Shumica e njerëzve nuk mendojnë se duhet të shqetësohen për dehidratimin. Për ta, dehidratimi është diçka që u ndodh udhëtarëve në shkretëtirë, kur ata mbeten pa ujë. Por ekziston dhe një formë kronike e dehidratimit që nuk e ka natyrën e papritur dhe intensive të formës akute. Dehidratimi kronik është gjerësisht i përhapur në ditët e sotme dhe ndikon te të gjithë që nuk konsumojnë lëngje mjaftueshëm.Kjo listë e përbërë nga 13 simptoma do t’ju frymëzojnë për të shkuar të konsumoni një gotë me ujë, dhe pastaj një tjetër, dhe një tjetër …Pas çdo simptome të radhitur tregohet si ndikon mungesa e lëngjeve.
1. Lodhja, humbja e energjisë:Dehidratimi i indeve shkakton aktivitet enzimatik të ngadalësuar.2. Plakja e parakohshme: Trupi i një fëmije të porsalindur është i përbërë nga 80 për qind lëng, por kjo përqindje bie në jo më shumë se 70 për qind tek një i rritur dhe vazhdon të bjerë me moshën.3. Pesha e tepërt dhe Trashja:Ne mund të hamë tepër, në kërkesë te ushqimeve te pasura me ujë. Shpesh herë ne ngatërrojmë etjen me uri.4. Presioni i lartë dhe i ulëti gjakut: Volumi i gjakut trupor nuk është i mjaftueshëm për plotësim të të gjithë grupeve të arterieve, venave dhe kapilarëve.5. Kolesteroli: Kur dehidratimi shkakton shumë lëngje të drenazhohen nga brenda qelizat, trupi përpiqet për të ndaluar këtë humbje duke prodhuar më shumë kolesterol.6. Kapsllëku: Kur ushqimi i përtypur hyn zorrën e trashë, përmban shumë lëngje për të mundësuar jashtëqitjen të formohet siç duhet, ndërsa muri i zorrës së trashë e zvogëlon atë. Gjatë dehidratimit kronik, zorra e trashë merr shumë ujë për t’u dhënë pjesëve të tjera të trupit.7. Çrregullime të tretjes: Në dehidratimin kronik, mungon sekrecioni për tretjen e ushqimit.8. Gastriti, ulçerë e stomakut: Për të mbrojtur membranat mukoze të saj nga shkatërrimi me anë të lëngu digjestiv acidic stomaku sekreton një shtresë të mukusit.9. Problemet respiratore: membranat e mukozës së rajonit të frymëmarrjes janë paksa të lagësht për të mbrojtur rrugët e frymëmarrjes nga substancat që mund të jenë të pranishme në ajrin e thithur.10. Çekuilibëri Acido-Alkalin:Dehidratimi aktivizon ngadalësim enzimatik që shkakton acidifikim.11. Ekzemë: Trupi juaj ka nevojë lagështie të mjaftueshme për djersitje diku prej 600 deri 700 ml. uji,sasi e nevojshme për të holluar toksinat në mënyrë që ata të mos irritojnë lëkurën.12. Infeksionet urinare: Nëse toksinat e përfshira në urinë nuk janë holluar mjaftueshëm, ata sulmojnë membranat mukoze urinare.13. Reumatizmi: Dehidratimi rrit dukshëm përqendrimin e toksinave në gjak dhe lëngjet qelizore dhe ashtu rrit ankthin në proporcion me përqendrimin e toksinave.
Çdo ditë ne humbim ujë përmes frymëmarrjes, djersitjes, urinimit dhe lëvizjeve të zorrëve. Për funksionim tëmire të trupit, ju duhet të plotësoj furnizimin e saj me ujë, pije dhe ushqime që përmbajnë ujë.
Pra, sa lëngje duhet konsumuar mesatarisht njeriu i rritur dhe i shëndetshëm në klimë të butë brenda ditës? Institutet medicinale përcaktojnë se konsumimi adekuat për një burrë të rritur duhet qenë rreth 3 l. (rreth 13 gota) lëngje, ndërsa femrat duhet konsumuar rreth 2,2 l.(9 gota) për çdo ditë.
www.mayoclinic.comPërshtati: Lutfi Muaremi
Author: Dija Online
Trupi juaj ka sisteme të mençura të cilat e dinë se sa shumë duhet të hani – por të cilat nuk mund t’ia dalin mirë kur vazhdoni të hani më tepër se që duhet. Përderisa epidemia e obezitetit vazhdon të rritet, është e rëndësishme që ta kuptoni çfarë e shkakton shtimin e peshës.
Që nga 1980, obeziteti në mbarë botën është dyfishuar, dhe rreth 1.9 miliardë të rritur ishin me mbipeshë më 2014, sipas Organizatës Botërore të Shëndetësisë. Marrja ditore e kalorive për një të rritur mesatar rekomandohet të jetë në mes të 2000kcal për femrat dhe 2,500kcal për meshkuj, përderisa konsumimi i yndyrës rekomandohet të jetë në mes të 70 dhe 90 gramë.
Trupi ka nevojë për këto nivele të kalorive në mënyrë që të funksionojë me efikasitet të plotë. Sidoqoftë, ne konsumojmë më shumë kalori se që trupi jonë ka nevojë. Kur këto kalori tejkalojnë nivelin e rekomanduar, atëherë trupi i ruan kaloritë shtesë.
