Author: Dija Online

Dhimbjet e shpinës, këmbëve etj., janë të tmerrshme dhe zakonisht janë pasojë e stresit, qëndrimit të gabuar dhe stilit të pashëndetshëm të jetesës.
Sidoqoftë, ndonjëherë e ndjeni dhimbjen, mirëpo vazhdoni ta injoroni atë sepse jeni shumë të nxënë me punën tuaj dhe pasi që të shkoni në shtëpi, dhimbja kthehet dhe më nuk mund të qëndroni ulur, nuk mund të ecni etj.
Nëse jeni viktimë e këtyre dhimbjeve, atëherë Telegrafi e sjell një recetë e cila do t’ju ndihmoj në shërimin e këtyre dhimbjeve.
Përgatitja:
– 150 gramë xhelatinë
– Ujë të ftohët
Futni 5 gramë të xhelatinës në gotë me ujë të ftohët. Përzieni atë dhe lëreni ashtu deri në mëngjes, por mos e futni në frigorifer pasi që xhelatina mund të ngrihet gjatë natës.
Përdorimi:
Këtë lëng e përdorni çdo mëngjes në stomakun e zbrazët derisa të filloni t’i vëreni efektet e magjishme pas një jave.
Vazhdoni ta përdorni për një muaj për të pasur rezultate të përhershme.
Nëse veç nuk ju pëlqen shija e kësaj pije, atëherë mund të shtoni pak mjaltë, lëng apo jogurt.
(Telegrafi)

Gjatë ngrënies shumica e personave kërkojnë që të kenë një gotë me ujë, si një mënyrë shoqërimi. Ndërsa studimet më të fundit në këtë drejtim tregojnë se pirja e ujit gjatë bukës është një ves që shkakton dëm në organizëm.
Ekspertët thonë se shumë fluide gjatë një shujte mund të shpijnë te fryrja e barkut, tretja e keqe dhe absorbimi i keq i ushqimeve. Me fjalë të tjera, nuk duhet të pini ujë të paktën 30 apo 60 minuta para dhe pas një shujte. Kjo është një rregull e artë, të cilës duhet t’i përmbaheni për tu ruajtur nga problemet e tretjes.
Sidoqoftë, nëse jeni shumë të etur dhe nuk mund të përmbaheni, atëherë pini ujë në sasi shumë të vogël. Gjithashtu, duhet të hani ushqim më ngadalë dhe provoni të konsumoni ushqime më të tharta për të përmirësuar metabolizmin tuaj.
(AE)

Kohëve të fundit, një seri studimesh të reja, konfirmuan se ushtrimet nuk janë të dobishme vetëm për organet e tyre të cilat ende janë duke u formuar, por edhe për trurin e tyre…
Shkencëtarët e Universitetit Ilinois publikuan se fëmijët e moshës nëntëvjeçare dhe dhjetëvjeçare të cilët janë në formë të mirë fizike duke falënderuar vrapin dhe ecjen, mundësohet transmetim më i shpejtë i sinjaleve nervore nga një pjesë e trurit në tjetrin – që bën të mundshme aktivitetin më të shpejtë dhe më kompakt.
Shkencëtarja Laura Chadock-Heyman pohon se aktiviteti fizik paraqet një mënyrë plotësuese përmes së cilës mund të tejkalohen moshatarët në zgjidhjen e detyrave konjitive.
Një hulumtim finlandez zbuloi se nivelet e larta të aktiviteteve fizike tek fëmijët në tre vitet e para të shkollimit përmirëson aftësitë e tyre në lexim dhe problemet aritmetike.
Rezultatet ishin të dukshme sidomos tek djemtë të cilët shkonin në shkollë në këmbë ose me biçikletë. Një studim tjetër tregon se vajzat njëmbëdhjetë vjeçare që ishin fizikisht aktive, kanë pasur rezultate më të mira në lëndën e natyrës dhe shoqërisë.
Ushtrimet më të mira: Fëmijët më të vegjël se 12 vjet duhet të inkurajohen në të gjitha llojet e aktiviteteve fizike: ecje, çiklizëm, basketboll apo futboll për rreth një orë në ditë. Rekomandohen gjithashtu edhe lojëra zbavitëse si ngjitje, hedhje apo kërcim në trampolinë.
The Interview People
Përshtati: Lutfi Muaremi

Nëse u janë dobësuar flokët, u janë thinjur apo janë duke ju rënë, nuk jeni vetëm.
Por, nuk keni nevojë që të qani për humbjen e flokëve, pasi që një tretman i ri që premton shumë është rrugës.
Shkencëtarët kanë gjetur një mënyrë për të rritur qelizat komplekse të lëkurës, plotësisht me flokë, dhe t’i transplantojnë më pas ato me sukses në lëkurë, transmeton Gazeta Express.
Eksperimentet për rritjen e qelizave komplekse të lëkurës, edhe pse të suksesshme, deri më tani nuk janë përdorur në njerëz.
Shkencëtarët kanë zhvilluar një metodë për rritjen e këtyre qelizave në laborator, të cilat zëvendësojnë lëkurën natyrale.
Ky zbulim i ri u jep shpresë njerëzve të cilët kanë pësuar edhe djegie të mëdha në lëkurë. Shkencëtarët thanë se kanë rritur me sukses indet komplekse të lëkurës të cilat i kishin transplantuar në minj.
(GE)

