Fillimi i punës së legjislaturës së gjashtë të Kuvendit të Kosovës , ka reflektuar shenjat e para të një krize të re, thonë analistët politikë.
Situata e krijuar në seancën konstituive të Kuvendit të Kosovës, sipas tyre, burimin e ka në sistemin zgjedhor, i cili vlerësohet se nuk i ka mundësuar asnjërës parti apo koalicioni që të fitojë një shumicë parlamentare.
Bazuar në rezultatet e zgjedhjeve, propozimi për kryetarin e Kuvendit si dhe për formimin e Qeverisë i takon koalicionit ndërmjet Partisë Demokratike të Kosovës, Aleancës për Ardhmërinë e Kosovës dhe Nismës për Kosovën, i njohur si koalicioni PAN, si subjekt fitues.
Imer Mushkolaj, analist i çështjeve politike i tha Radios Evropa e Lirë se e gjithë kjo situatë e cila ndodhi në seancën konstituive ka qenë e pritshme.
Ai thotë se pavarësisht deklaratave të zyrtarëve të koalicioni PAN se ata i kanë numrat, faktet tregojnë të kundërtën.
“Fillimi i punës së legjislaturës së re të Kuvendit të Kosovës u karakterizua edhe me fillimin e një krizë, në kuptim e asaj se ishin dy muaj kohe dhe koalicioni fitues i zgjedhjeve duket se nuk i ka numrat për të zgjedhur kryetarin, dhe rrjedhimisht për t’i hapur rrugë edhe krijimit të Qeverisë”.
“Në fakt sot në seancë pamë një papërgjegjshmëri të deputetëve të PDK-së dhe AAK-së, që nuk erdhën në kohën e duhur në Kuvend dhe pastaj kur erdhën dhanë lajmin se iu duhet edhe dy orë tjera në mënyrë që të vazhdojnë konsultimet”, thotë Mushkolaj.
Në anën tjetër, Arben Qirezi, analist i çështjeve politike, në një prononcim për Radion Evropa e Lirë thotë se situata e krijuar në Kuvendin e Kosovës ishte kaotike.
“Kjo tregon situatën në Kosovë, e cila rrjedh nga sistemi zgjedhor i Kosovës, i cili nuk i ka mundësuar asnjërës parti parazgjedhore që të fitojë një shumicë parlamentare , që të mundëson zgjedhjen e personaliteteve në pozitat e caktuara”.
“Kjo është edhe pasojë e vendimeve absurde të Gjykatës Kushtetuese të vitit 2014, e cila i ka sjell dhe do të vazhdojë t’i sjell Kosovës kokëçarje të mëdha në funksionimin e sistemit të saj politik. Në anën tjetër, mendoj që mbyllja e seancës nuk është dashur të ndodh nuk është dashur të ndodh as kërkesa për pauzë”, thekson Qirezi.
Qirezi shton se gjithë kjo situatë e krijuar e cila mund të dërgon vendin në zgjedhje të jashtëzakonshme.
Ndërkohë, disa qytetarë të anketuar nga Radio Evropa e Lirë shprehen të shqetësuar për situatën e krijuar në Kuvendin e Kosovës.
Hasan Selimi, pensionist, thotë se nuk ka besim se krerët e institucioneve po bëjnë më të mirën për qytetarët.
“Partitë në Kosovë po punojnë vetëm për vete dhe jo për qytetarët. Ata po i blejnë votat e deputetëve për interesa të veta. Populli po i voton ata, pastaj po ballafaqohet me probleme të mëdha”, thotë ai.
Ndërkaq, Naim Haliti një qytetar nga Prishtina thotë se gjendja në Kosovë duhet të ndryshojë.
“Do të kisha pasur dëshirë të ndodh diçka. Nuk di se çka të them. Nëse do të mund të konstituohen institucionet e vendit, çështjet më të cilat do të duhej të merren janë arsimi, shëndetësia dhe shumë çështje tjera, mendoj se duhet të ndryshohet diçka”, thotë Haliti.