Këto kalori shtesë që ruhen në trup ruhen në formë të yndyrës dhe mund të funksionojnë si rezervë nëse nuk hamë më pas shumë, por nëse dikush vazhdon të hajë, atëherë ata do të bëhen me mbipeshë ose obezë, përderisa trupi vazhdon të ruaj kalori shtesë.
Marrja e ushqimit rregullohet nga një pjesë e vogël në tru e quajtur hipotalamus. Kur yndyra ulet së bashku me nivelet e leptinës, hipotalamusi stimulon apetitin në mënyrë që të rrisë marrjen e ushqimit dhe të rifitojë energjinë e humbur.
Kur nivelet e laptinës janë të larta, apetiti “shtypet”, duke reduktuar marrjen e ushqimit dhe duke inkurajuar trupin për të djegur “karburant” shtesë.
Është menduar madje se leptini mund të përdoret si një trajtim për obezitet. Sidoqoftë, edhe pse është një rregullator i rëndësishëm për marrjen e ushqimit, apetiti ndikohet nga shumë gjëra, prej asaj se sa i ngopur është stomaku e deri tek gjendja emocionale e individit apo preferencat e ushqimit.
Ç’është Hixhamja
Hixhamja apo terapia e kupave është tërheqja e gjakut të keq nga trupi që ka shkaktuar një sëmundje të caktuar ose mund të shkaktojnë sëmundje në të ardhmen për shkak të akumulimit dhe mbushjes së tij me përzierje të dëmshme.
Hixhamja pastron gjakun nga përzierjet e dëmshme që janë qeliza gjaku të plakura dhe të dobëta që nuk mund të bëjnë punën e tyre në mënyrën e kërkuar, si furnizimi i trupit me ushqyes të mjaftueshëm dhe mbrojtja e tij nga sëmundjet. Me anë të hixhames tërhiqen këto përzierje të dëmshme të qelizave të kuqe dhe të bardha të gjakut për t’u zëvendësuar me qeliza gjaku të reja.
Hixhamja është një praktikë e vjetër mjekësore, e njohur për shumë shoqëri njerëzore, duke filluar nga Egjipti i lashtë që nga viti 2200 para Krishtit, në Asiri që nga viti 3300 para Krishtit, deri në Kinë. Hixhamja së bashku me akupunkturën kineze janë shtyllat më të rëndësishme të mjekësisë tradicionale kineze deri më sot.
Arabët e vjetër e njohën Hixhamen dhe Islami e miratoi këtë praktikë; Vetë i Dërguari i Allahut, Muhamedi (paqja qoftë mbi të!), e ka praktikuar atë.
Në një transmetim të saktë, të përmendur në dy Librat e Saktë të Haditheve Profetike, të Buhariut dhe Muslimit, thuhet se Profeti (paqja qoftë mbi të!) u trajtua me hixhame dhe i dha hixhame-bërësit pagesën e tij.”
Po kështu, i Dërguari i Allahut (paqja qoftë mbi të) e ka lavdëruar këtë praktikë, duke thënë, siç thuhet te Buhariu, se: “Mënyra më e mirë që mund të kuroheni, është hixhamja.”
Hixhamja ka përfaqësuar një pjesë thelbësore të praktikave tradicionale mjekësore për shumë prej shoqërive të botës, por që pas përhapjes së mjekësisë perëndimore “koloniale” në të gjitha vendet e botës, dhe konsiderimit të saj si “mjekësia e vetme” që duhet praktikuar, kurse të gjitha të tjerat u quajtën bestytni dhe mashtrim, dhe pasi u përhapën me forcë kompanitë farmaceutike, të gjitha sistemet dhe praktikat tradicionale mjekësore u zmbrapsën në hije, duke mbetur vetëm disa mbetje të vogla këtu e atje në disa vende të Gjirit – si një praktikë tradicionale informale – dhe në Kinë dhe në shoqëritë e Azisë Lindore –si një pjesë për të ruajtur trashëgiminë tradicionale mjekësore.
Vazhdoi kështu deri sa njerëzit në Perëndim filluan të shfaqin mosbesim te mjekësia perëndimore, dhe filluan të tërhiqen nga “shenjtërimi” i saj, dhe të shohin se mund të ketë sisteme të tjera të mjekësisë tradicionale natyrale alternative.
Dhe tani, praktikat tradicionale kanë filluar të përhapen përsëri me vrull në vendet e Perëndimit dhe të Lindjes.
Hixhamja gjithashtu, si një mjet i mjekësisë tradicionale, ka filluar të përdoret fuqishën në disa prej shoqërive, kryesisht ato me popullsi muslimane.
Në vijim, do të njihemi më nga afër me këtë praktikë të mjekësisë tradicionale, dobitë dhe kushtet e praktikimit të saj.
Mjetet që nevojiten për të praktikuar Hixhamen
– Kupë (ose një kavanoz të vogël) me diametër 5 cm, me një vrimë në fundin e saj, e lidhur me një tub, i cili ka një valvul.
– Pjesa e hapur e kupës mbulohet me një balonë llastike.
– Eksperti i hixhames përdor doreza mjekësore dhe një bisturi të sterilizuar.
Llojet e Hixhames dhe mënyra e kryerjes së secilit lloj
Ka dy lloje të hixhames: Hixhame të thatë dhe Haxhame të lagësht.