Numri i luftëtarëve të huaj që shkojnë në Irak dhe Siri për t’iu bashkuar organizatës terroriste ISIS ka rënë ndjeshëm gjatë vitit të fundit kalendarik, deklaroi të martën gjenerali amerikan, Peter Gersten.
”Kur mbërrita në Bagdad, një vit më parë, numri i luftëtarëve që i bashkoheshin ISIS-it ishte 1.500 – 2.000 persona çdo muaj. Aktualisht ky numër ka rënë në 200 për muaj”, deklaroi Gersten.
“Ne jemi të avantazhuar edhe për faktin se ka një rritje edhe të dezertimeve mes këtyre luftëtarëve”, theksoi ai.

Tre dekada pas njërës prej katastrofave më të mëdha bërthamore, shpërthimit në uzinën energjisë bërthamore Çernobil, në qytetin Pripyat ende shihen gjurmët të cilat kanë mbetur pas shpërthimit, shkruan Anadolu Agency (AA).
Rreth aksidentit të 26 prillit 1986 edhe sot flitet shumë. Pritet që rreziku i përhapjes së materialeve radioaktive të ekzistojë të paktën edhe për tre dekada tjera.
Ekipi AA vizitoi zonën pranë centralit, si dhe qytetin e braktisur Pripyat. Për të hyrë në Çernobil nevojitet leje e posaçme.
Mosha mesatare e 158 njerëzve të cilët ende jetojnë aty është 80 vjet.
Përkundër faktit që kjo zonë është e izoluar dhe e braktisur, kur ti afroheni centralit, ju mund të shihni rreth tre mijë njerëz që punojnë për heqjen e rrezikut të përhapjes së materialeve radioaktive, për shkak se rreziku i përhapjes së rrezatimit në reaktorin e katërt ende ekziston. Punimet për shmangien e rrezikut vazhdojnë me intensitet të plotë dhe financohen nga 44 vende të botës.
Agjencia për Çernobilin dhe Ministria e Ekologjisë të Ukrainës më herët kishin deklaruar se janë hequr materialet radioaktive dhe se rreziku i rrezatimit është zvogëluar për 10.000 herë. Por kthimi i njerëzve në 60 përqind të zonave pranë Çernobilit do të kërkojë tre deri në gjashtë dekada.

Sipas vendimit të Parlamentit të Ukrainës, centrali bërthamor plotësisht do të hiqet deri në vitin 2065. Sipas programit, në fazën e parë e cila është realizuar në periudhën prej vitit 2010 deri në vitin 2013 janë zhvendosur pjesët që kërkonin një emergjencë për largim nga centrali. Në fazën e dytë, e cila do të zgjasë deri në vitin 2022, do të bëhen përpjekje për izolimin e reaktorit, në të cilën ka ndodhur shpërthimi, dhe kontrolli i reaktorëve të tjerë.
Në fazën e tretë, e cila do të zhvillohet nga 2022 deri më vitin 2045, ekspertët do të vëzhgojë situatën, apo nivelin e rrezatimit pas izolimit, kurse në fazën e fundit, të planifikuar për periudhën nga 2045 deri në 2065, është planifikuar të bëhet shembja e centralit dhe të realizohen punët për të hequr mbeturinat.
Qyteti në të cilin para aksidentit kanë jetuar, punëtorët e centralit dhe familjet e tyre, tani është shndërruar në një qytet fantazmë. Brenda pak orësh, një ditë pas shpërthimit, banorët janë evakuuar, dhe qyteti ende rrezikohet nga rrezatimi.
Ndërtesat e braktisura, të cilat janë mbuluar nga pemët në hyrje të qytetit mirëpresin vizitorët. Rrugët dhe bulevardet, sot nuk ekzistojnë. Shtëpi dhe ndërtesa publike të braktisura dhe hotelet nën ndikimin e natyrës janë duke u shkatërruar.
Turet turistike realizohen nën kontroll të lartë të sigurisë me masa të rrepta dhe nën mbikëqyrjen e ekspertëve. Hyrja në ndërtesa është e ndaluar për shkak të nivelit të lartë të rrezatimit në to. Në dalje të qytetit dhe zonës në përgjithësi secili vizitorë i nënshtrohet kontrollit për të përcaktuar nëse janë ekspozuar ndaj rrezatimit.

