Browsing: Besimi

Ç’është Hixhamja
Hixhamja apo terapia e kupave është tërheqja e gjakut të keq nga trupi që ka shkaktuar një sëmundje të caktuar ose mund të shkaktojnë sëmundje në të ardhmen për shkak të akumulimit dhe mbushjes së tij me përzierje të dëmshme.
Hixhamja pastron gjakun nga përzierjet e dëmshme që janë qeliza gjaku të plakura dhe të dobëta që nuk mund të bëjnë punën e tyre në mënyrën e kërkuar, si furnizimi i trupit me ushqyes të mjaftueshëm dhe mbrojtja e tij nga sëmundjet. Me anë të hixhames tërhiqen këto përzierje të dëmshme të qelizave të kuqe dhe të bardha të gjakut për t’u zëvendësuar me qeliza gjaku të reja.
Hixhamja është një praktikë e vjetër mjekësore, e njohur për shumë shoqëri njerëzore, duke filluar nga Egjipti i lashtë që nga viti 2200 para Krishtit, në Asiri që nga viti 3300 para Krishtit, deri në Kinë. Hixhamja së bashku me akupunkturën kineze janë shtyllat më të rëndësishme të mjekësisë tradicionale kineze deri më sot.
Arabët e vjetër e njohën Hixhamen dhe Islami e miratoi këtë praktikë; Vetë i Dërguari i Allahut, Muhamedi (paqja qoftë mbi të!), e ka praktikuar atë.
Në një transmetim të saktë, të përmendur në dy Librat e Saktë të Haditheve Profetike, të Buhariut dhe Muslimit, thuhet se Profeti (paqja qoftë mbi të!) u trajtua me hixhame dhe i dha hixhame-bërësit pagesën e tij.”
Po kështu, i Dërguari i Allahut (paqja qoftë mbi të) e ka lavdëruar këtë praktikë, duke thënë, siç thuhet te Buhariu, se: “Mënyra më e mirë që mund të kuroheni, është hixhamja.”
Hixhamja ka përfaqësuar një pjesë thelbësore të praktikave tradicionale mjekësore për shumë prej shoqërive të botës, por që pas përhapjes së mjekësisë perëndimore “koloniale” në të gjitha vendet e botës, dhe konsiderimit të saj si “mjekësia e vetme” që duhet praktikuar, kurse të gjitha të tjerat u quajtën bestytni dhe mashtrim, dhe pasi u përhapën me forcë kompanitë farmaceutike, të gjitha sistemet dhe praktikat tradicionale mjekësore u zmbrapsën në hije, duke mbetur vetëm disa mbetje të vogla këtu e atje në disa vende të Gjirit – si një praktikë tradicionale informale – dhe në Kinë dhe në shoqëritë e Azisë Lindore –si një pjesë për të ruajtur trashëgiminë tradicionale mjekësore.
Vazhdoi kështu deri sa njerëzit në Perëndim filluan të shfaqin mosbesim te mjekësia perëndimore, dhe filluan të tërhiqen nga “shenjtërimi” i saj, dhe të shohin se mund të ketë sisteme të tjera të mjekësisë tradicionale natyrale alternative.
Dhe tani, praktikat tradicionale kanë filluar të përhapen përsëri me vrull në vendet e Perëndimit dhe të Lindjes.

Hixhamja gjithashtu, si një mjet i mjekësisë tradicionale, ka filluar të përdoret fuqishën në disa prej shoqërive, kryesisht ato me popullsi muslimane.
Në vijim, do të njihemi më nga afër me këtë praktikë të mjekësisë tradicionale, dobitë dhe kushtet e praktikimit të saj.
Mjetet që nevojiten për të praktikuar Hixhamen
– Kupë (ose një kavanoz të vogël) me diametër 5 cm, me një vrimë në fundin e saj, e lidhur me një tub, i cili ka një valvul.
– Pjesa e hapur e kupës mbulohet me një balonë llastike.
– Eksperti i hixhames përdor doreza mjekësore dhe një bisturi të sterilizuar.

Llojet e Hixhames dhe mënyra e kryerjes së secilit lloj
Ka dy lloje të hixhames: Hixhame të thatë dhe Haxhame të lagësht.
Së pari: Hixhamja e thatë
Hixhamja e thatë është formimi i i një kongjestioni të gjakut në zonat e dëshiruara me anë të kupës së ajrit pa përdorur bisturinë, dhe përdoret zakonisht për disa sëmundje të grave, fëmijëve dhe të moshuarve.
Mënyra e kryerjes së hixhames së thatë
A – Vendoset kupa në vendin e duhur mbi trup (sipas llojit të sëmundjes ose simptomës).
B – Thithet ajri përmes tubit deri sa kupa të zbrazet plotësisht nga ajri.
C – Një pjesë e sipërfaqes së lëkurës thithet brenda kupës.
D – Bllokohet ajri brenda kupës duke mbyllur valvulën.
E – Lihet kupa në këtë mënyrë për një periudhë prej 3-5 minuta.
F – Pastaj hiqet kupa, dhe ne gjejmë një rreth të kuq në sipërfaqe të lëkurës ku ishte kupa.
Kjo metodë quhet “Kupa e ajrit”.
*Ekziston edhe një nënlloj i hixhames së thatë, që quhet hixhamja e fërkimit apo e rrëshqitjes:
Kjo kryhet duke lyer zonën e caktuar të trupit ku do të bëhet hixhamja, me vaj ulliri ose vaj mendre, pastaj bën thithje të thjeshtë të ajrit duke lëvizur apo rrëshqitur kupën mbi dhe rreth vendit të dëshiruar për të tërhequr gjakun dhe për ta mbledhur atë në shtresën e lëkurës. Kjo metodë paraprin shpesh herë hixhamen e lagësht, veçanërisht për sëmundjet e pashërueshme të tilla si paraliza, epilepsia, etj.

Së dyti: Hixhamja e lagësht
Hixhamja e lagësht kryhet pas konfigurimit të kongjestionit të gjakut në procesin e thithjes së thjeshtë të ajrit për të lejuar gjakun të dalë, pastaj vendoset kupa për të nxjerrë gjakun.
Lloji i hixhames që duhet kryer përcaktohet nga lloji i sëmundjes, gjendja e pacientit dhe mosha. Pacienti me Diabet, me presion të lartë, fëmijët dhe të moshuarit, të gjithë kanë trajtim të veçantë.
Mënyra e kryerjes së hixhames së lagësht
Përveç hapave të ndjekura më lart në hixhamen e thatë:
A – Përdor bisturinë për të bërë çarje të vogla dhe të cekëta (rreth 0.1mm thellësi) në pjesën e jashtme të lëkurës, sikur të ishte gërvishtje, dhe me gjatësi rreth 4 mm; bën 1 ose me shumë gërvishtje të tilla në 3 rreshta. Më pas vendos përsëri kupën mbi rrethin e kuq, dhe bllokon ajrin duke përsëritur procesin e thithjes,kjo çon në nxjerrjen e një sasie të gjakut që ndryshon sipas sëmundjes, pastaj hiqet kupa apo kupat me shumë kujdes duke vendosur një pecetë në fund të kupës dhe duke e boshatisur ajrin gradualisht përmes valvulave. Pastaj vendos një një pecetë tjetër brenda kupës për të thithur gjakun, pastaj pastrohet gjaku nga lëkura me pecetën e vendosur poshtë kupës në drejtimin nga poshtë lart. Në qoftë se vërehet dalje gjaku nga të carat, atëherë përsëritet procesi, deri në pesë herë nëse vazhdon të vërehet dalje e gjakut. Në fund, vendi i trajtuar duhet dezinfektuar direkt me mjalt ose farë të zezë të bluar apo me çdo dezinfektues tjetër natyral.

