Trupat e para ushtarake amerikane kanë zbarkuar në Irak për të asistuar ushtrinë e regjimit irakian në luftën gjithnjë e në rritje kundër kryengritjes popullore. Sipas Pentagonit, ata kanë mbërritur dhe kanë nisur punën në terren.
Për operacionet speciale, 150 ushtarë mbërritën një javë pasi presidenti Barack Obama premtoi që do të ndihmonte Irakun. Pjesa tjetër e ushtarëve, pra 150 të tjerë pritet të mbërrijnë ditët në vijim.
Sekretari amerikan i shtetit John Kerry, gjatë vizitës së tij dy ditore në Irak për thirrje për bashkim, në mënyrë që të mposhten kryengritësit popullor, të cilët me qëllim të nënvlerësimit, dëmtimit të imazhit dhe kauzës së tyre, identifikohen me grupin e ISIS.
Një tjetër personel i ushtrisë amerikane, rreth 90 persona, do të punojnë në Bagdad për të hartuar një linjë të re operacionale kundër rebelëve, duke ngritur aty një qendër komande.
Edhe një herë administrata Obama u kujdes të theksoj se forcat ushtarake amerikane nuk do të ndërhyjnë ushtarakisht në këtë konflikt por do të këshillojnë trupat irakiane.
Qeveria në Irak kërkoi ndërhyrje ushtarake nga ajri nga SHBA-të, por presidenti Obama theksoi se Amerika nuk do të mbajë asnjë anë në këtë konflikt por do të përpiqen që të gjejnë një zgjidhje diplomatike për të.
Sipas grupit për të drejtat e njeriut të Kombeve të Bashkuara, vetëm në muajin qershor, nga ky konflikt kanë humbur jetën 1075 persona, shumica e tyre civilë.
Një ditë më parë nga terreni, kryediplomati Kerry theksoi se një Irak i bashkuar është një Irak më i fortë.
Ndërkohë sipas mediave vendase, mëngjesin e kësaj të mërkurë kryengritja popullore kanë arritur të sulmojnë e të marrin nën kontroll edhe bazën ajrore të Al-Bakr, në veri të Bagdadit. /zhurnal/
