Asnjëri prej të arrestuarve për terrorizëm nuk dyshohet për planifikim sulmesh në Kosovë, por vetëm për pjesëmarrje në grup terrorist në Siri e Irak, mëson Koha Ditore.
Lajmi se të dyshuarit planifikonin sulm në njërën prej ngjarjeve më të mëdha kulturore në vend, DokuFest, është i pavërtetë, kanë thënë për gazetën zyrtarët policorë.
Madje as në kërkesën e prokurorit për paraburgim dhe në urdhërarrestet që ka siguruar Koha Ditore nuk ka dyshim për planifikim sulmesh në Kosovë.
Top Channel ka raportuar rrejshëm dhe ka shpifur se gjoja njëri prej të arrestuarve dyshohet se kishte në plan të kryente një sulm në Dokufest.
