Browsing: Besimi

Vendosja e Spitalit Amerikan në oborrin e Qendrës Klinike Universitare të Kosovës nuk është rastësi. Ky lokacion, i kontestuar, është zgjedhur me shumë kujdes nga drejtuesit e këtij institucioni privat shëndetësor.
Ky veprim, po vlerësohet i kundërligjshëm nga deputetët e Kuvendit të Kosovës pasi nuk është respektuar ligji, i cili e përcakton largësinë mes institucioneve shëndetësore publike dhe atyre private.
Por siç merret vesh institucionet shtetërore janë duke bërë ndryshimin e ligjit që do t’ia bëjë legjitime këtë shkelje spitalit Amerikan.
Spitali Amerikan për të joshur më lehtë pacientët po i shfrytëzon hapësirat e spitaleve publike në katër qendra të tilla.
Dy spitale të tilla përveç Prishtinës janë ndërtuar edhe në Tiranë, një në qytetin e Fierit e një në Durrës.
Gazeta Fjala ka arritur që ti sigurojë vendndodhjet e këtyre objekteve.
Në Tiranë, Spitali Amerikan është i ndërtuar afër atij shtetëror Ushtarak, që gjendet në rrugën ‘Azem Galica’ e që ka largësi jo më shumë se 500 metra nga Spitali Ushtarak i Tiranës.

Rast i ngjashëm është edhe ai në Durrës e në qytetin e Fierit ku edhe aty Spitali Amerikan është i ndërtuar në qendër të qytetit afër spitaleve të tjera shtetërore.

Të gjitha këto janë ndërtuar para atij në Prishtinë.
Ky i fundit ka afro dy muaj që ka hapur dyert për pacient hiç më larg se 500 metra nga Qendra Klinike Universitare e Kosovës.

Zëdhënësi i këtij spitali, Redian Mjeshtri, ka thënë për Gazetën Fjala se ndërtimi i këtij spitali në këto qendra nuk bie ndesh me Ligjin.
“Spitali Amerikan është i ndërtuar në të gjitha degët e tij si në Shqipëri ashtu dhe në Kosovë, konform ligjeve të Republikave përkatëse”, ka thënë Mjeshtri për Gazetën Fjala.
Lidhur me këtë ka reaguar edhe deputetja e AAK-së, Time Kadrija.
Ajo është shprehur se ndërtimi i këtij spitali afër QKUK-së e dëmton imazhin e spitalit publik në Kosovë.
“Ne jemi për ata që sistemi privat të funksionalizohet në Kosovë, por jo duke e dëmtuar atë publik”, ka thënë Kadrija.
“QKUK-ja ka probleme me hapësirat pronësore gjë të cilën e ka kërkuar edhe drejtori i Qendrës Klinike Universitare të Kosovës që të hetohet prona në të cilën është i ndërtuar spitali Amerikan, e dokumentet kadastrave të pronës së QKUK-së ende nuk janë bërë të ditura”, ka shtuar ajo.
Kadrija ka bërë të ditur se më shumë se gjysma e stafit të spitaleve publike në Kosovë punojnë me kontrata të dyfishta në dy vende të punës.
“Një pjesë e stafit shëndetësor të QKUK-së punojnë edhe në këto spitale private. Pacientët në këtë mënyrë po mendojnë që klinikat e tilla me emra të mëdhenjtë të shteteve më të mëdha do të kenë shërbime ndryshe, kur në fakt doktori i njëjtë punon edhe në këto spitale edhe në QKUK”, ka thënë më tej deputetja e AAK-së, Time Kadrija.
E sipas Ligjit të Republikës së Kosovës ndërtimi i Spitalit Amerikan në Prishtinë, afër QKUK-së bie ndesh me kontratën e miratuar nga Kuvendi Komunal i Prishtinës i cili në vitin 2005 kishte dhënë lejen për ndërtimin e një spitali kardiokirurgjik në Kosovë.
Po ashtu me ndërtimin e këtij spitali në Prishtinë është shkelur edhe ligji për shëndetësi i cili ndalon ndërtimin e spitaleve të përgjithshme private në afërsi të spitaleve publike deri në 1.5 km. Kjo nuk po zbatohet pasi që objekti i ri i Spitalit Amerikan është në distancë më të vogël se distanca minimale e caktuar me ligj.
Ndërkaq Ministria e Shëndetësisë ka theksuar se nuk ka ndonjë vendim për ndërtimin e ndonjë spitali afër Qendrës Klinike Universitare të Kosovës./GazetaFjala/

Me një dietë të rregullt dhe stërvitje, efekti është edhe më i mirë, por edhe me anë të kësaj mbështjelljeje efikase do të keni rezultat…
Dëshironi që trupi juaj të shtrëngohet dhe të krijoni linja perfekte? Provoni me anë të recetës së mbështjelljes me xhenxhefil. Konsumimi i xhenxhefilit përshpejton metabolizmin, dhe si rezultat i kësaj ju humbisni peshë. Gjithashtu, efekt të ngjashëm kanë edhe kompresat apo mbështjellëset e trupit me përbërjen e xhenxhefilit. Mësoni si ta bëni këtë dhe mënyrat e përdorimit të saj.
Çka nevojitet:
Një lugë gjelle xhenxhefil pluhur (ose i freskët por i grimcuar), dy lugë losion trupi, folie plastike, peshqir, fashë elastike.
Si ta përgatitni:
Lagni peshqirin në ujë të nxehtë dhe vendoseni në pjesën e trupit që ju dëshironi të veni kompresën apo mbështjellësen me xhenxhefil. Lëreni të veprojë për disa minuta deri sa të hapen poret nga nxehtësia. Nëse është e nevojshme, përsëritni këtë hap edhe njëherë.Përzieni xhenxhefilin dhe losionin e trupit dhe aplikoni një shtresë të trashë të kësaj përzierje. Më pas, mbështjelleni disa herë me folje plastike apo transparente. Mbi foljen vendosni fashën elastike.
Mos e teproni shumë duke e shtrënguar me fashë, qëllimi është të ndiheni sa më rehat.Lëreni që kjo të veprojë së paku katër orë, dhe nëse nuk e keni problem edhe gjatë tërë natës. Në fillim ju mund të keni ndjesinë e djegies. Mos u shqetësoni, ky është rezultat i funskionimit të maskës.
Kjo maskë është e mirë sepse xhenxhefili redukton dhjamin e akumuluar në trup. Mirëpo, mbani mend se rezultatet janë edhe më efektive nëse ju jeni këmbëngulës, ushqeheni shëndetshëm dhe ushtroni rregullisht. Gjithashtu, shtimi i xhenxhefilit në dietën e përditshme rrit funksionin e kësaj maske që të humbni më shumë centimetra në bel.
