Investitorët nga Azia kërkojnë treg në Kosovë

Një delegacion i bizneseve nga Malajzia, Pakistani, Dubai e Kina kanë vizituar zyrat e Aleancës Kosovare të Bizneseve, ku janë pritur nga kryetari Agim Shahini dhe përfaqësuesit e bizneseve nga vendi.
Ata janë interesuar të dinë më hollësisht rreth politikave, infrastrukturës dhe potencialeve që ofron Kosova për investitorët e huaj. Bizneset nga këto vende, shprehen gatishmërinë për të gjetur tregje e investuar edhe në Kosovë.
Kryetari i AKB-së i ka njoftuar delegacionin e bizneseve Malajzia, Pakistani, Dubai e Kina lidhur me potencialet dhe mundësitë që ofron Kosovë për investitorët e huaj. “Kosova ofron mundësi të mira për bëre të bizneset, ku infrastruktura ligjore është mjaft solide e po ashtu edhe fuqia punëtore e aftë profesionalisht për punë. Kosova është vend i sigurt për investime e lehtësira të cilat nuk ofrohen nga shumë vende të tjera”, tha Shahini.
Kreu i AKB-së shtoi se bizneset vendëse kërkojnë bashkëpunim dhe investitorë potenciale të huaj për të bërë investime në vendin tonë. AI kërkoi nga bizneset nga Malajzia, Pakistani, Dubai e Kina që të vijnë e investojnë në Kosovë, sepse edhe kushtet dhe mundësitë janë shumë më të favorshme se në vendet tjera.
Nga ana tjetër përfaqësuesit e bizneseve nga Malajzia, Pakistani, Dubai e Kina shprehin gatishmërinë e tyre për të ardhur e investuar në Kosovë. Ata thanë se janë të interesuar që të gjejnë tregje të reja, e një treg me interes për ata është edhe Kosova.
“Ne jemi të interesuar për tregje të reja dhe këtë po e kërkojmë edhe në Kosovë që të jemi të pranishëm në shumë sfera, sidomos në fushën e telekomunikacionit, tregtisë dhe financave”, tha Osman Jamashaid, kryesues i delegacioni të bizneseve nga Malajzia, Pakistani, Dubai e Kina dhe drejtor i Eu-Azi Group. /Telegrafi/