Nëse nuk gjendet një zgjidhjet që të votohet kandidati për kryetar të Kuvendit të Kosovës nga koalicioni PAN dhe t’i hapet rrugë formimit të Qeverisë, Mushkolaj thotë se zgjedhjet e jashtëzakonshme janë të pashmangshme.
“I mbetet PAN-it që të gjejë zgjidhje, duke pasur parasysh se deklarimet e Lëvizjes Vetëvendosjes dhe koalicioni LAA janë të qarta, se ata nuk do të votojnë Kadri Veselin për kryetar. PAN duhet të ndërmarrë marr hapin e parë që të diskutojë me deputetët e LDK-së, AKR-së, Alternativës dhe VV-së në mënyrë që të merren vesh për votimin e një kandidati tjetër dhe të konstituohet Kuvendi, dhe pastaj të procedohet brenda afatit kushtetues dhe ligjor edhe për krijimin e Qeverisë”, thekson Mushkolaj.
Qëndrimet e kundërta ndërmjet partive politike, sipas analistëve, nuk figurojnë asgjë tjetër përveç shkuarjes së vendit edhe në një palë zgjedhje të jashtëzakonshme.
Author: Dija Online
“Dhuna seksuale dhe dhuna në familje janë përpjekje më dominuese të dhunës në baza gjinore, por në Maqedoni shumë pak flitet për to dhe shumë pak raportohen rastet e tilla”, ka theksuar ministrja e Punës dhe Politikave Sociale, Mila Carovska, e cila ka informuar për përgatitjet që po bëhen drejt ratifikimit dhe implementimit të Konventës së Stambollit.
Carovska tha se deri në fund të vitit në Maqedoni do të hapet dhe një qendër sociale, vendi i së cilës do të jetë sekret, për të trajtuar gratë të cilat kanë qenë viktima të dhunës familjare apo seksuale.
“Maqedonia ka problem serioze me mbledhjen e të dhënave se cili është numri viktimave të dhunës seksuale dhe asaj në familje. Andaj, primare në këtë projekt është mbledhja e të dhënave në një sistem të vetëm, që do të thotë se çdo institucion i cili me informacion që ka për shfaqjen dhunës ndaj gjinisë femërore, duhet të reagojë duke bashkëvepruar me institucionet përkatëse, duke fillua nga ndihma shëndetësore, vendosja e viktimave në qendrat sociale për një kohë të caktuar, deri tek organet e sigurisë dhe gjykatat që duhet t’i përballin me drejtësinë ata që ushtrojnë dhunë”,tha Carovska.
Ndërkaq ministri i Shëndetësisë, Arben Taravari tha se krahas qendrave që do t`i hap Ministria e Punës dhe Politikës Sociale, në kuadër të shtëpive të shëndetit, është paraparë që të hapen tri qendra ku do tu ofrohet ndihmë mjekësore femrave ndaj të cilave është ushtruar dhunë.
Taravari tha se këto qendra do të bashkëveprojnë me Ministrinë e Punës dhe Politikës Sociale.
“Ministria për Shëndetësi është e gatshme që këtë program ta zhvillojë në tri qendra të cilat do të hapen në Republikën e Maqedonisë edhe atë në Shkup, Kumanovë dhe në Tetovë, për t`u ofrua ndihmë mjekësore femrave viktima të dhunës”, tha Taravari.
Organizatat, që në fokus kanë të drejtat e grave, thonë se Maqedonia si shtet që synon të bëhet pjesë e familjes evropiane është vonuar me ratifikimin dhe implementimin e Konventës së Stambollit për eliminimin e dhunës ndaj grave, megjithëse theksojnë se mungesa e pavarësisë ekonomike, i bën femrat të mos denoncojnë dhunën në familje sepse ato janë të detyruara të jetojnë në familjen e bashkëshortit sepse s`kanë ku shkojnë.
