Një shqiptar i dyshuar si mafioz është dënuar me 3 vjet burg dhe me 5.500 euro gjobë në Luksemburg
Shqiptari 27-vjeçar, me inicialet Q.B, i cili në vitin 2009 rezultonte si azilkërkues në një qendër strehimore në Neufchâteau të Luksemburgut është dënuar me tre vjet burg dhe me një gjobë prej 5.500 euro, njofton agjensia e lajmeve “Presheva Jonë”.
Shqiptari dhe i vëllai i tij, kohët e fundit kishin rënë në sy për veshjet, makinat dhe jetën luksoze që bënin në Luksemburg. Pas hetimeve, policia zbuloi se shqiptari ishte kthyer në grabitës me dhunë.
Rezuloi se në vitin 2010, shqiptari ishte përfshirë dhe në një rrjet të trafikimit të lëndëve narkotike. Për këto vepra penale, gjykata e Neufchâteau e dënoi të riun shqiptar me 3 vjet burg dhe me një gjobë 5.500 euro.
/Shekulli Online