Shënim: Mbani në mend se rezultatet ndryshojnë nga personi në person. Centimetrat që ju humbni varen nga metabolizmi juaj, niveli i aktivitetit si dhe mënyra e ushqyerjes./femra

Disa mjekë nga hapësira të ndryshme globale kanë përgatitur një ilaç shumë interesant, e kjo recetë ka të bëjë me faktin se si të përdoret, e fjala është për qepën e kuqe.
Sipas sugjerimeve të këtyre mjekëve, në fillim duhet ta preni qepën e kuqe dhe ta shtypni në mënyrë që prej saj të rrjedhë lëngu dhe me këtë lëng të fituar, me lëvizje të buta, t’i bëni masazh gjëndrave tiroide.
Këtë ta aplikoni pak para gjumit, të shkoni me qafën e lyer me këtë lëng në gjumë.
Në këtë mënyrë, lëngu i shëndetshëm i qepës së kuqe do të veprojë në qetësi gjatë natës. Më pas, lëvoret e qepës i vendosini në çorapë dhe flini. Qepa e kuqe njihet edhe për faktin se e pastron lëkurën, vret bakteret dhe pastron gjakun.
Në këtë mënyrë, më së miri i ndihmoni gjëndrave tiroide dhe funksionimit më të mirë të organizmit në përgjithësi.

Ushqimet e pasura me minerale, antioksidantë dhe vitamina reduktojnë rrezikun nga inflamacionet dhe dëmtimet e qelizave dhe kështu mbrojnë nga gripi dhe ftohja.Zgjidhja e mirë e ushqimeve të shëndetshme do t’ju ndihmojnë të mbijetoni sezonin e vjeshtës dhe dimrit pa gjurmë të gripit ose ftohjes, pohojnë shkencëtarët.
Kështu peshku më i yndyrshëm, si salmoni, tuna dhe skumbri duke iu falënderuar acideve yndyrore omega 3 ndihmon të reduktohet rreziku nga inflamacionet e dëmshme në trup. Njerëzit që hanë peshk rregullisht ose marrin shtesa të acideve yndyrore omega 3 sëmuren dukshëm më rrallë nga ftohja dhe gripi i zakonshëm, dhe po ashtu ndiejnë më pak stres, i cili redukton imunitetin, ka zbuluar studimi Universitetit Maryland.
HudhraNgrënia e rregullt e këtij antibiotiku natyral ka përgjysmuar probabilitetin e sëmurjes nga gripi, ndërsa përveç kësaj mbron organizmin edhe nga proceset tjera inflamatore të cilat mund të shndërrohen në sëmundje kronike, ka treguar studimi amerikan në më shumë se 10.000 njerëz. Zgjidhja më e mirë është hudhra e freskët, sepse me zierje humbin antioksidantët në të.
ÇajiTë gjithë llojet e çajit përmbajnë antioksidante të njohura si katehine, të cilat kanë veçoritë mbrojtëse dhe mbrojnë organizmin nga sëmundjet. Sipas një studimi japonez, njerëzit që çdo ditë pinë çaj kanë trefish më pak mundësi për t’u sëmurë nga gripi, por po ashtu edhe rrezik më të vogël për të krijuar kancer ose sëmundje të zemrës.
FeferonatSikurse citrusi, specat djegës janë të pasur me vitaminë C, e cila ndihmon në luftën me bakteret dhe viruset. Një spec i vogël përmban rreth 150 mg vitaminë C, derisa një portokall përmban rreth 100 mg të kësaj vitamine. Përveç kësaj, kapsaicina e cila është përbërës aktiv i specave djegës pastron rrugët e frymëmarrjes dhe lehtëson zhbllokimin e sinuseve, shpjegojnë mjekët.
KërpudhatJanë të pasura me antioksidate, kalium, vitaminë B dhe fibra, ndërsa është dëshmuar se si kërpudhat kanë veçori kundërinflamatore. Meqenëse vjeshta është periudhë në të cilën rriten, ngrënia e tyre rrit imunitetin në punë dhe absorbimin më të mirë të vitaminave të tjera, pohojnë shkencëtarët japonezë.
Gjeldeti/quran ose pulëProteinat që gjenden në mishin e brishtë të bardhë, si gjeldeti, janë karburant i domosdoshëm për ndërtimin e antitrupave me të cilat organizmi lufton kundër baktereve dhe viruseve. Për këtë arsye mishi i bardhë është zgjidhje e shkëlqyeshëm në ditët e ftohta të vjeshtës, shpjegojnë mjekët.
BoronicatKy fryt përmban më shumë antioksidantë aktiv se cilido fryt tjetër i freskët dhe për këtë arsye është ndër aleatët më të mirë të imunitetit të fortë, ka treguar studimi i Universiteti Cornell. Nëse nuk mund t’i gjeni të freskëta, hani ato të ngrira ose të thata, sepse po ashtu përmbajnë sasi të mëdha të vitaminave.
Arrat brazilianePërveç që janë të pasura me proteina dhe yndyra të shëndetshme, këto bimë të shëndetshme përmbajnë edhe sasi të mëdha të selenit. Ky mineral në veçanti e ndihmon trupin në mbrojte nga viruset e gripit, ndërsa për mbrojtje është e nevojshme të hahen dy deri tri arra braziliane në ditë. Në sasi të mëdha, për shkak të acidit fitik që e përmbajnë mund të pengojnë absorbimin e mineraleve e tjera dhe hekurit.
Karotat dhe patatetBeta karroteni në karotë dhe patate është i domosdoshëm për trupin, sepse ndihmon konvertimin e vitaminës A në trup, e cila është kyç për mbajtjen e sistemit të shëndetshëm të imunitetit. Veçanërisht është mirë të konsumohen sasi më të mëdha të beta karotenit nëse i kemi të infektuara mukozën e fytit dhe hundës sepse ndihmon në shërimin më të shpejtë dhe sekretimin më të vogël të mukozës.
Farat e lulediellitFarat e lulediellit janë një nga burimet më të mira natyrale të vitaminës E, antioksidanëve që mbrojnë muret qelizore nga dëmtimet. Zgjidhja më e shëndetshme janë farat që janë të pjekura thatë, por jo në vaj. Përveç kësaj, njerëzit që rregullisht hanë fara të lulediellit kanë kapacitet më të madh të mushkërive dhe prodhojnë më pak mukozë, ka treguar studimi skocez.
