Bie poshtë mundësia që Kosova të marrë përfundimisht Kartonin e Gjelbër brenda korrikut të këtij viti, ashtu siç ishte paralajmëruar.
Kryesuesi i bisedimeve, Rrahim Pacolli, që kishte premtuar se më së largu deri në fund të korrikut do të niste dhënia e kartonit, tash thotë se mbajtja e zgjedhjeve të jashtëzakonshme ka ndikuar në ndryshim të kohës së marrjes së tij, raporton KTV. Tash shpresat e tij janë për fund të këtij viti.
Mirëpo, njëjtë nuk mendon edhe zëvendëskryeministrja, Edita Tahiri. Ajo pret që një vendim i tillë do të marrë vite për t’u jetësuar. /KTV
