Tashmë me anë të një aplikacioni të ri në smatphonët tuaj, mund të bëni të mundur ushqimin e fëmijëve refugjatë sirianë. Kombet e Bashkuara nëpërmjet një…
Author: Dija Online
Presidenti turk, Recep Tayyip Erdogan deklaroi dje se myslimanët nuk mund t’i lemë në mëshirën e terroristëve.
Gjatë ceremonisë së mbylljes së Konferencës V të Ministrave të Shëndetësisë të Organizatës së Bashkëpunimit Islamik, Erdogan theksoi se duke u bashkuar duhet të vendoset një qëndrim i qartë dhe parimor kundër DAESH-it, Al-Kaedës dhe Boko Haramit.“Në vendet e tjera reagimet kundër problematikave të shkaktuara nga terrorizmi dhe kriza e refugjatëve kanë nisur të drejtohen tërësisht nga bota islame dhe drejt të gjithë myslimanëve. Teksa në njërën anë në rajonin tonë vazhdon të përjetohet drama njerëzore kryesisht në Siri, tani po përballemi edhe me rritjen e sulmeve të urrejtjes, dhe qasjeve raciste kundrejt myslimanëve”, theksoi ai.”Lavdinë e 1,7 miliardë myslimaneve nuk mund ta braktisim në mëshirën e disa terroristëve. Vetë ne myslimanët kemi përgjegjësinë që t’i dalim në mbrojtje dinjitetit tonë, pavarësisë sonë, të ardhmes sonë”, deklaroi Erdogan.
Komisioneri i Lartë i Kombeve të Bashkuara për Refugjatë (UNHCR) njoftoi se 90 përiqnd e refugjatëve që ndodhen në Liban përballojnë nevojat themelore duke hyrë në borxhe, raporton Anadolu Agency (AA).
Zëdhënësi i UNHCR-së, Adrian Adwards në një konferencë për mediat të mbajtur në Zyrën në Gjenevë tha se në konsultim me më shumë se 100 mijë familje refugjatësh kanë kryer një anketë të përbashkët me UNICEF-in dhe Programin Botëror të Ushqimit të OKB-së dhe rezultatet e anketës kanë zbuluar një rritje serioze nën masat e borxheve të refugjatëve në Liban.
Edwards ka thënë se për shkak të burimeve të pamjaftueshme ndihmat e OKB-së janë reduktuar dhe se refugjatët kanë vështirësi për të gjetur punë. Ai ka shtuar më tej se refugjatët sirianë për të plotësuar nevojat themelore në ushqim, nevojat shëndetësore dhe për pagesën e qirave vazhdimisht futen në borxhe.
“90 përqind e më shumë se 1 milionë refugjatëve përballojnë nevojat themelore duke hyrë në borxhe. Një familje refugjatësh hyn në një borxh prej 842 dollarësh në muaj. 40 përqind e familjeve të refugjatëve janë familje të cilat kanë borxhe ndaj pronarëve të shtëpive dhe nuk kanë paguar qiratë për 5 muaj me rradhë. Ndërsa më shumë se 75 përqind e tyre marrin borxh për ushqime për shtëpinë, dhe 70 përqind janë të detyruar të jetojnë mesatarisht me 3.84 dollarë në ditë”, deklaroi Edwards.
Ai ka potencuar se UNCHR-ja për refugjatët në Liban ka bërë thirrje për një ndihmë prej 1.87 miliardë dollarësh, por deri tani ka arritur të mbledhë vetëm 45 përqind të kësaj shume.
Profesori i letërsisë klasike arabe ka pranuar Islamin pas studimit dhe përkthimit të Kur’anit në gjuhën bullgare, njoftojnë mediume botërore dhe lokale bullgare.
Prof. dr. Svetan Teofanov, punon në departamentin e letërsisë klasike arabe në Universitetin e Sofjes, ku ligjëron Kuranin dhe tefsirin. Ai deri tani ka publikuar disa libra, si dhe tefsirin e Kuranit.
Dr. Teofanov ka mbaruar doktoraturën në Qendrën për studimet islame në Oxford, ndërsa doktoraturën e dytë e ka mbaruar në institutin e Orientalistikës në Moskë.
