nga ngrënia e tepërt e ëmbëlsirave.
4.Dhimbja e shpinës dhe dhimbje të tjera reumatike:
Ngroheni mesatarisht vajin e farës së zezë dhe vendoseni intensivisht mbi zonen e dhimbjës, gjithashu pi tre herë në ditë një lug kafeje(5ml) vaj të Farës së zezë.
Shërimi do të arrihet brenda pak javëve.
5.Dhimbjet muskulare:
Bëni masazh me vajin e farës së zezë.
6.Për shërimin e kollitjes dhe astmës:
Fërkojeni kraharorin dhe shpinën me vajin e farës së zezë,dhe pini një lugë kafeje (5 ml)vaji farës së zezë në mëngjes,mesditë dhe natën.
Gjithashtu hidhni dy lugë të vogla vaj të farës zezë në ujë të vluar dhe thithni avullin e tij.
7.Për shërimin e dhembjës së dhëmbëve, mishit të tyre, të fytit dhe bajameve:
Nëse zihet vaji i farës së zezë me uthull dhe pastai shpërlahet goja me lëngun e përfituar nga zierja, ndihmon kundër dhimbjes së dhëmbëve nga të ftohtit.
Kanceri dhe myku candida janë të lidhur ngushtë me njëri-tjetrin. Ka disa mjekë që thonë se Candida shkakton kancer, ndërsa disa të tjerë thonë se dy dyja këto gjendje e kanë origjinën nga e njëjta rrënjë, mjedisi acidik në trup.
Myku candida është i pranishëm pothuajse tek të gjithë, por në nivele të ndryshme. Nëse gjendet në sasi të vogla është i parrezikshëm, por, kur shtohet në mënyrë drastike mund të ketë pasoja për shëndetin.
Në një trup të shëndetshëm Candida albicans mbahet nën kontroll nga ato të ashtuquajturat bakterie të mira. Mjekët theksojnë se përdorimi jo i duhur i antibiotikëve mund të jetë një nga shkaqet që asgjësojnë bakteriet e mira, duke lejuar shtimin e mykut. Candida shtohet kur konsumojmë shumë sheqer, karbohidrate, ushqime që përmbajnë maja, si uthulla, birra, buka etj.
Kur sistemi ynë imunitar punon si duhet sasia e Candida-s në trup mbahet e ekuilibruar. Kur sistemi ynë imunitar nuk funksionon si duhet, ose ekzistojnë faktorë të tjerë si konsumimi i lartë i sheqerit dhe karbohidrateve, Candida mund të shtohet përtej normales duke shkaktuar dhembje të shpeshta stomaku dhe probleme me tretjen probleme me lëkurën (infeksione lëkure, ekzemë, psorasis, akne), konfuzion,ndjenjë e vazhdueshme lodhjeje, ankth, luhatje humori zemërim dhe nervozizëm, dhimbje koke, dhimbje mesi, shtim i dëshirës për të konsumuar sheqerna, ëmbëlsira ose bukëetj
Megjithatë Candida është një infeksion që po të trajtohet si duhet mund të kurohet plotësisht. Një ndihmesë e madhe në eleminimin e Candida-s në trup, përvec medikamenteve dhe suplementeve është edhe dieta. Pra mënyra e të ushqyerit dhe mënjanimi i atyre ushqimeve që shtojnë problemin.
Candida shtohet kur përdorni antiobiotikë; ka shumë sheqer në dietën tuaj, alkool, kafeinë, ushqime të gatshme e gjysëm të gatshme, por edhe nga stresi.
Për candida-n përdoren disa kura natyrale si vaj rigoni, Pao D’ Arco, hudhër, uthull molle, vaj i arrës së kokosit.
Soda e bukës mendohet se është kura më efektive dhe më e lire për mykun dhe kancerin. Onkologu dhe autori i librave Kanceri është Myk, Dr. Tulio Simoncini thotë se e ka kurën që trajton kancerin. Ai beson se kanceri shkaktohet nga shtimi i mykut candida, të cilin ai e trajtonme sodë në zonën e tumorit.
Por Dr. Mark Sircus, autori i librit Soda e Bukës – trajtimi i kancerit për të pasurit dhe të varfërit është I mendimit se origjina e kancerit është më e komplekse. Por ai sheh gjithashtu një lidhje mes mykut candida dhe kancerit. Ai e trajton gjithashtu kancerin me injeksione me sodë buke.
Ai thotë se duke pirë një lugë kafe sodë buke të përzier në ujë çdo ditë, 30 minuta para buke, ju mund të reduktoni ndjeshëm mykun.
Por pse disa mjekë thonë se myku candida shkakton kancer
Një organizëm me myk candida ju prek sistemin imunitar, jo vetëm që ua dobëson atë, por trupi e ka të vështirë të luftojë infeksionet, candida lëshoni toksina që dobësojnë më tek trupin.
Kandida prodhon etanol, i cili mund të jetë i mire për makinat, por në trupin tonë shkakton lodhje dhe na dobëson. Për më tepër shkatërron enzimat që i duhen qelizave për energji, duke shkaktuar radikale të lira që dëmtojnë ADN-në.
Etanol gjithashtu pengon përthithjen e hekurit. Hekuri është elementi më i rëndësishëm për transportimin e oksigjenit në gjak, etanoli në trupin tuaj krijon nivele të ulëta oksigjeni.
Disa doktorë madje thonë se myku është shkaktari I leuçemisë. Në vitin 1999 Meinolf Karthaus, bëri një studim tek 3 fëmijë me leuçemi, ku pasi u dha një ilaç kundër mykut, pa një përmirësim të sëmundjes së tyre.
Në vitin 1997 Mark Bielski tha se leuçemia, akute apo kronike është e lidhur tepër ngushtë me mykun, Candida albicans.
Milton White, beson se kanceri është një sëmundje e mykut kronik. Ai gjeti forma të mykut në çdo ind tumorial që studioj. Disa doktorë pajtohen me të, si mjeku Italian që I trajton pacientët e tij me sodë buke në një gotë ujë një orë para mëngjesit. Kjo alkalizon traktin digjestiv, që mund të ndihmojë në eleminimin e candida-s.
Mjekët thonë se duhet të keni kujdes dhe nga ushqimet që mund të jenë mykur si misri, apo kikirikët të cilët janë ushqimet që përmbajnë helmin që shkakton kancer, të quajtur mycotoxins. Një prej tyre quhet aflatoxin, dhe thuhet se është kimikati më carcinogjen në Tokë.
Ai shton më tej se ne konsumojmë mesatarisht gjatë një dite 0.15mg deri në 0.5mg aflatoxin. Prandaj, sheqeri nuk është I vetmi problem në dietën tonë, por dhe toksinat mykotike që gjenden tek drithërat me sheqer.
