Ramush Haradinaj, Isa Mustafa dhe Fatmir Limaj, gjatë ditës së martë kanë takuar përfaqësuesit e partive nga minitoritet në Kosovës të cilat do të përfaqësohen në Kuvendin e Kosovës.
Kryetari i Aleancës për Ardhmërinë e Kosovës, Ramush Haradinaj përkatësisht i mandatuari për kryeministër nga blloku opozitar LDK-AAK-NISMA ka theksuar se ndonëse marrëveshja me Lëvizjen Vetëvendojse ka qenë shumë afër, gjatë ditës së hënë, ata kanë propozuar edhe një aneks, gjë e cila, sipas tij, i ka vështirësuar gjërat.
Pas takimit, Haradinaj tha se kanë pasur takim me përfaqësues të minoriteteve, përfaqësues të partive minoritare në Kuvendin e Kosovës, përveç atyre serbë.
“Zhvilluam një takim me përfaqësues të komuniteteve të Kosoves, turq, boshnjak, ashkali… Krysisht ishte një konsultë rreth praktikave që duhet ndjekur në seancën e ardhshme të Kuvendit të Kosovës”, tha Haradinaj.
Ndërkaq duke folur rreth (pa)mundësisë së arritjes së marrëveshjes me Lëvizjen Vetëvendosje, Haradinaj, tha se kjo ka ardhur pasi që, dje, kur pritej nënshkrimi i marrëveshjes, Lëvizja Vetëvendosje kishte ardhur me një aneks.
“Dje, Lëvizja Vetëvendosje ka sjellë një dokument i cili na ka kthyer tek fillimi. Ata edhe më herët i kanë pas këto kërkesa, por ne kemi menduar që marrëveshja fillimisht të arrihet në parime. Ata kanë vendosur që edhe disa pika t’i kthejnë në diskutim, të cilat e kanë kthyer gjendjen në fillim të procesit”, ka thënë Haradinaj.
Sipas tij, duke pasur parasysh faktin që seanca e Kuvendit të Kosovës pritet të mbahet shumë shpejt,do të ishte shumë e rëndësishme që fillimisht të kishte një marrëveshje të bazuar në parime, ndërkaq për pikat tjera, të bëheshin konsultime të mëtutjeshme.