Dr. Teofanov thotë: “Para shumë viteve, me kërkesë të shtëpisë botuese shtetërore, fillova të përkthej Kuranin e Shenjtë. Kjo ishte në kohën e socializmit. Shumë shpejt pasi që fillova me punën në vitin 1989 ndodhi tranzicioni demokratik, ndërsa shtëpia botuese falimentoi dhe përkthimi i Kuranit në gjuhën Bullgare nuk u botua atë vit. Megjithatë edhe më tej punoja në përkthimin e Kuranit dhe që atëherë ndryshoi edhe jeta ime. Fillova ta kuptoj më mirë këtë libër madhështorë tonin dhe e doja me gjithë zemër.”
2Dr. Teofanov, i cili vazhdoi të ligjëroj në universitet, duke u fokusuar në gjuhën arabe, thotë se pranimi i islamit i hapi shumë dyer si dhe iu shtua interesimi edhe më shumë për avancimin e gjuhës arabe në jetën akademike.
“Kur fillova me përkthimin, Kur’anin e konsideroja si një libër të thjeshtë. Me kalimin e kohës fillova ta kuptoj më thellë tekstin kuranor. Në kolegj lexoja komentimet e Kuranit, mirëpo sinqeritetin dhe vërtetësinë e tij e ndjeva kur mbarova me përkthimin. Rruga ime e mohimit të Kur’anit ishte e gjatë, ndërsa në fund e pranova Islamin dhe tani jam musliman.”/Islampress
Gjuetia e turpshme e ujërave të turbullt
Justinian TopulliArmiku jonë më i madh si muslimanë është përçarja, dhe për këtë na ka siguruar si shpallja hyjnore ashtu edhe historia, dhe sidomos kur kjo përçarje motivohet nga çështje dytësore apo interesa të ngushta personale pushteti. Rasti më tipik për këtë më kujton Andaluzinë, sesi ai vend u copëtua politikisht mes principatave, dhe sesi në fund ato bashkëpunonin me të tjerët kundra njëra-tjetrës dhe në fund ishin pikërisht këta të tjerë që e zhbën Andaluzinë nga të qenit një vend musliman.Të gjithë e ndjejnë përçarjen dhe flasin për bashkim, por kur të gjithë artikulojnë faktin se ky bashkim duhet bërë mbi bazat e litarit të Allahut, ata nënkuptojnë veten e tyre, xhematin e tyre ose ideologjinë apo frymën që ata ndjekin, dhe kjo është për ata litari i Allahut në kohën e sotme.Diskutimi i kësaj teme është shumë i gjerë dhe aspak i lehtë, sepse përfshinë çështje doktrinare, metodike, historike, juridike etj. Megjithatë duke qenë se, ne si muslimanë i përkasim në një kuptim të përgjithshëm sunijve, që është edhe përkatësia e shumicës dërmuese të muslimanëve në mbarë botën, dhe i përkasim gjithashtu edhe të njëjtit komb dhe vend ku jetojmë, atëherë na duhet të gjejmë elementë të përbashkët të sunizmit si dhe interesit tonë lokal si muslimanë shqiptar, për tu bërë bashkë dhe për të mos shitur dhe braktisur njeri-tjetrin, për interesa momentale sektare apo edhe individuale.Ajo që të vjen keq, në këto momente të vështira që kalojnë muslimanët, është fakti sesi shfrytëzohet situata e ngarkuar politikisht dhe emocionalisht e jomuslimanëve karshi nesh, për t’i ndërsyer ata kundra një grupi apo fryme të caktuar mes nesh. Më konkretisht sesi një pjesë duan t’i faturojnë terrorizmin frymës selefiste (që e emërtojnë edhe me termin vehabizëm), thjesht për larje hesapesh të reja apo të vjetra apo për hakmarrje sektare apo edhe për përfitime individuale nga ndonjëri. Shembuj të dufit të këtij lloji ka nga të gjitha palët, mjafton këtu të përmendim rastin e vizitës së Presidentit turk në Shqipëri dhe deklaratës së tij anti-gyleniste dhe entuziazmit xhemator e sektar, që shpërtheu me atë rast!