Prokurori i Gjenevës, Yves Bertossa, duke folur për integrimin dhe imazhin e shqiptarëve në Zvicër, ka pohuar se shqiptarët, “përkundër të mirave, kanë edhe të ‘zezat’ e tyre”. Për këtë të fundit,
“Shqipëria është një Kolumbi evropiane”, ka deklaruar Bertossa, duke folur për integrimin dhe imazhin e shqiptarëve në Zvicër. Ai ka shtuar mes të tjerash se autoritetet shqiptare duhet të marrin masa për të pasur një imazh sa më të mirë të vendit, e cila do të reflektonte edhe në vendet e tjera të Evropës.
“Shqiptarët, përkundër të mirave, kanë dhe të zezat e tyre”, ka thënë prokurori Bertossa. Ai shkon më tej duke thënë se “bandat shqiptare kanë në dorë heroinën në Zvicër”.
“Ky rrjet trafikantësh përbëhet kryesisht nga njerëzit që vijnë nga Shqipëria dhe Kosova”, thekson Bertossa.
Suke folur rreth shqiptarëve në Zvicër, pohon se pavarësisht këtyre të “zezave”, ai ka mjaftë shokë nga Shqipëria dhe Kosova.
“Unë kam shokë dhe miq të mirë nga viset e juaja, madje shpesh dal shëtis e luaj futboll me ta. Më këtë dua të them se albanofonët në vendin tonë i konsiderojmë si një komunitet të rëndësishëm dhe të integruar mirë në shoqërinë tonë”, vijon më tej Bertossa, citon Presheva Jonë.
Për të shqiptaret janë liridashës, punëtorë, por përkundër këtij imazhi të mirë, ata nuk janë “engjëj”.
“Përveç drogës, janë të implikuar dhe në industrinë e seksit dhe trafikimit të qenieve njerëzore, kontrabandë cigaresh, apo dhe vjedhje makinash”, ka pohuar më tej prokurori zviceran. “Prandaj, autoritet e Shqipërisë dhe Kosovës, vende këto të zhytura në korrupsion dhe krim të organizuar, duhet të bëjnë më shumë në luftën kundër kësaj dukurie, duke u përpjekur për kthimin e imazhit jo vetëm në vendet e tyre, por në përgjithësi edhe tek shqiptarët në Zvicër e diasporë. /Shekulli/
