Author: Dija Online

Gjykata Themelore në Prishtinë ka dhënë verdiktin në lidhje me rastin e dy ish- ministrave të Kulturës, Astrit Haraçisë dhe Valton Beqirit, si dhe ndaj Armond Morinës e Nehat Fejzës.Astrit Haraçija është shpallur fajtor në pikën 2 për “Shpërdorim të pozitës zyrtare”. Për këtë vepër, ish-ministri i Kulturës është dënuar me 10 muaj me kushtNdërkaq, ish-ministri tjetër i Kulturës, Valton Beqiri, është shpallur fajtor në pikën 3, ndërsa edhe ky do të vuajë dënimin prej 10 muajsh dënim me kusht, raporton Koha.netArmond Morina, i akuzuari tjetër i këtij rasti, për “Mashtrim në detyrë”, është dënuar me 6 muaj dënim efektivHaraçija lirohet nga pika 1 e aktakuzës.Nehat Fejza është shpallur i pafajshëm sepse, sipas Gjykatës, i njëjti ka realizuar projektin filmik.Në dhjetor të vitit 2012 Prokuroria kishte ngritur aktakuzë kundër ish-ministrave të Kulturës, për shpërdorim të detyrës zyrtare dhe Armond Morinës dhe Nehat Fejzës për mashtrim. Ata akuzohen se kanë dëmtuar buxhetin e Kosovës në vlerë 390 mijë euro për dy filma që nuk janë bërë kurrë, njofton Koha.netIsh-ministri Haraçija akuzohet për veprën penale “shpërdorim i detyrës zyrtare, ose autorizimit”, sepse ne tejkalim të autorizimit te tij kishte nënshkruar, në kundërshtim me ligjin, dy kontrata në vlerë 570 mije euro. Kurse pasardhësi i tij, Beqiri, kishte nënshkruar aneks-kontratën me “Morina Films”, duke transferuar 100 mije euro si subvencione për realizimin e filmit “Mysafir në Sofër”. Filmat nuk u realizuan asnjëherë.– See more at: http://gazetafjala.com/ish-ministrat-haracija-dhe-beqiri-denohen-me-nga-10-muaj-burg/#sthash.CE7lfNmV.dpuf

Mbi 1 milionë euro për subvencione dhe rreth 450 mijë euro në grante është buxheti që këtë vit është ndarë për bletarët nga Ministria e Bujqësisë. Dhe kjo mbështetje do të rritet në vitin e ardhshëm.Ministri Memli Krasniqi ashtu siç edhe ua ka premtuar bletarëve do ta rrisë shumën e subvencionimit, nga 10 euro për koshere në 15 euro. Kjo besojmë se do të ndikojë dukshëm në qëndrueshmërinë e fermave me bletë dhe do ta forcoj edhe më shumë sektorin.“Ne e kemi pasur zgjerime të mbështetjes dhe rritje të kërkesës. Kjo tregon se në këtë sektor ka interesim dhe ka shumë potencial dhe prandaj ne nga viti i ardhshëm po e rrisim subvencionimin dhe po ashtu po bëjmë hapa të përbashkët për forcimin e sektorëve në bujqësi, pasi kjo rritje vjen si kërkesë dhe diskutim me vetë shoqatat e bletarëve”, ka thënë ministri Krasniqi.

Gazeta Jeta në Kosova ka zbuluar se kontrata e vlefshme qindra mijëra euro e lidhur mes Byrosë Kosovare të Sigurimeve dhe firmës private “Alt3c”, ka krijuar pakënaqësi tek industria multimilionëshe e sigurimeve. Dy prej kompanive kanë akuzuar se kjo kontratë krijon ‘monopol tipik’. Nëpërmjet kësaj kontrate BKS-ja ka obliguar të gjitha kompanitë të përdorin sistemin e njejtë të krijuar nga kjo firmë private. Banka Qendrore, autoriteti mbikqyrës i BKS-së, ka konkluduar se kontrata ka kosto të lartë dhe se nuk është studiuar tregu për këtë shërbim.
Para më shumë se dy vjetësh, më 13 tetor 2013, në mbledhjen e Asamblesë së Përgjithshme të industrisë së sigurimeve u mor një vendim që shihej me dyshim nga disa prej anëtareve të kësaj industrie.
Përfitues doli firma “Alt3c”, e cila u angazhua që ta implementojë një sistem softuerik për nevoja të kompanive të sigurimeve.