Kaufmann beson se antibiotikët ndikojnë shumë në këtë gjendje. Antibiotikët shkatërrojnë bakteriet e mira, duke shtuar mykun, e nëse del jashtë kontrollit rezikon sistemin imunitar dhe shkakton shumë sëmundje përfshi kancerin.
Pothuajse çdokush që vuan nga kanceri, diabeti, dementia, Alzheimer’s, alergjitë, astma, gastritis etj vuan nga myku I shtuar candida .
Bëni një test dhe kështu mund të parandaloni sëmundjet vdekjeprurëse kur plakeni.
Ja cfarë thotë specialistja e shëndetit Ann Boroch
“Një mjedis acid çon në sëmundje. Ajo që na e shkakton këtë është se ne konsumojmë më shumë seç duhet mish të kuq, kafeinë, sheqer, pije alkoolike dhe kemi stres. Të gjithë këta janë elemente tepër acidikë. Ajo që duhet të bëjmë është që të përdorim më shumë ushqime me bazë alkaline si psh； perimet me gjethe jeshile. Dieta duhet të jetë rreth 60 për qind perime. Nëse keni probleme me sistemin tretës mund t’i gatuani perimet, nëse nuk i konsumoni dot të gjalla. Një tjetër mënyrë për të alkalizuar trupit është të hidhni një lugë uthull molle në një gotë ujë dhe ta konsumoni çdo ditë, ose të pini një gotë me ujë dhe limon esëll në mëngjes, ose ushtrime me frymëmarrjen. Nëse hiqni dorë nga ushqimet e shpejta hamburgerët patatet e skuqura, sheqerin, pijet alkoolike, pikërisht në këtë moment ju nisni të alkalizoni trupin. Nëse mund të menaxhoni stresin, ju po alkalizoni trupin tuaj, pini më shumë ujë, po alaklizoni trupin tuaj dhe kjo ka shumë rëndësi sepse pjesa më e madhe e kancerëve dhe sëmundjeve të tjera jetojnë në trup acid.”
Dieta anti-candida
Dieta më e mirë për të luftuar mykun është ajo që nuk përmban sheqer dhe ka nivel të ulët të karbohidrateve. Gjithashtu kjo dietë për pastrimin e mykut nga trupi konsiston edhe nga heqja e ushqimeve që përmbajnë maja.
Një nga mënyrat më të shpejta për luftimin e Candida-s është futja në dietën e përditshme e përbërësve më potencialë që luftojnë qelizat e saj. Zakonisht kjo dietë është shumë strikte dhe kërkon shumë vullnet dhe vendosmëri.
Dieta anti-candida, dietë detoksifikuese, konsiston në konsumimim e ushqimeve që nuk përmbajnë sheqer, maja etj. Ushqimet që konsumohen më shpesh gjatë kësaj diete janë proteinat, yndyrnat e shëndetshme, perimet, drithërat dhe disa lloje arrash.
Mjekët sugjerojnë se ndoshta shumicës së personave që vuajnë nga Candida do t’u duhet ta vazhdojnë këtë dietë për rreth 3 muaj përpara se t’i kthehen dietës së tyre normale.
Së bashku me përbërësit e mësipërm këshillohet dhe konsumimi i probiotikëve si bifidus dhe acidophilus, të cilët shërbejnë për shtimin e bakterieve të mira në zorrë. Normalisht një dietë pa sheqer ndihmon në kurimin e Candida-s si dhe rregullon sistemin tretës.
Dieta anti-candida përbëhet nga 3 faza:
Faza e parë
Kur candida albicans del jashtë kontrollit në traktin digjestiv mund të jetë toksike. Shtimi i saj mund të vijë si pasojë e një diete të varfër, përdorimi i shpeshtë i antibiotikëve etj. Një rritje e tepërt e këtij myku në trup mund të shkaktojë probleme gastrike si përzierje dhe diarre ose sëmundje të tjera si depresioni etj.
Objektivat
Faza e parë e dietës kundër candida-s konsiston në eleminimin e të gjitha ushqimeve që nxisin shtimin e mykut në trup. Kjo fazë zgjat për mbi 3 javë.
Ushqimet që duhet të evitohen në fazën 1
Faza e parë ndihmon në eleminimin e plotë të sheqernave dhe karbohidrateve, si sheqeri, gruri, produktet e qumështit (përveç kosit), ushqimet e përpunuara, ushqimet e konservuara, uthulla, salca e sojës, kikirikët etj.
Gjithashtu edhe konsumimi i frutave duhet të pakësohet në maksimum pasi shumë fruta përmbajnë fruktozë, një formë e sheqerit.
Duhet të tregohemi të kujdesshëm pasi sheqeri fshihet në shumë ushqime si psh. në ato të konservuarat, ushqimet e gatshme, cerealët e mëngjesit etj. Etiketat mund ta përshkruajnë sheqerin ne emërtime të ndryshme si maltose, lactose, fructose, dextrose etj.
Këshillohet që të gjitha këto prodrukte të mënjanohen për të penguar rritjen e mëtejshme të mykut.
Po çfarë duhet të konsumojmë gjatë kësaj faze?
Megjithë shumë tipe ushqimesh janë hequr nga faza e parë, ekzistojnë ende disa të tjerë që janë të shëndetshëm për konsumim.
Ushqimet proteinike nga kafshët si mish pule, mish gjeli, mish vici, të gjitha këto mund të konsumohen gjatë fazës 1. Gjithashtu perimet si trangujt, specat, brokoli, lulelakra, lakra, sallata jeshile, peshku, hudhra dhe disa tipe manash si manaferrat, boronica etj., janë Ok për t’u konsumuar gjatë fazës 1. Studimet kanë treguar se kombinimi i brokolit dhe hudhrës së bashku jep akoma më shumë rezultate në luftën kundër mykut.
Faza 2 dhe 3 e dietës anti-candida
Faza e dytë e kësaj diete është pak më e lehtë pasi konsiston në rikthimin e karbohidrateve. Gjatë kësaj faze mund të shtojmë një frut dhe të shohim nëse simptomat e mykut kthehen. Nëse jo, atëherë mund të shtojmë pak e nga pak ushqimet e eleminuara më parë, por jo ato që ndihmojnë në shtimin e mykut.
Mjekët sugjerojnë që të shtojmë pak oriz në ditën e parë dhe të presim dy ditë për të parë nëse trupi e përballon dhe simptomat e mykut nuk rikthehen. Me kalimin e kohës do të ndodhë edhe rikthimi tek dieta normale.
Ndërsa faza e tretë konsiston në eleminimin e toksinave nga trupi me probiotikë, dhe konkretisht duke konsumuar shumë kos natyral pa sheqer.