Kushtet e hixhames dhe ndalesat
Praktikimi i hixhames ka kushte të rëndësishme, pa plotësimin e të cilave mund të rezultojë fatale ose e padobishme për pacientin.
– Hixhamja nuk duhet t’i bëhet personit të frikësuar, deri sa të qetësohet dhe t’i dalë frika.
– Hixhamja nuk duhet t’i bëhet personit që ndjen të ftohtë, sepse në këto raste, gjaku fshihet thellë ne vena.
– Pacientët me kancer, hepatit apo Aids, nuk duhet të bëjnë hixhame.
– Pacientët që kanë filluar të kryejnë dializë veshkash, ose kanë dhuruar gjak, nuk duhet të bëjnë hixhame deri sa të kalojnë 3 ditë nga dhurimi.
– Gruaja shtatzënë, gjidhënëse dhe që ka kaluar në menopauz, ndalohet të bëjnë hixhame.
– Personat që konsumojnë stimulantë (kafeinë) nuk duhet të bëjnë hixhame deri sa të mos i konsumojnë ato.
– Pacientët që kanë vendosur aparat rregullator për rrahjet e zemrës nuk duhet të bëjnë hixhame mbi zemër.
– Personat që konsumojne alkool nuk duhet të bëjnë hixhame pa kaluar 24 orë nga pirja; ata që tymosin marjuanë duhet të presin 48 orë; ata që kanë pirë pije të ftohta, duhet të presin 24 orë; pas marrëdhënieve intime bashkëshortore duhet të pritet 24 orë; vendi ku bëhet hixhamja në trup duhet të qëndrojë i mbuluar dhe i ngrohtë për 24 orë.
– Hixhamja preferohet vetëm për vendet me klimë të nxehtë dhe është më e dobishme në stinën e verës se sa të dimrit; kurse për vendet e ftohta preferohet Fasdi (nxjerrja e gjakut direkt nga vena e krahut) dhe jo Hixhamja. Shkakun për këtë e kanë përmendur dijetarët që në kohët e hershme dhe e ka vërtetuar shkenca mjekësore sot; Ibnul Kajjim, në librin “Zadul Miad”, thotë: “Dallimi mes Hixhames dhe Fasdit është se ato ndryshojnë nga njëra-tjetra në varësi të vendit, kohës, moshës dhe natyrës së pacientit; për vendet e nxehta, stinët e nxehta dhe njerëzit me natyrë të nxehtë, gjaku i të cilëve ka aritur kulmin e pjekjes, hixhamja është ajo që duhet të praktikohet dhe jo fasdi, sepse gjaku i njerëzve në këtë rast piqet, hollohet, dhe del në sipërfaqen e brendshme të trupit, kështu që hixhamja nxjerr mbetje që nuk mund t’i nxjerrë fasdi në këtë rast. Fjala ku i Dërguari i Allahut (Paqja e Zotit qoftë mbi të!) thotë: “Mënyra më e mirë që mund të kuroheni, është hixhamja”; ka për qëllim banorët e Gjirit dhe të vendeve të nxehta, sepse gjaku i tyre është i hollë dhe më pranë sipërfaqes së trupit për shkak se temperatura e tërheq gjakun drejt sipërfaqes së trupit dhe e bashkon e atë në anët e lëkurës, dhe sepse poret e lëkurës së tyre janë më të gjera dhe fuqitë e tyre të palidhura me njëra-tjetrën, kështu që Fasdi do të ishte i rrezikshëm për ta. Kurse Fasdi ka dobi të caktuara në varësi të vendit ku bëhet.”
– Koha e duhur për bërjen e hixhames është mesi i muajit hënor dhe pas mesit të muajit, dhe jo në fund të tij; nëse do e ndanim muajin në katër pjesë, pjesa e tretë e tij është e përshtatshme për hixhamen, sepse në fillim të muajit hënor, gjaku nuk është nxehur dhe nuk është pjekur ende, në fund të muajit ka rënë në qetësi, kurse në mes të muajit dhe pak pas mesit të muajit, ai është në fund të shtimit dhe pjekjes. Në traditën profetike, datat e aprovuara për kryerjen e Hixhames, janë datat 17, 19, 21 të muajit hënor.
– Hixhamja duhet të bëhet paradite dhe në kohën e drekës, dhe jo në mbrëmje apo në darkë.
– Hixhamja nuk duhet të bëhet kur personi e ka barkun plot, dhe as kur është i uritur.
– Duhet pasur kujdes maksimal per sterilizimin e mjeteve te hixhames per te eliminuar mundesine e perhapjes se ndonje semundje qe perhapet nepermjet gjakut, si virusi i Hepatitit apo AIDS.
Vërejtje dhe udhëzime të rëndësishme
Para bërjes së hixhames me 12 orë, duhet pasur parasysh:
Marrja e një ideje rreth hixhames dhe të mos shqetësoheni për të, por të mendoni për dobitë e saj.
Të bëni gjumë të plotë dhe të mos kryeni asnjë tendosje fizike, zemërim apo stresim.
Mos kryeni marrëdhënie seksuale apo të pini duhan.
Jo-qumështit dhe produkteve të qumështit, si dhe mos konsumoni yndyra, vaj dhe agrume.
Mos bëni hixhami duke qenë të ngopur apo të uritur, dhe mundësisht të merrni një ushqim të lehtë rreth 4 orë para bërjes së hixhames.
Duhet ta informoni ekspertin e hixhames nëse keni marrë ndonjë barnë mjekësore apo i jeni nënshtruar ndonjë ndërhyrje kirurgjikale.
Shmangni hixhamen e njeriut të ftohur, që ka temperaturë të lartë, apo që është infektuar me grip, deri sa të shërohet nga këto.
Nuk duhet të vendoset kupa mbi ligamentet e këputura.
Atij që ka infeksin me ujë në gju, nuk i vendoset kupa mbi zonën e prekur, por pranë saj.
Sëmundjet e mëlçisë kërkojnë kujdes shumë të madh, sepse janë me shumë rrezik.
Pacientët me diabet nuk duhet të çahen në lëkurë, por vetëm të shpohen.
Pas bërjes së hixhames preferohet konsumimi i ushqimit të ngrohtë dhe masazhim.

Zonat e trupit ku bëhet hixhamja
Janë nëntëdhjetë e tetë zona të trupit ku bëhet hixhame, pesëdhjetë e pesë prej tyre në anën e pasme dhe dyzet e tre në fytyrë dhe bark. Çdo sëmundje ka pozicion të caktuar të trupit të njeriut për të bërë hixhami në atë pjesë. Më e rëndësishmja nga këto pozicione – e cila është gjithashtu e zakonshme në të gjitha sëmundjet – është zona “mes shpatullave” (unaza e shtatë e unazave të qafës në nivel me shpatullat dhe poshtë qafës).

Dobitë shëndetësore të Hixhames
Pastron arteriet dhe venat e mëdha e të vogla të gjakut, dhe stimulon qarkullimin e gjakut.
Pastron venat limfatike dhe nyjet limfatike.
Stimulon dhe provokon reagime në organet e brendshme të trupit duke rritur vëmendjen e trurit ndaj organit të dëmtuar për të dhënë urdhërat e duhura.
Thith dhe absorbon toksinat dhe efektet e barnave nga trupi, të cilat janë të vendosura në grumbullimet e gjakut mes lëkurës dhe muskujve.
Forcon imunitetin e përgjithshëm të trupit.
Rregullon hormonet.
Vepron për harmonizimin psikologjik.
Stimulon trurin, lëvizjen, të folurit, dëgjimin, njohjen dhe kujtesën.
Aktivizon gjëndrat, veçanërisht gjëndrën e hipofizës.
Rrit presionin mbi nerva.
Largon disa grumbullime, përzierje dhe shkaktarë të dhimbjeve.
Thith acidet e tepërta nga trupi.
Rrit kortizonin natyror në gjak.
Stimulon lëndë antioksidante.
Zvogëlon përqindjen e uresë në gjak.
Ul nivelin e kolesterolit të dëmshëm në gjak dhe rrit përqindjen e kolesterolit të dobishëm.
Rrit përqindjen e morfinës natyrore në trup.
Per te arritur perfitimin e shpresuar nga Hixhamja dhe per te eliminuar çdo rrezik te mundshem, duhet te plotesohen kushtet dhe te merren parasysh ndalesat e permendura me siper, prandaj lexoni me vemendje dhe i kuptoni mire ato.
Shqiperia dhe zonat perreth saj konsiderohen nga vendet me klime te ftohte, keshtu qe Hixhamja nuk eshte e preferuar per banoret e ketyre vendeve, sepse ajo eshte per vendet me klime te nxehte, sic jane vendet e Gadishullit Arabik; por nese patjeter do zgjidhnit ta benit ate, duhet te kujdeseni qe ta beni kryesisht ne kohen e veres.
Burimi: mjekesiabimorearabe

Veshi është një organ i çmuar dhe shumë delikat që na lejon të dëgjojmë zhurmat dhe tingujt e ndryshëm. Funksioni i tij është mbledhja, përpunimi dhe përcjellja e sinjaleve akustike, zërave, zhurmave etj, drejt organeve të tjera të aparatit dëgjimor.
Në fakt, shumë njerëz me kalimin e moshës mund të hasin probleme me dëgjimin si psh: kanë probleme gjatë një bisede telefonike, nuk dëgjojnë qartë fjalët e bashkëbiseduesit apo dëgjojnë radio me zë të lartë etj.
Testi i dëgjimit në këto raste është i domosdoshëm ashtu si dhe çdo test tjetër.
Informacioni dëgjimor përcillet nga veshët, përmes nervave dëgjimore në tru, ku interpretohet. Çdo vesh është i lidhur me trurin nëpërmjet një nervi të veçantë dëgjimor. Kështu tingulli i kapur vetëm nga veshi i majtë, dërgohet vetëm në anën e majtë të trurit. tingulli që kapet vetëm nga njëri vesh quhet monofonik.
Qendrat dëgjimore më të larta të trurit shërbejnë për të përpunuar informacionin bifonik që kapet nga të dy veshët. Ne i përdorim sinjalet bifonike për të vlerësuar vendndodhjen e burimit të tingullit. Tingulli që arrin në njërin vesh paksa më parë se në veshin tjetër, shërben si sinjal për vendndodhjen e tingullit.
P.sh., nëse një mik që rri në të majtën tuaj ju thërret emrin, se pari do ta dëgjoni me veshin e majtë dhe pastaj me të djathtin. Për më tepër, zëri i shokut tuaj do të duket paksa më i lartë në veshin e majtë, duke dhënë një tjetër sinjal bifonik për vendndodhjen. Shpesh ne nuk e kuptojmë se ka një ndryshim, por reagojmë në mënyrën e duhur duke u kthyer në drejtim të burimit të tingullit.
Dëgjimi është shumë i rëndësishëm jo vetëm për përpunimin e tingujve. Një fjalë e urtë thotë “ndër 10 të shurdhër, 9 janë memecë”. Në fakt, të shurdhërit nuk humbasin aftësinë e të folurit, por kur një person nuk merr informacione nga jashtë nëpërmjet dëgjimit, ai nuk komunikon me të tjerët. Me kalimin e kohës, i shurdhri harron fjalë dhe si rezultat, shurdhëria shkakton memecëri.
Ulja e dëgjimit vjen nga disa arsye.
Një nga to është futja e sendeve të ndryshme në vesh. Ky veprim mund të shkaktojë gjakderdhje dhe mund të çojë në dëmtimin e dëgjimit. Nëse ndodh kjo atëherë duhet të shkoni për vizitë tek mjeku. Gjithashtu dhe uji mund të shkaktojë infeksion në vesh.
Me kunjat e zakonshme dhe tradicionale të veshit jo vetëm që e shtyni më thellë dyllin, por mund ta dëmtoni edhe kanalin e veshit. Specialistët këshillojnë të përdoren metodat e duhura. Në qoftë se nuk mund t’i pastroni vetë, drejtojuni mjekut specialist.
Disa persona përdorin sende të ndryshme për pastrimin e veshëve. Në fakt, kjo gjë është e panevojshme pasi veshi ka aftësinë për t’u vetëpastruar.
Veshi ka një sistem vetëpastrimi: gjendrat e pranishme në kanalin e jashtëm të dëgjimit prodhojnë një substancë të trashë që e mbron nga grimcat e huaja dhe mban konstante karakteristikat e membranës së daulles së veshit. Kështu dylli luan një veprim mbrojtës, antibakterial, antimykotik dhe zbutës për kanalin e veshit, duke ruajtur në të njëjtën kohë edhe ekuilibrin delikat fiziologjik. Duke dalë spontanisht jashtë, kjo substancë eliminon papastërtitë që futen çdo ditë në vesh, duke e mbajtur atë të pastër dhe duke e mbrojtur nga agjentët e jashtëm
Ata mbrojnë lëkurën delikate të veshit dhe ngjisin materiale të jashtme(si pluhur, insekte të vogla fluturuese).
Dylli i veshit mund të duket si një sekrecion i verdhë i panevojshëm me emrin “cerumen”.
Në vijim do t’ju prezentojmë disa sugjerime për të mbrojtur dëgjimin tuaj.
Së pari, ata që punojnë në ambiente me zhurma, duhet të pajisen me tapa veshësh, për të pakësuar dëmtimin e dëgjimit si pasojë e tingujve apo zhurmës së madhe.
Së dyti, përpiquni mos të mbani kufje për një kohë të gjatë dhe mos dëgjoni muzikë me volum të lartë.
Së treti, përpiquni të mos qëndroni pranë fishekzjarreve ku zhurmat janë tepër të larta.
Së katërti, kur nuk dëgjoni mirë nga njëri vesh, atëherë drejtohuni tek mjeku specialist.
Së pesti, nëse veshi ka shumë dyllë këshillohet që të pastrohet nga otorinologu.