Por përveç përfaqësuesve të dhjetë kompanive të biznesit fitimprurës të sigurimeve aty ishin edhe Faton Abazi, drejtor i Byrosë Kosovare të Sigurimeve dhe zëvendësdrejtori Gani Thaçi.
Statuti i BKS-së obligon drejtorin ekzekutiv që ta përfaqësojë Byronë në Asamblenë e Përgjithshme.
Gazeta Jeta në Kosovë kërkoi një koment nga BKS-ja dhe Gani Thaçi se pse ishte e nevojshme që të ishte i pranishëm edhe zëvëndësdrejtori. Nuk mori përgjigje.
Vendimi që u mor atë ditë shkon në favor të firmës private “Alt3c”. Dy prej aksionarëve të saj, Ilir Pushka-drejtor dhe Ardian Kelmendi, kanë miqësi me Kushtrim Thaçin, djalin e Gani Thaçit.Në llogarinë e Kushtrim Thaçit në Facebok janë postuar fotografi ku ai shihet në shoqëri me Pushkën dhe Kelmendin. Njëra prej tyre ka mbishkrimin “me dostat”. Aktualisht llogaria e tij në Facebook është e mbyllur.
Gazeta Jeta në Kosovë ka siguruar procesverbalin e mbledhjes së mbajtur më 31 tetor të vitit 2015.
Aty tregohet se dy prej dhjetë prej kompanive kanë kundërshtuar fuqishëm lidhjen e kontratës me këtë kompani private.
Kanë vlerësuar se një vendim i tillë i krijon pozitë monopoliste kësaj firme dhe se më e arsyeshme është që secila prej kompanive të ketë softuerin e vet.
Por vendimi i Asamblesë obligon të gjitha kompanitë e sigurimeve që për katër vjet të përdorin softuerin për sistemin bonus-malus të krijuar nga firma “Alt3c”.
Kontrata mes BKS-së dhe kompanisë “Alt3c”, u nënshkrua më 1 janar të vitit 2014.
Kjo kontratë do të jetë në fuqi për periudhën 4 vjeçare nga dita e nënshkrimit të saj, gjejgësisht nga 1 janari 2014 e deri më datën 1 janar 2018.
Në sistemin bonus-malus mund të përfshihet çdo i siguruar në Kosovë që posedon polisë të sigurimit të detyrueshëm të automjeteve.
Rëndësia e këtij sistemi është se nga bonusi do të përfitojnë shoferët e mirë dhe të disiplinuar dhe ata që janë të kujdesshëm në trafik dhe në të njëjtën kohë nëpërmjet malusit shoferët e papërgjegjshëm që shkaktojnë aksidente do të jenë në disavantazh.
Nëse në sistem figuron se një shoferë ka histori të mirë, atëherë përfiton zbritje për vitin e ardhshëm në sigurimin e automjetit.
Byroja Kosovare e Sigurimit u themelua më 1 gusht të vitit 2011 dhe ka për autoritet mbikqyrës Bankën Qendrore.
BKS-ja ka statusin e Byrosë Nacionale të Sigurimit me të drejta të pakufizuara, është përfaqësuese kombëtare në Këshillin e Byrove dhe është përgjegjëse për të gjitha detyrimet që rrjedhin nga anëtarësimi në sistemin e kartonit të gjelbër. BKS-ja kryen edhe funksionin e Fondit të Kompensimit për pagesën e dëmeve të parashikuara me këtë ligj.
Kompetencat e BKS-së janë të parapara në Ligjin për Sigurimin e Detyrueshëm nga Autopërgjegjësia të miratuar në Kuvendin e Kosovës në muajin qershor të vitit 2011.
Banka Qendrore: Kontratë me kosto të lartë, e pa testuar në treg dhe me rrezikshmëri
Vendimi i asamblesë së sigurimeve është kritikuar edhe nga Banka Qendrore si autoritet mbikqyrës i kësaj industrie. Gazeta Jeta në Kosovë ka siguruar raportin ekzaminues të Departmentit të Mbikëqyrjes së Sigurimeve të BQK-së. Ekzaminimi është kryer mes datave 2 deri më 23 shkurt të vitit 2015.
BQK-ja ka konkluduar se gjatë vitit 2014 janë shpenzuar 401 mijë e 85 euro për sistemin bonus-malus.
Po ashtu BQK-ja ka konkluduar se kontrata mes BKS-së dhe “Alt3c” ka paraparë që kompania brenda tre muajve të ofrojë çmimin e aplikacionit softuerik bonus-malus.
“Mirëpo gjatë ekzaminimit nuk është ofrtuar dëshmi se BKS-ja ka kërkuar që shitësi të përmbushë detyrimin konform kontratës,” thuhet në këtë raport ekzaminimi.
Po ashtu në raport thuhet se BKS-ja edhe përkundër kërkesës dhe kohës së mjaftueshme nuk ka bërë funksionalizimin e Qendrës Informative të Sigurimeve përmes së cilës do të gjeneroheshin të dhënat e nevojshme për implementimin e sistemit bonus-malus.
“Njëherazi mospronësia e aplikacionit softuerik ka ndikuar që BKS-ja këtë shërbim të kontraktojë me operatorë përkatës, kontratë e cila karakterizohet me kosto të lartë, jo e testuar në treg dhe e cila mund ta ekspozojë BKS-në ndaj rrezikut ligjor,” thuhet në raportin e Bankës Qendrore.
Gazeta Jeta në Kosovë ka kërkuar një koment nga Zyra për Media e Bankës Qendrore lidhur me këto gjetje. BQK-ja ende nuk ka dhënë përgjigje.
Gazeta Jeta në Kosovë e ka pyetur Rexhep Idrizajn, drejtorin e kompanisë “Elsig” dhe kryuesuesin e Asamblesë së Përgjithshme të Sigurimeve se pse nuk ka pasur tenderë publikë dhe për arsyen e angazhimit të kësaj kompanie. Po ashtu e ka pyetur lidhur me shumën vjetore që merr kjo kompani nga BKS-ja.
“Mendoj që ne si kompani private apo asociacion i kompanive private nuk i nënshtrohemi Ligjit mbi Prokurimin Publik. Prandaj besoj që ]eshtjet e ngritura nga ana juaj nuk janë relevante për interesin publik dhe si të tilla sigurisht hyjnë në transakcione me interes privat dhe me ligj nuk lejohet publikimi i tyre, pa pëlqimin e të dy palëve,” thotë Idrizaj.
Ndërkaq Ilir Pushka, drejtor i firmës “Alt3c”, ka folur në emër të kësaj kompanie për Gazetën Jeta në Kosovë. Ka deklaruar se kompania që drejton ka qenë meritore për të lidhur ketë kontratë me Byronë Kosovare të Sigurimeve.
“Kompania jonë është e involvuar në fushën e sigurimeve tashmë 11 vjet dhe mendoj se ka përvojen e duhur dhe ndoshta edhe me të madhen në rajon, sa i perket sigurimit te autopergjegjesisë,” thotë Pushka.
Gazeta Jeta në Kosovë ka pyetur Pushkën edhe për miqësinë me djalin e zëvendësdrejtorit të Byrosë Kosovare të Sigurimeve.
“Në të gjitha punet ne kemi kalu komision pas komisioni ( të përbërë nga drejtorët e kompanive të sigurimit) dhe BKS është vetëm partner implementues e jo ajo që negocion me ne. Duke i pasë parasysh këto fakte i bie që njohja apo mosnjohja me zt. Kushtrim Thaçi është Irelevante,” thotë Pushka.Por bazuar në procesverbalin e siguruar nga Gazeta Jeta në Kosovë del se pjesë e komisionit që ka negociuar me Firmën “Alt3c” është edhe Faton Abazi, drejtor i Byrosë Kosovare të Sigurimeve.
Po ashtu përveç përfshirjes së drejtorit në komision negociues edhe zëvendësdrejtori Gani Thaçi ka qenë pjesëmarrës në mbledhjën e Asamblesë së Përgjithshme të anëtarëve të industrisë së sigurimeve ku është diskutuar lidhur me ofertën e firmës “Alt3c”.
Byroja Kosovare e Sigurimeve në një përgjigje dhënë Gazetës Jeta në Kosovë ka njoftuar për arsyet se pse është kontraktuar kjo kompani.
“Asambleja e Përgjithshme si organi me i lartë i BKS-së me vendim ka perzgjedhur kompaninë Alt3c Sh.p.k. pasi që kjo kompani ka qenë me vite të tëra në tregun e sigurimeve për zhvillimin dhe mirëmbajtjen e sistemit softverik në Industrine se Sigurimeve të Kosovës,” thuhet në përgjigjen e BKS-së.