Një nga pastrueset më të mira të mykut është hudhra.
Hudhra është e njohur nga grekët dhe egjiptianët e lashtë si ushqimi më i mirë kurues.
Hudhra mund të luftojë një sërë infeksionesh bakteriale, virale, etj. Shumë studime konfirmojnë gjithashtu se hudhra ul nivelin e kolesterolit në gjak. Ngrënia e 1-2 thelba hudhre në ditë ul kolesterolin 10%. Gjithashtu studime të ndryshme tregojnë se hudhra ndihmon hapjen, zgjerimin e enëve të gjakut dhe ul rrezikun e formimit të mpikjes së gjakut, që mund të çojë në atak zemre. Hudhra ul gjithashtu tensionin e lartë të gjakut.
Limoni përmban vitamina C, një antioksidant, i cili mbron qelizat kundër efekteve të radikaleve të lira. Radikalet janë molekula që prodhohen kur trupi shpërbën ushqimet, ose kur ka ekspozime ndaj ambientit si p.sh. ndaj duhanit, tymrave dhe rrezatimit.
Vitamina C është e rëndësishme për lëkurën, kockat dhe indet lidhëse. Ajo përshpejton shërimin dhe ndihmon trupin të përthithë hekurin.
Vitamina C gjendet në fruta dhe perime. Një burim i mirë janë specat e kuq jo djegës, specat jeshil, qitrot, agrumet, brokoli dhe perimet me gjethe jeshile. Disa njerëz mund të kenë nevojë për vitaminë C ekstra, p.sh. gratë shtatzëna dhe ato që ushqejnë fëmijët me qumësht gjiri, njerëzit që pijnë duhan, njerëzit që dalin nga një operacion etj.
Limoni është një nga frutat më të rëndësishte në planet pasi mbron nga shumë tipe sëmundjesh. Limonat përmbajnë bioflavonoid, pektinë, acid folik, vitamina C, A, B1, B6, kalium, magnez dhe fosfor. Ky frut i shkëlqyer ka efekte shumë të mëdha për zorrët, stomakun, sistemin imunitar dhe për shëndetin kardiovaskular. Nëse konsumoni limona rregullisht, mund të parandaloni sëmundje si laringit, bronkit, grip, artrit, tension i lartë i gjakut, infeksione bakteriale dhe gurët në veshka. Sipas kërkimeve të fundit, limoni mund të parandalojë kancerin. Konsumoni 2 gota me ujë të ngrohtë e limon çdo ditë.
Pastroni zorrët
Kur pini ujë në sasi të lartë ju stimuloni lëvizjet e zorrëve. Për këtë arsye, pirja e ujit esëll ju ndihmon të rregulloni traktin digjestiv. Nëse keni vështirësi me jashtëqitjen, kjo është një nga mënyrat më të mira për të rreguluar punën e zorrëve. Pirja e ujit pastron gjithashtu trupin nga mbetjet.
Largoni toksinat apo helmet nga organizmi
Kur dilni jashtë, atëherë automatikisht ju po pastroni trupin tuaj nga toksinat. Sa më shumë ujë të pini, aq më i pastër do të jetë organizmi juaj.
Parandalon dhimbjet e kokës
Një nga arsyet që njerëzit kanë dhimbje koke është sepse ata nuk pinë ujë mjaftueshëm. Dehidratimi është një nga shkaqet kryesore të dhimbjes së kokës. Pirja e ujit parandalon dehidrimin. Prandaj niseni ditën me një gotë ujë në mëngjes dhe më pas pini ujë gjatë ditës. Duhet të dini që edhe pirja e ujit kërkon kohën e vet. Sugjerojmë që të pini ujë me limon në mëngjes pasi në këtë mënyrë ju forconi imunitetin tuaj, Limoni ka vitaminë C, e cila është një antioksidant që lufton shumë probleme në organizëm.
Duke pirë ujë me limon esëll ju alkalizoni trupin, pra rregulloni nivelet e ph në trup. Edhe pse limoni në vetvete është acidik, brenda organizmit shndërrohet në alkalin. Shkaku i sëmundjeve është kur trupi është më tepër acidik, prandaj çelësi i suksesit drejt një shëndeti të mirë është një trup alkalin.
Danette May është një amerikane e cila i jep këshilla miliona njerëzve në botë se si të duken dhe ndihen mirë. Ajo është autore librash si dhe e shumë programesh online si psh “Forever Fit”. Ja çfarë thotë ajo për ujin me limon esëll në mëngjes.
“Limoni ju ndihmon të ekuilibroni nivelin e pehashit dhe largoni nga trupi të gjitha toksinat e një ditë më parë. Lëngu i limonit ju ndihmon tepër në alkalizimin e trupit. Përveç kësaj ai ju ndihmon të humbni kile, pasi limoni është tepër detoksifikues për mëlçinë dhe kjo e fundit është përgjegjëse për shkrirjen e yndyrës në trup. Nëse detoksifikoni mëlçinë, atëherë i jeni futur rrugës së përshpejtimit të metabolizmit dhe kjo do t’ju ndihmojë të bini nga pesha. Pini ujë me lëng limoni për 28 ditë dhe do të shihni ndryshime të habitshme në trupin tuaj.”
Dr. Isaac Eliaz jep 3 arsye si mund të kemi një trup më alkalin dhe të hidratuar.
“Gjëja më e rëndësishme për të ruajtur një mjedis alkalin është hidratimi, pasi nëse nuk jemi të hidratuar sa duhet ne nisim ta shndërrojmë trupin në mjedis acid. Tjetër gjë që mund të bëjmë është të hamë shëndetshëm perime dhe fibra. Kur hani mish të kuq ju prodhoni në organizëm acid organik. E treta është se duhet të hiqni dorë nga sheqeri i përpunuar, pasi sheqeri është armik i madh i shëndetit, ju në këtë mënyrë prodhoni acid laktik. Dieta e shëndetshme është ajo me bazë alkaline.”
Nëse pini ujë të ngrohtë me limon në darkë dhe në mëngjes ju alkalizoni shumë mirë trupin tuaj”.
Për një lëkurë të bukur
Uji esëll me limon ju ndihmon gjithashtu për të pasur një lëkurë të bukur pasi vitamin C lufton shenjat e moshës. Uji me limon largon toksinat nga gjaku dhe kjo gjë ndihmon në pastrimin e lëkurës.
Uji esëll në mëngjes hidraton sistemin limfatik dhe në këtë mënyrë e nisni ditën të hidratuar duke mos vuajtur nga kapsllëku dhe probleme të tjera.
Uji gjithashtu përgjigjet për ekuilibrin e lëngjeve në trup. Pirja e ujit me stomak bosh çdo ditë i bën mirë sistemit imunitar, duke bërë që ju të jeni më të fortë në luftimin e sëmundjeve. Sëmundjet lindin pikërisht kur bie sistemi imunitar ose kur organizmi juaj është tepër acidik.
Shumë sëmundje gjithashtu e kanë origjinën nga stomaku. Kur konsumoni ujë me stomak bosh ju nisni kështu rrugën e një stomaku të shëndetshëm. Ideja e pirjes së ujit me stomak bosh lindi në Japoni. Më shumë këshillohet uji i ngrohtë.
Temperaturat e ulëta nuk janë pengesa për shëtitjet gjatë dimrit me fëmijët tuaj. Gjyshet sigurisht nuk do të pajtoheshin në lidhje me këtë, por foshnjen duhet që çdo ditë ta ekspozoni në ajër të pastër. Me foshnjet që kanë lindur gjatë periudhës së dimrit duhet të jemi më të vëmendshëm dhe të prisni të mbushin muajt e parë që të fillojmë me shëtitjet. Kohëzgjatjen e shëtitjes duhet rritur gradualisht nga dita në ditë që të mësohet foshnja me ajrin e pastër. Temperaturat e ulëta nuk janë pengesa për shëtitjet, përderisa nuk ka rënie të temperaturës në -5 gradë Celsius. Të vetmet pengesa në dimër janë era, shiu apo bora me shi, si dhe mjegulla. Meqë dimrit paraditet janë më të ngrohta, mundohuni që ritmin e foshnjes ta sinkronizoni dhe të shëtitni çdo ditë paraditeve. Shëtitjet me prindërit apo edhe me gjyshërit, përmirësojnë në përgjithësi gjendjen e fëmijës, sepse ajri pastër ndikon në apetit, gjumë, disponim si dhe në rezistencën ndaj infeksioneve. Gjatë shëtitjes foshnja mëson tingujt, objektet, ambientin, njihet me botën e jashtme si dhe anasjelltas.
Si ta vishni beben në dimër?
Meqënëse tek vogëlushët deri në dy vjeç, trupi adaptohet me vështirësi me temperaturat e ulëta dhe mund të ftohet lehtë, duhet që t’i veshim mirë me rroba më të trasha. Kapelet, shalli dhe dorëzat janë pjesë të rëndësishme të veshjes gjatë dimrit, si dhe me rëndësi të veçantë janë çizmet të cilat duhet të jenë të përshtatshme për dimër, nëse foshnja juaj ka filluar të ecë. Nëse fëmija juaj ka filluar të ecë dhe të kënaqet në dëborë, në rastet nëse rrobat dhe çizmet i janë lagur atëherë duhet t’i ndërroni menjëherë. Fëmija sipas rregullit duhet veshur ashtu si vishen prindërit. Por, edhe nëse jashtë është vetëm pak freskët, foshnja duhet të mbajë kapele. Nëse temperatura është rreth zeros, veshët e foshnjes duhet të jenë të mbuluara me kapele, duart me dorëza dhe fyti me shall. Nëse fryn erë, me shallin e foshnjes duhet ti mbulohet edhe fytyra por jo edhe hunda. Gjithsesi, në periudhën e dimrit merrni me vete gjatë shëtitjes edhe mbrojtësen për karrocë, në rastet e ndërrimit të motit, mund ta mbroni foshnjen tuaj. Po ashtu, edhe nëse gjatë shëtitjes bëhet ngrohtë, mund ti hiqni ndonjë nga palët e rrobeve nga foshnja. Kur hyni në ndonjë ambient të ngrohtë, madje edhe për ca minuta, foshnjen duhet ta bëni të ndihet rehat. Duhet të keni kujdes që të mos e mbështjellni foshnjen së tepërmi, sepse mund të pësojë ndonjë sulm termik. Ekspertët pohojnë që mbështjellja e foshnjeve gjatë muajve të dimrit, kur gripi dhe infeksionet tjera respiratore janë më të përhapura, mund të shkaktojë sindromin e vdekjes së papritur të foshnjave (SIDS).
Sa kohë duhet kaluar jashtë në ajër të pastër gjatë dimrit?
Se sa kohë do të kaloni në ajër të pastër varet nga temperatura e jashtme. Nëse temperatura është e ulët, edhe nëse foshnja e mbështjellur mirë nuk do të duhej të qëndrojë gjatë jashtë. Nëse foshnja i ka duart e nxehta dhe po ndihet mirë, atëherë mund të qëndroni jashtë ende. Nëse duart e foshnjes janë të ftohta dhe ajo është e parehatshme, atëherë sigurisht është koha të hyni brenda (përveç në rastet kur mund të jetë edhe e uritur, e etur apo nëse e ka bërë nevojën) atëherë është koha t’i ktheheni ngrohtësisë së shtëpisë suaj. Nëse fillon të qajë, gjithsesi përfundojeni shëtitjen.
A i duhet mbrojtje e veçantë lëkurës së foshnjes gjatë dimrit?
Lëkura e foshnjes mund të bëhet e thatë dhe mund të pësojë ndryshime nga era. Për këtë përdorni ndonjë krem të posaçëm për lëkurën e foshnjave. Nëse jeni në pushime në vende ku ka shumë dëborë, fëmija do të duhej të përdorë syze mbrojtëse si dhe krem me faktorë të lartë mbrojtës. Për zgjedhjen dhe përdorimin e kremit konsultohuni me pediatrin tuaj sepse sikurse tek të rriturit edhe tek fëmijët lëkura e tyre ndryshon. Sapunet dhe kimikatet e thajnë lëkurën, për këtë në periudhën e dimrit duhet t’i përdorni me masë. Pas larjes mos e fërkoni lëkurën e foshnjes, vetëm thajeni me peshqir. Gjatë periudhës së dimrit është mirë që të keni lagështi në ajrin e dhomës së foshnjes, që t`ia lehtësoni frymëmarrjen.
Cilat rreziqe i kanosen foshnjes gjatë dimrit?
Duhet të merakoseni nëse hunda, veshët, faqet apo gishtërinjtë e foshnjes mbeten të ftohta dhe marrin ngjyrë blu-hiri. Kjo tregon morth dhe mund të shkaktojë lëndime serioze. Në këtë rast foshnja duhet ngrohur urgjentisht: ndoshta këtë mund ta bëni ju, zhvishni pallton tuaj dhe përqafojeni foshnjen që t`ia rritni temperaturën e trupit përmes temperaturës tuaj të trupit dhe sa më shpejt që mundeni shkoni tek mjeku. Nëse nuk keni mundësi që të vizitoni mjekun, mundohuni që ta ngrohni foshnjen në shtëpi, sepse mund të përkeqësohet situata. Vendin e ngrirë të trupit duhet ta ngrohni në ujë i cili është i ngrohtë pak mbi temperaturën normale të trupit, në asnjë mënyrë më shumë se 39 gradë Celsius (gjithsesi përdorni termometër!).