Së pari: Hixhamja e thatë
Hixhamja e thatë është formimi i i një kongjestioni të gjakut në zonat e dëshiruara me anë të kupës së ajrit pa përdorur bisturinë, dhe përdoret zakonisht për disa sëmundje të grave, fëmijëve dhe të moshuarve.
Mënyra e kryerjes së hixhames së thatë
A – Vendoset kupa në vendin e duhur mbi trup (sipas llojit të sëmundjes ose simptomës).
B – Thithet ajri përmes tubit deri sa kupa të zbrazet plotësisht nga ajri.
C – Një pjesë e sipërfaqes së lëkurës thithet brenda kupës.
D – Bllokohet ajri brenda kupës duke mbyllur valvulën.
E – Lihet kupa në këtë mënyrë për një periudhë prej 3-5 minuta.
F – Pastaj hiqet kupa, dhe ne gjejmë një rreth të kuq në sipërfaqe të lëkurës ku ishte kupa.
Kjo metodë quhet “Kupa e ajrit”.
*Ekziston edhe një nënlloj i hixhames së thatë, që quhet hixhamja e fërkimit apo e rrëshqitjes:
Kjo kryhet duke lyer zonën e caktuar të trupit ku do të bëhet hixhamja, me vaj ulliri ose vaj mendre, pastaj bën thithje të thjeshtë të ajrit duke lëvizur apo rrëshqitur kupën mbi dhe rreth vendit të dëshiruar për të tërhequr gjakun dhe për ta mbledhur atë në shtresën e lëkurës. Kjo metodë paraprin shpesh herë hixhamen e lagësht, veçanërisht për sëmundjet e pashërueshme të tilla si paraliza, epilepsia, etj.
Së dyti: Hixhamja e lagësht
Hixhamja e lagësht kryhet pas konfigurimit të kongjestionit të gjakut në procesin e thithjes së thjeshtë të ajrit për të lejuar gjakun të dalë, pastaj vendoset kupa për të nxjerrë gjakun.
Lloji i hixhames që duhet kryer përcaktohet nga lloji i sëmundjes, gjendja e pacientit dhe mosha. Pacienti me Diabet, me presion të lartë, fëmijët dhe të moshuarit, të gjithë kanë trajtim të veçantë.
Mënyra e kryerjes së hixhames së lagësht
Përveç hapave të ndjekura më lart në hixhamen e thatë:
A – Përdor bisturinë për të bërë çarje të vogla dhe të cekëta (rreth 0.1mm thellësi) në pjesën e jashtme të lëkurës, sikur të ishte gërvishtje, dhe me gjatësi rreth 4 mm; bën 1 ose me shumë gërvishtje të tilla në 3 rreshta. Më pas vendos përsëri kupën mbi rrethin e kuq, dhe bllokon ajrin duke përsëritur procesin e thithjes,kjo çon në nxjerrjen e një sasie të gjakut që ndryshon sipas sëmundjes, pastaj hiqet kupa apo kupat me shumë kujdes duke vendosur një pecetë në fund të kupës dhe duke e boshatisur ajrin gradualisht përmes valvulave. Pastaj vendos një një pecetë tjetër brenda kupës për të thithur gjakun, pastaj pastrohet gjaku nga lëkura me pecetën e vendosur poshtë kupës në drejtimin nga poshtë lart. Në qoftë se vërehet dalje gjaku nga të carat, atëherë përsëritet procesi, deri në pesë herë nëse vazhdon të vërehet dalje e gjakut. Në fund, vendi i trajtuar duhet dezinfektuar direkt me mjalt ose farë të zezë të bluar apo me çdo dezinfektues tjetër natyral.
Kushtet e hixhames dhe ndalesat
Praktikimi i hixhames ka kushte të rëndësishme, pa plotësimin e të cilave mund të rezultojë fatale ose e padobishme për pacientin.
– Hixhamja nuk duhet t’i bëhet personit të frikësuar, deri sa të qetësohet dhe t’i dalë frika.
– Hixhamja nuk duhet t’i bëhet personit që ndjen të ftohtë, sepse në këto raste, gjaku fshihet thellë ne vena.
– Pacientët me kancer, hepatit apo Aids, nuk duhet të bëjnë hixhame.
– Pacientët që kanë filluar të kryejnë dializë veshkash, ose kanë dhuruar gjak, nuk duhet të bëjnë hixhame deri sa të kalojnë 3 ditë nga dhurimi.
– Gruaja shtatzënë, gjidhënëse dhe që ka kaluar në menopauz, ndalohet të bëjnë hixhame.
– Personat që konsumojnë stimulantë (kafeinë) nuk duhet të bëjnë hixhame deri sa të mos i konsumojnë ato.
– Pacientët që kanë vendosur aparat rregullator për rrahjet e zemrës nuk duhet të bëjnë hixhame mbi zemër.
– Personat që konsumojne alkool nuk duhet të bëjnë hixhame pa kaluar 24 orë nga pirja; ata që tymosin marjuanë duhet të presin 48 orë; ata që kanë pirë pije të ftohta, duhet të presin 24 orë; pas marrëdhënieve intime bashkëshortore duhet të pritet 24 orë; vendi ku bëhet hixhamja në trup duhet të qëndrojë i mbuluar dhe i ngrohtë për 24 orë.
