Emiratet e Bashkuara Arabe kanë vendosur ta financojnë komplet projektin e Ujësjellësit Regjional të Prishtinës.
Lajmi i është konfirmuar Kryeministrit të Kosovës, Hashim Thaçit.
“Sapo erdhi një lajm i shkëlqyeshëm! Sapo mora njoftim zyrtar nga Mohammed Saif Al Suëaidi, Drejtor Gjeneral i Fondit të Abu Dhabit – që ky fond sovran i Emirateve ka vendosur të financojnë projektet prioritare të Qeverisë së Kosovës! Projekti i parë i konfirmuar është financimi i plotë i Ujësjellësit Regjional të Prishtinës”, shkruan Thaçi në Facebook.
“Jemi duke negociuar që Mbretëria e EBA të merr pjesë edhe në Fondin për Punësim, ndërsa kemi hyrë në negociata edhe për investim në Sistemin Ibër-Lepenc dhe projekte në bujqësi. Ky vendim zyrtar i Fondit të Abu Dhabit që u përcoll me Notë Verbale, konfirmon marrëveshjen që e kam bërë me Sheikh Abdullah bin Zayed Al Nahyan gjatë vizitës së tij në Kosovë, për investime të Emirateve në shtetin tonë! Lajme të reja priten në javët dhe muajt në vijim që do të krijojnë vende të reja të punës dhe investime masive. HTH”.
