Sisi përsëri theksoi zhdukjen e Vëllazërisë Myslimane në Egjipt

Ish-ministri i mbrojtjes së Egjiptit, kryepuçisti i cili rrëzoi me puç ushtarak presidentin e zgjedhur Muhamed Morsi, Sisi, tashmë ka shpallur edhe kandidaturën për president në zgjedhjet presidenciale të këtij vendi. Në deklarimin e fundit publik ai deklaroi se nëse do t’i fitojë zgjedhjet presidenciale në Egjipt, kurrë nuk do ta lejojë Vëllazërinë Myslimane që ta zhvillojë veprimtarin e saj në këtë vend.
Agjencia AFP e lajmeve njoftoi se Abdulfetah Al-Sisi të hënën në mbrëmje në intervistën e tij të parë televizive pas shpalljes së kandidaturës në zgjedhjet presidenciale të Egjiptit, pretendoi se puna e Vëllazërisë Myslimane ka marrë fund.