Franca është bërë anëtari i fundit i BE-së i cili ka kapur një bazë, e cila akuzohet se rekrutonte njerëz për të luftuar kundër regjimit të Bashar Essad-it në Siri. Sipas zyrtarëve Francezë, në lidhje me rastin janë arrestuar katër të dyshuar.
Zyrtarët thonë se ky rrjet ishte dedikuar për rekrutimin dhe dërgimin e qindra francezëve në luftën kundër regjimit të Essad, në Siri.
“Komplet qeveria është e mobilizuar në ndjekjen e “xhihadistëve” dhe parandalimin e sulmeve të tyre,” ka thënë Presidenti i Francës, Fransua Holand.
Raportohet se arrestimet janë bërë më 2 qershor, në qarkun e Parisit dhe në jug të Francës. Ky aksion, ka shënuar kapjen e dytë të rrjetit të luftetarëve, në muajt e fundit.
“Ne nuk do t’u japim rast terroristëve,” ka thënë Ministri i Punëve të Brendshme të Francës, Bernard Kaznav.
Poashtu, sipas zyrtarëve francezë, 700 shtetas francezë janë aktiv në luftën në Siri. Një nga të dyshuarit, Mehdi Nemmouche, ishte identifikuar në sulmin kundër Muzeut Jevg, më 23 maj, në Bruksel, ku u patën vrarë katër njerëz.
“Elementet e reja të hetimit tërheqin vëmendjen në problemin e të kthyerve – me fjalë të tjera ata që shkojnë e bëhen pjesë e grupeve ndërluftuese në Siri e pastaj kthehen prap në vendet e tyre, janë brengë e të gjitha shteteve të Europës,” ka thënë prokurori Belg, Frederik Van Leuv