Në orët e hershme të mëngjesit filloi një aksion i policisë së Kosovës dhe EULEX-it, konfirmoi Dragana Nikoliç-Solomon, zëdhënëse e EULEX-it.
Pasi aksioni është ende në rrjedhë, zëdhënësja nuk mund të jepte kurrfarë detaje. Mediat kosovare transmetojnë se njëri nga të kërkuarit në këtë aksion është deputeti i Partisë Demokratike të Kosovës (PDK), Azem Syla për të cilin është dhënë urdhër që të merret në bisedë informative.
Siç njofton Koha.net sot prej orës 6 të mëngjesit, më shumë se dy orë, është realizuar kontroll i një ndërtese banimi në lagjen “Gradiç Pejton” në Prishtinë dhe me këtë rast është arrestuar ish-shoferi i deputetit Syla.
Sajti insajderi.com shkruan se aksioni i sotëm i madh ndërlidhet me dyshimin për organizim kriminel në të cilin dyshohen gjykatës, zyrtarë komunalë dhe zyrtarë të Agjencisë për Privatizim të Kosovës.

Funksionarë të Kishës së Kudsit të pushtuar në një letër dërguar Barak Obamës, kanë kërkuar që t’i japë fund terrorizmit në Lindjen e Mesme, t’i japë fund shkatërrimeve në rajon dhe të mos përdorë të drejtën e veto-s në Këshillin e Sigurimit të Organizatës së Kombeve të Bashkuara kundër rezolutës që do të nxirret kundër Izraelit.
Funksionarët e kësaj kishe theksuan domosdoshmërinë e vendosjes së paqes në Lindjen e Mesme dhe kanë thënë se një veto kundër rezolutës që do të mbështesë Palestinën në Këshillin e Sigurimit, do të bëhet shkak që në rajon të përhapet radikalizmi dhe terrorizmi.
Kohët e fundit 24 funksionarë të kishave në Amerikë dhe Palestinë janë mbledhur në Atalanta të Amerikës me qëllim që të bëhet progresin në të ashtuquajturat bisedime për paqe. Amerika kundërshton rezolutën e propozuar nga Palestina në një kohë kur shumica e vendeve të botës mbështesin planin për t’i dhënë fund pushtimit të Palestinës dhe procesit të ndërtimit të kolonive sioniste nga ana e regjimit sionist dhe planin për krijimin e Palestinës së pavarur me kryeqytet Jeruzalemin.

Kandidati presidencial amerikan Demokratike Berni Sanders ka refuzuar të nënshkruajë një letër ku i kërkon Presidentin Barak Obama për të shpejtuar arritjen e një marrëveshje për një paketë të re të ndihmës ushtarake për Izraelin e cila vlen më shumë se ajo aktualja 3 miliardë $ në vit.
Tetëdhjetë e tre nga 100 senatorë nënshkruan letrën, të udhëhequr nga republikanja Lindsey Graham dhe demokrati Chris Coons. Senatori Ted Kruz, një kandidat presidencial i 2016 ishte një nga 51 nënshkruesit republikanë.
Letra është nënshkruar nga 51 republikanë dhe 32 senatorëve demokratë. Megjithatë, Sanders , një senator i Pavarur nga Vermont , ishte në mesin e 17 senatorëve të cilët nuk e kanë nënshkruar letrën.
Është inkurajuese të shohësh mbështetje të tillë të fortë për Izraelin nga të dyja palët dhe populli amerikan , tha një zyrtar izraelit.
Uashingtoni dhe Tel Avivi po negociojnë një paketë të re ndihme 10 vjeçare të ushtrisë amerikane për të zëvendësuar marrëveshjen e 3 miliard $ që skadon në vitin 2018 .
Izraeli vitin e kaluar ka kërkuar 5 miliard $ në ndihma vjetore të ardhshme , por zyrtarët e saj kanë ulur pritjet e tyre nga rreth 4.5 miliard $. Megjithatë, zyrtarët amerikanë dhanë shifra më të ulëta rreth 3.7 miliard $.
Mosmarrëveshja bëri që zyrtarët izraelitë të sugjerojnë muajin e kaluar se kryeministri Benjamin Netanjahu, në shpresën e kushteve më të mira, mund të presin pasardhësin e Obamës për të përfunduar marrëveshjen .Sanders, i cili është hebre , ka bërë thirrje për një politikë më shumë të balancuar amerikane në Lindjen e Mesme, duke e përshkruar luftën e Izraelit në Rripin e Gazës në vitin 2014 si joproporcionale .
Unë mendoj se ne nuk do të ketë sukses për të sjellë gjithnjë paqe në këtë rajon nëse ne gjithashtu nuk i trajtojmë palestinezët me dinjitet dhe respekt , dhe kjo është pikëpamja ime , tha ai në një intervistë me CNN, transmetuar në fillim të këtij muaji.
Sanders ishte i vetmi kandidat presidencial i cili ka kritikuar Izraelin në konferencën vjetore të politikave të Komitetit të Punëve Publike SHBA-Izrael( AIPAC ), grupit më të fuqishëm lobues në Uashington, muajin e kaluar.
Senatori i Vermont ka kritikuar edhe zgjerimin e vendbanimeve të paligjshme të Izraelit në Bregun e pushtuar Perëndimor dhe bëri thirrje për dhënien fund të rrethimit në Gaza , e cila ka krijuar një situatë të tmerrshme ekonomike në enklavë.