– Hixhamja preferohet vetëm për vendet me klimë të nxehtë dhe është më e dobishme në stinën e verës se sa të dimrit; kurse për vendet e ftohta preferohet Fasdi (nxjerrja e gjakut direkt nga vena e krahut) dhe jo Hixhamja. Shkakun për këtë e kanë përmendur dijetarët që në kohët e hershme dhe e ka vërtetuar shkenca mjekësore sot; Ibnul Kajjim, në librin “Zadul Miad”, thotë: “Dallimi mes Hixhames dhe Fasdit është se ato ndryshojnë nga njëra-tjetra në varësi të vendit, kohës, moshës dhe natyrës së pacientit; për vendet e nxehta, stinët e nxehta dhe njerëzit me natyrë të nxehtë, gjaku i të cilëve ka aritur kulmin e pjekjes, hixhamja është ajo që duhet të praktikohet dhe jo fasdi, sepse gjaku i njerëzve në këtë rast piqet, hollohet, dhe del në sipërfaqen e brendshme të trupit, kështu që hixhamja nxjerr mbetje që nuk mund t’i nxjerrë fasdi në këtë rast. Fjala ku i Dërguari i Allahut (Paqja e Zotit qoftë mbi të!) thotë: “Mënyra më e mirë që mund të kuroheni, është hixhamja”; ka për qëllim banorët e Gjirit dhe të vendeve të nxehta, sepse gjaku i tyre është i hollë dhe më pranë sipërfaqes së trupit për shkak se temperatura e tërheq gjakun drejt sipërfaqes së trupit dhe e bashkon e atë në anët e lëkurës, dhe sepse poret e lëkurës së tyre janë më të gjera dhe fuqitë e tyre të palidhura me njëra-tjetrën, kështu që Fasdi do të ishte i rrezikshëm për ta. Kurse Fasdi ka dobi të caktuara në varësi të vendit ku bëhet.”
– Koha e duhur për bërjen e hixhames është mesi i muajit hënor dhe pas mesit të muajit, dhe jo në fund të tij; nëse do e ndanim muajin në katër pjesë, pjesa e tretë e tij është e përshtatshme për hixhamen, sepse në fillim të muajit hënor, gjaku nuk është nxehur dhe nuk është pjekur ende, në fund të muajit ka rënë në qetësi, kurse në mes të muajit dhe pak pas mesit të muajit, ai është në fund të shtimit dhe pjekjes. Në traditën profetike, datat e aprovuara për kryerjen e Hixhames, janë datat 17, 19, 21 të muajit hënor.
– Hixhamja duhet të bëhet paradite dhe në kohën e drekës, dhe jo në mbrëmje apo në darkë.
– Hixhamja nuk duhet të bëhet kur personi e ka barkun plot, dhe as kur është i uritur.
– Duhet pasur kujdes maksimal per sterilizimin e mjeteve te hixhames per te eliminuar mundesine e perhapjes se ndonje semundje qe perhapet nepermjet gjakut, si virusi i Hepatitit apo AIDS.
Vërejtje dhe udhëzime të rëndësishme
Para bërjes së hixhames me 12 orë, duhet pasur parasysh:
Marrja e një ideje rreth hixhames dhe të mos shqetësoheni për të, por të mendoni për dobitë e saj.
Të bëni gjumë të plotë dhe të mos kryeni asnjë tendosje fizike, zemërim apo stresim.
Mos kryeni marrëdhënie seksuale apo të pini duhan.
Jo-qumështit dhe produkteve të qumështit, si dhe mos konsumoni yndyra, vaj dhe agrume.
Mos bëni hixhami duke qenë të ngopur apo të uritur, dhe mundësisht të merrni një ushqim të lehtë rreth 4 orë para bërjes së hixhames.
Duhet ta informoni ekspertin e hixhames nëse keni marrë ndonjë barnë mjekësore apo i jeni nënshtruar ndonjë ndërhyrje kirurgjikale.
Shmangni hixhamen e njeriut të ftohur, që ka temperaturë të lartë, apo që është infektuar me grip, deri sa të shërohet nga këto.
Nuk duhet të vendoset kupa mbi ligamentet e këputura.
Atij që ka infeksin me ujë në gju, nuk i vendoset kupa mbi zonën e prekur, por pranë saj.
Sëmundjet e mëlçisë kërkojnë kujdes shumë të madh, sepse janë me shumë rrezik.
Pacientët me diabet nuk duhet të çahen në lëkurë, por vetëm të shpohen.
Pas bërjes së hixhames preferohet konsumimi i ushqimit të ngrohtë dhe masazhim.
Zonat e trupit ku bëhet hixhamja
Janë nëntëdhjetë e tetë zona të trupit ku bëhet hixhame, pesëdhjetë e pesë prej tyre në anën e pasme dhe dyzet e tre në fytyrë dhe bark. Çdo sëmundje ka pozicion të caktuar të trupit të njeriut për të bërë hixhami në atë pjesë. Më e rëndësishmja nga këto pozicione – e cila është gjithashtu e zakonshme në të gjitha sëmundjet – është zona “mes shpatullave” (unaza e shtatë e unazave të qafës në nivel me shpatullat dhe poshtë qafës).
Dobitë shëndetësore të Hixhames
Pastron arteriet dhe venat e mëdha e të vogla të gjakut, dhe stimulon qarkullimin e gjakut.
