[ad_1]
Shumë njerëz mezi presin që të blejnë një iPhone 7.
Por punonjësit e një kompanie në Kinë rrezikojnë të pushohen nga puna nëse e bëjnë diçka të tillë.
Punonjësit e kompanisë së produkteve mjekësore Nanyang Yongkang janë paralajmëruar që të mos blejnë celularë iPhone 7 dhe iPhone 7 Plus.
“Nëse e thyeni rregullin, hajdeni direkt në zyrë me kërkesën për dorëheqje,” thuhet në njoftim.
Njoftimi vjen në kohën kur Kina përkujtoi 85-vjetorin e pushtimit japonez të Kinës verilindore.
“Kjo është një ditë historike. Mos harroni poshtërimin kombëtar, ndaj bojkotoni produktet e huaja,” thekson njoftimi.
Komentuesit në rrjetet sociale thonë se duket një njoftim i pakuptimtë, pasi Apple i prodhon celularët në Kinë.
Disa thonë se kompania po dhunon të drejtat e punëtorëve.
Duket se shembullin e kësaj kompanie po e ndjekin edhe të tjera firma.
[ad_2]