Po ashtu Byroja… thotë se kompanisë “Alt3c” sipas kontratës i paguhen 1.10 euro për çdo policë TPL të lëshuar.
Gazeta Jeta në Kosovë e ka pyetur BKS-së lidhur me shumën vjetore që fiton kjo kompani nga kjo kontratë.
BKS-ja ka deklaruar se e ka të vështirë të japë këso informacione.
“…nuk kemi asgjë kundër për ti’u derguar informacionet por u informojmë se lidhur me këto pyetje ne kemi kërkuar nga Agjencia për Mbrojtjen e të Dhënave për një sqarim se a mundemi mediave t‘u japim këso lloj informacione, për shkak se në të ardhmen mund të ballafaqohemi në gjykata me kompanitë e sigurimeve të cilat janë pjesë e byrosë,” thuhet në përgjigjen e BKS-së.
Por Agjencia për Mbrotjen e Dhënave Personale i tha Gazetës Jeta në Kosovë se nuk është në mandatin e saj të trajtojë kërkesa të tilla.
Agjencia thotë se e ka obligim që të merret me përpunimin e të dhënave të personave fizikë.
Akuzat për monopol
Kritikat për monopol janë pjesë e procesverbalit të mbledhjës së Asamblesë së Industrisë së Sigurimeve, dokument të cilin e ka siguruar Gazeta Jeta në Kosovë.
Raportimi i komisionit për negociatat me firmën “Alt3c” për sistemin bonus-malus ishte në rend dite në këtë mbledhje të mbajtur më 13 tetorit të 2013-es.
Ibrahim Kastrati, kryetari i komisionit, bazuar në procesverbal deklaroi se kanë mbajtur tri takime me përfaqësues të firmës private me të cilët është diskutuar me orë të tëra.
Kastrati tregoi para anëtarëve të asamblesë se oferta e fundit e kompanisë “Alt3c” është 1.10 euro, plus TVSh-ja për një policë të shtypur të sigurimit.
Bazuar në këtë procesverbal para anëtarëve të asamblesë u deklarua edhe Faton Abazi, drejtor i BKS-së që ishte edhe anëtar i komisionit për negocim me firmën “Alt3c”.
Abazi deklaroi se brenda tre muajve pas lidhjes së kontratës kompania private obligohet të njoftojë Byronë Kosovare për vlerën e softverit.
“Softuerin mund ta blejnë kompanitë e sigurimeve pas kalimit të kohëzgjatjes së kontratës pas katër vjetësh,” deklaroi Abazi.
Por në këtë mbledhje kishte shprehur kundërshtime Arben Breshani, drejtor i atëhershëm i kompanisë së sigurimeve “Insig”.
Breshani, bazuar në procesverbal deklaroi se lidhja e kontratës me këtë firmë private krijon situatë monopoli.
“Për këtë duhet bashkuar drejt prishjes së këtij monopoli ashtu që kompanitë ose do ta blejnë softverin në tërësi, ose secila nga kompanitë të mund të kenë programet e tyre për të cilat do të mund të raportohet edhe në Bankën Qendrore të Kosovës dhe në Byronë Kosovare të Sigurimit”, kishte deklaruar Breshani, bazuar në këtë procesverbal.
Po ashtu në procesverbal shënohet se Breshani ka theskuar se “…kompania ‘Insig’ ka programin paralel për këtë i cili do të mund të vihej në funksion në momentin kur të lejohet nga BQK-ja. Tani kemi ardhur në një situatë ku aq sa ka kërkuar kompania “Alt3c” do të paguajmë. Por duhet të mendohet për një program alternativ”.
Gazeta Jeta në Kosovë ka pyetur kompaninë “Insig”, lidhur me pohimet që janë bërë në emër të kësaj kompanie në këtë mbledhje.
Altin Majko, drejtor aktual, tha se lidhur me këtë çështje është mirë që gazeta t’i drejtohet drejtorit të Byrosë Kosovare të Sigurimeve, Këshillit Administrativ apo kryesuesit të Asamblesë së Sigurimeve.
Majko shtoi se lidhur me këtë çështje ka kryer ekzaminim Banka Qendrore por se kompanive të sigurimeve ende nuk u është dorëzuar raporti final i ekzaminimit.