Këshilla për kujdes të shtuar gjatë aktiviteteve rutinë
Së pari, gjatë larjes së flokëve apo fytyrës, kini kujdes që uji të mos hyjë në vesh, pasi kjo mund të shkaktojë infeksion.
Së dyti, duhet të bëni një kontroll mjekësor para se të shkoni për pushime në bregdet, pasi nëse keni infeksion në vesh mirë është të mos hyni në det para se të shëroheni plotësisht.
Së treti, mos pini alkool ose duhan, pasi ato dëmtojnë nervat e dëgjimit brenda veshit.
Së katërti, hunda është e lidhur me veshin kështu që duhet të tregoni kujdes të madh për higjenën e saj.
Së pesti, nëse jeni i ftohur apo me grip, si pasojë e infeksionit në sistemin e frymëmarrjes nuk duhet të udhëtoni me avion, për shkak se presioni i madh i ajrit gjatë fluturimit mund të shkaktojë infeksion në vesh, dhimbje dhe ulje të dëgjimit.
Së gjashti, kujdes i madh duhet të tregohet edhe me bebet. Për ato foshnja që kanë probleme me dëgjimin, duhet të merren menjëherë masa, pasi kjo do t’i ndikojë edhe për të folurin.
Së shtati, shurdhimi dhe ulja e dëgjimit në moshën e madhe, janë shenjat e plakjes. Kjo mund të lidhet edhe me trashëgiminë apo me sëmundje të tjera të kaluara gjatë jetës. .
Tek veshët ndodhen shumë pika të rëndësishme të akupunkturës. Prandaj, masazhet e duhura të veshit sjellin shumë favore për organizmin në tërësi.
Metodat e masazhimit të veshëve janë shumë të thjeshta: masazhoni veshët me gishtin e madh dhe atë tregues në majën dhe llapën e veshit. Duhet të bëni masazh të lehtë, pa ushtruar forcë. Ky masazh nuk kërkon shumë kohë, 5 minuta janë të mjaftueshme.

Disa besojnë se gërhitja në gjumë nënkupton gjumë cilësor. Gërhitja është zhurma që del gjatë frymëmarrjes së një personi kur ai është në gjumë. Gërhitja e zëshme është një sëmundje e fshehur, e cila mund të shkaktojë ndalimin e përsëritur të frymëmarrjes gjatë gjumit, duke sjellë humbjen e oksigjenit. Kjo është ende një nga arsyet e ndodhjes së tensionit të lartë, të sëmundjeve të ndryshme të zemrës dhe të sulmeve në tru.
Gërhitja në gjumë jo vetëm sjell dëme për shëndetin, por ndikon edhe tek familjarët e tjerë. Është e vështirë që të flini pranë dikujt që gërhet shumë gjatë natës, pasi nuk do të keni qetësinë e duhur dhe mund të ndodhë që të zgjoheni disa herë brenda natës. Si pasojë e një gjumi jo të mirë gjatë natës mund të ndjeheni të lodhur në mëngjes dhe nervozë. Gjithashtu personat që bashkëjetojnë apo ndajnë të njëjtën dhomë me dikë që gërhet shumë gjatë natës, të nesërmen mund të ndjejnë zemërim, duke shkaktuar konflikte familjare për shumë çifte. Për këtë specialistët sugjerojnë fjetjen në shtretër të ndryshëm 2 ose 3 herë në javë. Pra të flesh me dikë që gërhet, dëmton shëndetin.
Shkaqet e gërhitjes janë shumë të ndërlikuara. Sipas psikologëve, gërhitja përfaqëson gjuhën e ëndrrës dhe reagimet personale në gjumë. Sipas studimeve përkatëse, 63% e gërhitjeve lidhen me ambientin rrethues.
Gërhitja është një metodë e reagimeve të drejtpërdrejta për ndërhyrjet e jashtme të zërave gjatë gjumit. Kur ndërhyrjet nga jashtë janë më të mëdha, zërat dhe frekuencat e gërhitjes do të jenë më të larta. Në një ambient relativisht të qetë, do të pakësohet dukshëm përqindja e gërhitjes.

Ja disa nga shkaqet që çojnë në gërhitje:
1. Lëvizja e parregullt e ajrit në rrugët e frymëmarrjes apo dhe problemet me fytin shkaktojnë gërhitje.
2. Persona mbi peshë janë të prirur të gërhasin më shumë
3. Stresi çon në gërhitje gjatë natës
Gjatë gjumit, te të gjithë njerëzit ndryshon aktiviteti i frymëmarrjes, sepse qetësohet aktiviteti i qendrave nervore që koordinojnë lëvizjet e frymëmarrjes dhe pozicionin e trupit. Përveç kësaj vihet re një qetësim i muskujve të gojës dhe fytit; të gjitha së bashku këto fenomene, sidomos kur janë të theksuar, mund të shkaktojnë fenomenin e gërhitjes dhe te disa një bllokim gati komplet të rrugëve të frymëmarrjes gjatë gjumit, me bllokim të frymëmarrjes për pak sekonda: apnea. Bllokimi i rrugëve të sipërme të frymëmarrjes mund të shkaktojë mungesë apo ulje totale të fluksit të ajrit në hundë dhe në gojë, që çon në ulje të sasisë së oksigjenit në gjak. Gjithsesi episodet përfundojnë më vetëzgjim të personit, shpeshherë të shpeshta.
Më poshtë do t’ju prezentojmë disa metoda të vlefshme mjekësore për këtë sëmundje.
Ja disa nga hapat që mund të ndërmerrni për të lehtësuar gërhitjen:
Së pari: Pozicioni i shtrirjes, shtrirja në anë. Sipas studimeve mjekësore, gërhitja mund të pakësohet, madje të eliminohet nëse flini nga njëri krah.
Përveç pozicionit të gjumit të shtrirjes në një anë, jastëku i duhur dhe cilësor mund t’ju ndihmojë për eleminimin e këtij problemi. Jastëku nuk duhet të jetë shumë i lartë e as i fortë, pasi mund të gërhisni edhe më shumë.
Së dyti: Qetësia para gjumit ju shplodh
Së treti: Lënia e duhanit, pijeve alkoolike dhe medikamenteve të tjera stimuluese. Këto shkaktojnë lodhjen e muskujve, duke përkeqësuar frymëmarrjen e deri në bllokim të saj.
Së katërti: Rënia nga pesha. Personat mbipeshë janë më të prirur të gërhasin, prandaj ekspertët këshillojnë heqjen e kilogramëve të tepërt.
Së pesti: Heqja e mishit të huaj në hundë. Heqja e mishit të huaj në hundë mund të pakësojë dhe asgjësojë gërhitjen.
Së gjashti: Përdorimi i pajisjes për të penguar gërhitjen (Snore guard). Kjo është një pajisje që vendoset brenda gojës gjatë gjumit, dhe mund të garantojë një gjumë cilësor gjatë natës. Por, duhet të theksojmë se gjatë fazës fillestare të përdorimit të saj mund të keni pak vështirësi.

