Vendet që flasin turqisht, përgatiten të hedhin një hap konkret për të krijuar një identitet të përbashkët.
Këshilli Turk, i krijuar nga vendet që flasin turqisht do të mblidhet në datën 4 qershor në Qytetin Bodrum të Turqisë në kujdesin e veçantë të Presidentit Abdullah Gyl. Agjenda e aktivitetit do të jetë tepër e ngjeshur.
Vendet që flasin turqisht, si Turqia, Azerbajxhani, Turkmenia, Kazakistani dhe Kirgizia, do të ulen së bashku në një tryezë dhe po përgatiten të hedhin një hap konkret për të krijuar një identitet të përbashkët.
Tema që del në plan të parë është organizimi i Diasporës…
Me anë të qendrave të diasporës që fillimisht planifikohen të hapen në Uashington, Berlin dhe Paris, të gjithë turqit që jetojnë në botë do të kenë mundësi të takohen e mblidhen në një çati.
Me anë të projektit “Libri i Përbashkët” do të ndërgjegjësohen brezat e rinj dhe me qendrat e diasporës do të krijohet një opinion publik për temat e rëndësishme. Objektivi është ndikimi i diasporës turke në përpjesëtim të drejtë me dendësinë e komunitetit.
Libri i historisë, që do të përdoret si lëndë ciklit të ulët dhe të mesëm në vendet turqishtfolëse, do të jetë pjesë e kurrikulave duke filluar që nga viti i ardhshëm.
Kurse një projekt tjetër i rëndësishëm është ai në fushën e turizmit. Në rrugën historike dhe të gjeografisë së përbashkët pra, “Rruga e Mëndafshit,” do të krijohet një paketë e veçantë turistike dhe ajo do të kthehet në qendër të preferuar si e rajonit ashtu edhe të tërë botës.
Burime nga Ministria e Jashtme bëjnë të ditur se duke marrë për bazë kanalin e televizioni publik turk, TRT AVAZ, planifikohet që të fillojnë transmetimet në një kanal televiziv që ti drejtohet tërë botës turke.