“Krijimi i kushteve për të siguruar siguri financiare grave që kanë qenë viktimë e dhunës, u mundësohet që ato të vendosin për fatin e tyre në formë të pavarur, dhe jo si në të shumtën e rasteve kur gratë viktima të dhunës detyrohen të kthehen në shtëpitë e bashkëshortëve të cilët kanë ushtuar dhunë ose tek familjarët e tyre duke duruar dhunën e vazhdueshme që ushtrohet mbi to, qoftë ajo psikologjike fizike ose seksuale”,thotë për Radion Evropa e Lirë, Nora Kaliqi, drejtuese e organizatës joqeveritare “Ajo”
Ndërkaq, koordinuesja e Programit për Zhvillim të Kombeve të Bashkuara në Shkup, Luiza Winton ka theksuar se dhuna ndaj grave duhet trajtuar me seriozitet, ngase siç tha, duke iu referuar të dhënave të organizatave ndërkombëtare, çdo e treta grua është viktimë e dhunës.
“Vështirë gjenden të dhëna të sakta, por duket qartë se sipas statistikave nga vendet tjera, një në çdo tre grua në Maqedoni gjatë jetës së saj do të jetë viktimë e një forme të dhunës me baza gjinore. Në suaza botërore, kjo do të thotë se një në çdo gjashtë persona në planet do të jetë viktimë e një dhune të tillë”, theksoi Winton.
Ndryshe, përgatitja e ratifikimit dhe zbatimit të “Konventës së Stambollit”, mbështetet nga Programi për Zhvillim i Kombeve të Bashkuara, që ka siguruar mjete financiare në vlerë prej 300 mijë dollarë amerikanë.
Në botë, Konventa e Stambollit është e njohur si instrumenti më i mirë ligjor, në luftën kundër dhunës në familje dhe në të gjitha format e tjera të dhunës me baza gjinore.
Bixhozi është çdo lloj loje që bëhet me pasuri mes dy palëve, ku fituesi merr pasurinë nga humbësi. Me këtë përkufizim çdo njeri mund ta dijë për…
Përgjigjet: A mund të falemi zbathur apo jo është një çështje e debatuar në mesin e dijetarëve, në mes asaj se mbulimi i këmbës së femrës…
Përgjigje: Kush e ndërpren agjërimin e Ramazanit për shkak të udhëtimit, sëmundjes apo diç tjetër obligohet t`i bëj kaza ato ditë para se të arrijë Ramazani…
Pyetje: Të përmuajshmet e mia zakonisht zgjasin prej shtatë deri në tetë ditë, nganjëherë në ditën e shtatë nuk shoh gjak dhe nuk shoh se jam…
Hyrje Lavdërimi i takon Allahut, Atë e falënderojmë dhe faljen e Tij e kërkojmë, tek Ai pendohemi dhe kërkojmë strehim nga Ai prej të këqijave të…
Fara Chia është superushqimi i fundit për të cilën të gjithë flasin! Këtë farë shëruese shumica e definojnë si farë “magjike”, ushqim i cili bën mrekulli të vogla brenda trupit tonë. Në vijim ju zbulojmë se ku është sekreti.
Çfarë është fara Chia? Besojmë që shumë prej jush nuk ka dëgjuar për këtë farë, edhe pse ajo ka ekzistuar për mijëra vjet. Astekët të parët e përmendin farën Chia si ushqimin bazë që e kishin përdorur si pjesë të ritualeve fetare, por edhe për qëllime mjekësore.
Cilat janë përfitimet kryesore të farës Chia? Chia është bimë e pasur me acide yndyrore omega-3, proteina dhe fibra, dhe gjithashtu përmban një sasi të konsiderueshme të vitaminave, mineraleve dhe antioksidantëve. Fara Chia është e shkëlqyeshme për rigjenerimin e lëkurës, por edhe për djegien e yndyrës, forcon organizmin dhe ndikon pozitivisht në organet e tretjes, transmeton Koha.net. Nutricionistët pajtohen se fara Chia është një prej gjërave më të mira që mund ta konsumoni në qoftë se ndiheni të dobët dhe pa energji, pasi që ndikon në funksionimin e muskujve, dhe liron energji në trupin tuaj, prandaj përdoret shpesh nga atletët. Kjo farë përmban rreth 37 për qind të fibrave ushqyese të cilat ndihmojnë punën e zorrëve. Dieta apo mënyra strikte e të ushqyerit bazuar në konsumimin e kësaj fare është dëshmuar si e shkëlqyer në parandalimin e kancerit të zorrës së trashë.
