Aleanca për Ardhmërinë e Kosovës dhe Nisma për Kosovën janë duke shqyrtuar mundësitë që t’i bashkojnë forcat edhe në një koalicion të mundshëm parazgjedhor. Deputetja e…
Author: Dija Online
Dogana e Kosovës në dy operacione të ndara të zhvilluara gjatë kësaj ka konfiskuar mallra si dhe ka pasur raste të ndalimit të personave që i…
Imami i xhamisë së Drenasit, Osman Musliu në Info Magazine të Klan Kosovës, duke komentuar deklaratën e Don Igzidor Llugiqit, ka thënë se nuk është normale…
Presidenti Erdoan publikoi një artikull në të cilin vihet theksi në rëndësinë e Samitit të 13-të të Organizatës së Bashkëpunimi Islamik që organizohet në Stamboll. Presidenti…
Konservatorët gjermanë kërkojnë që në xhamitë e vendit të flitet gjuha gjermane dhe të ndalohet me ligj financimi i tyre nga Turqia dhe Arabia Saudite. Andreas…
Banka Evropiane për Rindërtim dhe Zhvillim (BERZH) do të gjejë mundësitë që të ndihmojë bujqësinë në Kosovë në arritjen e objektivave strategjike që janë përcaktuare nga…
Presidenti i Kosovës, Hashim Thaçi, ka pritur në takim Sekretarin e Përgjithshëm për Çështje Ekonomike Ndërkombëtare të Greqisë, Giorgos Tsipras. Në këtë takim është biseduar për…
Kryetari i Grupit Parlamentar të Lëvizjes Socialiste për Integrim, Petrit Vasili ka prezantuar në Komisionin për Veprimtaritë Prodhuese, Tregtinë dhe Mjedisin projektligjin “Për disa shtesa dhe…
Prokuroria e Durrësit urdhëroi ndalimin e 11 persona, 9 prej të cilave femra dhe 2 meshkuj, të dyshuar si të përfshirë në një rrjet prostitucioni që…
“Inex Petrol” pronë e Ilaz Zharku, vëllait të ministrit të Infrastrukturës, Lutfi Zharku është gjobitur nga Administrata Tatimore e Kosovës për shkak të mungesës së arkës fiskale.Mirëpo vetë Zharku e ka mohuar për Indeksonline se nuk ka arkë fiskale. Ai ka thënë se nuk është i informuar shumë për këtë gjobë, por ka insistuar se ka qenë një keqkuptim, sepse ka pasur arkë fiskale.“Së pari, nuk jam shumë i informuar, mirëpo ka qenë krejt një keqkuptim, së dyti, nuk më interesojnë se çka shkruajnë gazetat, sepse gazetarët e kanë atë punë, le ta shkruajnë, sepse përndryshe biznesi im është i pajisur me dy arka fiskale. U bë nami që vëllai i ministrit po punon, a kush nuk e di që prej viteve të 90-ta jam kompania e parë në regjionin e Ferizajt”, ka thënë Zharku për Indeksonline.Zharku, që ka në pronësi një pompë derivatesh dhe një restorant, ka thënë se do të ankohet për gjobën në ATK. Ai ka thënë se nuk ka pranuar ndonjë dokument të gjobës, por është informuar vetëm nga mediat.“Nuk jam i informuar për atë gjobë, bile unë nuk kam pranuar një dokument të tillë, prej gazetave jam informuar që më kanë gjobitur.
Do të informohem dhe do të bëj të pamundurën që ai person që më ka gjobitur, të paktën të më tregoj për çka. Pa e pa dokumentin nuk mund të bëj ankesë”, ka thënë Zharku për Indeksonline.
Zharku ka thënë se edhe për një euro do të bënte ankesë, duke konsideruar se iu ka bërë e padrejtë.“Nëse është nevoja edhe për 1 euro apo 10 euro do të bëj ankesë, sepse pa e parë gjobën mandatare nuk mund të bëj ankesë. Duhet të interesohem parimisht në ATK se për çfarë gjobe bëhet fjalë dhe të them të drejtën është obligim i çdo inspektori që ta bije dëshminë”.Zharku mendon se dikujt i ka konvenuar që të gjobitet, sepse sipas tij, ATK është në dijuni që kompania e tij ka arkë fiskale.“Nuk po them se a më bëhet kjo se jam vëlla i ministrit, dhe nuk dua të di se çka mendon dikush për mua, sepse unë jam i pajisur me arka fiskale dhe kanë qenë edhe inspektorët dhe e kanë vërtetuar që kam arkë fiskale, dhe e dinë se kujt i jepet kuponi fiskal. Ndoshta i konvenon dikujt, mirëpo nuk merrem shumë me ato gjëra, sepse nuk është nevoja as të demantohet diçka, dhe as unë as familja ,as ministri nuk merremi me gazeta se çka thonë”, ka thënë Zharku për Indeksonline.Zharku ka thënë se i vjen mirë që inspektorat e ATK-së përfillin ligjin dhe gjobitin çdo kënd që shkel ligjin.“Kanë qejf gazetarët të shkruajnë për vëllanë e ministrit, mirëpo duhet dënuar edhe vëllain i ministrit e kryeministrit, nëse e shkel ligjin. Më vjen shumë mirë që inspektorët e ATK-së e përfillin ligjin dhe e dënojnë të gjithë shkelësit e ligjit. Ky është standard i mirë dhe pozitiv, sepse të gjithë jemi të njëjtë para ligjit”.Ndërsa Indeksonline ka provuar të flas me dike në ATK, por ka qenë e pamundur. Ky institucion tash e disa muaj nuk kthen as përgjigje përmes postës elektronike, duke u mbyllur për media.