Ministria greke e Mbrojtjes ka kërkuar dënim maksimal për 7 ushtarakët me origjinë shqiptare, të cilët u fotografuan brenda një reparti ushtarak teksa bëjnë me duar simbolin e shqiponjës.
Ministri grek Panos Kamenos mësohet të ketë deklaruar se ushtarët e repartit në Mesologji, duhet të dënohen si askush më parë, për të shmangur përsëritjen e gjesteve të tilla në të ardhmen.
Burime nga Ministria greke e Mbrojtjes, thanë se 7 ushtarët që bënë me duar simbolin e Shqipërisë e që më pas e postuan atë në rrjetet sociale, janë ndaluar dhe shoqëruar në ambientet e repartit ku dhe u pyetën lidhur me veprimin e tyre.
Mësohet se 7 ushtarët do të merren në pyetje nga Prokuroria e Janinës në cilësinë e të pandehurve. Ata rrezikojnë të dënohen deri në 5 vjet burg, nën akuza të propagandës antikombëtare dhe aktivitetit antikombëtar.
Ushtarët me origjinë shqiptare bënë simbolin e shqiponjës dy krenare brenda në repartin ushtarak greke. Autoritetet e vendit fqinj kanë reaguar ashpërsisht duke nisur hetimet ndaj tyre.