Depresioni është një nga problemet psikologjike më shqetësuese dhe nga më të përhapurat sot në botë. Kjo sëmundje mund të prekë shumë persona të cilët manifestojnë simptoma të ndryshme. Disa nga simptomat më të përhapura janë; personat ndihen gjatë gjithë kohës keq shpirtërisht dhe fizikisht, kanë vetvlerësim të ulët, mendimet negative i ndjekin ngado, ndihen fajtorë për gjëra të paqëna, kanë probleme me pagjumësinë, nuk kënaqen me asgjë, humbasin interesin për aktivitete të ndryshme, duan të qëndrojnë vetëm mbyllur në shtëpi etj, etj.
Disa lloje të depresionit vazhdojnë brez pas brezi në familje që tregon se ai mund të trashëgohet.
Por, nga ana tjetër depresioni gjithashtu mund të shfaqet edhe tek personat të cilët nuk kanë histori familjare me depresion.
Depresioni pakëson energjitë, shpresat dhe shuan dëshirën për të bërë diçka, duke e bërë të vështirë kryerjen e atyre aktiviteteve që ju bëjnë të ndiheni mirë. Megjithëse mposhtja e depresionit nuk është e lehtë dhe e shpejtë ajo nuk është e pamundur. Çelësi i shërimit nga depresioni është të përpiqeni pak e nga pak çdo ditë. Të ndjerit mirë merr kohë por kjo mund të arrihet nëse bëhen zgjedhje pozitive çdo ditë dhe të mendohet pozitivisht në çdo kohë.
Rruga drejt shërimit nga depresioni
Të shërohesh nga depresioni kërkon veprim nga ana juaj si marrja e një aktiviteti sportiv, apo kontaktet e shpeshta me natyrën, pirja e një kafeje me miqtë apo edhe leximi i librave.
Çelësi për shërimin nga depresioni është ta fillosh me disa qëllime të vogla dhe ngadalë të ecësh përpara.
Një rol të rëndësishëm për mbajtjen larg të depresionit luan edhe mbështetja e familjarëve apo miqve. Megjithëse personat që vuajnë nga depresioni e kanë të vështirë të kërkojnë ndihmë nga të tjerët, izolimi dhe vetmia e përkeqësojnë gjendjen edhe më shumë. Pra, një nga ato hapat e vogla që duhet të ndërmerrni çdo ditë është edhe mbajtja e marrëdhënieve te afërta dhe aktivitetet sociale për t’u shëruar nga depresioni.
Disa hapa të përditshëm për lehtësimin e depresionit.
1.Flisni me dikë për ndjenjat tua
2.Ndihmo dikë vullnetarisht
3.Pi nje kafe apo ha një drekë me një mik/mike
4.Telefononi apo dërgojini e_mail një miku të vjetër
5. Kujdesuni për vetveten
Për t’u shëruar nga depresioni ju duhet të kujdeseni për vetveten. Kjo përfshin edhe kohën që gjen për gjërat që ju bëjnë të ndiheni mirë apo që ju pëlqejnë.
Edhe pse ndonjëherë është e vështirë të përjetoni lumturi vazhdoni të bëni ato aktivitete që më parë i cilësonit si të kënaqshme, një hobi apo sport që ju ka pëlqyer më parë. Dëgjoni Kuran, mund të provoni të dëgjoni ndonjë ilahi, ligjëratë të mirë apo të fotografoni/pikturoni në natyrë, të punoni ndonjë punë shtëpiake, artizanat apo dicka të ngjashme.
Lista e gjërave që ju bën të ndjheni mirë
Hartoni një listë të gjërave që ju bëjnë të ndjeheni mirë. Përfshini në të çdo strategjie, aktivitet etj, që ju ka ndihmuar më parë.
1.Kalojeni kohën në natyrë
2.Listoni tiparet që ju pëlqejnë
3.Lexoni një libër apo revistë interesante
4.Shihni ndonjë skeç komik
5.Bëni më shpesh masazh
6.Dëgjoni recitues të preferuar të Kur’anit
7.Përmbushni disa nga detyrat që i keni lënë pas dore
8.Mbani një kafshë të lejuar dhe të dobishme shtëpiake ose merruni me rritjen e luleve
Sforcojeni vetveten për të bërë gjëra spontane, do të befasoheni se sa mirë do të ndiheni kur të dilni nga guacka, në vend që të qëndroni i izoluar. Edhe nëse depresioni juaj nuk largohet menjëherë ju gradualisht do të ndiheni më mirë dhe më energjikë.
Mirë është që të kujdeseni edhe për shëndetin apo dietën tuaj
Mundohuni të flini mjaftueshëm, qëndroni në natyrë pasi mungesa e dritës së diellit mund të përkeqësojë depresionin.
Praktikoni teknikat e relaksimit, pasi një praktikë ditore mund t’ju ndihmojë të liroheni nga simptomat e depresionit, të zvogëlojë stresin dhe shtojë ndjenjat e gëzimit dhe mirëqënies. Provoni ushtrime aerobike, meditim, relaksimin progresiv të muskujve, apo edhe masazh e hixhamë (terapia me filgjana, cupping therapy).
Identifiko stresorët
Gjej të gjithë ata faktorë që ju stresojnë në jetë. Për shembull, mbingarkesa në punë, gjumë i pamjaftueshëm, një martesë jo e lumtur, një marrëdhënie jo e mirë me kolegët etj. Mundohuni të planifikoni eleminimin e këtyre stresorëve, apo rregullimin e çështjeve që janë burim i tyre.
Merreni veten me të mirë
Sfidoni mënyrën negative të të menduarit tuaj
Pra, nëse në kokë ju qarkullojnë një serë mendimesh negative mire është të ndaloni, merrni frymë thellë dhe përqëndrohuni diku, tek një pamje, lule apo ndërtesë. Kjo teknikë do të bëjë që zërat në kokën tuaj të ndalojnë përkohësisht. Praktikojeni shpesh këtë metodë për të larguar mendimet negative. Gjithashtu bëni një listë me afirmime, shkruaji gjërat që do të donit të kishit, dhe shkruajini ato në kohën e tashme. Unë kam…. apo unë jam. Mos i nisni ato me unë nuk dua… unë nuk jam….Përqëndrohuni në ato gjëra që doni të keni me të vërtetë. Lexojini këtë listë disa herë gjatë ditës, do të habiteni nga efektet e saj.
Bëni ushtrime të rregullta fizike.
Shkencëtarët thonë se aktiviteti fizik mund të jetë i vlefshëm për të luftuar një gjendje depresive të moderuar. Duke ecur apo vrapuar çlirohet endorfina, që rregullon humorin, gjithashtu lehtëson muskujt e tensionuar.
Ushqimet që përmirësojnë humorin
Mënyra si ushqehemi ka shumë rëndësi për ata të cilët vuajnë nga çrregullimet e humorit.
Specialistët e fushës këshillojnë se nuk duhet ta anashkalojmë mëngjesin, pasi ngrënia e tij është përgjegjëse për energjinë që do të shpenzojmë gjatë ditës.
Minimizoni sheqernat dhe karbohidratet.
Merrni ato ushqime që përmbajnë vitaminë B. Mungesa e vitaminës B mund të nxisë depresionin. Konsumoni më shumë fruta si portokalli, limoni, perime, fasule, pulë dhe vezë.
Acidet Yndyrore të Omega-3 luajnë një rol esencial ne stabilizimin e gjendjes shpirtërore. Burimet më të mira janë peshqit si salmoni dhe sardelet. Burime të tjera janë vajrat e perimeve dhe arrat e fasulet e sojës.
Omega 3 është një yndyrë që përftohet nga prodhimet e detit.
Depresioni
Deri më sot ka ekzistuar bindja që Omega 3 mund të parandalonte deri në njëfarë mase depresionin dhe kjo bazohej kryesisht te vëzhgimet epidemiologjike të profesorëve të ndryshëm, që zbuluan se depresioni në Gjermani ishte më i pakët në zonat bregdetare, pra aty ku njerëzit konsumojnë një sasi më të madhe peshku se në zona të tjera. Por së fundmi, një tezë e tillë është konfirmuar plotësisht.
Mënyrat si të sfidojmë mendimet negative:
Pyet vetveten nëse do t’ia thuash dikuj tjetër ato që po i thua vetes.
Mbaj një ditar të mendimeve negative
Sa herë që përjetoni një mendim negativ shkruajini mendimet në ditar së bashku me atë që e ka nxitur kët mendim. Më pas shqyrto dhe konsidero nëse negativiteti që është shprehur atje, është real apo ka qenë i rremë. Për një mendim të dytë ju gjithashtu mund të konsultoheni me një mik/mike apo terapistin tuaj.
Zëvendëso mendimet negative me ato pozitive. Shqyrto ditarin tuaj të mendimeve negative dhe më pas për çdo mendim negativ shkruaj një pozitiv. Për shembull, “shefi më urren. Ai më dha një detyrë të vështirë për ta përfunduar” mund të zëvendësohet me “Shefi im sigurisht ka besim tek unë përderisa ma la këtë përgjegjësi mua”.
Shoqërohu me persona pozitivë. Shpesh ndodh që personat të cilët shohin anën e bardhë të situatave i kapërcejnë gjithnjë sfidat e jetës. Mirë është të mendoni dhe ju kështu. Nëse e provoni diçka por pa sukses, provojeni sërish më me shumë optimizëm e këmbëngulje. Dhe ajo që është më e rëndësishme për të fituar betejën me depresionin është këmbëngulja, mënjanimi i frikës dhe shpresa.