Një tjetër anëtar i asamblesë që kishte diskutuar në këtë mbledhje ishte edhe Rexhep Idrizaj, drejtor i kompanisë “Elsig”.
Ai kishte deklaruar se ka qenë i informuar lidhur me propozimin e kompanisë nga Eleonora Ndrecaj, anëtare e komisionit e punësuar në kompaninë që ai e menaxhon.
Idrizaj kishte deklaruar se është pro lidhjes së kontratës me këtë firmë private, por kishte kundërshtuar diçka tjetër.
“Sa i përket çështjes së blerjes së softverit prapëseprapë e shtrenjtë do të jetë mirëmbajtja. Andaj çështja e blerjes nuk duket të jetë shumë logjike,” kishte deklaruar Idrizaj.
Kritika kishte adresuar edhe Roland Kaçani i firmës “Sigma”.
Ai kishte shprehur keqardhje lidhur me diskutimin që po bëhet.
Kaçani kishte deklaruar se çështja është alarmante pasi që bëhet fjalë për monopol tipik.
“…dhe as që ia vlen të diskutohet çmimi. Është diskutabile se çfare duhet të bëhet nëse nesër kompania “Altec” kërkon çmim më të lartë për një policë. Më tutje ky është një investim që po bën industria e sigurimeve dhe kompania “Sigma” nuk e ka këtë të drejtë për të bërë investime por këtë të drejtë e ka bordi i kompanisë në Vjenë”, kishte deklaruar Kaçani, bazuar në procesverbal.
Ai kishte rekomanduar që kjo të diskutohet me Bankën Qendrore të cilët mund të japin dritën jeshile për të vazhduar me këtë çështje.
Kaçani shtoi se duhet që urgjentisht të mbahet një takim me përfaqësues të BQK-së për të realizuar këtë proces për faktin se nuk pajtohet me monopolin.
Sipas tij duhet që secila kompanitë të ketë sistemin e vetë dhe të mbajë kontakte të rregullta me Bankën Qendrore dhe Byronë Kosovare të Sigurimeve.
Atij i është kundërpërgjigjur Abazi që ka thënë se ka qenë vetë Kaçani që ka votuar pro autorizimit të komisionit për te negociuar me firmkën “Alt3c”.
“…anëtarët e asamblesë së përgjithshme kanë deklaruar se puna e komisionit do të merret për bazë 90 për qind, ndërsa tani po shprehet për monopolin”, pati deklaruar Abazi.
Gazeta Jeta në Kosovë i ka dërguar pyetje Kaçanit për të marrë një koment lidhur me pohimet e tij të bëra në këtë mbledhje të Asamblesë së Përgjithshme të Industrisë së Sigurimeve. Ende nuk ka dhënë përgjigje.
Ndërkaq pas diskutimeve në këtë mbledhje Asambleja e Përgjithshme vendosi që të miratojë ofertën e kompanisë “Altec”,.

Kompani Huawei është fituesi më i madh në tregun e smartfonëve në tremujorin e tretë, me rritjen e shitjeve deri në 71 për qind. Huawei tani për tani është prodhuesi i tretë më i mirë i smartfonëve në botë, sipas Gartner.
Megjithatë, kompania vazhdon të punojë duke përgatitur model të ri, i cili ka marrë dritën jeshile nga komisioni i FCC-së, pra fjala është për modelin Honor Play 5X, transmeton Koha.net. Ky telefon do të karakterizohet me ekran 5.5-inç Full HD dhe sistemin operativ Android 5.1 Lollipop përmes ndërfaqes së përdoruesit EMUI 3.1.
Honor Play 5X pritet të vijë me procesorin 1.5 GHz Snapdragon 615 SoC dhe me tetë bërthama dhe Adreno 405 GPU, 2 gigabajt RAM memorie dhe 16 gigabajt memorie të brendshme, 4G LTE, 3G, Wi-Fi, Bluetooth 4.1 dhe lidhjen GPS, si dhe baterinë prej 3000 mAh.
Gjithashtu pritet të posedojë kamerën kryesore prej 13 megapikselë dhe kamerën e përparme prej 5 megapikselë.
Ky telefon peshon rreth 158 gramë dhe është i trashë rreth 8.15 milimetra.
Huawei Honor Play 5X pritet të kushtojë rreth 157 dollarë, si dhe pritet të vijë edhe me version me 3 gigabajt të RAM memories me çmim prej 220 dollarë.