KopraBima kopra në mënyrë natyrale nxit kollitjen dhe redukton edhe kollën më këmbëngulëse, pohojnë shkencëtarët. Mund të hahet e thatë ose e pjekur, por më e dobishme është nëse pihet si çaj i përgatitur nga farat e koprës.
Jogurti dhe kefiriBakteret që gjenden në jogurt dhe kefir janë aleatë të mikroflorës së shëndetshme, e cila është e domosdoshme për imunitet të mirë dhe mbrojtjen nga sëmundjet. Përveç kësaj, konsumi i përditshëm i probiotikëve redukton rrezikun nga infeksionet e sistemit të sipërm të frymëmarrjes.
GuaskatZinku, minerali esencial i cili në sasi të mëdha gjendet në guaska ka efekt të fortë në parandalimin e ftohjes. Përveç që forcon imunitetin, marrja e shtesave të zinkut shkurton kohëzgjatjen e sëmundjes dhe redukton simptomat e saj, ka zbuluar studimi i revistës mjekësore kanadeze. Megjithatë, shtesat e zinkut mund të shkaktojnë efekte anësore si të përziera dhe dhimbjen e kokës, prandaj është shumë më mirë të merret në formën e tij natyrale, në frutat e detit, bizele, drithëra dhe frutat arrore.
Farat e anisitVeçoritë shëruese të anisit ((Pimpinella anisum L)) i ka njohur edhe “babai” i mjekësisë, Hipokrati, ndërsa Shoqëria Amerikane e Farmacistëve ka zbuluar që anisi lehtëson simptomat e kollës dhe ndihmon pastrimin e rrugëve të frymëmarrjes. Mënyra më e mirë e konsumit është ngrënia e farave të thata, por efikas është edhe çaji nga anisi i cili mund të ketë shije më mirë me kanellë dhe mjaltë./sb

Si duhet të mbrohemi dhe t’i trajtojmë problemet e frymëmarrjes
Ulja e ndjeshme e temperaturave gjatë stinës së vjeshtës dhe dimrit shton rrezikun për t’u prekur nga sëmundjet e organeve të frymëmarrjes. Këto të fundit, përfshijnë disa probleme shëndetësore, duke filluar që nga gripi, ftohja, kolla, e deri tek bronkitet. Të gjitha këto sëmundje që prekin shpesh pothuajse çdo grup moshë gjatë sezonit vjeshtë-dimër nuk kalohen lehtë aq më tepër nëse nuk trajtohen në kohën dhe mënyrën e duhur. Madje në disa raste ndodh që nga përdorimi i shpeshtë i antibiotikëve organizmi ta humbasë imunitetin e tij optimal, duke u bërë kështu “pre” e vazhdueshme e problemeve të frymëmarrjes. Pikërisht për këtë arsye, specialistja e mjekësisë bimore, Mimoza Petani shpjegon se si duhet t’i trajtojmë këto sëmundje pa përdorur antibiotikë, dhe në të njëjtën kohë si të rrisim edhe imunitetin e organizmit për ta bërë trupin tonë më rezistent nga problemet e frymëmarrjes.
KëshillatPër t’i evituar dhe kaluar sa më lehtë këto probleme, sipas specialistes Petani, nevojitet marrja e preparateve të duhura bimore, që jo vetëm ndihmojnë në kurimin e sëmundjes, por rrisin njëkohësisht edhe imunitetin e organizmit për t’u mbrojtur nga këto probleme. Bëhet fjalë për disa produkte bimore, konsumimi i të cilave nuk krijon asnjë efekt anësor për organizmin. Ekspetoral është ilaçi më i ri bimor që rekomandohet të përdoret për problemet respiratore, në përbërje të të cilit gjenden shtatë bimë mjekësore, propolisi si dhe mjaltë i nxjerrë nga eukalipti. Ndër bimët mjekësore që gjenden në këtë ilaç bimor mund të përmendim eukaliptin, që është një çlirues për organet e frymëmarrjes, mëllagën, që përdoret gjerësisht për pezmatimet e bajameve, lulëkuqen, që është një ndër aleatet më të mira që mund të përdoret për të luftuar kollën, mirtilio etj. Kombinimi i këtyre bimëve, mjaltit të eukaliptit dhe propolit të purifikuar, bën që ky ilaç të jetë tepër i efektshëm për të evituar problemet respiratore. Ilaçi bimor ekspetoral gjendet në forma të ndryshme në farmaci si në formë çaji, shurupi dhe është i përshtatur në doza sipas moshave të ndryshme. Meshkujt janë ata që vuajnë më shumë nga problemet me frymëmarrjen, nga sëmundjet e mushkërive dhe nga shqetësimet respiratore. Por mbrapa nuk mbeten edhe fermat, në mënyrë të veçantë ato që konsumojnë duhanin.
DuhaniPirja e duhanit është një plus i keq që organizmit tonë i shtohet duke ditur që njeriu në ditët e sotme ka ngarkesa të mëdha fizike, si ndotja e ajrit. Përveç lëndëve të ndryshme helmuese (toksina) që ndodhen në ambient, përfshirë këtu antibiotikët dhe ilaçet, infektimet bakteriologjike, organizmit i shtohet edhe një lëndë tjetër helmuese nga pirja e duhanit. Pirja e duhanit më shumë se dhjetë cigare në ditë, mund të themi pa frikë se është e tepruar. Kjo i shton organizmit tonë një stres psikofizik. Radikalët e lirë që formohen, plus pirjen e duhanit, sidomos te femrat, japin dhe një figurë ose pamje të keqe në lëkurë. Për t’i evituar sa më shumë këto probleme duhet të përdoren antioksidantët. Një ndër antioksidantët që rekomandohet në masë në rastin e pirjes së duhanit dhe që është shumë i fuqishëm me përmbajtje të vitaminës C, është lëngu i shegës së thartë, që mund të kombinohet me zink. Dihet se absorbimi i këtyre të dyjave si oksidues është me rëndësi për zgavrën e gojës.
ZinkuZinku dhe vitamina C gjatë ditës nxirren jashtë nga organizmi me urinën dhe djersitjen. Veprimi mbrojtës i zinkut dhe i vitaminës C fillon në zgavrën e gojës, që janë dyert e hyrjes së viruseve dhe baktereve. Zinku dhe vitamina C rrisin forcën mbrojtëse të futjes së infektimeve dhe nxisin mbrojtjen e gjithë organizmit. Përthithja e zinkut dhe e vitaminës C nga organizmi merr pjesë në rritjen e imunitetit dhe metabolizmit si antioksidues. Përveç këtyre, mund të përdoret edhe xhinxheri, i cili është shumë i mirë për pastrimin e problemeve të gojës, për aromën e pakëndshme të saj, për mykun etj. Xhinxheri gjithashtu ndihmon në qarkullimin e mirë të gjakut. Kjo bimë gjendet në formë pluhuri dhe mund të përzihet edhe me mjaltë. Masa: 1 lugë kafeje xhinxher me 2 lugë kafeje mjaltë. Kjo përzierje duhet të merret disa herë në ditë. Pas marrjes mbahet pak minuta në gojë dhe përcillet.Gjithashtu, për të evituar problemet me organet e frymëmarrjes mund të përdoret shurupi oligomir plus, që pastron bronket.
