Në shpërndarjen e organizuar në Prizren në bashkëpunimin me Zyrën e Këshilltarit të Çështjeve Fetare pranë Ambasadës së Turqisë në Prishtinë, morën pjesë zv/konsulli i Turqisë në Prizren, Xhenk Shen (Cenk Şen) dhe vullnetarë të DITIB dhe TDV.
Zëvendëskëshilltari i Shërbimeve Fetare, Bilal Xhoshkun (Bilal Coşkun) tha po përpiqen që ndihmat ushqimore të mbërrijnë tek personat në nevojë pa dallim feje, race dhe sekti.
“Në Kosovë po shpërndajmë një ndihmë prej rreth 2 mijë pako për personat në nevojë, të cilët i kemi përcaktuar në kuadër të një pune të përbashkët me myftinitë në Kosovë. Falënderojmë të gjithë bamirësit dhe vëllezërit tanë në Turqi dhe Gjermani për këto ndihma”, tha Xhoshkun.
Të pranishëm ishin edhe kryeimami i Bashkësisë Islame të Republikës së Kosovës, Vedat Sahiti dhe kryeimami i Këshillit të Bashkësisë Islame të Republikës së Kosovës, në Prishtinë, Hetem Sopjani.