Emocionet negative mund të shkaktojnë dëme të rrezikshme për shëndetin.
Zemërimi i tepërt dobëson mëlçinë
Frika e tepërt dobëson veshkat
Brenga dobëson mushkritë
Shqetësimi dëmton shpretkën
Stresi dobëson trurin dhe zemrën
Lëndimet e këtyre organeve mund të shkaktojë emocione negative gjithashtu dhe e kundërta: psh; një mëlçi e lënduar shkakton zemërim, veshka e cila nuk funksionon si duhet shkakton frikë etj.
Disa metoda të tjera për largimin e emocioneve negative apo për kontrollimin e tyre janë, meditimi, masazhi, vrapimi, ndjekja e ndonjë hobi etj.
Emocionet negative si ankthi, frika, frustrimi, zilia, dhe dyshimi mund të kenë ndikime madhore në shëndetin tuaj. Situatat e ndryshme në jetë, si papunësia, problemet ekonomike, apo një martesë jo e shëndetshme si dhe humbja e ndonjë personi të dashur, mund të shkaktojë ndikime tek gjendja emocionale dhe mendore e dikujt, duke e shpërndarë këtë ndikim në mbarë trupin.
Nga shumë studime të fundit ka rezultuar se një numër i konsiderueshëm i problemeve shëndetësore vjen nga emocionet negative.
Këto emocione mund të shtojnë aciditetin në trup, gjë që mund të rezultojë me sëmundje dhe probleme me shëndetin.
Pyetjes nëse emocionet negative ndikojnë në pH e trupit ose jo, Dr. Robert Young i përgjigjet se:
“Nëse gjendja juaj mendore priret nga mendimet negative, mund të krijojë më shumë mjedis acid sesa vetë ushqimet që konsumoni. Në fakt, nga mendimet tuaja mund të krijoni dy herë ose dhe më shumë sasi acidesh, sesa nga konsumimi i ushqimeve me bazë acide”.
Pra, mendimet dhe ndjenjat negative na ndikojnë keq në organizëm duke na shtuar nivelin e aciditetit në trup. Nëse këto acide nuk eleminohen nga organizmi juaj nëpërmjet katër rrugëve si urinimi, djersitja, etj, atëherë këto ato do të shkojnë në gjak. Kjo çon në të gjitha llojet e problemeve që nga artriti, dhimbjet muskulare, lodhje, obeziteti, kanceri i gjirit, i prostatës etj, sulmet në zemër e shumë sëmundje të tjera.
Në momentin që prodhoni aciditet me anë të mendimeve tuaja kjo do të aktivizojë sistemin alkalin për neutralizimin e këtyre acideve. Nëse këto acide nuk eleminohen si duhet nga trupi, mund të sjellin shumë probleme serioze në organizëm. Emocionet pozitive, si ndjenja e dashurisë, paqes, shpresës, besimit dhe faljes, japin efekte bazike në gjak dhe inde. Ndjenjat negative si zemërimi e frika janë nga emocionet më të forta që sjellin aciditet në trup. Në fakt, frika është ndjenja që sjell më shumë aciditet në trup. Ajo është kaq dërrmuese për trupin, sa madje edhe nëse jeni në një dietë me bazë alkaline, përsëri do të jetë tejet e vështirë për të mos thënë e pamundur për të zgjidhur problemin në shendetin tuaj.
Kjo ndodh pasi ju konsumoheni nga mendimet negative që sjellin aciditet në trup. Njerëzit kanë “sulme mendimesh” jo “sulme në zemër.” Janë publikuar shumë studime që tregojnë se mbi 80% e të gjitha atakeve kardiake e kanë bazën tek emocionet.
Pra, me të drejtë mund të themi se ndjenjat negative mund të ndikojnë në mënyrën se si një person ndihet apo shërohet.
Dr. Young thotë se kur jemi në një gjendje jo të mirë emocionale është pothuajse e pamundur të shërohemi si duhet. Kur ndjeheni më mirë a e dini çfarë ndodh?
“Ju nisni të mendoni më pozitivisht e rrjedhimisht veproni më pozitivisht. Kur ndjeheni më mirë ju papritur harroni ndjenjat e mërzitjes frikës etj. Energjia juaj emocionale është nën kontroll dhe ju keni nën kontroll trupin dhe mendjen tuaj pasi po jetoni në një mjedis të balancuar.
Personat që janë të pushtuar shpesh nga ndjenjat negative si ato që përmendëm më sipër, patjetër që duhet të kenë një dietë shumë bazike për të balancuar aciditetin që kanë në trup.
Ai shton se kur i vijnë pacientë të cilët kanë këtë problem, të gjitha lëngjet e trupit, duke përfshirë edhe gjakun do të kenë një pH të ulët, ndërsa kur ambjenti është shumë bazik atëherë pH në urinën e tyre do të jetë ndërmjet 8- 9. Në fakt, një mjedis më shumë bazik është i nevojshëm për të kompesuar aciditetin që vjen nga mendimet negative si dhe për të patur një shëndet të ekuilibruar, energji, vitalitet, paqe, harmoni etj.
Po përsa i përket sëmundjes së kancerit ç’mendim ka Dr. Young:
“E kam thënë dhe më parë, kanceri është një fjalë me katër gërma – ACID. Kur jeni të mbizotëruar nga ndjenjat apo mendimet negative, si zemërimi, hakmarrja, mërzitja ose depresioni ju jeni duke krijuar një mjedis me bazë aciditi, i cili mund të shkaktojë të gjitha sëmundjet kancerogjene në trup.
Duhet të përzgjidhni ushqimet alkaline si ushqime vegjetale, fruta të freskëta, arra dhe bishtaja, duke limituar ushqimet acide si mishin, bulmetet, pijet me gaz, ushqime shumë të kripura etj. Kjo ka si synim eleminimin e ushqimeve që janë të pasura me acide, si pasojë humbjen e bilancit acido-bazik në organizëm dhe kalciumit, magneziumit që përmbajnë kockat.
Shpesh themi si të ushqehemi në mënyrën e duhur.Njeriu është një makinë biologjike, ku truri luan rolin e kompjuterit, që memorizon dhe organizon gjithçka stomakun dhe zorrën e trashë me gjithë organet e tjera, që të gjitha së bashku quhen aparati tretës, janë laboratori kimik i kësaj makine, e cila për të ecur dhe funksionuar mirë shfrytëzon ushqimin si lëndë të parë, nga e cila merr të gjithë elementët kimikë, kripëra të ndryshme, mineralet, apo metalet. Kjo sepse ky laborator nuk mund t’i marrë dot këto lëndë drejtpërdrejt nga ushqimet pasi më parë duhen të përpunohen. Këtë reaksion apo përpunim kimik e kryejnë bimët e ndryshme me anë të fotosintezës dhe me anë të rrënjëve të cilat marrin elementët e tjerë kimikë që gjenden në tokë. Ne i marrim këto elemente vetëm nëpërmjet tyre në kushte normale (ushqimi).
Pra që kjo makinë të funksionojë, duhet që të marrë të gjithë këta elementë në masën, cilësinë dhe kohën e duhur dhe kur këto elemente mungojnë, për arsye se ne nuk dimë t’i japim këtij organizmi atë që i nevojitët për të ecur, ajo fillon problemet e veta që tek ne shfaqen duke shkaktuar sëmundje, dhe në vartësi të asaj që i mungon lind edhe sëmundja ose akoma më keq kur në i japim atë ushqim, që atij i bën dëm.
Disa nga ushqimet acide janë, lëngjet e kutive, pijet me gaz etj. qumështi i lopës, mishrat, të gjitha prodhimet e konservuara, etj.
Shkaqet për shfaqjen e sëmundjeve
Sëmundja nuk lind “rastësisht”, por ajo lind prej “kaosit” apo rregullimit të bërë me dashje apo pa dashje nga vetë ne, dhe që shkojnë në kundërshtim me ligjet që rregullojnë jetën e gjallë të cilat bëjnë të mundur lindjen e një sistemi biologjik kaotik pra të çrregullt (sëmundja ). Prandaj ruajtja e ekuilibrit të këtij shtrati të lëngshëm, ku jetojnë qelizat është edhe sekreti i një trupi të shëndetshëm që në gjuhën shkencorë quhet ruajtja e raportit acido-bazik i cili matet në pH dhe që duhet të anojë gjithmonë më shumë nga ai bazik sesa ai acid. Ushqimi luan rolin kryesor në formimin, rritjen, ndryshimin dhe ruajtjen e këtij terreni. Por një faktor tjetër që ndikon në ndryshimin e tij është edhe konflikti shpirtëror, të cilët kur zgjasin shumë zbresin në terrenin fiziologjik duke e ndryshuar atë dhe duke u bërë shkak kështu për lindjen e sëmundjeve të ndryshme.
Sipas konfliktit shpirtëror, që kalon individi të cilat nuk mund të shërohen, pa u zgjidhur më parë konflikti shpirtëror. Por organizmi ynë nuk mund ta lejojë që ky ekuilibër (acido/bazik) të ndryshojë, kështu që mundohet të neutralizojë acidet e tepërta në trup. Nga kjo mungesë pastaj fillojnë edhe shenjat e para të sëmundjeve. Kjo shpjegon në mënyrë të qartë se ata që konsumojnë shumë uthull, limon apo ushqime të tjera të kësaj natyrë i kanë dhëmbët me shumë probleme. Ndërsa mungesa e potasiumit dhe magnezit shkaktojnë takikardinë, pasi që të dy ruajnë ekuilibrin e ritmit të zemrës sonë dhe kur janë poshtë nivelit minimal vjen aritmia. Ushqimi është shumë i rëndësishëm dhe akoma më e rëndësishme është me çfarë ushqehemi dhe si ushqehemi.
Aciditeti i një ushqimi nuk matet në stadin e freskët të tij, por gjatë tretjes në organizëm. Këto substanca inorganike mund të sillen si ushqime acide ose bazike. Psh, limoni ka një pH të ulët, pasi përmban acid citrik dhe përveç kësaj është cilësuar si një ushqim alkalin, pasi përbërësit acid kanë natyrë organike dhe si të tilla metabolizohen me lehtësi nga organizmi dhe eliminohen me frymënxjerrjen.
Për ta bërë organizmin sa më bazik dhe të shëndetshëm, rreth 80 % e ushqimit duhet të jetë prej perimeve të freskëta, pak farëra e fruta të thata (bajame, arra) dhe pak fruta. Kurse pjesa tjetër e ushqimit prej 20 % mund të jetë ushqim i gatuar (i zierë) ku përfshihen edhe bishtajoret (bizelja, fasulja). Lëngu i perimeve të freskëta prodhon enzima të gjalla dhe të lehta për t’u thithur dhe për t’u tretur, të cilat arrijnë shumë shpejt në qeliza, brenda 15 minutave, dhe ushqejnë e forcojnë qelizat e shëndetshme.