Dimri sjell shumë kënaqësi, siç janë luajtja në dëborë, skijimi, por gjithashtu edhe shumë rreziqe, siç është vozitja e makinës në dëborë.
Kur rrugët janë të mbuluara nga dëbora dhe akulli, vozitësit duhet të bëjnë përgatitjet e duhura para se të dalin në rrugë, transmeton Koha.net.
“The Automobile Association” (AA) në Britani të Madhe ka publikuar disa këshilla për vozitësit para se të dalin në rrugë me makinat e tyre.
AA rekomandon që, përveç ndërrimit të gomave të verës me ato të dimrit, të pastrohen mirë xhamat e makinës para se të filloni vozitjen, ndërsa duhet të përdorni një çakmak për ta nxeh pjesën e dorezës së makinës në rast se është ngrirë, shkruan Metro.
Gjithashtu këshillohet që t’i jepni kohë vetes edhe 10 minuta ekstra në mëngjes në mënyrë që të siguroheni që makina juaj është e sigurt për udhëtim.
Moti i ftohtë gjithashtu mund të ngrijë ujin në radiatorin e makinës, që do të shkaktonte nxehjen e shpejtë të motorit. AA sugjeron që të përdorni anti-frizin, të cilin duhet të siguroheni që e blini të llojit të duhur për makinën tuaj dhe mundohuni që ta administroni atë në mënyrën më të mirë të mundshme.
Të mbathurat duhet të jenë të terura, pasi këpucët e mbuluara me dëborë mund të rrëshqasin në pedalet e makinës. Kurse gjatë vozitjes duhet të bëni manovra të kujdesshme, pasi distanca e ndaljes është dhjetë herë më e gjatë në akull dhe dëborë. Shpejtësia e dytë është më e preferueshme në terrenet e mbuluara me dëborë.
Në përpjeta duhet të shmangni ndaljet e panevojshme, kurse duhet të mbani distancën e duhur me makinat e tjera. Hapësira duhet të jetë e mjaftueshme edhe për makinat përballë jush. Shpejtësia gjatë lëvizjes në përpjetë duhet të jetë konstante.
Nëse jeni duke lëvizur në teposhtë duhet të zvogëloni shpejtësinë paraprakisht, përdor shpejtësinë e parë dhe provoni të shmangni frenimin. Lejoni hapësirë sa më shumë që është e mundur ndërmjet jush dhe makinës përballë.

Li-Fi, është një teknologji e re pa tela që transmeton të dhëna duke përdorur dritën në vend të brezit të bazuar në radio valë.Kjo teknologji është testuar edhe jashtë një laboratori për herë të parë, dhe e njëjta thuhet se është me të vërtetë shumë me e shpejtë sesa rrjeti WiFi për internet.
Li-Fi u shpik nga Universiteti i Edinburgut Harald Haas në vitin 2011 dhe përdor komunikimin e dukshëm dhe të lehtë (VLC), çfarë është në thelb një formë shumë e avancuar e kodit të Morsit.
Në fakt, këto janë disa lëvizje të lehta të cilat veprojnë në shpejtësi të padukshme për syrin e lirë, të cilat mund të përdoren për të shkruar dhe përcjellë informacion në kodin binar.
Për herë të parë, shkencëtarët kanë provuar teknologjinë jashtë një laboratori dhe kanë gjetur se e njëjta mund të transmetojë të dhëna deri në 1GB në sekondë, që është 100 herë më shpejt sesa shpejtësia e internetit Wi-Fi.
Çfarë kjo do të thotë është se teknologjia ka potencial të ndryshojë tërësisht mënyrën se si ne e përdorin internetin sot.

Pamjet e modelit të ardhshëm të liderit të dikurshëm global të telefonave mobil, Nokia C1 janë publikuar edhe më herët, duke aluduar në një model të telefonit me trup të metaltë me dizajn minimalist, që e bën atë të ngjajë me iPhone.Por tani në internet janë shfaqur pamje të reja të Nokia C1, dhe e shfaqin një telefon të ngjashëm me disa opsione ngjyrash.
Në pamjet që kanë rrjedhur së fundmi, Nokia C1 shihet në ngjyrë të artë, të bardhë të zeze dhe të kuqe / rozë. Kamera kryesore e telefonit është e pozicionuar në pjesën e sipërme në të majtë.
