Mungesa e të reshurave atmosferike këtyre ditëve të dimrit ka bërë që në një pjesë kodrinore të tokës, të komunës së Prizrenit, gruri i mbjellur në vjeshtë ka nis të zbehet. Ndërkaq ekespetët e bujqësisë thonë se nëse vazhdohet me këto temperatura rreziku mund të shtohet sa u përket mbjelljeve vjeshtore, e veqanërisht kur janë në pyetje ngricat. Në tokat e komunës së Prizrenit vjeshtën që shkoi janë mbjellur 4 mijë hektarë grurë, por siç edhe parashohin ekspertët e bujqësisë bazuar në mungesën e të reshurave, pasojat në pranverën e hershme do të jenë të mëdha. Jakup Kastrati ekspekt i Drejtorisë së bujqësisë në komunën e Prizrenit thotë se tashmë ka filluar të vërehet zverdhja e grurit në mungesë të lagështisë. “Në ato parcela ku edhe nuk është bërë përgatitja mirë vërehet se gruri ka një zverdhje, kjo tregon shenjat e para që gruri nuk do të jetë mirë nëse në të ardhmën nuk do të ketë reshje “ thotë Kastrati. Ai thotë se ekspertët e bujqësië po e përcjellin gjendjen e të mbjellurave vjeshtore e veqanërisht grurit, kulturë kjo e cila dominon në këtë komunë. “Po e përcjellim gjendjen momentale. Për momentin pasojat nuk vërehën. Gruri nuk ka lagështi shumë ndonëse ende po e ruan atë të vjeshtës. Por nëse moti vazhdon me këto temeratura do të ketë dëme në të ardhmën, pra ne e parshohim se cka do te ketë”, nënvizon Kastrati. Edhe bujqit e komunës së Prizrenit janë të brengosur me kushtet klimatike që po mbretërojnë këtyr ditëve. Njëri ndër ta është Feriz Kazazi. Zyrtari komunal për bujqësi sikurse edhe bujku nga Pirana shpresojnë që ditëve në vijim të ketë reshje të borës të cilat siç edhe thonë do i mundësonin grurit mbrojtjen nga ngricat.
