Reshjet e pandërprera kanë prekur edhe Podujevën. Atje lumi llap në çdo minutë po e rrit nivelin e tij. Uji po shkon rrëke në këtë lum ndërsa nëse shiu nuk ndërpritet ka rrezik që ai të dal jashtë shtratit dhe të shkaktoj dëme tek banorët. /Zëri/
Reshjet e shiut që nuk janë ndalur gjatë dy ditëve të fundit, po shkaktojnë telashe me kanalizimet në kryeqytet. Në kompaninë Rajonale të Ujësjellësit Prishtina, bëjnë të ditur se qytetarët tashmë kanë alarmuar.
Bëhet e ditur se mbi deri në ora 12 të ditës së shtunë janë lajmëruar mbi 50 raste nga qytetarët.
“Për shkak të reshjeve të shumta mbi vendin tonë, janë bllokuar shumë kanalizime në kryeqytet, ku vetëm ditën e sotme deri në ora 12 , i kemi të lajmëruara mbi 50 raste, dhe sot edhe pse nuk është ditë pune, të gjitha rrjetet e ekipeve te kanalizimit janë në gjendje gatishmërie dhe të gjithë janë në terren për t’i zhbllokuar ato dhe t’u ndihmojnë qytetarëve që të mos u hyjnë në banime e tyre” ka thënë Zëdhënësja Arjeta Mjeku në një prononcim për Express.
Reshjet e shiut të cilat nuk po ndalen kohëve të fundit, i kanë nxjerrë punë Komunës së Prishtinës. Edhe pse i nevojshëm, shiu sot ka nisur të shkaktojë probleme.
Fshatrat si Llukarë, Makovc, Mramor, Bërnicë, Keqekollë dhe Prugoc, janë përfshirë nga vërshimet, e në ndihmë u ka dalë Komuna e Prishtinës bashkë me kryetarin e saj, Shpend Ahmeti.
“Prioritet i yni sot janë shtëpitë dhe njerëzit që janë të bllokuar nga vërshimet. Aty po intervenojmë”, ka thënë Ahmeti, i cili ka kërkuar ndihmë edhe nga Forcat e Sigurisë së Kosovës.
Fshati Uglarë në Fushë Kosovë siç po shihet në këto fotografi të dërguara nga Naser Dibrani është duke pësuar më së keqi nga rënia e pandërprerë e shiut. Atje niveli i ujit ka arritur disa centimetra dhe shumë shtëpive edhe u ka hyrë brenda.
Nëse vazhdon kështu banorëve të asaj pjese do tu duhet që shumë shpejtë të shpërngulen nga ajo pjesë. /Zëri/
