Njerëzit kalojnë shumë orë para kompjuterit në ditët e sotme. Kjo, sa për shkak të punës, sa për shkak të popullaritetit të rrjeteve sociale.
Megjithatë, për hir të shëndetit tuaj, herë pas here duhet të pushoni.
Ne po ju japim disa këshilla se si të pushoni pas lodhjes nga kompjuteri, apo së paku, ta zvogëloni dëmin për shëndetin tuaj.
1. Përshtatjani vetes monitorin e kompjuterit pranë të cilit punoni rregullisht. Rregulloni ngjyrat, kontrastin, dhe parametrat e tjerë të cilët do t’ju ndihmojnë që sytë tuaj të mos lodhen.
2. Blini syze të destinuara për punën në kompjuter. Në këtë mënyrë do ta zvogëloni mundësinë e dëmtimit të shikimit tuaj.
3. Kur lexoni diçka në kompjuter, rritni shkronjat që të mos koncentroheni dhe lodheni më shumë.
4. Rregulloni madhësinë e faqes në monitor dhe rritni faqen sa herë të jetë e nevojshme.
5. Zvogëloni rezolucionin e kompjuterit, sepse ai bazohet në linjat vertikale dhe horizontale.
6. Nëse shikoni gjatë në monitor, herë pas here pushoni sytë. Mjafton ta largoni shikimin nga monitori për 30 sekonda.
7. Në qoftë se qëndroni pranë kompjuterit gjatë, ekziston mundësia ta dëmtoni shpinën. Herë pas here, ngrihuni, ecni pak dhe drejtohuni që ta nxitni qarkullimin.
