Shifrat tashmë janë të njohura, rreth 40.000 njerëz vdesin çdo vit në aksidentet me makinë. Shkaku kryesor i vdekjeve për moshat nën 35 vjeç. Rripi i sigurimit mund të kishte parandaluar pothuajse gjysmën e këtyre aksidenteve. Nëse ju e dini këtë fakt dhe ende nuk e vendosni rripin e sigurimit, duhet ti bëni një pyetje vetes, pse jo? Por para se të bëni këtë le të shohim se cfarë ndodh kur përplasesh me makinë.
Përplasja njeriut
Imagjinoni të vraponi me sa fuqi keni drejt një muri. Pritet që të ketë një përplasje të fuqishme. Mendoni sikur ky mur të ngrihet papritmas kur ju jeni vetem dy metra larg tij ,a do jeni në gjëndje të ndaloni? Pikërisht kjo gjë ndodh me pjesën e përparme të makinës suaj kur godet diçka me vetëm 25 km në orë. Makina ndalon në një të dhjetën e sek por ju që jeni brënda në makinë vazhdoni me të njëjtën shpejtësi të përplaseni deri sa diçka ju ndalon si psh timoni, kroskoti ose xhami makinës. Nëse ju mbani rripin e sigurimit kjo nuk ndodh. Diçka mjaft e rrezikshme me vetëm 25 km, por me 50 km në orë përplaseni me murin katër herë më fort se me shpejtësinë e parë. E thënë ndryshe është njësoj sikur të përplaseni në tokë pasi jeni hedhur nga kati tretë.
I vendosur me rregull
Rripi i sigurimit duhet të vendoset në mënyrë të rregullt. Të dy shirititat duhen vendosur në mënyrë komode për të transferuar impaktin e përplasjes tek kocka e legenit dhe shpatullës të cilat e suportojnë më mirë impaktin se pjesët e tjera të trupit. Me vetëm një rrip mbi shpatull ju mund të rrëshqisni dhe të mbyteni me litarin, ndërsa vetem me rripin e poshtëm, pra atë adominal, gjatë përplasjes nuk e mbroni dot fytyrën tuaj në goditjen me timonin. Pra funksionon kur i vini të dy shiritat.
Cilat janë disa nga arsyet e gabuara që njerëzit nuk e mbajnë rripin e sigurimit?
‘Unë thjeshtë jam duke shkuar tek dyqani këtu pranë’ Në fakt kjo është koha më e mirë për të vendosur rripin e sigurimit, pasi 80% e aksidenteve me pasojë vdekjen ndodhin në zona jo më larg se 40 km nga shtëpitë e të aksidentuarve, me një shpejtësi nën 60 km në orë.
‘Unë nuk do të bëj aksident, jam një shofer shumë i mirë’ Të pasurit eksperiencë apo kohë të gjatë që i jepni makinës sigurisht që ju ndihmon që ti shpëtoni aksidenteve . Por edhe nëse jeni një shofer i mirë, mund të ndodh që një shofer i keq të përplaset me ju.
‘Unë do të mbledh veten’ Edhe nëse arrini brenda një fraksioni mjaft të shkurtër të kohës për ta bërë këtë, forca e përplasjes do tju thyente krahun ose këmbën që do përdornit për të shpëtuar nga përplasja.
‘Kam frikë se rripi do më mbajë të mbërthyer në makinë’ Statistikisht, pjesa më e madhe e të mbijetuarve janë ata që janë gjendur brenda në makinë pas aksidentit. Nëse pas impaktit dilni përtej xhamave, pra jashtë makinës, keni 25 herë më shumë gjasa të vdisni. Edhe nëse keni nevojë të dilni me shpejtësi nga makina, si në raste të rralla kur ajo mund të jetë e përfshirë nga flakët ose në raste përmbytjeje, mund të dilni shumë më shpejt nëse jeni të vetëdijshëm se sa kur keni humbur ndjenjat nga përplasja e kokës brenda në makinë.
‘Nuk janë të rehatshëm’ Në fakt rripat modern janë bërë aq të rehatshëm sa shpesh do pyesni veten nëse punojnë apo jo. Shumica e tyre nuk shkakton aspak bezdi kur ju lëvizni – një pajisje i bllokon ato në vend vetëm në rastet kur makina ndalon papritur. Mund të lini pak hapësirë ndërmjet rripit dhe trupit tuaj, thjesht duke e tërhequr rripin dhe përshtatur me shpatullën tuaj.
‘Unë nuk kam njevojë për rripin e sigurimit, kam airbag (qese ajri). Ju jeni fatlum! Një airbag, rrit efektivitetin e rripit të sigurisë me 40 % në përplasjet ballore. Por airbegu nuk është prodhuar për të zëvendësuar rripin e sigurisë, pasi ai nuk mund t’ju mbrojë në të gjitha këndet e impaktit. Për më tepër është llogaritur të funksionojë sic duhet vetëm kur konbinohet me përdorimin e rrypit të sigurimit.
