Imer Hamza nga fshati Pallçisht i Poshtëm të Tetovës nuk është vetëm thjesht një emër që identifikon një person, por është një rast që rrëzon poshtë të gjitha teoritë se në moshë të shtyrë, truri e ka vështirë të pranojë informacione të reja, e të pajiset me dituri.Imer Hamza, në moshën 68 vjecare mbaroi me sukses shkollën e mesme ,medresenë Isa Beu duke dëshmuar se nxënia e diturisë then të gjitha limitet e moshës, transmeton Tv2.
Në këtë formë, ai është shëndruar në befasinë më të këndshme për medresenë Isa Beu në Shkup për maturantët e vitit shkollorë 2013-2014.Ndoshta e logjikshme është të pyetet se përse jo më herët me qenë se dëshira gjithnjë ka ekzistuar. Por me qenë se Haxhi Imer Hamza që në moshën 8 vjeçare është rritur jetim pa babanë e tij, gjendja e vështire ekonomike e detyroi atë që sa më shpejtë të fillojë punën për të siguruar ekzistencën familjare. Megjithatë dëshira e tij nuk u tret nëpër vite por përkundrazi, u forcua çdo ditë e më tepër deri sa në vitin 2010, ai regjistrohet në medresenë “Isa Beu në Shkup.“
Unë nisem nga hadithi i Muhamedit a.s i cili thotë : “ kërkoni dituri nga djepi e deri në var”. Pastaj Allahu i madhërishm e hap Kur ranin me fjalët :”Lexo dhe mëso në emër të Allahut i cili krijoi çdo gjë” , dhe këtu aspak nuk ceket mosha, por thotë “lexo” , sqaron HamzaAi vlerëson se për të arritur në dituri, duhet vullnet dhe mund. Këtë ua sugjeron fëmijëve që janë në këtë proces duke I këshilluar që të përdorimin e teknologjisë ta kalojnë në vend të dytë, ndërsa mesimin në vend të parë.Gjatë këtij udhëtimi,ai ka gjetur mbështetje dhe përkrahje të pa rezervë edhe nga ana e familjes, edhe pse ata kanë dyshuar se në këtë moshë, ai do të arrinte të prekte ëndrën e tij.I vetëdijshëm për djersën që duhet derdhur për tu ngjitur drejt suksesit, ai gjatë katër viteve të shkollimit të mesëm në medrese, thotë se kalonte me se 8 orë me libra. Pjesa më e bukur e ditës së tij ishte kur ai mblidhte familjarët rreth tij dhe u shpjegonte diçka nga njohuritë e fituara të asaj dite.
“ Është fakt që Allahu u përgjigjet të gjitha lutjeve të sinqerta të robërve të vetë, duke vazhduar ti pyes çdo natë se : “a ka dikush nevojë për dicka”. Unë kisha nevojë për dije, dhe nga kjo dëshirë Allahu nuk e privoi” shprehet Haxhi HamzaNë këtë formë,ai është bërë model për ta ndjekur jo vetëm moshatarët e vetë, por edhe të rinjtë e ditëve të sodit që gjejnë çfarëdo lloj arsye për të mos mësuar.Por dëshira e Hamzës nuk përfundon këtu, ai me lejen e Zotit, është I mendimit që të vazhdojë studimet në Fafakuktetin e Shkencave Islame në Shkup.“ unë nuk kam nevojë për një vend pune sepse këtë nuk ma premton as mosha. Unë gëzoj një stabilitet të plotë ekonomik sepse kam pension të Zvicrës. Këtë e bëj thjesht nga dëshira për dije dhe për të plotësuar hadithin e Muhamedit A.S kur porosit umetin e tij që të kërkojnë dituri deri në në fund të jetës” përfundon haxhi Imer Hamza.
Krahas librave obligativ të shkollës, ai gjithnjë ka në dorë edhe libra të tjerë fetarë sepse aty e gjen ushqimin e tij shpirtëror.
