Në të njejtën kohë që turistët nga vendet e Perëndimit kalojnë për 5 min kontrollin e pasaportave, e kundërta ndodh me ata të cilët vijnë nga vendet Arabe, ata mbahen më shumë se një orë. Punonjësit e policisë në aeroport nuk kanë kualifikimin e duhur për të bërë atë punë që bëjnë, pasi sjellja e tyre ndaj turistëve nuk është aspak pranë asaj që i detyron detyra që kanë, të mirëpresin turistët. Me këtë sjellje ata bëhen shkak, që këta turistë me potenciale të larta për të investuar në Shqipëri, të kthehen mbrapsht.
Urojmë që Ministria e Rendit, Ministria e Zhvillimit Ekonomik, Turizmit, Tregëtisë dhe Sipërmarrjes dhe të gjitha instancat përkatëse të marrin masat e duhura dhe t’i presin ashtu siç meriton të pritet çdo turist në vendin tonë. Ky vend që ka kaq shumë nevojë për këta turiste nuk meriton të dënohet për faj të dy punonjësve policie të pakualifikuar.