Pastron venat limfatike dhe nyjet limfatike.
Stimulon dhe provokon reagime në organet e brendshme të trupit duke rritur vëmendjen e trurit ndaj organit të dëmtuar për të dhënë urdhërat e duhura.
Thith dhe absorbon toksinat dhe efektet e barnave nga trupi, të cilat janë të vendosura në grumbullimet e gjakut mes lëkurës dhe muskujve.
Forcon imunitetin e përgjithshëm të trupit.
Rregullon hormonet.
Vepron për harmonizimin psikologjik.
Stimulon trurin, lëvizjen, të folurit, dëgjimin, njohjen dhe kujtesën.
Aktivizon gjëndrat, veçanërisht gjëndrën e hipofizës.
Rrit presionin mbi nerva.
Largon disa grumbullime, përzierje dhe shkaktarë të dhimbjeve.
Thith acidet e tepërta nga trupi.
Rrit kortizonin natyror në gjak.
Stimulon lëndë antioksidante.
Zvogëlon përqindjen e uresë në gjak.
Ul nivelin e kolesterolit të dëmshëm në gjak dhe rrit përqindjen e kolesterolit të dobishëm.
Rrit përqindjen e morfinës natyrore në trup.
Per te arritur perfitimin e shpresuar nga Hixhamja dhe per te eliminuar çdo rrezik te mundshem, duhet te plotesohen kushtet dhe te merren parasysh ndalesat e permendura me siper, prandaj lexoni me vemendje dhe i kuptoni mire ato.
Shqiperia dhe zonat perreth saj konsiderohen nga vendet me klime te ftohte, keshtu qe Hixhamja nuk eshte e preferuar per banoret e ketyre vendeve, sepse ajo eshte per vendet me klime te nxehte, sic jane vendet e Gadishullit Arabik; por nese patjeter do zgjidhnit ta benit ate, duhet te kujdeseni qe ta beni kryesisht ne kohen e veres.
Burimi: mjekesiabimorearabe
Avionët luftarakë rusë, në vendin Azez në Halep të Sirisë kanë bombarduar një konvoj me ndihma humanitare. SI pasojë e këtij sulmi katër persona janë vrarë ndërsa 20 të tjerë kanë mbetur të plagosur, raporton Anadolu Agency (AA).
Sipas burimeve lokale avionët kanë goditur disa kamionë të cilët kanë qenë të parkuar dhe janë përdorur për transport të ndihmave.
Informacionet e para flasin se në sulmin i cili la të djegur dhjetë kamionë, katër persona janë vrarë dhe 20 të tjerë janë plagosur.
Të plagosurit janë transportuar në spitalet e improvizuara në rajon, ndërkohë 11 me plagë më të rënda janë dërguar për shërim në Turqi.
Avionët rusë, ditë më parë poashtu sulmuan një konvoj tjetër humanitar duke lënë të vrarë shtatë civilë dhe 10 të tjerë të plagosur.
Nga shtatori i këtij viti, fluturaket ruse po sulmojnë në qytetet Idlib, Humus, Hama dhe Halep duke goditur rajone të banuara me civilë që janë nën kontrollin e opozitës siriane, duke lënë të vdekur 263 civilë.
Policia e Kosovës para pak çastesh ka arrestuar Ismail Kurteshin, deputetin e Kuvendit të Kosovës nga radhët e Vetëvendosjes, me rastin e daljes së tij nga objekti.
Në arrestimin e deputetit Ismail Kurteshi i cili është shoqëruar në polici, kanë marrë pjesë rreth dhjetë policë, ndërsa disa prej tyre civilë.
Pasi u legjitimuan me kërkesën e shoqëruesve të deputetit Kurteshi, ata në mënyrë të qetë vazhduan drejt veturës ndërsa Kurteshi tha se e kupton detyrën e tyre.
“Është me vetëdije…është për të mirën e vendit dhe sigurisht edhe ju do të na bashkoheni dhe do ti bëni të njëjtat veprime…” deklaroi Kurteshi me rastin e shoqërimit të tij nga policia.
Kurteshi ishte njëri nga dy deputetët e opozitës të cilët e kishin pamundësuar mbajtjen e seancës plenare, pasi që së bashku me deputetin e Nismës, Haxhi Shalën, kishin hedhur gazin lotsjellës dhe kishin shkaktuar ndërprerjen e punimeve.
Më pas, Kuvendi i Kosovës kishte vazhduar punimet pa prezencën e opozitës e cila është ndaluar nga sigurimi policor i Kuvendit që të hyjë brenda, për çka opozita kishte hedhur gaz lotsjellës edhe në hollin e Kuvendit.
Një burim ushtarak irakian nga rajoni Nineve, ka bërë të ditur se nga sulmet ajrore të forcave franceze janë vrarë 28 fëmijë, dhe kjo ka ndodhur në një shkollë fillore afër qytetit Mosul.
Aeroplanët francezë, të mërkurën, e kanë bombarduar shkollën fillore Fatime Ez-Zehra“, ka shpjeguar gjenerali ushtarak Zenun Sabavi.
„Gjatë sulmit janë vrarë 28 fëmijë, kurse pesë të tjerë janë të lënduar“, ka pohuar ai.
Shkrimtarë arabë dhe aktivistë me popullaritet kanë nisur një e-kampanjë që synon mbështetjen e mallrave turke përballë sanksioneve ekonomike ruse kundër Turqisë që u miratuan pak çaste pas rrëzimit të aeroplanit rus që shkeli hapësirën ajrore të Turqisë, të martën e kaluar.