PropolisPropolis është një tjetër antibiotik natyral, antiviral, antiinflamator, antimykotik, antibakterial, antioksidant, imunostimulant, antiseptik, antiparazitar, që rekomandohet të përdoret për problemet e sistemit të frymëmarrjes. Këto dhe veti të tjera që i vishen me plot të drejtë i zotëron propolisi, ky produkt i pafundmë i kosheres. Propolisi si fjalë rrjedh nga greqishtja e lashtë dhe në shqip do të përkthehej “mbrojtje e familjes bletë nga sëmundjet”. Propolisi është një përzierje komponentësh me natyrë aromatike e fenolike, të pasura me një numër të madh substancash të shumëllojshme mes tyre (acide dhjamore, terpene, aminoacide, vitamina, kripëra minerale etj.), ndarja e të cilave varet nga stinët e vitit, llojet e vegjetacioneve. Përbërësit organikë më të rëndësishëm të propolit janë: Flavonoidet (acid benzoik, acid kafeik, acid ferulik, alkool cinamike, krizinë, isalpine, pinocembrine, vanilin, galangine etj); lëndë mineralet (alumin, kalcium, krom, bakër, hekur, magnez, plumb, silic etj.); vitamina të grupit B (B1, B2, B6, PP), vitamina C dhe E. Sipas bimëve nga të cilat mblidhet, ngjyra e propolisit varion nga e verdhë në jeshile (epërsia e pishës) në të kuqërremtë (epërsia e plepit) deri në të zezë (epërsia e betullës) me të gjitha ndryshimet e ngjyrës. Në të njëjtën mënyrë edhe aroma ndryshon në varësi të substancave rrëshinore të pranishme. E njëjta gjë vlen edhe për shijen nga tipikja e hidhur therëse deri në të ëmbël. Konsinstenca e propolisit varet në veçanti nga temperatura e ambientit; e fortë dhe e thërrmueshme në të ftohtë, i përthyeshëm sapo ai punohet me dorë. Në temperaturën 65-70°C propolisi bëhet ngjitës e viskoz. Propolisi rezulton pak i tretshëm në ujë, më e lehtë një gjë e tillë (por ende jo 100 për qind) bëhet me alkool etilik, propilenglykol. Ndërmjet përbërësve të propolisit të grupit të polifenoleve (flavone, flavonoide, flavononi), flavonet janë sigurisht fraksioni më i rëndësishëm dhe i studiuar falë veçorive të tij.FlavonoidetFlavonoidet janë pigmente vegjetale funksioni i të cilave te bimët është ende pak i vlerësueshëm, por që na paraqesin një veprim të dyfishtë mbrojtje dhe stimulimi të funksioneve thelbësore metabolike si p.sh. frymëmarrja. Flavonet gjenden në sasi të mëdha në sythet e bimëve, ku zhvillohet një veprim efikas mbrojtës kundër fatkeqësive parazitare dhe ashpërsisë së dimrit, veprim mbrojtës që është veçanërisht i vënë në pah nga mbulesa rrëshinore-dyllore e të njëjtëve sythe. E veçanta e propolisit qëndron në pasurinë e madhe të flavonoideve falë të cilave propolisi siguron veçorinë antimikrobike. Sipas disa studiusve sovjetikë, rreth 1/3 e fraksioneve të propolisit të tretshëm në alkool etilik ka natyrë flavonoide mes të cilave është identifikuar galangina dhe pinocembrina të pajisura me efekte shumë të mira bakteriostatike dhe sakuranetina që përfaqëson veprimin antihelmues.
Veçoritë terapeutike Jo të gjithë flavoidet e pranishme në propolis kanë një veprim të prekshëm. Ndërsa galangina dhe pinoncembrina parandalojnë edhe në përqindje të ulëta rritjen e mikroorganizmave të panumërta, flavonoidet e tjera rezultojnë të jenë biologjikisht më pak aktive. Pra mund të konkludojmë që preparatet me bazë propolisi në përqindje të duhura paraqesin veçoritë e mëposhtme.
Veti bakteriostatike dhe baktericideEksperimente të panumërta kanë dëshmuar se si drejtpërdrejt, ashtu edhe në të kundërt, kapaciteti i propolisit në solucione alkoolike me përqindje l0-20 për qind vepron në mënyrë efikase për të ndaluar zhvillimin e baktereve të ndryshme.Veçoritë fungicidePreparatet me bazë propolisin kanë rezultuar veçanërisht aktive kundër infeksioneve candida saçaromiceti, tricolli dhe microspori, të cilat janë në gjendje të provokojnë sëmundje të ndryshme e të shumta parazitare mbi njeriun dhe mbi kafshët. Veprime të tilla i detyrohen acidit kafeik, pinocembrines dhe benzii-p-cumarolo.Veçoritë antiviralePropolisi paraqet një veprimtari parandaluese në kufijtë e disa llojeve herpes, corona virus dhe në rreth 10 lloje të infeksioneve virale.Veçoritë cikatrizanteGjithmonë propolisi është përdorur si pomadë cikatrizante në sajë të kapacitetit të spikatur për rigjenerimin e indeve në rast plagosjeje.Veçoritë imunostimulantePërdorimi i propolisit fuqizon veprimin e vaksinave (si për shembull atyre kundër tifos dhe para tifos) sikurse ka rezultuar nga studimet.Veçoritë mbrojtëse të enëve të gjakutGjithmonë falë veprimit të flavonoideve që përbëjnë të ashtuquajturin “faktor P”, propolisi luan një rol mbrojtës të kapilarëve të gjakut.Veçoritë antioksiduesePropolisi i përdorur nga goja përmirëson sekrecionet e lëngjeve gastrite, është diuretik, favorizon asimilimin e vitaminës C etj.
Propolis vajor përdoret për mjekimin e mykut të gojës dhe mjekimin e laringitit akut. Pomada përdoret për mjekimin e ragadeve të gjirit si dhe pomadë për mjekimin e plagëve të shkaktuara në këmbë në të sëmurët me diabet, hemorragji cerebrale, ulcera atrofike. Shampo me propolis, mjaltë dhe dyllë përdoret për forcimin e rrënjës së flokut, heqjen e zbokthit dhe shkëlqimin e flokëve. Përdoret gjithashtu edhe për mjekimin e disa dermatiteve dhe myke të lëkurës.PropolisPropolis është një përzierje substancash regjëse, gome e balsamike, që bletët e mbledhin në sythet ose në lëkurën e disa bimëve, duke e transformuar, me anë të sekrecioneve të tyre në një produkt të veçantë. Në përbërjen kimike të propolist bëjnë pjesë rrëshira, balsami, dylli, vajrat eterike, poleni dhe lëndë organike dhe minerale. Në të gjitha lëndët që përmban propilisi më të rëndësishmet janë flavonet. Ky grup substancash, që gjendet dhe në botën bimore, kryen metaboilizmin dytësor të bimëve. Të propolisi janë zbuluar mbi 50 flavone ndër të cilat 19 flavone bioaktive, që luajnë efektin terapeutik të propolisit. Ndërsa në hirin e propolist janë gjendur lëndët minerale si hekuri, magnezi, kaliumi, alumini etj. Ndër vitaminat numërohen vitamina B 1( Tiamina), vitamina PP, Provitamina A. Nëse mjalti, poleni dhe qumështi i mëmave janë ushqimi i bletëve, propolisi është sistemi mbrojtës i tyre.
Përbërësit e propolisit të zbuluar deri tani janë:Rrëshira e balsame 50-60 për qind (terpene, polisakaride, acid uronik, acide aromatike, aldeid aromatik, acide dhe estere kafeike, ferulike, kumarike)Dyllë 30-40 për qindVaj rasencial 5-10 për qindPolen 5 për qindSubstanca të tjera 5 për qind
Këshillat per t’u mbrojtur nga sëmundjet respiratoreMbrojtja nga sëmundjet respiratore është mjaft e vështirë dhe më së shpeshti pa sukses më të madh. Sidoqoftë, zbatimi i masave të përgjithshme mbrojtëse është mjaft i rëndësishëm. Të tilla masa janë:Të konsumohen sasi më të mëdha të pijeve të nxehta dhe vitaminë CTë qëndrohet larg vendeve ku ka numër më të madh të njerëzve, duke shmangur rrezikun nga infektimiTë qëndrohet në vende me ajër të pastër dhe me shumë pemëTë merret ushqim i pasur me vitamina dhe mineraleTë kryhet shpesh ajrosja e shtëpisëI prekuri nga sëmundja respiratore nuk duhet të marrë asnjëherë ilaçe pa rekomandimin e mjekut

Me ardhjen e dimrit të ftohtë, organet e trupit përballen me sfida të reja. Me uljen e ndjeshme të temperaturës, disa organe të trupit i bëjnë rezistencë të ftohtit, por disa të tjera ndikohen shumë duke u bërë pre e sëmundjeve.
Në stinën e dimrit arteriet mund të zgjerohen dhe tkurren me ndryshimin e temperaturës së ambientit; prostata gjithashtu ndikohet nga i ftohti, ndërkohë veshi është organi më delikat në fytyrë. Për këtë duhet të merrni disa masa.
1.Prostata: Prostata është një organ delikat tek mashkulli, që mund të preket më shpesh nga i ftohti. Gjatë dimrit mosqarkullimi i mirë i gjakut dhe shtimi i presionit të brendshëm tek uretra çojnë në urinimi të shpeshtë, dhimbje gjatë urinimit, dhimbje në bark etj.
Masat e parandalimit: Në dimër, shmangni uljen në vende të ftohta. Për shembull, pas stërvitjes në mëngjes, të moshuarit nuk duhet të ulen në stol të ftohtë për pushim. Në të njëjtën kohë, duhet t’i kushtohet shumë vëmendje ngrohtësisë në zonën e barkut dhe belit, pasi kjo zgjeron arteriet dhe nxit qarkullimin e gjakut. Në jetën e përditshme bëni masazhe të shpeshta tek zona e barkut, për të forcuar shëndetin e prostatës. Këshillohet gjithashtu konsumi i disa ushqimeve që favorizojnë shëndetin e prostatës, si domatja, mollët etj. Përveç kësaj mos frenoni urinimin.
2. Arteriet: Arteria mund të tkurret në temperaturën e ulët. I ftohti mund të shkaktojë ngacmimin e nervave, duke forcuar tkurrjen e zemrës dhe rritjen e presionit në arterie. Megjithatë trupi ynë është një organ shumë i ndërlikuar dhe ka aftësi vetërregulluese. Në verë, me ngritjen e temperaturës arteria zgjerohet dhe presioni i gjakut shtohet për të përshtatur me ndryshimet. Në dimër me temperaturë të ulët, presioni i gjakut ulet. Por me ndryshimin e klimës, lëvizja e presionit të gjakut shtohet, prandaj personat me hipertension duhet të tregohen të kujdesshëm pasi mund të bëhen pre e hemorragjive cerebrale. Të moshuarit duhet të tregohen edhe më të kujdesshëm.
Masat e parandalimit: në dimër personat që vuajnë nga hipertensioni duhet të bëjnë ekzaminime të shpeshta dhe ta mbajnë situatën nën kontroll sipas përshkrimit të mjekut. Në dimër personat e ndjeshëm duhet të flenë gjumë më herët, meqenëse qëndrimi deri në orët e vona të natës mund të çrregullojë orën biologjike dhe të nxitë sekretimin e një sasie më të lartë të epinephrinës, që mund të shkaktojë tkurrjen e arteries, lëvizjen e ngadalë të gjakut dhe rritjen e viskozitetit. Këta persona duhet të konsumojnë më shumë ushqime për pastrimin e arteries dhe forcimin e elasticitetit, si murriz, tërshërë, kërpudha të zeza, patëllxhanë, qepë etj.
3. Zemra: Zemra nuk e pëlqen ndryshimin e madh të temperaturës. Zemra është gjeneratori i trupit. Në dimër, zemra punon mirë për t’i siguruar organizmit energjinë e nevojshme. Prandaj, dimri është stinë e vështirë për ata që kanë probleme me zemrën. Për shkak të luahtjeve të mëdha të temperaturës brenda dhomës dhe jashtë dhomës, reagimet e funksioneve fizike janë relativisht të ngadala dhe zemra nis punë të menjëhershme në ambientin e jashtëm të ftohtë për t’i shtuar trupit energji. Kjo sjell mbingarkesë për zemrën në dimër. Bllokimi në arterie, dhimbjet e zemrës dhe infarkt miokard ndodhin më shpesh në këtë stinë.
