Deputeti Svirca viziton Kosovën Lindore

Deputeti i Kuvendit të Kosovës nga radhët e Partisë së Drejtësisë Jeton Svirca mori pjesë në manifestim tadicional “Takimet e Vendlindjes” i cili u organizua në Tupall të Medvegjës. Ky aktivitet u organizua nga Komuna e Medvegjës dhe Shoqata Humanitare “Medvegja” nga Zvicra.
Deputeti Svirca tha se ndjehet i lumtur dhe i privilegjuar që është në mesin e vëllezërve shqiptarë të Medvegjës, duke i porositur të gjithë që të angazhohen dhe punojnë së bashku për t’i arritur synimet dhe aspiratat për një komb të fuqishëm dhe të bashkuar.
“Jam krenar që sot pas 30 viteve ndodhem para flamurit kombëtar të vendosur në skenën e podiumit, flamur i ndaluar në këtë tokë qe 30 vite. Ky është kontribut i madh i juaji, përkundër ndihmës së vogël institucionale që keni nga Kosova dhe Shqipëria. Kam një porosi për veten time dhe për juve, të punojmë së bashku për ruajtjen e substancës tonë kombëtare në këtë vend, Punoni për edukimin e fëmijëve tuaj në frymën tonë kombëtare, mos të harrojmë se vetëm të bashkur sikur sot mundemi të bëjmë shumë për vendin tonë”, ka pohuar Svirca.
Deputeti Svirca mori pjesë edhe në vendosjen e gurthemelit të dy shtëpive të cilat u mundësuan të ndërtohen nga forndi për Kosovën Lindore.
Në këtë aktivitet morën pjesë edhe deputetët shqiptarë në Kuvendin e Serbisë, Kryetarët e Komuave të Medvegjes dhe Bujanovcit, përfaqësues të organizatave të ndryshme kulturore dhe humanitare si dhe shumë bashkombas shqiptarë nga Kosova Lindore, Mërgata dhe Kosova.
E për qytetarët, mysafirët, vizitorët e manifestimit u shfaq program i pasur kulturor-artistik dhe sportiv./Indeksonline/