Diskutimet e ditëve të fundit rreth mjaltit ia kanë prishur pak qejfin konsumatorëve.
Diskutimet e ditëve të fundit rreth mjaltit ia kanë prishur pak qejfin konsumatorëve. Njerëzit janë në dyshim dhe nuk dine ç’të bëjnë nëse mjalti të cilin kanë blerë për shërim dhe një jetë të shëndetshme mund të dalë i rremë (jo origjinal).
Një pjesë e rëndësishme e informacionit lidhur me dallimin e mjaltit të vërtetë që qarkullon në mes popullit nuk është e vërtetë. Pedagogu i degës së Bletarisë në universitetin Firat, Mehmet Ali Kutlu, thekson se niveli i glukozës në mjaltë nuk mund të kuptohet asnjëherë kur shihet nga jashtë. Këtë gjë mund ta përcaktojnë vetëm ekzaminimet e bëra në kushte laboratorike. Inxhinierët ushqimorë theksojnë se në mjaltin e shitur lirë padyshim që ka hile.Nëse vlefta e mjaltit është vërtet e lirë, këtu nuk mund të flitet për mjaltë. Këta mund të jenë produkte të marra nga sheqeri dhe të cilat kanë ngjashmëri me mjaltin. Kutlu shpjegon se këtyre produkteve u hidhet aromë mjalti dhe pak nga mjalti i kulluar pishe. Ai gjithashtu thotë se numri i bletëve brenda kovës duhet të arrijë afërsisht numrin 80 mijë. Ai shpjegon se është normale që bletëve të cilat dalin nga dimri t’u jepet shurup në pranverë dhe ky shurup mund të jepet deri në muajin e tretë. Ndërsa mjalti merret në muajin e shtatë dhe të tetë. Kjo do të thotë se nuk ngel asnjë gjurmë nga sheqeri i dhënë në muajin e tretë. Në këtë rast sheqeri jepet me qëllimin e rritjes së bletës së vogël. Disa prodhues i japin sheqer bletëve edhe në periudhën e mjaltit. Kjo është një gjendje e cila nuk i përshtatet moralit të punës dhe tregtisë. Bletës mund t’i jepni ç’të doni shurup misri, glukozë, reçel, shurup rrushi dhe pekmez, çfarëdo gjëje t’i jepni bleta do ta kthejë në mjaltë. Konsumatorët duhet të zgjedhin mjaltin e pare. Ky është mjalti më i besueshëm i marrë nga paketat e përgatitura nga bletarët. Është i pamundur kontrollimi i mjaltit me anë të syrit, apo të vendosjes në frigorifer. Mjalti nuk futet në frigorifer. Kur vendoset në frigorifer mjalti menjëherë thith lagështirën e tij.
Krijohet një shtresë në sipërfaqe. Kur krijohet ajo shtresë atëherë mjalti është sheqerosur. Kjo është një praktikë e gabuar. Origjinaliteti i mjaltit nuk mund të kuptohet me anë të kësaj metode.
Metoda tradicionale e përcaktimit të sheqerit në mjaltëPër të dalluar mjaltin e luleve nga mjalti në të cilin kanë hedhur sheqer mund të merrni një kuti shkrepëse dhe të hidhni pak mjaltë, nëse e mbani drejt dritës mund të shihni nëse ka apo jo sheqer. Pjesa e mjaltit duhet të mbahet nën një burim drite të fuqishëm. Nëse në mjaltin që fillon të varet drita mblidhet nga ana e majtë është mjaltë lulesh nëse mblidhet nga ana e djathtë është mjaltë i sheqerosur. Vetëm se drita e mbledhur në anën e djathtë nuk është gjithnjë treguese e mjaltit të sheqerosur, ndonjëherë edhe mjalti me burim lulet dhe pishën mund ta mbledhë dritën nga ana e djathtë. Për ne ka rëndësi që mjalti i marrë të jetë mjaltë lulesh. Prandaj drita e mjaltit që do të marrim duhet të mblidhet nga ana e djathtë.
Rrugët e dallimit të mjaltit të vërtetë dhe atij të rremëMjalti i vërtetë sheqeroset në ambiente të ftohta, mjalti i rremë nuk sheqeroset.
Mjalti origjinal ka një aromë të veçantë, të lehtë si esencë. Kjo aromë ndihet më tepër kur presim mjaltin apo kur hapim kapakun e vendit ku e ruajmë.
Mjalti i vërtetë është më i plotë se mjalti me glukozë.Mjalti i vërtetë nuk është shumë i ëmbël si sherbet. Mjalti me glukozë është më i ëmbël. Kur marrim një lugë mjaltë mund të kemi shije të ndryshme. Në mjaltin e rremë ka një shije të vetme.