Është për të ardhur keq që ne si muslimanë shqiptar nuk gjejmë dot gjuhën e përbashkët, për tu marrë me hallet e bashkësisë sonë, por kërkojmë t’i zgjidhim ato duke përjashtuar tjetrin, edhe nëse mjeti i përdorur në këtë rast është i turpshëm dhe zullumqarë.E kemi thënë shpesh herë të shkruar dhe të folur, në kafe dhe në auditorë, në kontakte private dhe institucionale dhe do të vazhdojmë ta themi, edhe pse një pjesë nuk do të besojnë në sinqeritetin tonë, se për aq kohë sa nuk ka një gjithëpërfshirje reale në punët e Islamit në Shqipëri, nga të gjithë muslimanët dhe fryma që ata përfaqësojnë, gjendja nuk ka për tu përmirësuar. Tentativa për të marrë eskluzivitetin e përfaqësimit të fesë dhe muslimanëve në këtë vend, ndërkohë që kjo bëhet me metoda sektare dhe aspak morale, do të vazhdojë ta dëmtoj jetën fetare islame në këtë vend.Terrorizmi dhe ekstremzimi dhe çdo lloj deviance tjetër fetare, nuk luftohet dhe as shërohet duke stisur realitete të paqena apo fryrë të tjera që janë në faza tepër embrionale, tepër të brishta dhe të izoluara. Paturpësia më e madhe është kur këto bëhen gjuhë mediatike e individëve që përfaqësojnë institucionin. Institucioni apo më saktë individët që përfaqësojnë muslimanët e këtij vendi duhet të mësojnë të sillen drejt, mbi të gjitha me xhematin, të cilin pretendojnë se e përfaqësojnë. Prirja për të parë veten si etërit e Islamit në Shqipëri, thjesht për shkak të karriges që mbajnë, është sa jorealiste, por aq edhe dëmtuese. Ne e dimë shumë mirë se askush në këtë vend nuk ka tagrin moral nga brezi ynë, ta shes veten si trashëgimtarë i denjë atëror i muslimanëve të këtij vendi, sepse e dimë shumë mirë historinë që na ndau egërsisht dhe prerazi nga ata njerëz dhe ajo trashëgimi. Sot pas dy dekadash e gjysmë përjetojmë një realitet krejt tjetër, ndaj dhe tendenca për tu shitur ashtu siç nuk jemi është hipokrizi, e për më tepër bëhet për arsye sektare e ndonjëherë edhe të ulëta individuale.Institucionet mbi të gjitha përbëhen nga njerëzit, dhe njerëzit kanë përkatësi të caktuara sektare, ideologjike etj. ndaj ai që kapet në këtë rast është institucioni dhe zyrat e tij dhe jo vetë feja apo përfaqësimi i tyre moral. Kështu që shembulli më realist i ynë është, ai i dy vëllezërve, njëri pak më i madh në moshë, në përvojë, në dije fetare e në reputacion, në kontribut dhe ndikim xhemator, por pa zë dhe pushtet institucional dhe pa organizim të mirëfilltë, dhe tjetri, më i ri, më me pak përvojë, dije fetare, ndikim dhe kontribut në xhemat, por më i organizuar dhe me pushtet institucional. Kështu që, vëllai më i vogël nuk është aspak morale ta trajtojë më të madhin si i ati të birin, apo edhe si njerka fëmijën e burrit; ndërkohë që edhe vëllai i madh nuk duhet ta injorojë të voglin, apo edhe të sillet vende vende me hipokrizi ndaj tij, për shkak të karriges që ai mban.Edhe njëherë më duhet të theksojë se, nëse nuk ka gjithëpërfshirje në punët e fesë islame në këtë vend, por vetëm tendenca për të marrë eskluzivitetin e saj, gjithmonë do të prodhohen një larmi reagimesh, një pjesë do të bëjnë servilin, një pjesë hipokritin, një pjesë të sinqertin kritik që shikon punën e tij, një pjesë indiferentin, por natyrisht edhe të tjerë, që është e lehtë të merren me mend. E ndërsa tendencat për ta faturuar gjithë thelbin e problemit dhe dervitatet e tij tjetërkund, janë vetëm se shenja të analizës sektare apo gjuetisë në ujëra të turbullta.
Maroko pret 100% bankën e parë islame në tetor të këtij viti, e ka pozicionuar veten si i vetmi shtet në Afrikën e Veriut me investim të tillë.