Aktivistët kanë nisur hashtagje të ndryshme në Twitter me përmbajtje të tillë si: #I_am_a_Muslim_and_in_solidarity_with_Turkey; #I_am_an_Arab_and_in_solidarity_with_Turkey; dhe #Supporting_the_Turkish_goods.
Aktivistët kanë thënë nëpërmjet Twitter se mbështetja për mallrat turke përbën një “detyrë për çdo arab dhe mysliman”, duke shkuar gjithashtu se produktet turke janë “të kualitetit të mirë dhe kanë çmime të arsyeshme”, ndërsa kompanitë turke janë “të shpërndara në të gjithë botën arabe”.
Mbështetësit e shquar të fushatës përfshijnë thirrësin e njohur nga Kuvajti Hamed al-Ali; Prezantuesin televiziv egjiptian Ahmed Mansour; Shkrimtarin e Kuvajtit Faleh ibn Hajari; Shkrimtarët saudit Mohamed al-Hudhaif; prezantuesin televiziv nga Saudia Ali al-Zafiri; Shkrimtar saudit Mohamed al-Yahya; Shkrimtarë të shumtë nga Katari, kryeredaktori i gazetës Al-Sharq Jaber al-Harami; dhe shkrimtari saudit Ahmed bin Rashid bin Said.
ERDOGAN RUSIA NUK PO BOMBARDON ISIS-in (ISIS-in), POR OPOZITËN SIRIANE TURKMENE, NË RAJONIN E BAYIRBUCAKUT. DIHET QË RUSIA ËSHTË MBËSHTETËSE KRYESORE E KRIMINELIT ASAD.“Erdogan: ISIS (ISIS) nuk është në rajonin e Bayirbucakut të Sirisë.Presidenti i Turqisë Recep Tayip Erdoğan tha se, “Rajoni ku janë Turkmenët e Bayırbucak-ut nuk është rajoni ku ndodhet ISIS (ISIS).Presidenti i Turqisë Recep Tayip Erdoğan tha se, “Rajoni ku janë Turkmenët e Bayırbucak-ut nuk është rajoni ku ndodhet ISIS. Askush të mos e mashtroje askënd. Atje janë Turkmenët e Bayırbucak-ut, janë bashkëatdhetarët tanë, janë të afërmit tonë dhe duke thënë se “Jemi duke goditur organizatën terroriste ISIS” godasin Turkmenët e Bayırbucak-ut”.Presidenti Erdoğan në kuadër të Ditës së Mësuesve në Turqi dha një pritje në Pallatin Presidencial Ak Saray bëri vlerësime në lidhje me ngjarjet e fundit.Erdoğan tha se Turkmenët e Bayırbucak-ut janë në përpjekje të mbrojtjes së tokave të tyre dhe i kanë dërguar familjet e tyre nëpër kampe, vazhdojnë të rezistojnë.Turkmenët e Bayirbucak-ut për shkak të afërsisë farefisnore me vendin tonë ashtu siç janë Turkmenët e Halepit, Humusit, Damaskut, Golanit kanë një vlerë të ndryshme për ne. Shumë mirë i dimë qëllimet pas sulmeve të cilat i marrin si objektiv Turkemnët e Bayırbucak-ut nga ana e regjimit të Asadit dhe ata të cilët mbështesin regjimin. Qëllimi i vetëm në këtë rajon ku ISIS-i nuk ka asnjë prani është mbështetja e regjimit të Asadit. Turqia ka vendosur që linjën nga Cerablus e deri në Detin e Mesdheut ta pastrojë nga organizatat terroriste. Ne si Turqi i mbështesim vëllezërit tanë që jetojnë në këtë rajon dhe do të vazhdojmë ti mbështesim” tha Erdoğan.– “Mobilizojmë të gjitha mundësitë tona për ti ndihmuar vëllezërit tanë”Presidenti Erdoğan duke theksuar se populli asnjëherë nuk do ti falë ata që janë duke i sabotuar ndihmat e bëra për Turkmenët e Bayirbucak-ut vetëm për të krijuar një perceptim kundër tij dhe qeverisë tha se, “Mobilizojmë të gjitha mundësitë tona edhe në vendin tonë por edhe në anën tjetër të kufirit për ti ndihmuar vëllezërit tanë që janë duke luftuar në rajon në kushte të vështira”.Erdoğan i cili theksoi se së bashku me shtetet aleate së shpejti do ta zbatojnë praktikën rajoni i sigurisë në linjën Cerablus-Deti Mesdhe, tha se në njërën anë do ti parandalojnë dramat e reja njerëzore ndërsa nga ana tjetër do ti ofrojnë mundësi refugjatëve të cilët duan të jetojnë në atdheun e tyre. Erdoğan në vazhdim tha: “Ata të cilët nuk do ti ndihmojnë ose do ta parandalojnë Turqinë në këtë përpjekje, do të jenë shkaktar të vdekjes të çdo njeriut në Siri”.Presidenti turk në vazhdim tha: “Ne nuk kemi asnjë përpjekje tjetër përveç se ti sigurojmë popullit të Sirisë një të ardhme të sigurt dhe qëndrueshme. E dimë se edhe siguria jonë kalon nga kjo. Njësoj edhe shpëtimi i Evropës nga kriza e refugjatëve dhe terrorizmit kalon nga stabiliteti i Sirisë. Shpresojmë që ditët e ndritshme për vëllezërit tanë janë afër. I uroj suksese vëllezërve tanë Turkmenë në luftën e tyre, lutjet dhe mbështetjet tona do të jenë deri në fund me ata”.”
