Ish kontraktori i NSA, Edward Snowden tha se Shtetet e Bashkuara kishin kryer “krime të pafalshme”. Duke komentuar raportin e fundit mbi torturat e CIA-s, Snowden tha se bota nuk mund të pranojë efikasitetin si justifikim për të kryer “krime të pafalshme”.
Duke folur nga Rusia, ku atij i është dhënë azil, Snowden bëri paraqitjen e tij të parë publike në Francë nga video-konferencë, si pjesë e shënimit të Ditës Ndërkombëtare të të Drejtave të Njeriut, organizuar nga Amnesty International.
“Efikasiteti nuk ka vend në debatin mes të drejtës dhe të gabuarës”, tha Snowden. “Raporti i Senatit është një hap i mirë përpara në drejtim të pranimit të realitetin të asaj që kemi bërë. Por ky raport nuk bën asgjë në drejtim të ndalimit të zyrtarëve që urdhëruan këtë sjellje, dhe të oficerëve të cilët në të vërtetë ishin të përfshirë drejtpërdrejt në tortura,” shtoi ai .
Raporti përmbledhës i komitetit të Senatit të SHBA-së zbuloi detaje të hollësishme se si CIA ka përdorur teknika si tortura me ujë – varrosja, kërcënimet dhe abuzimet seksuale dhe forma të tjera të torturës dhe trajtimi poshtërues ndaj të burgosurve.
Efektet e teknikave dhe kushtet e paraburgimit kanë bërë që të burgosurit të vuajnë nga halucinacione, paranoja, pagjumësia, dhe më pas ka pasur përpjekje për vetëvrasje” zbuloi raport.
Dokumenti 500-faqesh është një përmbledhje e shkurtuar e një raporti të 6700-faqesh që mbetet i klasifikuar. Ky raport është rezultat i një hetimi më shumë se pesë vjeçar në praktikat e marrjes në pyetje të CIA-s. /mesazhi/