Sëmundjet e fëmijërisë
Ka kaq shumë sëmundje të fëmijërisë, infektive dhe jo infektive, sa do të ishte e pamundur për t’i listuar të gjitha këtu. Megjithatë, do t’ju prezantojmë disa nga më të zakonshmet, duke përfshirë infeksionet virale dhe bakteriale, si dhe sëmundjet alergjike dhe imunologjike.
1. Infeksionet e veshit
Infeksionet e veshit janë shumë të zakonshme tek fëmijët dhe shkaktohen nga një mosfunksionimi i tubave që lidhin veshin e brendshëm me fytin dhe që shërbejnë si një filtër për çdo lëng që mund të mblidhet atje. Kur lëngu mblidhet, ai tërheq bakteret dhe mikrobet e tjera, të cilët mund të shumohen dhe të shkaktojnë një infeksion simptomatik. Simptomat përfshijnë ethe, dhimbje veshi, vakuum në vesh, apo edhe kullim nga kanali i veshit. Trajtimi i infeksioneve të veshit mund të përfshijë vëzhgimin apo antibiotikët. Herë pas here, lëngu brenda veshit të mesëm mund të kenë nevojë të përthithet.
2. Skuqja e syve
Përskuqja e syve quhet ndryshe konjuktivit. Virusi është shkaku më i zakonshëm i përskuqjes së syve, por edhe infeksionet bakteriale mund ta shkaktojë atë me raste. Skuqja e syve është shumë ngjitëse dhe mund të përhapet nëpër shkolla dhe kopshte, me shpejtësi. Gjithmonë flisni me një profesionist të kujdesit shëndetësor për të përcaktuar nëse fëmija mund të ketë nevojë për një terapi shtesë, por shumica e rasteve zgjidhen brenda pesë ditëve.
3. Rotavirusi
Infeksioni rotavirus është përgjegjës serioz dhe vdekshmërinë tek fëmijët në vendet më pak të zhvilluara, ku qasja ndaj vaksinës rotavirus është e kufizuar. Infeksioni shkakton ethe, të vjella dhe diarre të rënda tek fëmijët. Kjo shpesh mund të sjellë probleme serioze me dehidratimin, sidomos tek fëmijët e vegjël dhe foshnjat. Para futjes së vaksinës në Shtetet e Bashkuara, infeksion rotavirus, ishte një shkak shumë i zakonshëm për t’u pranuar në spital. Studimet e tanishme tregojnë se virusi ka rezultuar deri në 95% më pak shtrime për shkak të infektimit rotavirus në spitale, si rezultat i vaksinimit.
4. Lia e dhenve
Lia e dhenve shkaktohet nga virusi i varicelës. Vaksinimi është rutinë në kohët e sotme dhe është e rrallë të shohësh një rast të rregullt të kësaj sëmundjeje tani. Para vaksinës, kjo sëmundje ishte një shkak shumë i zakonshëm i shtrimit në spital. Edhe pse infeksioni i lisë së dhenve është zakonisht një ngjarje beninje (por e pakëndshme) në jetën e një fëmije, ekziston një rrezik i madh i komplikimeve të rënda, duke përfshirë edhe infeksionet bakteriale të lëkurës, pneumoninë dhe sëmundje të tjera. Kjo është arsyeja që vaksinimi rekomandohet dhe duhet të jetë rutinë.
5. Fruthi
Virusi i rubeolës shkakton fruthin dhe ai dikur ishte një infeksion shumë i zakonshëm i fëmijërisë, para vaksinimit rutinë. Për fat të keq, për shkak të një norme në rritje të refuzimeve të vaksinimit nga prindërit, kanë filluar të vërehen shpërthime sporadike, tek këta grupe. Fruthi është një sëmundje akute virale që mund të sjellë komplikacione të rënda, madje edhe vdekjen dhe në përgjithësi fillon me simptoma jospecifike, të tilla si temperaturë të lartë, rrjedhje hundësh dhe kollë. Pas këtyre simptomave, pacientët shfaqin skuqje të lëkurës që përhapet nga fytyra tek këmbët. Simptomat zakonisht fillojnë një deri në dy javë pas ekspozimit dhe zgjasin më pak se një javë.
6. Shytat
Shytat përfaqësojnë një sëmundje virale që zakonisht fillon me simptoma të gripit dhe pastaj rezulton në ënjtje të dhimbshme akute të gjëndrave të pështymës (parotitit). Para vaksinimit rutinë, kjo ishte një sëmundje shumë e zakonshme. Simptomat zakonisht paraqiten më shumë se dy javë pas ekspozimit dhe sëmundja zgjat 7 deri në 10 ditë. Si shumë nga sëmundjet virale të fëmijërisë edhe pse shumica e infeksioneve janë të buta, ekziston një rrezik i vërtetë për komplikime, duke përfshirë meningjitin dhe vdekjen.
7. Rubeola
Rubeola, e njohur gjithashtu si fruthi gjerman, shkakton sëmundje të lehta në shumicën e individëve. Ky nuk është rasti, për gratë shtatzëna të pavaksinuara. Virusi mund të shkaktojë defekte serioze dhe fatale të lindjes tek fetusi. Vaksinimi është rutinë dhe ka rezultuar në një rënie të madhe së përhapjes së kësaj sëmundjeje. Virusi fillon si ethe dhe skuqje e lëkurës dhe në shumicën e rasteve, largohet pas dy deri tre ditësh.
8. Meningjiti
Meningjiti është një inflamacion i indeve që rrethojnë trurin dhe palcën kurrizore (meninges). Viruset ose bakteret mund të shkaktojnë meningjit. Simptomat përfshijnë dhimbje koke, ngrirje qafe, ethe dhe gjendja të keqe shëndetësore në përgjithësi. Vaksinimi rutinë ka zvogëluar shpeshtinë e prekshmërisë të shumë shkaqeve bakteriale, megjithatë, shkaqet virale janë ende të zakonshme. Meningjiti bakterial mund të sjellë pasoja të rënda, duke përfshirë humbje të përhershme të dëgjimit, dëmtime të trurit, madje edhe vdekje.
9. Ethet e purpurta
Një infeksion streptokoku shkakton ethet e purpurta, që mund të shfaqen pas infeksionit në fyt. Ky është një infeksion i zakonshëm dhe fillon me ethe dhe ndoshta dhimbje fyti, i ndjekur nga një skuqje e lëkurës, që fillon në gjoks dhe përhapet në pjesët e tjera të trupit. Antibiotikët këshillohen për të zhdukur bakteret dhe për të parandaluar ethet reumatike dhe sëmundjet reumatike të zemrës.
10. Gripi
Gripi zakonisht shfaqet gjatë muajve të dimrit dhe shkakton temperaturë të lartë, të dridhura, dhimbje të trupit dhe simptoma të tjera. Ai zakonisht largohet vetë, por tek disa, kjo mund të rezultojë në komplikacione të rënda duke përfshirë edhe pneumoninë.
11. Alergjitë sezonale
Alergjitë sezonale janë fatkeqësi e shumë fëmijëve dhe të rriturve. Sekrecionet e hundëve, teshtitjet, sytë e fryrë janë të gjitha simptoma të zakonshme të alergjive. Për fat të keq, nuk ka shërim për këto, megjithatë, ka mjekime që mund të merren për të pakësuar simptomat. Antihistaminantët janë në dispozicion edhe si recetë edhe si përgatitje mjekësore pa recetë dhe mund të merren me rrugë orale apo të përdoren si spruco për hundët dhe madje edhe si pika në sy. Qëllimi është të zvogëlohet ashpërsia e simptomave.
12. Astma
Astma relativisht është sëmundje e fëmijërisë. Prindërit duhet të dinë se nuk bëhet fjalë për ndonjë sëmundje fatale dhe nëse shërohet në mënyrë adekuate, rezultati është i mirë. Përvoja tregon se shumë prindër, duke mos dashur ta pranojnë diagnozën dhe terapinë bashkëkohore të astmës, drejtohen në veprime të ndryshme alternative, të cilat ndonjëherë edhe mund ta dëmtojnë fëmijën. Shpeshherë simptomat e astmës nuk vërehen as nga prindërit, e ndonjëherë as edhe nga mjekët.
13. Temperatura e lartë
Temperatura e lartë është simptomë e shpeshtë në fëmijëri, e cila te prindër pa kulturë mjekësore dhe pa eksperiencë të mjaftueshme shpesh shkakton stres dhe panik. Temperatura trupore normale është 37 0C.
14. Ftohja
Kjo është sëmundja më e shpeshtë për shkak të cilës fëmijët dërgohen tek mjeku. Mesatarisht gjatë vitit fëmijët ftohen mes 6-8 herë. Numri më i madh i ftohjeve janë të shkaktuara nga viruset të quajtura rinoviruse (në greqisht rino do të thotë hundë). Rënia e imunitetit manifestohet si dhembje fyti, kokëdhembje dhe pengesë në frymëmarrjen përmes hundës. Përkundrejt besimeve të përhapura se do të ftoheni nëse nuk visheni mirë, nëse fleni apo rrini në rrymë ere ose dilni jashtë me flokë të lagura, kjo nuk është e vërtetuar. Së pari shfaqet ndjenjë gërvishtjeje në fyt dhe rrjedhje hundësh ose hundë të zëna dhe teshtitje. Përveç kësaj fëmijët mund të ankohen në dhembje fyti, kollitje, kokëdhembje, temperaturë mesatarisht të lartë, plogështi, dhembje muskujsh dhe humbje oreksi. Ftohja është ngjitëse në 2-4 ditët e para pasi që shfaqen simptomat. Fëmija juaj mund të sëmuret ashtu që do të thith pjesëza të virusit që përhapen në ajër përmes teshtitjes dhe kollitjes të fëmijëve tjerë ose me kontakt direkt. Fëmija juaj do të sëmuret nëse e prek gojën ose hundën, pasi që paraprakisht ka prekur ndonjë sipërfaqe të kontaminuar me rinoviruse.
15. Urinim i pavullnetshëm natën
Me termin “urinim natën”, emërtohet urinimi i pavullnetshëm gjatë të fjeturit. Duhet të dallohet nga urinimi ditën, kur urinimi i pavullnetshëm ndodh gjatë ditës. Urinimi natën haset shpesh tek fëmijët. Llogaritet si problem, nëse paraqitet te fëmijë meshkuj më të mëdhenj se 6 vjet dhe te vajza më të mëdha se 5 vjet. Urinimi i pavullnetshëm natën është frustruese edhe për fëmijën edhe për prindërit, duke shkaktuar ndjenjë të nënçmimit te fëmija. Asnjëherë nuk duhet të hidhërohemi e as të dënojmë fëmijë që urinon natën, pasi që ai këtë nuk e bën me vullnet. Sipas një teorie është prezent çrregullim i gjumit dhe i qendrës për zgjim në trurin e madh. Këta fëmijë flenë shumë fortë dhe nuk zgjohen kur do të fitojnë shtytje për urinim. Sipas një teorie tjetër bëhet fjalë për çrregullim / mungesë e hormonit të hipofizës, i cili normal tajitet gjatë natës dhe shpie deri tek krijimi i një sasie më të vogël të urinës gjatë natës./CRI
Çfarë është zbokthi?
Zbokthi shkaktohet nga një parazit, që është një kërpudhë lëkure e quajtur Malassezia globosa. Pjesa më e madhe e të rriturve e kanë këtë kërpudhë në lëkurë. Kur kjo kërpudhë ndodhet në sasi të mëdha ose kur njeriu është tepër i ndjeshëm ndaj saj lëkura kundërvepron duke krijuar zbokth në skalpin e kokës.
Kur ulet sasia kësaj kërpudhe në lëkurë pushon edhe krijimi i zbokthit.
Ndonjëherë zbokthi shoqërohet me krruajtje.
Njerëzit që kanë zbokth kanë edhe ekzemë zbokthi më tepër se të tjerët.
Zbokthi nuk ngjitet. Është e vështirë ta heqësh fare atë, por mund të mbahet nën kontroll duke përdorur trajtimin e duhur.
Zbokthi shkaktohet nga dieta e varfër, higjena jo e lartë, faktori gjenetik, çekuilibri hormonal dhe infeksione të tjera. Përdorimi i tepërt i produkteve të bukurisë si shkuma, xhel, etj, po ashtu dhe stresi dhe ankthi mund të shkaktojnë shtim të zbokthit.
Disa këshilla për të luftuar zbokthin:
Mos e hidh shampon drejtpërdrejtë tek flokët por më pare në pëllëmbën e dorës.
Hani mire dhe shmangni stresin, po ashtu dhe një gjumë të rregullt, pasi pagjumësia dhe stresi shtojnë zbokthin.
Si ndihmon limoni?
Lëngu i limonit përmban acid citrik, pastrues efektiv natyral që heq yndyrën e tepërt në scalp dhe largon pjesërisht zbokthin. Lëngu i limonit rregullon gjithashtu nivelet e pehashit në lëkurën e kokës.