Bankat marokene kërkojnë për të shfrytëzuar këtë sektor me një vlerë prej 1.8 milionë dollarë.
Agjencia Financiare e Akreditimit (FAA), një organizatë e sigurimit të cilësisë e përkushtuar për promovimin e standardeve të larta në shërbimet financiare, ka deklaruar se ajo kishte punuar ngushtë me qeverinë marokene për të futur një kornizë të qëndrueshme, duke përfshirë stafin e përgatitur të trajnuar të destinuar për industrinë e financave Islame.
Kërkesa e madhe për produktet e financave islamike kishte detyruar qeverinë maroken të futë ligje të reja bankare me dispozitat e sheriatit për të krijuar banka në përputhje me ligjet, ka thënë Agjencia Financiare e Akreditimit.
Në margjina të Forumit të Parë Ndërkombëtar për Financimin me Pjesëmarrje të mbajtur në Kazablanka më 19-20 tetor 2015, Agjencia e Financiare e Akreditimit, Amat TAAP Manshor theksoi nevojën për një trajnim të mirë dhe kuadër të fortë institucional në mbështetje të financave Islame në Marok.
Potenciali i financave islamike mund të tërheqë investitorët, që veprojnë në tregun e Malajzisë për të ardhur për të investuar në Marok, tha Agjencia Financiare e Akreditimit.
Me futjen e bankave Islame në tregun e financave, Maroku do të jetë i pozicionuar në mënyrë të favorshme për t’u bërë një qendër e fuqishme e financave islame në Afrikë, shtoi ajo.
Për një kohë të gjatë tashmë është folur në lidhje me një iPhone të ri me ekranin e “vogël” prej 4 inç.Dhe gjëja e fundit që është thënë në këtë drejtim ishte se Apple do të nisë një version të ri dhe më të vogël të iPhone 6C.
Tani sipas një raporti të fundit, Apple do të nisë një model të ri të iPhone 6C me 4 inç vitin e ardhshëm, ndërsa lajmi vjen nga IHS Technologies të cilët kanë thënë se Apple do të nxjerrë një iPhone 6C rreth mesit të vitit të ardhshëm.
Ende nuk ka detaje se çfarë specifika do të mund të ofrojë Apple në iPhone 6C, por gjithsesi se përpos ekranit, pritjet janë që telefoni të ketë tipare të ngjashme me ato të modeleve më të reja të iPhone.
Nëse e mbani në mend, iPhone 5C nuk ishte shitur edhe aq shumë, por tani thuhet se Apple po mendon që në iPhone 6C të ofrojë dizajnin e njëjtë me iPhone 6s, që do të kishte shumë më shumë kuptim për fansat e iPhone.
A do të dëshironit ju një model të tillë të iPhone, me ekranin më të vogël por me pamje të njëjtë me iPhone 6s?
HTC e ka lansuar modelin e ri të telefonit – One M9e në Kinë muajin e kaluar, ndërsa tani kompania tajvaneze e ka lansuar këtë model edhe në vendin e saj të origjinës të koduar si HTC One M9s.HTC One M9s sjell pothuajse karakteristika të njëjta me One M9e, duke përfshirë ekranin me 5” në Full HD si dhe rezolucionin me 1920 x 1080 piksel.
Procesori i One M9s ofron octa core MediaTek Helio X10 në 2.2GHz, 2GB RAM, dhe 16GB memorie të brendshme, plus portin me mikroSD për zgjerim të hapësirës së telefonit.
Bateria e telefonit ofron 2840 mAh dhe vjen me kamera të dyfishta. Kamerën e parparme me 4MP HTC Ultrapixel për Selfie dhe kamerën e pasme me 13MP. (Telegrafi)
“Në Shqipëri çdo ditë e më shumë, po rritet fryma e sipërmarrjes nga të rinjtë, kjo falë shumë eventeve të mirë organizuara. Kam patur fatin të marr pjesë në shumicën prej tyre dhe janë vërtetë vende ku mund të mësosh shumë dhe të krijosh lidhje të reja për të të ndihmuar në sipërmarrjen tënde.
