Një tjetër telefon inteligjent i serisë E të Samsungut është edhe Galaxy A7, i cili ka marrë së fundmi aprovimin nga TENNA Kineze. Ky telefon ka pothuajse të njëjtat veçori me telefonat Galaxy A5 dhe Galaxy A3 të Samsungut. Pajisja e re vjen me ekran 5.5 inç me rezolucion 1080 pikselë.
Ai ka përmasat 150.9 x 75.9 x 6.3 mm, prandaj cilësohet si telefoni inteligjent më i hollë i Samsung-ut. Galaxy A7 fuqizohet nga procesori Snapdragon 615 64-bit me tetë bërthama me shpejtësi 1.5GHz.
Veçori të tjera përfshijnë lidhjen LTE, kamerë të pasme 13 megapikselë me blic LED, kamerë frontale 5 megapikselë, 2GB RAM, 16GB hapësirë të brendshme dhe sistem operativ Android 4.4.4 KitKat. Ky telefon inteligjent i aprovuar në Kinë ka modelin me numër SM-A7009, dhe është krijuar posaçërisht për tregun kinez. Samsung do të prezantojë së shpejti këtë telefon.