Pse është fara Chia e mirë për lëkurën, flokët dhe thonjtë? Fara Chia përmban acide yndyrore omega-6, antioksidantë (vetëm një gram fara Chia është katër herë më i pasur me antioksidantë se boronicat e freskëta) dhe proteina të cilat janë thelbësore për shëndetin e lëkurës. Studimet kanë treguar se konsumimi i farave Chia gjithashtu ndikon në shëndetin e flokëve dhe thonjve në përputhje me faktin se Chia është një burim i madh i proteinave (20 për qind) të cilat trupi duhet vazhdimisht t’i ketë për të reflektuar dhe mbrojtur rrënjët e flokëve, respektivisht thonjve të cilët janë bërë nga proteina keratinë.
A mund të ndihmojë në humbjen e peshës? Konsumimi i farave Chia ndikon në uljen e oreksit, përshpejton metabolizmin, dhe aktivizon glikogjenin i cili është shumë i rëndësishëm për djegien e yndyrës. Sa fara duhet të hani për të parë efektin?Një lugë e madhe me fara Chia në ditë është e rekomanduar, por jo më shumë se kaq, sepse Chia përmban shumë fibra, të cilat mund t’i mbingarkojnë të gjithë ata që kanë stomak të ndjeshëm.
Si mund të konsumojmë farat Chia? Fara Chia ka shije shumë të butë dhe të këndshme, ndërsa mënyra më e thjeshtë është që farat t’i përzieni me ndonjë smoothie, apo t’i vendosni në ndonjë sallatë vitaminoze dhe të lehtë, por mund t’i hani edhe të pastra, transmeton Koha.net. Truku është që t’i zhytni për 15 minuta në ujë, derisa të rriten në madhësinë që është 10 herë më e madhe se madhësia e tyre e zakonshme. Ashtu si me qullin e tërshërës, sa më e madhe të jetë fara, aq më herët barku juaj do t’i lirojë hormonet të cilat do t’ju “informojnë” që jeni të ngopur. Kjo farë kur të zhytet në qumësht të kokosit dhe përzihet me bajame dhe ananas, bëhet një ëmbëlsirë shumë e shijshme dhe e shëndetshme.
Kemi dëgjuar shpesh herë që fëmijët qëllohen me shuplaka apo dhunohen fizikisht nga prindërit, por kjo i bën ata më të dhunshëm e agresivë gjatë zhvillimit.
Një studim që ka prekur 160 mijë fëmijë për 50 vite është publikuar në Gazetën e Psikologjisë ka zbuluar se fëmijët kanë sjellje të keqe ndaj të tjerëve prej abuzimit fizik.
“Analiza jonë përqendrohet në atë që amerikanët do pranonin si shuplaka të lehta jo si sjellje abuzive. Ne kemi vënë re se goditjet shoqërohen me rezultate të padëshiruara që nuk ‘shërohen’ menjëherë, prandaj disiplinimi i fëmijëve është më i vështirë,” – tha Elizabeth Gershof për Independent.
Studimi përcaktoi se goditjet vijnë më së shumti nga shuplakat në fytyrë, të cilat bëjnë që fëmija të ndihet i fyer nga prindi./tesheshi.com/
Adem Mikullovci, në Kosovë njihet në radhë të parë si aktor. Por, ai mbahet mend edhe si delegat i Kuvendit të Kosovës në kohën e shpalljes së Deklaratës së 2 korrikut, 1990.