Zëvendës ministri i jashtëm i Izraelit Tzipi Hotovely u takua me përfaqësuesit e YouTube dhe Google për të diskutuar mënyrat për të bashkëpunuar në atë Izraeli e quan luftën kundër “nxitjes së dhunës dhe terrorizmit”.
Gazeta izraelite Maariv njoftoi dje se Hotovely kanë rënë dakord që të punohet me Google dhe YouTube në mënyrë që të krijojë një mekanizëm të përbashkët pune për të monitoruar dhe për të parandaluar publikimin e “materialeve inflamuese”, me origjinë nga territoret palestineze.
Që nga përshkallëzimi dhunës në kohët e fundit në mes të palestinezëve dhe shërbimeve të sigurisë izraelite, shumë njerëz kanë shpërndarë videot që tregojnë qartë agresionin izraelit ndaj palestinezëve dhe kjo ka ndikuar që bota gjithnjë e më shumë ta kuptojë perspektivën e vërtetë të konfliktit. Gazeta arabe Al-Araby Al-Jadeed me bazë në Londër ka shprehur shqetësime se takimet e tilla haptas sugjerojnë Censurimin e materialeve palestineze nga ana e shtetit izraelit./kohaislame.com
Shqipëria – partnere e Europës në luftën kundër terrorit, por edhe gati për të pritur valë refugjatësh në dimër, shprehet ministri i Jashtëm i Shqipërisë, Ditmir Bushati pas konferencës rajonale në Berlin.
Deutsche Welle: Zoti Bushati ju morët pjesë në konferencën e ministrave të Jashtëm të Ballkanit në Institutin Aspen, me ftesë të ministrit të Jashtëm gjerman Steinmeier dhe atij italian, Gentiloni. Çfarë masash u diskutuan në lidhje me krizën e refugjatëve në Ballkan, kjo krizë ishte edhe në fokus të kësaj konference që zhvillohet një herë në vit?
Ditmir Bushati: Konferenca këtë vit u fokusua tek çështjet e sigurisë, zgjerimit të Bashkimit të Europian, natyrisht çështjet që kanë të bëjnë me krizën e refugjatëve, terrorizmin dhe cënueshmërinë le të themi të arkitekturës europiane, sidomos pas ngjarjeve të fundit në Paris. Ne këmbyem pikëpamje në lidhje me angazhimin e vendeve të Bashkimit Europian, Gjermanisë, Italisë, vendeve të rajonit tonë, të cilët janë prekur nga kriza e refugjatëve, po ashtu u këmbyen pikëpamje për opcionet e ndryshme që mund të përdoren për shkak të stinës së dimrit dhe rrugëve të ndryshme se si mund të përballohet kjo krizë. Në konferencë u theksua rëndësia e një përgjigjeje të përbashkët në nivel europian dhe e një bashkëveprimi e sinkronizimi sa më të mirë mes vendeve të BE-së dhe rajonit për të përballuar këtë krizë të paprecedentë, e cila nuk duket se do të përfundojë shpejt.
Përmendët se keni diskutuar opcione të ndryshme në konferencë, a është edhe Shqipëria një opcion, pra a preket Shqipëria nga vala e refugjatëve në periudhën e dimrit?
Të gjitha opcionet janë të hapura, duke përfshirë këtu edhe një prekje të mundshme të Shqipërisë, Italisë apo Malit të Zi, në qoftë se mund ta konsiderojmë kështu pjesën Adriatike të Ballkanit. Shqipëria ka marrë masat përkatëse në bashkëpunim me partnerët, në bashkëpunim me vendet anëtare të BE-së, po ashtu kemi përgatitur planin e kontigjenteve. Natyrisht ne jemi një vend me kapacitete të kufizuara, qoftë nga pikëpamja e burimeve njerëzore dhe infrastrukturës, e është kjo arsyeja që masat paraprake duam t’i marrim në kohë dhe në bashkëveprim me vende të tjera.
Po a keni të dhëna se Shqipëria mund të preket gjatë dimrit?Për momentin nuk mund të flitet me garanci të plotë për një skenar që do të prekte drejtpërdrejt Shqipërinë, Italinë apo Malin e Zi, por me afrimin e dimrit , potencialisht kjo mund të kondicionojë akset kryesore, të cilët përdorin njerëzit që duan të shpëtojnë nga lufta.Ju u shprehët pas konferencës se kriza e refugjatëve në Ballkan nuk duhet të prekë integrimin. Çfarë keni parasysh me këtë, a dyshoni se kjo krizë mund të prekë vërtet proceset e integrimit?
