KFOR-i ka bërë të ditur se patrullimet që kryhen si gjatë natës, ashtu edhe gjatë ditës, janë dëshmi e përkushtimit të pandërprerë të këtij misioni për të garantuar një mjedis të sigurt dhe të qetë në Kosovë.
Ushtarët turq që janë pjesë e Komandës Rajonale-Lindje të misionit të udhëhequr nga NATO – KFOR, vazhdojnë të realizojnë patrullime të rregullta në mbarë territorin e Kosovës, përfshirë edhe zonat përgjatë kufirit ndërmjet Kosovës dhe Serbisë, njofton Anadolu.
Sipas deklaratës së KFOR-it, këto patrullime, që zhvillohen në mënyrë të vazhdueshme gjatë gjithë ditës dhe natës, reflektojnë përkushtimin e vazhdueshëm të këtij misioni për të ruajtur një ambient të sigurt dhe të qetë për të gjitha komunitetet në gjithë rajonin.
KFOR-i thekson se vazhdon të zbatojë mandatin e tij në përputhje me Rezolutën 1244 të Këshillit të Sigurimit të Organizatës së Kombeve të Bashkuara, të miratuar në vitin 1999, e cila ka për qëllim sigurimin e një mjedisi të sigurt për të gjithë qytetarët që jetojnë në Kosovë, si dhe garantimin e lirisë së lëvizjes për të gjithë, në çdo kohë dhe në mënyrë të paanshme.
KFOR-i, në strukturën e sigurisë në Kosovë, vepron si reagues i tretë, pas Policisë së Kosovës dhe Misionit të Bashkimit Evropian për Sundimin e Ligjit (EULEX), me të cilët bashkëpunon ngushtë për të siguruar rendin dhe sigurinë në vend.