Gjithashtu, organizohen dhe evente ku nxisin nisjen e një startup-i në 3 ditë. Në këto evente lindin shumë ide dhe startup-e të reja po për të cilat, shumë pak njerëz i kanë dëgjuar. Kështu lindi edhe Startups.al,” u shpreh themeluesi Albi Zhulali në një invervistë për revistën Bussines Magazine.
Albi është një sipërmarrës i cili e nisi karrierën e tij në industrinë e internetit në moshën 15 vjeçare. Shumë shpejt ai krioi një forum ndërkombëtar që vizitohej nga qindra mijëra ndjekës nga e gjithë bota.
Në moshën 17 vjeçare, Albi themeloi kompaninë e tij të parë për zhvillim faqesh interneti me klientë disa nga kompanitë më të mëdha në Shqipëri. Ai ështe themelues i Pinguin Technology dhe i Startups.al. Sfida e tij e madhe e momentit, është sipërmarrja e tij më e re, e cila mban emrin Sofmogul.
Startups.al është komuniteti i parë online i Startup-eve në Shqipëri. Qëllimi kryesor i kësaj inciative është informimi i Shqiptarëve rreth asaj që po ndodh afër komunitetit ku jetojnë. Kjo inciativë e re është pranë komunitetit tonë që në Tetor të 2015-tës
Por ambicjet e Startups.al shkojnë më tutje. Gjatë intervistës për Bussines Magazine, Albi citoi: “Kemi filluar komunikimet me disa firma investimesh në Europë për të bashkëpunuar me ne. Startups.al, e shohim si një urë lidhëse mes startup-eve inovatore në Shqipëri me investitorët e huaj për të bërë të mundur zhvillimin e tyre përtej kufijve.”
Aktualisht Startups.al po lidh një kontratë me një kompani investimesh në Berlin bëri të ditur themeluesi. Kjo marrëveshje do të krijojnte shanse reale për startupet vendase për të dalë në tregun europian pse jo edhe atë botëror.
“Ekziston një koncept i gabuar në shoqërinë tonë që nuk duhet ta ndash idenë tënde me të tjerët sepse ta marrin. Këshilla që kam për sipërmarrësit e rinj, është ta fshijnë këtë koncept nga mendimet e tyre; idenë e tyre duhet ta komunikojnë me sa më shumë njerëz. Vetëm në këtë mënyrë do të kuptojnë nëse zgjidhja e tyre është e nevojshme për përdoruesit,” shtoi Ai më tej.
Ndërsa për Startups.al qëllimi është të krijojnë databazën më të madhe të Startup-eve në Shqipëri, në parim synim parësor ngelet zhvillimi i komunitetit të Startupeve. Kjo do të realizohet duke ndërlidhur të interesuarit për starupe si dhe vetë startupet ndërmjet tyre.
E thënë ndryshe Startups.al është këtu për ti shërbyer secilit prej nesh që pëlqen angazhimin në botën e startupeve. /PCWorld
Gjykata Themelore në Prishtinë ka marrë vendim për dënimin e 11 pjesëtareve të Njësisë për Operacione Speciale të Policisë së Kosovës ( ROSU), të cilët akuzoheshin se në vitin 2013 kanë keqtrajtuar shoqëruesit e Aleksander Vulinit në Kosovës, raporton Gazeta Express.Gjykata ka shqiptuar dënimin me gjithësej 9 vite burgim, 2 prej tyre me kusht, për të gjithë të akuzuarit.
Të lartëpërmenduarit janë Gani Konjuhi, Sabit Sadiku, Naim Durmishi, Sevdaim Abdullahu, Nexhmedin Sahiti, Jeton Ramadani, Nexhat Shabani, Xhafer Hyseni, Visar Kërqeli, Zenel Salihu dhe Ilmi Rexhepi.
Në vazhdim keni komunikatën e Gjykatës:
Sot, një trup gjykues në Gjykatën Themelore në Prishtinë shpalli vendimin në rastin Konjuhi dhe të tjerët.
Rasti ka të bëjë me ngjarjet që kanë ndodhur më 7 dhe 8 janar 2013, kur nëntë të ndaluar të kombësisë serbe ishin arrestuar në stacionin e policisë në Graçanicë dhe pastaj ishin transferuar në Qendrën e Paraburgimit në Prishtinë. Të nesërmen, të ndaluarit ishin transportuar nga Njësia Speciale e Policisë, ROSU, në Gjykatën për Kundërvajtje në Prishtinë. Të ndaluarit kanë pohuar të jenë keqtrajtuar gjatë transferimit.
