Çështja e liberalizimit të vizave për qytetarët e Republikës së Kosovës duket si një tregim që nuk po përfundon.
Ka shumë punë për t’u bërë dhe shumë kritere që duhet të plotësohen.
Sidoqoftë, janë qytetarët ata që presin dhe shpresojnë që kjo pritje do të përfundojë me një “happy end”.
Gjatë takimit të fundit mes zëvendësministrit Gëzim Kasapolli dhe shefit të zyrës së BE-së, Samuel Zhbogar, procesi përshkruhet me nota mjaft optimiste.
Sipas Besnik Vasollit, koordinator teknik për liberalizimin e vizave në këtë ministri, procesi është duke vazhduar dhe Kosova po shkon drejt realizimit të tij.
“Javën e ardhshme, më 23 ose 24 korrik, pritet që Këshilli i Evropës do të dalë me raportin e radhës sa i përket liberalizimit të vizave”, ka thënë Vasolli. /kosovasot/