Lëngu I limonit përmabn gjithashtu vitamin C dhe flavonoide, veti këto antioksidative, antiobiotik dhe kundër kërpudhave, që reduktojnë zbokthin.
Zbokthi gjithashtu ka lidhje dhe me mungesën e zinkut në organizëm, prandaj konsideroni konsumin e më shumë ushqimeve që përmbajnë zink. Rënia e flokëve gjithashtu lidhet edhe me mungesën e zinkut. Nëse po mbani dietë dhe vini re një rënie të theksuar floku këshillohet marrja e zinkut në formë suplementi.
Mjekësi e lashtë rekomadnon ujin e orizit dhe lëngun e limonit për trajtimin e zbokthit. Sipas studimeve, efektiviteti I lëngut të limonit është 70-75% në trajtimin e zbokthit.
Flokë me zbokth? Shampot herë funksionojnë e herë jo?
E keni vetë në dorë zgjidhjen 100% të këtij problemi nëpërmjet trajtimeve natyrale në kushtet e shtëpisë. Ja disa prej tyre.
Trajtimi numër 1- Uthulla
Pasi t’i keni larë flokët, masazhoni butësisht skalpin me uthull molle dhe më pas shplajeni me ujë të ngrohtë. Bëjeni këtë për 2 javë.
Trajtimi numër 2- Veza
Në një tas rrihni dy vezë me 3 lugë ujë.
Përpara se ta aplikoni këtë maskë sigurohuni që floku të jetë i lagur.
Nisni me skalpin duke kaluar më pas në gjatësinë e flokut.
Lëreni për disa minuta
Përsëriteni këtë maskë çdo ditë për dy javë me radhë.
Trajtimi numër 3-Limoni
Në një tas, përzjeni 2 lugë gjelle uthull me dy lugë lëng limoni të freskët (mos përdorni asgjë që nuk është natyrale).
Aplikojeni këtë tretësirë në skalp. Uthulla, sidomos ajo e mollës ka veti kuruese ndaj zbokthit.
Lajini flokët me shampon tuaj dhe thajini. Përsëriteni këtë metodë për të paktën 3 javë.
Trajtimi numër 4- Kosi
Ju duhen:
1 gotë kos
1 lugë lëng limoni
Ujë i ngrohtë
Përgatitja
1. Përzieni kosin me një lugë lëng limoni
2. Masazhoni kokën me të për 15 minuta.
3. Lajini flokët me ujë të ngrohtë
Ky trajtim nuk largon vetëm zbokthin, por ndihmon edhe për trashjen dhe shkëlqimin e flokut
Trajtimi numër 5-Soda e bukës
Ju nevojiten
2 lugë sodë dhe ujë
Përzieni sodën e bukës me pak ujë derisa të krijohet një pastë e njëtrajtshme, aplikojeni në flokë të lagur dhe lëreni për rreth 10 minuta.
Shplajini flokët me ujë. Përsëriteni këtë maskë 2-3 herë në javë derisa ta shihni që zbokthi është larguar plotësisht.
Aromaterapia është pjesë e mjekësisë alternative, e cila përdor vajra esencialë dhe përbërës të bimëve aromatike, të gjitha këto të vlefshme për përmirësimin e shëndetit dhe humorit. Studimet kanë treguar se aromaterapia ju bën të ndiheni më mirë. Ajo ka mijëra vite që përdoret si terapi alternative me vajra masazhues të cilët përthithen nga lëkura.
Teoria që qëndron prapa aromaterapisë ka të bëjë me faktin se vajrat esenciale stimulojnë atë pjesë të trurit që lidhet me nuhatjen-; sinjali dërgohet në sistemin limbik të trurit që kontrollon emocionet. Në këtë moment çlirohen përbërje kimike që ju relaksojnë dhe qetësojnë. Nëse aromaterapia kombinohet me masazhin, efekti i relaksimit do të jetë edhe më i lartë.
Vajrat esenciale kanë efekte të drejtpërdrejta në trup. Aromaterapistët pranojnë se ekziston një sinergji ndërmjet trupit dhe vajrave aromatikë.
Vajrat e përftuara nga bimë të ndryshme, kanë dhënë rezultate të mira në kurimin e disa sëmundjeve, pasi janë të pasur me shumë lëndë ushqyese dhe kuruese.
Aromaterapia është një ndër praktikat më të popullarizuara të mjekësisë tradicionale kineze dhe është e pranishme në shumë kultura. Dhjetë vitet e fundit, kur njeriu i është kthyer natyrës, ajo është riaktivizuar. Aromaterapia është formë e mbajtjes së mirë fizike dhe psikike, zbut dhembjet, jep bukuri, etj. Aromaterapia i jep njeriut mundësi që në mënyrë të natyrshme të shfrytëzojë ekstraktet e bimëve. Për shembull, nëpërmjet masazhit me vajra të ndryshëm, ruhet baraspesha psiko-fizike, rritet sistemi i imunologjisë, trupi çlirohet nga ngarkesat si dhe qetësohet nga emocionet.
Këto vajra kanë efekt kurues dhe bëhen edhe kombinime: për relaks, freski, tonifikim, shërim të plagëve, bukuri lëkure, hidratim, smaliatura etj.
Aromaterapia përdoret pothuajse në të gjitha vendet që nga Franca, Britania, SHBA-ja dhe Kandaja.
Vajrat kryesisht përdoren për masazh, banjat dhe për kujdesin ndaj lëkurës.
Aromaterapia përdoret për trajtimin e
■Ankthit
■Stresit
■Pagjumësisë
■Dhimbjes muskulare
■Dhimbjeve të trupit dhe të kokës
■Problemeve me qarkullimin
■Problemeve me tretjen
■Problemeve menstruale dhe me menopauzën
■Depresionin
Nga një studim i kryer ke dhjetëra gra me depresion ka rezultuar se aromaterapia i ka bërë të ndihen më mirë.
Produktet më të famshme që prëdoren në aromaterapi janë:
■Borziloku – Borziloku përdoret për të rritur përqendrimin dhe reduktuar simptomat e depresionit. Borziloku është dhe një bimë që përdoret për çlirimin e dhimbjes së kokës dhe migrenës. Megjithatë, duhet të evitohet gjatë shtatzënisë.
■Bergamot – mendohet se është e vlefshme për traktin urinar dhe atë diegjestiv. Kur kombinohet me vajin eucalyptus bën mirë për lëkurën, të gjitha problemet e lëkurës të shkaktuara nga stresi, etj.
■Piper i zi – kjo erëz përdoret kryesisht për stimulimin e qarkullimit, dhimbjet muskulare etj.
