Toleranca ndaj jomuslimanëve dhe marrëdhëniet e mira njerëzore me ta në këtë botë, mbi bazën e reciprocitetit është parim dhe praktikë islame, të cilën ne e kemi trashëguar prej shekujsh me radhë në këtë vend dhe që e ruajmë dhe do ta ruajmë inshAllah sa të kemi jetë. Këtë e kemi mësuar edhe në shkollat islame të vendeve ku jemi diplomuar dhe çdo akuzë apo aludim se ne e rrezikojmë atë, është thjesht një shashkë dhe mashtrim i turpshëm i atyre që kanë agjenda të caktuara sektare okulte.
Ajo çka na dallon ne prej këtyre okultëve, është se ne nuk pranojmë që përtej tolerancës dhe marrëdhënieve normale të mira njerëzore, të bëhemi hipokritë, duke shfaqur një afërsi fetare që nuk ekziston mes nesh. Dallimet janë evidente, të mëdha dhe thelbësore me të gjitha fetë dhe besimet e tjera, dhe për pika, të cilat Islami nuk pranon kompromis doktrinor dhe teologjik, por nisur po nga i njëjti burim fetar, ne jemi të urdhëruar që në këtë botë të bashkëjetojmë me këta njerëz dhe të sillemi mirë me ta, duke u bazuar te parimi i reciprocitetit.
Ndërkohë, hipokrizia dhe dyfytyrësia e kultit gylenist, që sillen si arrogant me ata muslimanë që pretendojnë t’i përfaqësojnë, nuk njeh limite hipokrizie, “tolerance” dhe “dashamirësie” me të tjerët.
Hoxhë Justinian Topulli
