Tony Blair ua ka tërhequr vërejtjen liderëve perëndimorë që ata duhet të lënë anash dallimet me Rusinë mbi Ukrainën dhe të fokusohen më shumë në kërcënimet e “ekstremistëve islamik:.
Në një fjalim ish kryeministri i Britanisë së Madhe – tani emisar për Lindjen e Mesme – ka thënë se kombet e fuqishme duhet “të marrin anë” dhe të mbështeten në grupet “që s’kanë paragjykime”.
Blair i ka thënë BBC-së para fjalimit se perëndimit do të paguaj “çmim shumë të shtrenjtë” që nuk intervenojë në Siri.
Ai ka thënë se mundësia për të krijuar një “zgjidhje optimiste” është humbur.
Blair e ka mbajtur fjalimin e tij në Bloomberg të Londrës në kohën e ngritjes së tensioneve në mes të Rusisë dhe Perëndimit për Ukrainën.
Liderët perëndimorë e kanë akuzuar Rusinë për përdorim të personelit të fshehtë ushtarak për të mbështetur separatistët në Ukrainën lindore – një akuzë që Rusia e mohon.
Pa zona fluturimi
Para fjalimit, ish kryeministrit – tani emisar në kuartetin KB, BE, SHBA dhe Rusi – ka folur për një gazetar të BBC-së.
Ai ka sjell prova se perëndimi “e ka përgjegjësinë por po ashtu edhe një interes” që të bëj të sigurt që kjo “lufta e madhe” të ishte “zgjidhur në rrugën e duhur”.
“Megjithatë shumica e njerëzve mund të mendojnë që ne duhet të bëjmë presion të një palë dhe të harrojmë tjetrën, që mendoj se është një gabim. Para se gjithash, ne duhet të tregojmë përkushtim. Ne duhet të angazhohemi”.
Rreth problemit të Sirisë, Blair ka thënë se ai e kupton ngurrimin e Britanisë për të marrë një veprim ushtarak atje, por ai do të impononte krijimin e një zone pa fluturime që ai e kishte në zyre dy vite me parë.
“I njoh shumë mirë vështirësinë dhe konsekuencat e një intervenimi, por nëse e shikojmë Sirinë ju do të shikoni që ka pasoja për shkak të mos intervenimit dhe mos intervenimi është diçka për të cilin ne do të paguajmë një çmim shumë të madh”.
“Ekstremizmi islamik” po kërcënon globalizimin
Në fjalimin e tij në Bloomberg, Blair i ka bërë thirrje liderëve perëndimorë për të “ngritur në nivel të lartë problemin e ekstremizmit në agjendën e tyre kryesore”.
Andaj duhet një bashkëpunim me vendet e tjera – “në veçanti me Rusinë dhe Kinën” – pa marrë parasysh “dallimet e tyre”.
Ai ka argumentuar kërcënimin që vjen nga qëndrimet radikale të cilat vinë nga “një mesazh i shtrembëruar nga e vërteta e islamit” i cili “po shpërndahet në tërë botën”.
“Ata po e destabilizojnë komunitetet madje edhe kombet. Është një minë nëntokësore për një bashkë-ekzistencë tonë në erën e globalizimit. Ne para këtij kërcënimi dukemi të pavëmendshëm për ta njohur atë dhe të pafuqishëm që të kundër sulmojmë në mënyrë efektive”.
Ai ju ka bërë thirrje liderëve për të marrë në konsideratë “absurditetin” e shpenzimit të miliarda dollarëve në siguri kundër një ideologjie e cila është “evokuar” edhe në shkolla dhe institucione të “vendeve me të cilët ne ndajmë sigurinë dhe kemi marrëdhënie në fushën e mbrojtjes”.
“Disa nga këto vende natyrisht dëshirojnë që të shpëtojnë nga mbërthimi i kësaj ideologjie, por është shumë e vështirë për ta bërë këtë brenda strukturave të tyre politike”, ka shtuar ai.
“Kjo vështirësi në mes të asaj që ne mund t’i quajmë njerëz mendje hapur dhe njerëz mendje mbyllur është në zemër të shekullit të 21-të që ka të bëj direkt me bashkëjetesën paqësore apo konfliktin në mes të njerëzve dhe kulturave të ndryshme”./exp