■Vaj karafili – ky është një nga analgjezikët natyror më të efektshëm, përdoret kryesisht për dhimbjet e dhëmbit. Vaji i karafilit përdoret gjithashtu për parandalimin të vjellave po ashtu edhe të gazrave.
■Vaj trumze – ndihmën kundër nervozizmit dhe stresit.
Kur shkoni tek një aromaterapist, pyetja e parë që ai do t’ju pyesë do jetë në lidhje me shëndetin tuaj në vite, me mënyrën e jetesës dhe dietën.
Aromaterapia është një praktikë holistike, ku trajtohet i gjithë trupi fizikisht dhe mendërisht.
Më pas aromaterapisti do të gjykojë në lidhje me vajrat që do të përdorë në varësi të problemeve të pacientëve. Gjithashtu kur shkoni për aromaterapi dhe keni alergji nga arrat apo ndonjë ushqim tjetër mirë është ta sinjalizoni terapistin që të evitojë vajrat me këto përmbajtje.
Sesioni i parë i aromaterapisë zakonisht zgjat më shumë se të tjerat- rreth 2 orë.
Duhet që të keni kujdes nga aromaterapia nëse:
■Vuani nga ndonjë alergji
■Vuani nga astma
■Nëse keni probleme me lëkurën si ekzemë apo psoriazë
Evitojeni aromaterapinë në rast se ：
■Vuani nga epilepsia
■Vuani nga tensioni i lartë i gjakut
■Ushqeni fëmijën me gji
■Nëse jeni shtatzënë
Aromaterapia ka disa efekte anësore, ku bëjnë pjesë alergjitë e ndryshme dhe të përzierat.
Ka disa vajra esencialë që kur aplikohen e bëjnë lëkurën tejet të ndjeshme ndaj rrezeve ultravjollcë, duke krijuar djegie ndaj diellit.
Hedhja e kupave është një formë e mjekësisë alternative, ku kupat vendosen mbi lëkurë. Këto kupa me origjinë nga Lindja e Largët kanë mbi 5000 vjet që përdoren, por kohët e fundit kanë nisur të preferohen edhe nga vipat.
Kjo metodë përdoret prej mijëra vitesh për të përfiutar efekte kuruese për të gjithë ata që kanë probleme me ftohjen apo dhe me shqetësime të tjera. Kupat i gjejmë në materiale të ndryshme.
• Kupa prej qelqi
• Kupa prej bambuje etj,
Mbështetësit e kësaj terapie besojnë se hedhja e kupave mobilizon qarkullimin e gjakut.
Nga shumë studime të përbashkëta australiano-kineze, në vitin 2012 rezultoi se hedhja e kupave, nëse kombinohet me trajtime të tjera të duhura ndihmon në shërimin e:
-Akneve
-Paralizave faciale
-Spondiliartrozës
Po ashtu kupat heqin të ftohtin dhe largojnë toksinat nga trupi.
Kupat e qelqit ku brenda ndodhen fitila me substanca bimore ngrohen dhe vendosen mbi shpatullat e të sëmurit.
Lihen disa minuta derisa krijojnë vakum, i cili shkakton fryrje dhe skuqeje të lëkurës për shkak të zgjerimit të enëve të gjakut. Zakonisht kupa lihet nga 5-10 minuta.
Përfitimet e hedhjes së kupave
Shoqata Britanike e Hedhjes së Kupave bën të ditur se kjo terapi mund të trajtojë një serë problemesh në organizëm si:
Aneminë
Sëmundjet reumatizmale si artriti
Çrregullimet gjinekologjike
Problemet me lëkurën si ekzemë dhe akne
Hipertensionin
Migrenën
Ankthin dhe depresionin
Mbështetësit e kësaj terapie besojnë se hedhja e kupave mund të reduktojë dhimbjen në trup. Po ashtu kjo metodë mund të nxisë relaksimin fizik dhe mendor si dhe ndjenjën e mirëqënies.
Po cilat janë përfitimet nga hedhja e kupave?
Hedhja e kupave, e cila është edhe pjesë e mjekësisë orientale ofron një eksperiencë shëruese dhe të këndshme.
Hedhja e kupave është një metodë e kundërt me masazhin, në vend që të ushtrohet presion mbi muskujt, përdoret metoda për tërheqjen e tyre lart. Për shumë pacientë, kjo është shumë relaksuese me një ndjenjë çlirimi.
Zakonisht, gjatë trajtimit hedhja e kupave kombinohet me akupunkturën, por mund të përdoret dhe veçmas. Hedhja e kupave çliron muskujt dhe nxit qarkullimin e gjakut. Kjo metodë përdoret për çlirimin e dhimbjeve të qafës dhe shpinës, muskujt e tensionuar, ankthin, madje dhe celulitin. Hedhja e kupave për të rënë nga pesha dhe trajtimi kundër celulitit bëhet duke aplikuar më parë vajin në lëkurë, dhe më pas punohet me kupat në pjesët përkatëse.
Toksinat çlirohen, pastrohen bllokimet, dhe venat e arteriet pastrohen me këtë metodë. Në fakt kupat mund të hidhen edhe në duar, kyçe, e këmbë në raste të veçanta.
Ky trajtim është i vlefshëm po ashtu edhe për mushkritë, dhe mund të luajë rol pozitiv në trajtimin e astmës. Faktikisht, problemet me frymëmarrjen janë problemet që kupat i zgjidhin mirë. Tremijë vjet më parë, në librat e lashtë kinezë rekomandohej që kjo metodë të përdoret për trajtimin e tuberkulozit pulmonar (të mushkrive).
Nëse dikush ka stres, ose ka probleme me supet, shpinën etj., energjia në trupin e tyre mund të jetë e bllokuar,’ shpjegon Ian Stones, anëtar i Këshillit Britanik të Akupunkturës, që praktikon hedhjen e kupave prej 6 vitesh.
Ai shprehet se praktikuesit kanë pranuar se kjo metodë largon dhimbjen e muskujve, zhduk celulitin dhe madje edhe depresionin.
Hedhja e kupave do t’ju lehtësojë pa masë, thotë ai, duke shtuar se pas trajtimit do të keni disa shenja në trup që janë të përkohshme dhe se nuk duhet të alarmoheni.
Specialisti i hedhjes së kupave Saud Hadi thotë: ‘Ekzistojnë një numër pikash në çdo anë të shtyllës kurrizore që korrespondojnë me organet përkatëse.
Ai shton se megjithëse hedhja e kupave është totalisht një praktikë e sigurt, nuk do t’ja këshillonte grave shtatzëna.
Në Kinë, hedhja e kupave është pjesë integrale e mjekësisë dhe praktikohet në spital për një sërë problemesh.