Nga ana e dy ministrave të Jashtëm, atij gjerman dhe italian ka një qartësi përsa i përket jo thjesht procesit të integrimit europian dhe avancimit të rajonit në hapësirën euroatlantike, por edhe për të eliminuar çdo lloj spekulimi apo tendence për të ngatërruar krizën e refugjatëve me procese, të cilat kanë nisur me kohë në rajonin tonë. Pata mundësi të ritheksoja faktin, se procesi i zgjerimit apo çdo lloj pakti mbi çështjet e sigurisë, që adreson jo thjesht çështjen e refugjatëve, por edhe çështjet që kanë të bëjnë me luftën kundër terrorizmit duhet të shkojë paralelisht, të ecë bashkërisht me procesin e zgjerimit, përkundrazi situata, të cilën po e përjeton sot për sot rajoni ynë dhe BE, mendoj se bëjnë thirrje për një veprim më të shpejtë strategjik ndërmjet BE-së dhe Ballkanit Perëndimor.
Mendoni se e regjistruan dy ministrat e Jashtëm të BE-së këtë thirrje për veprim të shpejtë strategjik?Ministri i Jashtëm gjerman dhe ai italian janë shumë të qartë dhe të kthjellët në këtë pikë, shpresoj që në muajt në vijim do të kemi mundësi të dëshmojmë një gjë të tillë.Pas ngjarjeve në Paris, terrori i Shtetit Islamik është kthyer në një sfidë për Prëndimin, por edhe në rajon rreziku nuk është më i vogël. Çfarë u tha për këtë në Berlin?Natyrisht u diskutuan programet, me të cilat vendet që janë pjesë e aleancës kundër të ashtuquajturit “Shtet Islamik” bashkëveprojnë me njëra-tjetrën, përpjekjet që bëhen për shkurajimin e fenomenit të luftëtarëve të huaj, edhe përpjekjet që po bën Shqipëria posaçërisht në këtë drejtim edhe përmes krijimit të qendrës rajonale për përballimin e ekstremizmit të dhunshëm, si pjesë e strategjisë kombëtare kundër ekstremizmit të dhunshëm, të miratuar në Këshillin e Minstrave javën e kaluar. Kjo qendër rajonale që do të ngrihet vitin e ardhshëm në Shqipëri, me mbështetjen e partnerëve strategjikë do të fokusohet tek elementët edukativë, ata të bashkëjetesës fetare, pra për të punuar me komunitete të ndryshme, për të rrezatuar atë që është unike në Shqipëri apo hapësirën shqiptare për sa i përket bashkëjetesës më të mirë fetare. Ka disa forma si mund të luftohet ekstremizmi i dhunshëm, ndër to edhe programet edukative, kulturore, të cilat ne synojmë t’i kultivojmë sa më shumë që të bëhen shembull rrezatues edhe për vende të tjera.Zoti Bushati të kalojmë në zhvillimet në Shqipëri – Shqipëria pret hapjen e negociatave me BE-në, por BE në progresraport e vuri gishtin tek plagët e vjetra në Shqipëri si reforma në drejtësi, lufta kundër korrupsionit, dekriminalizimi, vetëm pas këtyre reformave do të ketë negociata – një qëndrim i qartë i BE-së ky. E meritonte qeveria shqiptare hapjen e negociatave me BE-në, në një kohë kur ende disa detyra shtëpie nuk i ka bërë?
Më lejoni të theksoj se sipas raportit të Komisionit Europian, Shqipëria është i vetmi vend që ka njohur progres të qëndrueshëm në të gjitha fushat që janë objekt vlerësimi nga Komisioni Europian krahasuar me vendet e tjera, pjesë e dosjes së zgjerimit. Ky progres është i dukshëm sidomos në fushat që konsiderohen parësore, për sa i përket sundimit të së drejtës, e sundimit të së drejtës në ekonomi. Jo vetëm Komisioni Europian, por qeveria shqiptare, shumica parlamentare institucionet kryesore e aktorë të tjerë e kanë vënë gishtin tek një plagë do ta quaja e shoqërisë shqiptare, që është gjendja e mjerueshme e sistemit të drejtësisë. Ka një angazhim politik të fortë në këtë drejtim, po punohet me Komisionin e Venecias, është pozitive që të gjithë aktorët kryesorë politikë dhe parlamentarë kanë referuar opinionet e qëndrimet e tyre pranë Komisionit të Venecias. Opinioni dhe përfshirja e ekspertizës së këtij komisioni, që gëzon reputacion të lartë në Shqipëri, do t’i japë një legjitimitet më të madh të gjithë procesit të reformës në drejtësi.
Pas kompromisit me opozitën për çështjen e dekriminalizimit, a shpresoni që ky model bashkëpunimi me opozitën mund të funksionojë edhe për reformën në drejtësi, ministri i Jashtëm gjerman Steinmeier ju inkurajoi për çuarjen përpara të reformës në drejtësi?Besoj se çdo reformë që vjen si fryt i kompromisit, pa cënuar standartet më të larta demokratike, do të ishte jo vetëm e mirëpritur nga ne, por ne do punojmë për ta arritur një gjë të tillë. Ne po punojmë për këtë dhe ka një gatishmëri edhe nga ana e Komisionit Europian dhe vendeve anëtare për të na mbështetur në këtë proces, me qëllim që të krijohet terreni për rekomandimin për fillimin e bisedimeve të anëtarësimit. Shumë punë është bërë, por ende shumë punë mbetet për t’u bërë në këtë drejtim. Kompromisi për ligjin për dekriminalizimin mendoj se mund të shërbejë si një ogur i mirë edhe për reforma të tjera që do të kërkonin një mirëkuptim të gjerë politik, pa cënuar standardet e kërkuara./DW