Shpallja e Kryeministrit Rexhep Tajip Erdoan si kandidat i Partisë AK për zgjedhjet presidenciale në mediat ndërkombëtare zuri vend si lajm “i minutës së fundit”.
Gazetat prestigjoze të botës kandidaturën e Erdoanit e postuan si lajm të parë.
Agjencia “Reuters” e lajmeve tha se Kryeministri Erdoan shpalli kandidaturën për një rol më të fuqishëm të presidentit.
Kurse agjencia franceze e lajmeve “AFP” theksoi se Erdoan mund të jetë për dy mandate president dhe nëse realizohet kjo ai do të jetë politikani i dytë që e ka drejtuar vendin për një kohë të gjatë pas Mustafa Qemal Ataturkut.
Revista gjermane “Der Spigel” në lidhje me këtë zhvillim shkruan se kandidati për president, Erdoan do të qëndrojë ende për një kohë të gjatë në majën e politikës turke. Sipas lajmit të revistës Erdoan kryeson anketat publike që janë bërë për zgjedhjet presidenciale të gushtit.
Rrjeti mediatik britanik “BBC” në lajmin lidhur me kandidaturën e Rexhep Tajip Erdoanit nënvizon se Partia AK ka fituar 6 zgjedhjet e fundit që janë mbajtur në Turqi.
Kurse televizioni “Al Xhezira” bën komentin se posti i presidentit në Turqi më shumë ka rëndësi simbolike, vetëm se Kryeministri Erdoan mendon për pajisjen e këtij posti me kompetenca më të gjera, për shkak se këtej e tutje kryetari i shtetit do të zgjidhet me votat e popullit.
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim