Milicitë shiite kanë rrëmbyer dhe vrarë dhjetëra civilë suni gjatë muajve të fundit, ata kanë vazhduar terrorin e nisur tash e 11 vite më parë, por terrorin e ditëve të fundit e arsyetojnë dhe e intensifikojnë për gjoja hakmarrje për sulmet që i bëjnë anëtarët e ISIS. Gjithnjë duke përdorur një atmosferë të mosndëshkimit dhe mungesën e ligjit, paralajmëron sot Amnesty International.
AI pretendon se policia ka mbështetjen e qeverisë irakiane, e cila po bënë edhe armatosjen e tyre, ndërkaq krimet e tyre po mbesin të pa ndëshkuara.
Në raportimet e AI, bazuar në intervistat me irakianët në gusht dhe shtator, thuhet se sulmet e milicisë janë bërë në Bagdad, Samara dhe Kirkuk.
“Ne kemi gjetur një numër të organeve të personave të paidentifikuar, me duart e tyre të lidhura dhe plagë në kokë, të cilat tregojnë se ata janë ekzekutuar. Fati i shumë prej atyre që janë zhdukur, ende është i panjohur”, thotë AI.
Amnesty International thotë se në Samarra, qytet i mbizotëruar nga sunit, më shumë se 170 burra suni janë rrëmbyer nga qershori, dhe vetëm një ditë ishin rrëmbyer më shumë se 30 njerëz nga shtëpitë e tyre.
Thuhet se ky grup i njerëzve janë vrarë, ndërkaq trupat e tyre janë fshehur në afërsi të shtëpive të tyre.
Grupi për Mbrojtjen e të Drejtave të Njeriut thotë se milicia – Asaib Ehl el-Hak, Brigada Badr, Ushtria Mahdi dhe Kataib Hizbulah, fitoi fuqi që nga qershori, kur ushtria e Irakut u gjend në një çrregullim për shkak të sulmeve militante.
“Milicia është duke përfituar nga atmosfera e mungesës së ligjit, por qeveria irakiane duhet të reagojë menjëherë për të frenuar ata”, vlerëson Amnesty International.
Kombet e Bashkuara thanë se më shumë se 180.000 njerëz u larguan nga shtëpitë e tyre në qytetin Hit, në provincën perëndimore Anbar, kur qyteti ra nën kontrollin e militantëve, muajin e kaluar.
Ekziston frika se provinca do të jetë vendi kryesor i fillimit të sulmeve militante në Bagdad, nëse ata vendosin për të, transmeton AI.