Tani, Mikullovci është zgjedhur deputet i Kuvendit të Kosovës, nga radhët e Lëvizjes Vetëvendosje. Si deputeti më i vjetër, ai së bashku me deputetin më të ri të përbërjes së ardhshme të legjislativit do të drejtojnë seancën e parë, deri në zgjedhjen e kryetarit të ri të Kuvendit të Kosovës.
Në një bisedë të shkurtë për Radion Evropa e Lirë, Adem Mikullovci beson se Vetëvendosje do të formojë Qeverinë e ardhshme të Kosovës dhe përjashton çdo mundësi që ai ta votojë ndonjë kandidat për kryeministër nga subjektet tjera politike.
Radio Evropa e Lirë: Zoti Mikullovci, ju keni qenë delegat i Kuvendit para luftës, ndërkohë që siguruat votat të jeni edhe tani deputet i Kuvendit të Kosovës. A prisni që Kuvendi i Republikës së Kosovës të arrijë të shmang ngërçin institucional, që po paralajmërohet rreth formimit të Qeverisë?
Adem Mikullovci: Unë pres që gjithsesi të kalohet ky ngërç sepse duhet të formohet Qeveria e re dhe të vazhdojë punën Kuvendi në përbërjen e legjislacionit të ri. Besoj shumë që PAN-i nuk do t’i ketë votat, nuk do ta formojë Qeverinë.
Qeverinë do ta formojmë ne si partia më e votuar, me numrin më të madh të deputetëve, pa koalicion me askënd. Kështu që pres që pas disa ditësh, Presidenti i Kosovës ta emërojë Albin Kurtin si kryeministër, si kandidatin më të votuar dhe Kurti ta formojë Qeverinë e re.
Radio Evropa e Lirë: Emri juaj është lakuar kur flitet për votën për kandidatin e koalicionit PAN, Ramush Haradinaj. Do të votoni për zotin Haradinaj?
Adem Mikullovci: Unë nuk po kuptoj si ka mund të lakohet emir im në media. Por, them se unë jam aktor dhe kam profesion të studioj karakteret e njerëzve, psikologjinë e njerëzve, qëndrimet e njerëzve, dhe njerëzit më pa karakter, më të ndytë, hiena, qentë e luftës janë ata njerëz që kërcejnë nga një parti në tjetrën sipas nevojës të rastit për përfitime personale. Mund të ndodhë gjithçka në jetë, por një nuk mund të ndodhë, që unë të votoj për PAN –in, pra të ndërroj ideologjinë time.
Pse iu kam bashkëngjitë unë Vetëvendosjes – për me qenë pjesëtarë i një partie që po vjen, që do të sjellë ndryshime për të mirë, dhe këto ndryshime do t’i sjellë Vetëvendosja.
Radio Evropa e Lirë: Zoti Mikullovci, ju si deputeti më i vjetër në Kuvend, a jeni i gatshëm të ndërmjetësoni në negociata në mes partive politike rreth koalicioneve të reja?
Adem Mikullovci: Jo. Pse të përzihem unë në mes tyre. Ata kanë bërë koalicione krye më vete. Ata i kanë programet e veta, planet e veta. Ne si Vetëvendosje nuk kemi nevojë fare të përzihemi në marrëveshjet e tyre, në planet e tyre. Ne e kemi programin tonë 40 pikësh, të cilin e ka paraqitur Albin Kurti dhe Vetëvendosje për Qeverinë e re, dhe absolutisht nuk ka nevojë që unë të përzihem në punët e tyre.
Radio Evropa e Lirë: Po ju, si Vetëvendosje, do të bëni koalicion me ndonjë parti?
Adem Mikullovci: E këtë nuk e di. Nuk di si do të vjen puna. Ndoshta do të detyrohemi, pas dështimit që do të ndodh me PAN-in, e që mendoj se do të ndodhë. Por edhe nëse bëjmë koalicion, ne do ta bëjmë në një mënyrë tjetër, plan tjetër, program tjetër.