Gjenevë:
Një person kryen vetëvrasje në çdo 40 sekonda – më shumë se të gjitha viktimat vjetore të luftërave dhe fatkeqësive natyrore, kështu tha të enjten, 4 shtator 2014, Organizata Botërore e Shëndetësisë.
Në raportin e saj të parë për vetëvrasje, trupi i OKB fajësoi mbulimin intensiv mediatik kur njerëzit e famshëm vrasin veten e tyre, kjo e nxit problemin.
Vetëvrasja është një problem i habitshëm për shëndetin publik. Vetëvrasje ka në çdo 40 sekonda – ky është një numër i madh, tha Shekhar Saxena, drejtor i departamentit të Organizatës Botërore të Shëndetësisë, në departamentin e shëndetit mendor, në paraqitjen e raportit në Gjenevë.
Vetëvrasja vret më shumë se konfliktet, luftërat dhe katastrofat natyrore, tha ai. Janë 1.5 milionë vdekje e dhunshme çdo vit në botë, nga të cilat 800.000 janë vetëvrasje.
Disa nga normat më të larta të vetëvrasjes janë gjetur në Evropën Qendrore dhe Lindore dhe në Azi, me 25 për qind ndodhin në vendet e pasura, thotë raporti.
Burrat janë pothuajse dy herë më shumë se femrat të gatshëm për të bërë vetëvrasje. Metodat e zakonshme të vetëvrasjes janë varja, vetëvrasja me armë, dhe me pije helmuese, sidomos në zonat rurale.
Në përgjithësi, normat e vetëvrasjeve janë më të lartat tek njerëzit e moshës 70 vjeç e lart. Në disa vende, megjithatë, normat më të larta janë gjetur në mesin e të rinjve, tha Organizata Botërore e Shëndetësisë. Veçanërisht, vetëvrasja është shkaku i dytë kryesor i vdekjes tek të rinjt e moshës 15-29 vjeçare në nivel global.
Alexandra Fleischmann, një nga bashkë-autoret e raportit, tha se pjesë e fajit bie mbi publicitetin e dhënë për të vetëvrasjet e njerëzve të famshëm, të tillë si aktori i Hollivudit, Robin Williams.