Turqia i kërkon OKB-së të lehtësojë hyrjen e ndihmave në Siri

Ministri i Jashtëm turk Ahmet Davutollu të dielën i bëri thirrje Këshillit të Sigurimit të OKB-së për të zbatuar një rezolutë të mëparshme për të lehtësuar hyrjen e ndihmave humanitare në Siri .
“Regjimi sirian nuk lejon hyrjen e dihmave dhe Kombet e Bashkuara nuk po bëjnë asgjë për këtë,” ka thënë Davutollu në një konferencë shtypi në kampin e refugjatëve Zaatari, në verilindje të Jordanit, ku një takim i ministrave të jashtëm të vendeve fqinje të Sirisë është duke u mbajtur.
“Janë rreth 5.5 milionë persona të zhvendosur brenda vendit në Siri dhe ndihma humanitare duhet të lejohet për ta,” tha ministri turk.
Davutollu vazhdoi duke thënë se Ankaraja ende favorizon një zgjidhje politike për krizën siriane.
Ai i bëri thirrje komunitetit ndërkombëtar për të mbështetur vendet që po presin refugjatët sirianë.
Davutollu tha se Turqia do që refugjatët të mbeten në Siri, por nuk mund t’u mohojë atyre qasje në territorin e saj./mesazhi/