Pas një debati të gjatë në Kuvendin e Kosovës rreth një nisme për ndryshimin e Ligjit për duhanin, deputetët kanë votuar kundër kësaj përpjekje.
Përkrahësit e ndryshimit përmendnin se efektet e mosekspozimit të duhanit nuk e kanë ulur nivelin e shitjes së tij dhe se është i paefekt në ndalimin e përdorimit të tij, në anën tjetër thoshin se ai ka ndikuar negativisht në efektet financiare të kompanive që e shesin atë dhe në rritjen e papunësisë. Kundërshtarët e këtij ndryshimi, ndërkaq, i cilësuan ata si avokatë të interesave të kompanive që merren me shitjen e duhanit, të cilët angazhohen në favor të pasojave që shkakton duhani në shëndetin e qytetarëve.
Nga 67 deputetët të pranishëm në sallë pas përfundimit të debatit, një numër i mjaftueshëm për të dhënë verdiktin rreth nismës për ndryshimin ose jo të këtij ligji, i miratuar dhe që ka hyrë në fuqi pak muaj më parë, shumica u deklarua kundër ndryshimit, raporton koha.
Tani deputetët kanë shkuar në pushim, për të vazhduar shqyrtimin e pikave të tjera të rendit të ditës.
Deputei i PD’së, Gëzim Kelmendi ka thënë që iniciativa për ndryshimin e nenit 9 të Ligjit të Duhanit nuk është kah bëhet nga qytetarët por nga industria e duhanit.
Ai ka thënë që mënyra e ardhjes në Kuvendin e Kosovës së kësaj nisme është lajthitje e deputetëve.
Ai ka thënë gjithashtu se është jo normale që kaq pak muaj pasi që ka filluar të batohet ky ligj, është ardhur nisma për ndryshim.
Ai mendon që ka filluar të zbatohet mirë ky ligj, derisa ka sqaruar që nëse industria e duhanit kosovar kërkon që ky ligj të jetë si në Evropë, duhet të kihet parasysh që duhani nuk guxon më të shitet në shitoret ushqimore.
Ai thotë se disa deputetë kanë rënë pre e industrisë së duhanit.