Por fakti më interesant tani është se Nokia C1 thuhet se do të vijë në dy platforma, atë të Micrsoft dhe Google.
Nokia edhe më herët e pati thënë se do të hyjë sërish në tregun botëror mobil, dhe se kjo do të ndodhë vitin e ardhshëm. (Telegrafi)

Shkencëtarët amerikanë të Universitetit Wisconsin – Madison gjatë hulumtimeve në të cilat ishin përfshirë 61 vashëza, të moshës 7 deri 12 vjet, kanë zbuluar se zëri i nënës ndikon për qetësim sikur edhe përqafimi.Vajzat para një audience të panjohur duhej të flasin dhe të zgjidhin problemet matematikore. Pas testit, ose kanë qenë të përqafuara nga nënat ose kanë pasur biseda telefonike me ta ose kanë parë ndonjë film.Shkencëtarët kanë studiuar sasinë e hormoneve të stresit kortizolit në pështymë dhe hormoneve qetësues oxytocin në urinë, para dhe pas testit.
Të gjitha vajzat pas testimit kishin vlerën e ngritur të kortizolit në pështymë.Vajzat që kanë qenë të përqafuara nga nënat ose kanë folur në telefon menjëherë pas testit, kishin ulje shumë më të shpejtë të vlerës së kortizolit krahasuar me vajzat që nuk kanë pasur kontakt me nënat e tyre pas testit.Përqendrimi i oksitocinës në urinë është rritur tek vajzat që pas një situate të vështirë kanë pasur kontakt me nënat, për dallim nga vajzat që nuk kanë pasur kontakt menjëherë pas testit.
Oksitocina prodhohet në tru dhe shpie në ndjenjë rehatie, qetësie dhe dashurie. Ajo ndikon në krijimin e besimit dhe lidhjes mes nënës dhe fëmijës së porsalindur, vepron kundër stresit.
Nga studimet e mëparshme është e njohur se oksitocina sekretohet më tepër gjatë kontaktit fizik mes nënës dhe pasardhësve.
Ky është studimi i parë i cili dëshmoi se edhe zëri i nënës shpie në rritjen e vlerës së hormoneve dhe jo vetëm kontakti fizik.Burimi: zdravlje.atPërktheu: Lutfi Muaremi

Ministria e Arsimit dhe Shkencës në Maqedoni sot bëri të ditur shkollat fituese të garës për zgjedhjen e Ueb faqes më të mirë shkollore, raporton Anadolu Agency (AA).
Zëvendësministri i Arsimit, Spiro Ristovski tha se thirrja publike për zgjedhjen e ueb faqes më të mirë shkollore për vitin 2014/15 ka të bëjë për të gjithë shkollat fillore dhe të mesme në vend. Ai informoi se shkollat kanë konkurruar me nga një ueb faqe të përpunuar nga nxënës të rregullt ndërsa e cila është udhëhequr nga një i punësuar në shkollë.
“Në kategorinë e shkollave fillore, për ueb më të mirë është shpallur ajo e shkollës Koço Racin nga Kumanova, ndërsa në kategorinë e shkollave të mesme është zgjedhur ajo e shkollës Gjorçe Petrov nga Kriva Pallanka”, deklaroi Ristovski.
Vendi i parë fitoi një tabelë interaktive ndërsa të tjerët morën çertifikata për kreativitetin e shprehur.
Këtë vit, siç informuan nga Ministria e Arsimit dhe Shkencës, në adresë të tyre kanë arritur 17 aplikime valide, nga të cilat 10 në kategorinë e shkollave fillore dhe 7 në ato të mesme.

Kokaina? Heroina? Cannabis? Kush është droga më e rrezikshme në botë?
Sipas shkencëtarëve, asnjëra prej tyre. Më e keqja vjen nga alkooli. Ky fakt thuhet nga dy studime të ndryshme, njëri i zhvilluar në Britaninë e Madhe dhe tjetri nga disa shkencëtarë europianë, por që sipas të dy grupeve konfirmohet se alkooli është më i rrezikshmi.
Siç raporton “Metro.uk”, alkooli është “droga” që shkakton më shumë dëmtime tek ata që e përdorin.
Profesor David Nutt, i cili ka klasifikuar rreth 20 lloje drogash, duke i përballuar me 16 dëme të ndryshme që mund të shkaktojnë, rezultati më i rëndë vinte nga alkooli.