Në lidhje me këtë, në janar të vitit 2013 prokuroria e EULEX-it ka ngritur aktakuzë me 19 pika të akuzës për keqtrajtim gjatë ushtrimit të detyrës zyrtare apo të autorizimeve publike, sulm dhe kërcënim.
Pas përfundimit të gjykimit kryesor, trupi gjykues i përbërë prej dy gjyqtarëve ndërkombëtarë dhe një gjyqtari vendas kanë marrë vendimin në vijim:
G.K. është shpallur fajtor për veprat penale të: keqtrajtimit gjatë ushtrimit të detyrës zyrtare ose autorizimeve publike; sulm dhe kërcënim. I pandehuri është dënuar me një (1) vjet e gjashtë (6) muaj burgim, dhe me dënim plotësues prej dy (2) vjetësh të ndalimit të ushtrimit të funksioneve në administratën publike ose në shërbimin publik;
S.S. është shpallur fajtor për veprat penale të: keqtrajtimit gjatë ushtrimit të detyrës zyrtare ose të autorizimeve publike dhe sulm. I pandehuri është dënuar me dy (2) vjet burgim me kusht me pezullim të vuajtjes së dënimit për një periudhë tri (3) vjeçare të verifikimit nëse i pandehuri nuk kryen ndonjë vepër tjetër penale, dhe me dënim plotësues prej tri (3) vjetësh të ndalimit të ushtrimit të funksioneve në administratën publike ose në shërbimin publik;
S.A. është shpallur fajtor për veprat penale të: keqtrajtimit gjatë ushtrimit të detyrës zyrtare ose të autorizimeve publike dhe kërcënim. I pandehuri është dënuar me një (1) vjet dhe gjashtë (6) muaj burgim me kusht me pezullim të vuajtjes së dënimit për një periudhë të verifikimit prej dy (2) vjetësh nëse i pandehuri nuk kryen ndonjë vepër tjetër penale. S.A. po ashtu i ndalohet të mbajë çfarëdo lloji të armës gjatë periudhës së verifikimit dhe është dënuar po ashtu me dënim plotësuese prej dy (2) vjetësh të ndalimit të ushtrimit të funksioneve në administratën publike ose në shërbimin publik;
N.D. është shpallur fajtor për veprat penale të: keqtrajtimit gjatë ushtrimit të detyrës publike ose të autorizimeve publike dhe sulm. I pandehuri është dënuar me dy (2) vjet burgim me kusht me pezullim të vuajtjes së dënimit për një periudhë verifikimi prej dy (2) vjetësh nëse i pandehuri nuk kryen ndonjë vepër tjetër penale, dhe me dënim plotësues prej tri (3) vjetësh të ndalimit të ushtrimit të funksioneve në administratën publike ose në shërbimin publik;
N.Z. është shpallur fajtor për veprat penale të: keqtrajtimit gjatë ushtrimit të detyrës zyrtare ose të autorizimeve publike dhe sulm. I pandehuri është dënuar me një (1) vjet burgim me kusht me pezullim të vuajtjes së dënimit për një periudhë verifikimi prej (2) vjetësh nëse i pandehuri nuk kryen ndonjë vepër tjetër penale, dhe me dënim plotësues prej dy (2) vjetësh të ndalimit të ushtrimit të funksioneve në administratën publike ose në shërbimin publik;
I.R. është shpallur fajtor për veprat penale të: keqtrajtimit gjatë ushtrimit të detyrës zyrtare ose autorizimeve publike dhe sulm. I pandehuri është dënuar me një (1) vjet dënim me kusht me pezullim të vuajtjes së dënimit për një periudhë dy (2) vjeçare të verifikimit nëse i pandehuri nuk kryen ndonjë vepër tjetër penale, dhe me dënim plotësues prej dy (2) vjetësh të ndalimit të ushtrimit të funksionit në administratën publike ose në shërbimin publik;
Të gjithë të pandehurit e tjerë në këtë rast janë liruar nga akuzat meqë pohimet kundër tyre nuk janë vërtetuar.