Masat e parandalimit: Ata që vuajnë nga sëmundje kardiovaskulare duhet t’i kushtojnë vëmendje më të madhe ruajtjes së ngrohtësisë së trupit, veçanërisht për kokën, duart dhe këmbët. Nuk duhet të harrojnë dorezat, kapelen shallin dhe veshjet të tjera kur dalin jashtë. Përveç kësaj, mjekët sugjerojnë futjen e këmbëve në ujë të ngrohtë për 20 minuta para gjumit.
4. Mushkëria: Ajri i ftohtë i mëngjesit shkakton dëme më të mëdha ndaj mushkërisë. Ajri i ftohtë futet më parë në mushkëri gjatë frymëmarrjes, duke shkaktuar disa sëmundje si kollë etj. Problemet me frymëmarrjen që fshihen në dimër përkeqësohen në pranverën e vitit tjetër.
Masat parandaluese: Sipas mjekësisë, furnizimi i trupit me ujë favorizon shëndetin e mushkërisë.
Masat konkrete: Mundohuni të thithni avullin e ngrohtë të ujit me hundë për 10 minuta. Këtë praktikë bëjeni dy herë në ditë, mëngjes dhe darkë. Të moshuarit nuk duhet të dalin shumë herët në mëngjes gjatë stinës së dimrit.
5. Veshi është një organ shumë i vogël, por ka një sipërfaqe të madhe të lëkurës që është në kontakt me mjedisin e jashtëm, prandaj energjia del jashtë me shpejtësi. Përveç kësaj, lëkura e veshit është shumë e hollë e si rezultat, veshi mund të sëmuret për shkak të ftohtësisë. Kur dalim jashtë, duhet të vishemi me rrobat që mbulojnë veshin. Kur hyjmë në një dhomë të ngrohtë nga jashtë, mund të fërkojmë veshin me dorë, për ta ngrohur shpejt. Këshilohet që gjatë ditës, në mëngjes, mesditë dhe mbrëmje të masazhojmë veshët për 5-10 minuta çdo herë.

Sjellja e një qënieje të re në këtë botë është gjë e madhe dhe një proces i vështirë. Pas martesës femrat dëshirojnë lindjen e një bebeje të shëndetshme. Nëse këto femra janë gati, si mund të rriten shanset për ngeljen shtatzënë.
1. Produktet e qumështit
Këshillohet konsumi i përditshëm i produkteve të qumështit, përfshi kosin, djathin etj., të cilat mund të nxisin ovulimin tek femra, duke rritur shanset e shtatzënisë. Specialistët e fertilitetit theksojnë se edhe pse akullorja mund të futet tek produktet e qumështit mirë është të evitohet konsumi i saj pasi përmban sheqer.
Për ato femra që vuajnë nga mbipesha këshillohet të konsumojnë kos me nivel të ulët yndyre. Kjo është një metodë e përshtatshme për kontrollin e peshës, pasi obeziteti ndikon në fertilitet.
2. Të brendshmet e kafshëve
Mëlçia dhe zemra e kafshëve përmbajnë përbërje që forcojnë aftësinë seksuale. Megjithatë, këto ushqime kanë dhe nivel të lartë kolesteroli, kështu që gratë në mbipeshë duhet të kontrollojnë konsumin e tyre.
3. Ushqimet që përmbajnë proteina
Mishi pa dhjamë, vezë, mish pule, fasule etj. Nga një studim i fundit ka rezultuar se femrat, dieta e të cilave përmban 25 për qind proteina më shumë se më parë, dhe sasia e karbohidrateve ishte më pak se 40 për qind, kishin mundësi më të mëdha për të mbetur shtatzënë krahasuar me pacientet e tjera që konsumonin më pak proteina dhe më shumë karbohidrate.
“Proteinat janë shumë të rëndësishme për embrionin dhe për cilësinë e vezës,” tha Dr. Russell. Gjatë trajtimit ai u kërkon pacienteve të tij të ndjekin një dietë ditore të bazuar në 25- 35 përqind në proteina dhe nën 40 përqind karbohidrate për 3 muaj përpara shtatzënisë për të rregulluar cilësinë e vezës.
4. Perimet dhe frutat që përmbajnë vitamina
Vitamina A mund të nxitë shumimin e qelizave dhe rritjen e qelizave të reja. Vitamina B merr pjesë në procesin e metabolizimit të proteinës dhe yndyrës. Vitamina C forcon sistemin imunitar. Vitamina E forcon cilësinë e spermës. Furnizimi i trupit me të gjitha këto vitaminave mund të përmirësojë gjendjen shëndetësore të trupit, duke rritur shanset për shtatzëni.
5. ushqimet që përmbajnë L-argininë
Ndër ushqimet që përmbajnë L-argininë futen susami, kikirikët, arrat, kandili, ngjalat dhe fruta e tjera të detit përmbajnë L-argininë, një substancë e nevojshme për spermën. Arginina rrit rendimentin seksual dhe përmirëson cilësinë e spermës.
6. Ushqimet e pasura me zink
Ndër ushqimet shtazore , goca e detit përmban më shumë zink. Përveç kësaj, mishi i viçit, mëlçitë e pulës, veza, mishi i qengjit përmbajnë nivel të konsiderueshëm zinku. Në të njëjtën kohë, të gjithë ata që janë vegjetarianë mund ta marrin zinkun nëpërmjet fasuleve, kikirikëve, rrepës së bardhë, lakrës dhe ushqimeve të tjera bimore.
Përveç dietës, një vëmendje duhet t’i kushtohet edhe jetës së përditëshme:
1. Jeta në çift
Nëse një femër mbi 35 vjeç planifikon të mbetet shtatzënë, duhet të bëjë më parë kontrollin mjekësor për të mësuar gjendjen e vet shëndetësore dhe më pas mund të përpiqet për përmirësimin e gjendjes shëndetësore të trupit.
Shtatzënia është një proces që kërkon angazhimin e të dy partnerëve, pasi edhe gjendja shëndetësore e bashkëshortit ka shumë rëndësi për shanset e shtatzënisë. Po ashtu duhet të eliminohen përdorimin e pijeve alkoolike, duhanit, dhe luhatjet e shpeshta të humorit.