Në mjaltin e lirë padyshim që ka sheqer dhe lëndë të përftuara nga diku tjetër.Disa prodhues të lëndës së përftuar nga sheqeri i shtojnë dhe mjaltë të kulluar pishe. Mjalti i pishës përdoret shumë për shkak të çmimit të lirë.Metoda e mbajtjes së mjaltit në frigorifer është e gabuar. Ai nga përbërja e tij do ta thithë në çdo rast lagështirën. Krijohet një shtresë pastaj kristalizohet. Produktet të cilat nuk janë mjaltë nuk e kanë këtë veçori.
Author: Dija Online
Vendosja e Spitalit Amerikan në oborrin e Qendrës Klinike Universitare të Kosovës nuk është rastësi. Ky lokacion, i kontestuar, është zgjedhur me shumë kujdes nga drejtuesit e këtij institucioni privat shëndetësor.
Ky veprim, po vlerësohet i kundërligjshëm nga deputetët e Kuvendit të Kosovës pasi nuk është respektuar ligji, i cili e përcakton largësinë mes institucioneve shëndetësore publike dhe atyre private.
Por siç merret vesh institucionet shtetërore janë duke bërë ndryshimin e ligjit që do t’ia bëjë legjitime këtë shkelje spitalit Amerikan.
Spitali Amerikan për të joshur më lehtë pacientët po i shfrytëzon hapësirat e spitaleve publike në katër qendra të tilla.
Dy spitale të tilla përveç Prishtinës janë ndërtuar edhe në Tiranë, një në qytetin e Fierit e një në Durrës.
Gazeta Fjala ka arritur që ti sigurojë vendndodhjet e këtyre objekteve.
Në Tiranë, Spitali Amerikan është i ndërtuar afër atij shtetëror Ushtarak, që gjendet në rrugën ‘Azem Galica’ e që ka largësi jo më shumë se 500 metra nga Spitali Ushtarak i Tiranës.
Rast i ngjashëm është edhe ai në Durrës e në qytetin e Fierit ku edhe aty Spitali Amerikan është i ndërtuar në qendër të qytetit afër spitaleve të tjera shtetërore.
Të gjitha këto janë ndërtuar para atij në Prishtinë.
Ky i fundit ka afro dy muaj që ka hapur dyert për pacient hiç më larg se 500 metra nga Qendra Klinike Universitare e Kosovës.
Zëdhënësi i këtij spitali, Redian Mjeshtri, ka thënë për Gazetën Fjala se ndërtimi i këtij spitali në këto qendra nuk bie ndesh me Ligjin.
“Spitali Amerikan është i ndërtuar në të gjitha degët e tij si në Shqipëri ashtu dhe në Kosovë, konform ligjeve të Republikave përkatëse”, ka thënë Mjeshtri për Gazetën Fjala.
Lidhur me këtë ka reaguar edhe deputetja e AAK-së, Time Kadrija.
Ajo është shprehur se ndërtimi i këtij spitali afër QKUK-së e dëmton imazhin e spitalit publik në Kosovë.
“Ne jemi për ata që sistemi privat të funksionalizohet në Kosovë, por jo duke e dëmtuar atë publik”, ka thënë Kadrija.
“QKUK-ja ka probleme me hapësirat pronësore gjë të cilën e ka kërkuar edhe drejtori i Qendrës Klinike Universitare të Kosovës që të hetohet prona në të cilën është i ndërtuar spitali Amerikan, e dokumentet kadastrave të pronës së QKUK-së ende nuk janë bërë të ditura”, ka shtuar ajo.
Kadrija ka bërë të ditur se më shumë se gjysma e stafit të spitaleve publike në Kosovë punojnë me kontrata të dyfishta në dy vende të punës.
“Një pjesë e stafit shëndetësor të QKUK-së punojnë edhe në këto spitale private. Pacientët në këtë mënyrë po mendojnë që klinikat e tilla me emra të mëdhenjtë të shteteve më të mëdha do të kenë shërbime ndryshe, kur në fakt doktori i njëjtë punon edhe në këto spitale edhe në QKUK”, ka thënë më tej deputetja e AAK-së, Time Kadrija.
E sipas Ligjit të Republikës së Kosovës ndërtimi i Spitalit Amerikan në Prishtinë, afër QKUK-së bie ndesh me kontratën e miratuar nga Kuvendi Komunal i Prishtinës i cili në vitin 2005 kishte dhënë lejen për ndërtimin e një spitali kardiokirurgjik në Kosovë.
Po ashtu me ndërtimin e këtij spitali në Prishtinë është shkelur edhe ligji për shëndetësi i cili ndalon ndërtimin e spitaleve të përgjithshme private në afërsi të spitaleve publike deri në 1.5 km. Kjo nuk po zbatohet pasi që objekti i ri i Spitalit Amerikan është në distancë më të vogël se distanca minimale e caktuar me ligj.
