Drejtori i Trustit Pensional: Mos llogaritni në mjetet e kursimeve pensionale, përveç asaj që parasheh ligji
Ymer Havolli, kryesues i Bordit drejtues të Fondit të Kursimeve Pensionale të Kosovës thotë se mbi të gjitha duhet ruajtur interesi i kontribuuesve për kursimet e tyre në mënyrë që të kenë të ardhura sa më të mira në moshën e tyre të tretë.
Sipas Havollit, askush nuk duhet të llogarit në mjetet e Trustit, përveç asaj çka e thotë ligji.
“Aktualisht, mjetet e fondit mund te investohen në depozita në bankat komerciale në vend, të cilat nuk kanë shprehur interesim për të marrë mjete nga ne, si dhe, ne letrat me vlerë të Qeverisë së Republikës së Kosovës, instrument ky në të cilin kemi shprehur interesim të vazhdueshëm për të investuar dhe deri më tani shuma e investimeve në këtë instrument ka arritur ne 63,4 milionë Euro. Sa i përket alternativave tjera, korniza aktuale ligjore e kufizon këtë mundësi”, ka thënë Havolli për standardi.eu
“Po ashtu është mirë që të mos llogaritet në mjetet e Trustit, përveç asaj që parasheh ligji”, ka shtuar ai.
Mjetet e kursimeve pensionale, sipas Havollit, janë investuar në këto shtete:
NrShtetiPërqindja
1SHBA34.97%
2Mbretëri e Bashkuar14.27%
3Kosovë7.55%
4Gjermani6.47%
5Francë5.96%
6Japoni4.27%
7Austri3.84%
8Zvicër3.67%
9Holandë3.56%
10Kanada2.69%