2. Pushimi i mjaftueshëm
Në kohët moderne, njerëzit flenë gjumë shumë vonë. Shumë prej nesh qëndrojnë vonë natën dhe flenë gjatë ditës. Ky zakon mund të shkaktojë ndikime negative për funksionet fizike të çiftit, duke ulur shanset e shtatzënisë. Prandaj, çifti që dëshiron të bëhet me fëmijë, duhet të përmirësojë rregullat e punës dhe të pushimit. Duhet të flenë gjumë para orës 22:00, të shmangin lodhjen e tepërt dhe të përpiqet për të lehtësojnë tensionet e ditës.
Si çdo gjë që ka dhe anën tjetër të monedhës, ekzistojnë dhe ushqimet që nuk duhet të konsumoni nëse doni të rrisni shanset për shtatzëninë.
1. Ushqimet pikante
Speci djegës dhe ushqimet pikante në përgjithësi ngacmojnë stomakun dhe femrat që planifikojnë shtatzëninë ose janë shtatzënë nëse konsumojnë ushqime pikante mund të kenë probleme në sistemin e tretjes.
2. Sheqeri i tepërt
Metabolizimi i sheqerit harxhon shumë kalcium brenda trupit. Mungesa e kalciumit gjatë shtatzënisë do të ndikojë në shëndetin e kockave dhe dhëmbëve të fëmijës.
3. Turshi
Turshitë mirë është të evitohen pasi përmbajnë shumë kripë gjë që nuk favorizon shëndetin e nënës së ardhme.
4. Ushqimet që përmbajnë kafeinë
Femrat që janë gati për të mbetur shtatzënë nuk duhet të konsumojnë tepër kafe, çaj ose ushqime të tjera që përmbajnë nivel të lartë kafeine. Sipas studimeve, kafeina mund të ndryshojë nivelin e hormonit të femrës dhe të pakësojë shanset e shtatzënisë.
Përveç këtyre ushqimeve të mësipërme, çifti duhet t’i kushtojë vëmendje kohës së favorshme për ovulacion.

Disa prindër janë në hall të madh me ndonjë fëmijë të vetin dhe nuk dinë si të veprojnë. Fjala është për ata fëmijë të vegjël që orë e çast ankohen dhe i fajësojnë motrat e vëllezërit te prindërit, madje shpesh për kot gjë ose për diçka të vogël e fare pa rëndësi.
Motrat e vëllezërit janë ditë e natë së bashku dhe natyrisht në lojë e sipër nganjëherë edhe ngucen e zihen, por në disa familje gjendet ndonjë vëlla a motër e vogël që ankohet e i fajësojnë shpesh vëllezërit a motrat. P.sh. kur prindërit nuk janë në shtëpi gjatë ditës e kthehen pas pune, paditësi i vogël, fjala e parë që u thotë prindërve, është ankimi për vëllanë a motrën e vet kinse e kanë rrahur, ose u kallëzon menjëherë prindërve se e motra e ka thyer gotën, ose ka ngrënë nga ëmbëlsirat që ka pasë përgatitur e ëma për mysafirët që do t’i vijnë për vizitë, ose p.sh. e motra i ka folur këtë ose atë fjalë të pahijshme, ose ka bërë pa leje këtë ose atë punë, etj.
Ka edhe raste kur paditësi i vogël, poqese mundet në lojë nga e motra ose i vëllai, hidhërohet, i vjen zor për këtë dhe pa një pa dy ia plas vajit dhe ashtu me lot në sy shkon e u ankohet prindërve (më tepër nënës) kinse ata ia kanë bërë me hile në lojë, ose trillon e shpif diçka dhe e padit vëllanë ose motrën për kot gjë a për ndonjë gabim a faj të vogël e pa rëndësi që ata mund të kenë bërë në mungesë të prindërve. Fëmijës së tillë i është bërë pothuajse ves që të ankohet e të padisë gjithnjë të motrën a të vëllanë, duke kërkuar prej prindërve që të hakmerren.
Një qaraman i tillë në të njëjtën mënyrë vepron edhe jashtë familjes, me fëmijët e rrugës, lagjes a banesës me të cilët ai takohet e shoqërohet përherë në lojë. Atij i vjen rëndë dhe inat kur shokët e mundin në lojë, dhe prej zilisë, mbasi s’ka ç’t’iu bëjë tjetër, vjen e u ankohet prindërve të vet, duke i paditur shokët kinse ata e kanë përqeshur a tallur e sharë, ose ia kanë sharë prindërit.

Aq më keq është edhe kur prindërit e tij, sidomos nënat, i marrin kallëp si të vërteta ankesat e paditë e pavend të fëmijës së tyre, u besojnë thënieve të tij pa i vërtetuar mirë. Madje qëllon nganjëherë që ndonjë prind gjaknxehtë, kur e sheh fëmijën e vet duke qarë, ashtu i zemëruar, ngutet dhe i mëshon fëmijës së huaj pa e hetuar e vërtetuar mirë si qëndron e vërteta dhe pa marrë parasysh se fundi i fundit ata janë fëmijë dhe aty për aty ngucen e hidhërohen me njëri-tjetrin dhe aty për aty prapë rregullohen e pajtohen, si të mos kish ndodhur kurrgjë e keqe ndërmjet tyre. Madje ka edhe raste më drastike kur prindërit e të dy palëve, me të cilët më parë kanë pasur marrëdhënie shumë të mira, për arsye të grindjes së fëmijëve, prishen keq ndër veti dhe qëllon të mos flasin me njëri-tjetrin me javë e me muaj, por edhe me vite.
Prandaj prindërit gabojnë shumë kur përzihen në grindjet e fëmijëve, duke i dalë zot të vetit, e duke e qortuar a rrahur fëmijën e huaj, i cili shpesh është edhe fare i pafajshëm. Faji kryesor për këtë bie në rend të parë mbi prindërit e fëmijës qaraman, mbasi ata nuk e njohin mirë fëmijën e vet, ose e kanë atë për hasret, e përkëdhelin së tepërmi, e ruajnë, i dalin Zotit dhe e favorizojnë përtej masës, në vend që ta mësojnë të sillet njerëzisht si me motrat e vëllezërit ashtu edhe me shoqet e shokët jashtë shtëpisë, të mos i fyejë, t’i zgjidhë vetë mosmarrëveshjet që mund të ketë me ta dhe të mos kërkojë të jetë gjithmonë i privilegjuar në lojë prej të tjerëve. Kështu prindi (më tepër nëna), duke mos e njohur mirë qaramanin e vet, i cili orë e çast ankohet e i fajësojnë të tjerët për çdo gjë, e duke mos marrë me kohë masa për pengimin e luftimin e atij vesi, lejojnë që ai fëmijë të shkojë rrugës së gabueshme e të edukohet keq.
