Autoritetet e Turqisë kanë nisur një superplan veprimi kundër përhapjes së drogave sintetike të tipit ”bonzai”, njoftoi botimi elektronik i gazetës turke ”Hürriyet”.
“Sipas këtij plani, edhe të miturit do të jenë të detyruar të shkojnë në qendrat e rehabilitimit nëse do të kapen duke përdorur drogë, ndërkohë që qendrave do t’u rritet kapaciteti i rehabilitimit”, thekson gazeta.
Lagjet, ku droga përdoret në një dendësi të lartë, do të jenë prioritet në një projekt transformimi urban për t’iu kundërvënë përhapjes së saj.
Ministria e Brendshme turke, ajo e Rinisë dhe Sporteve, Familjes dhe Politikave Sociale, si dhe Ministria e Shëndetësisë dhe ajo e Arsimit do të bashkëpunojnë për të zbatuar planin e qeverisë dhe secila ministri do të ketë ndarje të ekspertëve për të ndjekur ekzekutimin.
Ky superplan vjen pas përhapjes alarmante të “bonzait”, që shkakton edhe viktima.
Shkollat turke do të monitorohen më nga afër nga mësuesit dhe shoqatat e prindërve, ndërsa bashkëpunimi me policinë në mënyrë më sistematike do të jetë i përhershëm.
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim