Presidenti i Turqisë, Recep Tayyip Erdoğan, i shoqëruar nga ministri i Mbrojtjes Kombëtare Hulusi Akar dhe pjesëtarë të lartë të ushtrisë turke, u bëri një vizitë të befasishme ushtarëve për iftar në Komandën e Divizionit të 3-të të Këmbësorisë në qytetin Yuksekova të provincës juglindore Hakkari, raporton Anadolu Agency (AA).
Të pranishëm në darkën e iftarit ishin edhe shefi i Shtabit të Përgjithshëm, Gjeneral Yaşar Güler, komandanti i Forcave Tokësore, Gjeneral Musa Avsever, komandanti i Forcave Detare, Admiral Adnan Özbal, dhe Komandanti i Forcave Ajrore, Gjeneral Hasan Kuçükakyüz.
Erdoğan përshëndeti ushtarët në mensë dhe bëri iftarin pas namazit të akshamit së bashku me pjesëtarët e ushtrisë.
Divizioni që u vizitua nga presidenti turk është njësi e cila ka arritur suksese në luftën kundër terrorizmit.
Pas iftarit, Erdoğan vizitoi edhe qendrën e qytetit, ku u takua me tregtarë dhe qytetarë.