Fëmijëve të tillë, të cilët përherë janë mësuar dhe u është bërë shprehi e keqe të ankohen e të fajësojnë vëllezërit, motrat ose shokët e shoqet e tyre dhe gjithmonë përpiqen që me lot në sy të gjejnë me zor gabime e faje te të tjerët, dita-ditës vijnë duke iu shtuar veset e duke u bërë kështu edhe më gënjeshtarë, më kryeneçë, më tekanjozë. Të gjitha këto ndikojnë edhe në formimin e karakterit, të mospavarësisë e të paaftësisë për orientim të fëmijës së tillë në shoqëri në jetën e ardhshme.kohaislame
Madje është rrezik se, nëse prindërit nuk marrin masa me kohë për t’ia luftuar fëmijës këtë ves të fajësisë së të tjerëve vend e pa vend, më vonë, kur të rritet, kjo mund t’i kthehet në shpifje, ves ky që është cilësi e njerëzve me karakter të dobët. /Telegrafi

Zbulimet e reja mbështesin kërkime të mëparshme që sygjeronin se leximi, shkrimi dhe lojrat mund të ulnin rrezikun prej sëmundjes mendore.
Një studim i ri tregon se njerëzit që gjatë jetës së tyre kanë kryer veprimtari stimuluese të trurit kanë nivele më të ulëta të proteinave të depozituara në tru, të cilat lidhen me sëmundjen e Alcajmerit. Zbulimet e reja mbështesin kërkime të mëparshme që sygjeronin se leximi, shkrimi dhe lojrat mund të ulnin rrezikun prej sëmundjes mendore.Shkencëtarët punuan me një grup vullnetarësh mbi 65 vjeç, të cilët nuk shfaqnin simptoma të sëmundjes së Alcajmerit.Ata u pyetën se sa shpesh gjatë jetës së tyre kryenin veprimtari stimuluese të trurit. Ata gjithashtu iu nënshtruan një skanimi të trurit, i cili mund të identifikojë beta-amiloidet e depozituara. Ato depozita gjenden në trurin e njerëzve që kanë Alcajmerin.Shkencëtarja e Universitetit të Kalifornisë në Berkeley Susan Landau thotë se studimi tregoi një lidhje midis sasisë të këtyre depozitave dhe aktiviteteve stimuluese të trurit të kryera gjatë jetës.“Njerëzit që kishin qenë më tepër aktivë nga ana mendore gjatë jetës së tyre kishin sasitë më të pakta të amiloideve në trurin e tyre. Pra, bazuar mbi këtë lidhje midis veprimtarive mendore të shpeshta dhe sasive të ulëta të amiloideve, ne mendojmë se këta njerëz do të jenë më pak të rrezikuar nga sëmundja e Alcajmerit.”Duhet patur parasysh se personat pjesëmarrës në këtë studim, shumica e të cilëve mbi 70 dhe 80 vjeç, nuk shfaqnin ndonjë shenjë të Alcajmerit. Shkencëtarët janë ende duke u përpjekur të zbulojnë lidhjen midis depozitave të beta-amiloideve në tru dhe sëmundjes mendore.Mosha e madhe dhe diagnostikimi i sëmundjes në pjesëtarë të tjerë të familjes konsiderohen si elementë që ndikojnë në rritjen e rrezikshmërisë, por këto faktorë janë jashtë kontrollit të individit. Dhe nëse truri i personit nuk ka qenë shumë aktiv deri në atë moment, znj. Landau thotë se nuk është tepër vonë për të rritur aktivitetin mendor.“Jo, absolutisht jo. Unë mendoj se stimulimi mendor është i dobishëm në çdo moshë. Por ajo që studimi ynë tregon është se sa më shumë aktiv nga ana mendore të ketë qenë një person gjatë jetës së vet, aq më mirë është”.Shkencëtarja Landau thotë se ajo dhe kolegët e saj kanë në plan të vazhdojnë të ndjekin mbarëvajtjen e vullnetarëve në këtë studim në moshë më të avancuar, për të parë nëse ka ndonjë lidhje midis aktiviteteve mendore të kryera gjatë jetës dhe simptomave të Alcajmerit, kur disa prej tyre të preken nga parregullsi mendore në vitet në vazhdim. Kjo mund të ndihmojë shkencëtarët të kuptojnë më mirë lidhjen midis aktiviteteve që stimulojnë trurin, beta-amiloideve të depozituara dhe parregullsisë mendore.Studimi i shkencëtares Susan Landau është botuar në internet në faqen elektronike “Archives of Neurology” (Arkivat e Neurologjisë), të Shoqatës Amerikane të Mjekësisë. /VoA/kohaislame

Fara e zezë – Nigella Sativa është një bimë, lëngu i së cilës mjekon çrregullimet e menstruacioneve, mbyt parazitet në zorrë, shërben kundër paralizës, etheve rekurente, hemorroideve, kundër acarimeve akute, kundër rënies së flokëve, si dhe kundër halucinacioneve.
Fara e zezë përmban vaj acidik të pangopur, vaj me eter, vitamina dhe një sërë substancash të tjera të domosdoshme për organizmin. Tashmë është vërtetuar se vaji acidik i pangopur që përmban fara e zezë ndikon pozitivisht mbi metabolizmin e trupit, rrit imunitetin dhe ndalon alergjinë.
Veçoritë e vajrave acidikë të pangopur:
• Ndihmojnë metabolizmin e trupit; nevojiten në rritjen, zhvillimin dhe rinovimin e qelizave; ndihmojnë në zhvillimin e hormoneve dhe në formimin e një sistemi nervor dhe hormonal-mbrojtës të shëndetshëm;
• Pengojnë shtimin e substancave që dërgojnë sinjale alergjike; ndalojnë qelizat mbrojtëse (imunitare) të punojnë më shumë se ç’duhet; kolesterolin në gjak e kthejnë në nivelet normale;
• Pengojnë bllokimin e damarëve duke rregulluar strukturën e tyre dhe njëkohësisht shpejtësinë e qarkullimit të gjakut;
• Ulin tensionin dhe reduktojnë rrezikun e ashpërsimit të damarëve dhe infarktit në zemër; ndihmojnë në përmirësimin e shpejt të plagëve.
Trupi i njeriut nuk i prodhon këto vajra dhe është i detyruar t’i marrë nga jashtë, 1 gram vaj i farës së zezë është i mjaftueshëm për nevojat ditore.
Vajrat me eter si nigellon dhe alfa-pinen zgjerojnë rrugët e frymëmarrjes, lehtësojnë kollitjen, pengojnë qelbëzimin dhe ndalojnë dhimbjen. Nëse përdoren rregullisht ulin sheqerin në gjak. /Telegrafi/kohaislame