Sipas Organizatës Botërore të Shëndetësisë, diarrea është shkaku i zakonshëm i vdekjeve në vendet në zhvillim dhe shkaku i dytë më i zakonshëm i vdekjeve tek foshnjat në gjithë botën. Humbja e lëngjeve të trupit mund të çojë në dehidratim. Në 2009-n, diarrea shkaktoi 1,1 milionë vdekje.
Diarreja ёshtё njё simptomё qё karakterizohet nga nxjerrja e shpeshtё e feçeve (+5 -6 herё nё ditё) tё cilat kanё konsistencё mё tё hollё. Ajo shkaktohet nga kalimi ỉ shpejtё nё traktin digjestiv ỉ lёndёve ushqimore.
Një nga problemet më serioze që mund të paraqesë diarreja është se ajo mund të shkaktojë dehidrim që do të thotë se trupi ka nuk ka lëngje të mjaftueshme për të kryer funksionet e tij.
Sidomos pamjaftueshmëria e lëngjeve mund të jetë e rrezikshme tek fëmijët dhe tek të moshuarit.
Cilat janë shkaqet e diarresë?
Diarreja mund të shkaktohet nga një problem i përkohshëm si p.sh : nga një infeksion i thjeshtë, nga një problem kronik si sëmundjet e traktit tretës.
Disa nga shkaqet e diarresë janë:
-Infeksionet bakteriale. Disa lloje baktere të marrë gjatë konsumimit të ujit dhe ushqimeve të kontaminuara (infektuara) mund të shkaktojnë diarre. Bakteret më të shpeshta janë: Salmonella, Shigella, dhe E. coli.
-Infeksionet virale. Disa viruse mund të shkaktojnë diarre si p.sh: herpes simplex virus, dhe hepatitis viral.
-Intoleranca nga ushqimet. Disa njerëz nuk mund të tresin disa përbërës të ushqimeve si p.sh laktozë sheqer që gjendet tek qumështi dhe nën produktet e tij.
– Parazitët. Parazitët mund te hyjnë në trup nëpërmjet ushqimeve dhe ujit dhe fiksohen në sistemin tretës.
– Reaksioni ndaj mjekimeve si p.sh prej antibiotikëve, ilaçeve kundra hipertensionit, etj.
– Sëmundje të zorrëve
– Çrregullimet funksionale të zorrës si p.sh: sëmundja e zorrës së irrituar në të cilën zorrët nuk punojnë normalisht.
Gjithashtu personat të cilët vizitojnë shtete të huaja mund të kenë probleme me diarrenë e quajtur ,”diarreja e udhëtimit”, e shkaktuar nga konsumimi i ushqimeve dhe ujit të infektuar me baktere, viruse dhe parazitë.
Simptomat e diarresë?
Diarreja mund të shoqërohet me dhimbje abdominale(barku), fryrje barku dhe gazra. Në varësi të shkakut personi mund të ketë ethe dhe gjak në feçe.
Diarreja mund të jetë akute(me kohë të shkurtër) ose kronike( e zgjatur në kohë). Forma akute e cila zgjat me pak se 4 javë zakonisht është e lidhur me infeksionet bakteriale, virale ose parazitare.
Diarreja kronike zgjat më shumë se 4 javë dhe është e lidhur me çrregullime funksionale si p.sh: sindromi i zorrës së irrituar etj.
Shenjat e përgjithshme të dehidrimit përfshijnë:
-etje
-urinim më të rrallë
-lëkurë e thatë
-lodhje
-marrje mendsh
-urinim me ngjyre të errët
Parandalimi i dehidrimit
Dehidrimi ndodh kur trupi gjatë diarresë humbet shumë lëngje dhe bashkë me to dhe mikroelementë si kalium dhe natrium. Lëngjet dhe mikroelementët duhet të zëvendësohen menjëherë sepse trupi nuk mund të kryeje funksionet bazë të tij pa to. Dehidrimi në veçanti është i rrezikshëm tek fëmijët të cilët mund të vdesin brenda disa ditëve.
Edhe pse uji është i rëndësishëm në parandalimin e dehidrimit, ai nuk përmban mikroelemente. Për të mbajtur në normë nivelin e elektroliteve ju mund të merrni: supë e cila përmban natrium, lëngje frutash, fruta të buta ose perime të cilat përmbajnë kalium.
Ushqimet që parandalojnë diarrenë
Derisa diarrea te kalojë mire është të mos konsumojmë qumësht dhe nënproduktet e tij, ushqimet me yndyre, ushqimet me përmbajtje të lartë fibrash ose ushqimet shumë të ëmbla. Këto ushqime kanë prirje ta përkeqësojnë diarrenë. Specialistët këshillojnë bananet, orizin, patate të ziera ose pure, karota të ziera dhe pule të pjekur pa lëkurë dhe yndyrë.
Këtë lloj diete amerikanët ndryshe e quajnë BRAT ( bananas, rice, applesauce, and toast)
Ushqimet që nuk duhet t’i konsumojmë gjatë diarresë
1. Ushqimet me yndyrë.
Ushqimet me përmbajtje të lartë yndyrore mund të përshpejtojnë kontraktimet e zorrëve, prandaj është mire të evitohen yndyrnat, të skuqurat etj.
2. Produktet e qumështit
Edhe nëse nuk vuani nga intoleranca e laktozës, (paaftësia për tretur sasi të caktuar laktoze, sheqer kryesor që gjendet te qumështi)do të ishte ide e mirë mënjanimi i disa produkteve të qumështit. Laktoza është sheqeri kryesor në qumësht dhe në shumicën e produkteve qumështore. Zorra e hollë liron enzimën e quajtur laktazë, e cila ju ndihmon tek tretja e këtij sheqeri. Kur jeni intolerantë në laktozë sistemi juaj tretës nuk prodhon mjaftueshëm laktazë.
Simptomat e intolerancës në laktozë janë:
• Fryrja;
• Diarreja;
• Gazrat e dhimbshme;
• Ngërçet në stomak.
3. Ushqimet pa sheqer
Disa ëmbëlsues dhe zëvendësues sheqeri mund të kenë një efekt laksativ, si dhe mund t’ju shkaktojnë gazra, prandaj këshillohet që derisa të ndjeheni më mirë, të evitoni si soda dietike, camcakëzat pa sheqer etj.
4. Ushqimet që shkaktojnë gazra
Disa perime shkaktojnë gazra në zorrë, gjë që mund të çojnë në shtimin e diarresë:
· Fasulet
· Brokoli
· Lakra
· Lulelakra
· Qepët
· Bizelet
Si e trajton diarrenë mjekësia tradicionale
1. Dieta e parregullt, përfshi mbingrënien, mos përtypja e rregullt e ushqimit, oraret e parregullta të vakteve ushqimore, ose ngrënia e ushqimeve të prishura;
2. Ushqimet e ftohta dëmtojnë shpretkën dhe ushqimet e pagatuara mund të përmbajnë një numër të lartë fibrash të patretshme, dhe më e rëndësishmja mund të përmbajnë patogjenë të cilët mund të ndikojnë në shtimin e bakterieve. Funksioni tek një “shpretkë e ftohtë” është i kufizuar;
3. Faktorët sezonalë, veçanërisht lagështira dhe kombinimi ngrohtë/lagësht që e hasim shpesh gjatë verës, “trullos” funksionin natyror të shpretkës.
Kur veshka dhe shpretka janë të ftohta, ndjejmë lodhje, përgjumje dhe dhimbje të vazhdueshme abdominale. Kur shpretka është e dobët, oreksi bie. Mungesat e energjisë se veshkave çon në dhimbje të mesit dhe këmbë të pafuqishme. Gjuha e zbehtë dhe me një shtresë të bardhë si dhe një puls i dobët janë tregues i mungesës së energjisë tek veshkat dhe shpretka.
Çfarë barnash bimore këshillohen për diarrenë?
Mjekësia Tradicionale këshillon që në rastet kur ka diarre kronike të përdoret xhenseni (ginseng), kanellë, arrëmyshk, xhenxhefil. Ndërsa në Perëndim, për të parandaluar diarrenë përdoret kryesisht loperamidi.

