Gjatë nëntë muajve të këtij viti, në Kinë kanë humbur jetën 154.000 persona nga AIDS.
Me rastin e 1 dhjetorit, Ditës Botërore të SIDA-s (AIDS) në një njoftim të bërë nga Komisioni Kombëtar i Shëndetit dhe Planifikimit Familjar në Kinë u njoftua se gjatë 9 muajve të këtij viti në këtë shtet humbën jetën 154.000 persona nga AIDS dhe 497 000 të tjerë janë mbartës të virusit HIV.
Në kuadër të luftës kundër AIDS-it në të gjithë vendin në 31 rajone të ndryshme krahas 3 413 qendrave për mjekim janë krijuar më shumë se 9 mijë qendra të testimit HIV.
Kryeministri kinez, Li Keqiang i cili çdo vit para 1 dhjetorit viziton të sëmurët me AIDS mësohet se ditën e djeshme ai ka vizituar një spital në Pekin. Kryeministri Keqiang i cili ka premtuar se do të punohet më shumë për kurimin e AIDS dhe parandalimin e saj në vend ka theksuar se janë të gatshëm për të bashkëpunuar me vendet e tjera në luftën kundër këtij virusi vdekjeprurës.
