Së paku 63 vetë, duke përfshirë tre fëmijë dhe tetë gra, janë vrarë në operacionet ajrore dhe tokësore nëpër Siri të kryera nga regjimi i presidentit Bashar al- Asadit, bëjnë të ditur aktivistët e opozitës.
Njëzet e shtatë vetë u vranë në periferi të Damaskut, 13 në Homs, tetë në Halep, gjashtë në Idlib, pesë në Daraa, tre në Hama dhe një në Lattakia, ka thënë të martën Rrjeti sirian për të Drejtat e Njeriut.
Një raport tjetër nga Komiteti i Koordinimit Lokal të Sirisë ( LCC ), një rrjet i grupeve lokale të opozitës, tha se helikopterët e ushtrisë kanë bombarduar zonat e kontrolluara nga opozita në Halep e cila rezultoi në shkatërrimin e disa shtëpive.
Helikopterët e ushtrisë gjithashtu kanë hedhur bomba me fuçi në Damask, ka shtuar LCC.
Sipas Rrjetit sirian për të Drejtat e Njeriut, më shumë se 140,000 njerëz janë vrarë që nga fillimi i luftës tre-vjeçare në Siri dhe mbi 6,5 milion janë zhvendsour brenda vendit./mesazhi/