Sipas të dhënave statistikore, aktualisht sot në botë numri i pacientëve me sëmundje kronike të veshkave zë afro 1 të 10-n e popullsisë së përgjithshme të botës, e thënë në shifra kjo arrin mbi 500 milionë të prekur. Sëmundjet e veshkave sot janë kthyer në një problem global.
Çfarë ndikimi priret te ketë kjo sëmundje tek njerëzit?
Si mund të zbulohet ajo në hapat e para? Cilat janë disa nga metodat e trajtimit të kësaj sëmundjeje nëpërmjet metodave kombinuese të mjekësisë alternative dhe asaj shkencore
Numri i të prekurve me këtë sëmundje është tepër i lartë, afro 10 për qind e popullsisë. Prej tyre, numri i të sëmurëve me uremi (shkatërrim akut renal) është më i lartë se numri i pacientëve me probleme kronike të veshkave.
Perpjekjet ndaj kësaj sëmundjeje përballen me sfida serioze në të gjitha vendet. Zgjidhja e këtij problemi është një ndër projektet më të rëndësishme të Organizatës Botërore të Shëndetësisë.

Ushqimet, stili i jetesës dhe grupi i gjakut ndikojnë shumë në organizimin tonë. Siç e dimë, ka 4 grupe gjaku: 0, AB, A dhe B. Secili…

Matt Maden ishte vetëm dhjetë vjeç kur nisi të pinte alkool. Tani në moshën 26-vjeçare i duhet të bëjë transplant në mëlçi. Nëse nuk do ta…

Gripi mund të shkaktojë probleme serioze në shëndetin publik dhe në ekonomi. Në vendet e zhvilluara, epidemitë mund të rezultojnë në nivele të larta të mungesave…