Britani, 660 në pranga për pedofili

Mbi 650 persona të dyshuar për akte pedofilie janë arrestuar në kuadër të një operacioni 6-mujor të policisë britanike, që kishte në shënjestër persona me akses ndaj materialeve me abuzim fëmijësh në internet.
Agjencia Kombëtare e Antikrimit, NCA, deklaroi se plot 660 persona kanë rënë në pranga, mes të cilëve doktorë, mësues, ish-oficerë policie dhe punonjës të sektorëve të ndryshëm.
Ndërkohë, mbi 400 fëmijë janë marrë në mbrojtje nga autoritetet. Ekspertët e mbrojtjes së fëmijëve kanë përshëndetur arrestimet, por kanë paralajmëruar se ato mund të jenë vetëm “maja e aisbergut”.