Ndërkaq Ministria e Shëndetësisë ka theksuar se nuk ka ndonjë vendim për ndërtimin e ndonjë spitali afër Qendrës Klinike Universitare të Kosovës./GazetaFjala/
Autoritetet franceze pohojnë se kanë evituar një sulm terrorist në Francë dhe kanë vrarë atentatorin. Ngjarja e tronditi qytetin. Por dëshmitarët e lagjës pohojnë krejt të kundërtën e verzionit të policisë dhe mediat. Këto janë fakte tronditëse. A po manipulohet vazhdimisht masa me gënjeshtra dhe trille të qeverive që duan me çdo kusht luftën ndaj muslimanëve?
Policia në Paris ka përpiluar ndërkohë plane konkrete veprimi për raste të tilla. Brenda disa minutash është bllokuar e gjithë kjo zonë, shkollat janë evakuuar, banorët janë ftuar të mbyllen në shtëpi… Gjendja është normalizuar pas kalimit të rrezikut. Por pas barrikadave u vërejt shumë qartë pakënaqësia e qytetarëve. Disa afrikanë kalojnë pranë dhe shajnë policinë. Ndërsa disa gra të moshurara kritikojnë policinë, e cila gjithmonë ndjek të rinj afrikanë nga kjo zonë.
Dëshmitarët Mohamedi dhe bashkëshortja e tij në momentin e sulmit ndodheshin tek bukëpjekësi. “Dëgjuam tri të shtëna dhe e gjitha përfundoi për disa sekonda”, thotë ai. Ai nuk e ka dëgjuar thirrjen “Allahu Akbar”. Personi kaloi pranë kontrollit të policisë dhe ata e kanë qëlluar menjëherë, thotë Mohamedi. “Reagimi i tyre ka qenë i tepruar”, mendon ai, sepse personi i vrarë është i njohur për policinë. Atë e kanë arrestuar shpesh. Ai nuk ka qenë mirë në kokë. Të gjithë në lagje e kanë njohur si një person të çmendur por të parrezikshëm.Edhe dëshmitarët nga restoranti El Bahdja në afërsi thonë se personi i vrarë ka jetuar në këtë zonë qysh prej gjashtë vjetësh. Ai ishte një algjerian që shiste ilegalisht cigare në rrugë. Ai ka marrë edhe drogë. Të gjithë e kanë njohur si një kriminel, por jo si person të dhunshëm. Samiri thotë se gazetarët nuk duhet ta besojnë versionin e policisë. Samiri beson se personi i vrarë ka pasur armë për t’u mbrojtur nga bandat që kanë dashur t’ia marrin cigaret.
Ministri i Brendshëm flet për cënim shumë seriozMinistri i Brendshëm Bernard Cazeneuve foli (07.01) për një rrezik akut dhe për një aksion plotësisht të domosdoshëm të policisë. Pohimet për thirrjen e tij “Allahu Akbar” vijnë nga një kalimtar, të cilin e kanë cituar mediat në mesditë. Por i gjithë rasti i ka shqetësuar shumë banorët e Parisit. E njëjta vlen edhe për banorët myslimanë në shumë lagje të Parisit. Çfarë presidenti Francois Hollande e ka quajtur të domosdoshme në luftën kundër terrorizmit – armatimin më të mirë të policisë dhe ashpërsimin e masave – banorët e Parisit në këtë zonë e vlerësojnë si kërcënim. Ndërsa pohimet e policisë për këtë rast në këtë zonë nuk i beson askush.
Kur Algjerianët, Marokenët dhe Tunizianët protestonin kundër pushtimit të Shqipërisë nga fashizmit italian. Ma merr mendja që shumë nuk din për këtë, kjo ka ndodh me 1939’tën.
Në vendin me qiellin më të ndotur në Europë, Aleksandër Berisha shet molla, dardha, rrush në një tavolinë druri që lëkundet rrëzë rrugës. Kështu fillon rrëfimi i gazetës gjermane për pasuritë e kosovës dhe perspektivën e tyre. Obiliqi, thuhet, e ka ajrin më të helmuar në kontinent. Një vend me 20’000 banorë te portat e kryeqytetit, i cili edhe në Kosovë duket i zymtë. Oxhaqet zgjaten nga 120 metra në ajër dhe vjellin tym, centrale qymiri të viteve të ’40-ta, nga Banka Botërore të kualifikuara si burime më të mëdha të ndotjes së ambientit në Europë.
Mirëpo, vendi për Kosovën ka një domethënie të madhe. Sepse para portave të Obiliqit qëndron një thesar – një ndër fushat më të mëdha të qymyrit të kaftë në botë. Një miliardë materie djegse ngjeshen në këtë tokë, shumë më tepër se sa i duhet vendit. Shteti më i ri dhe më i varfër i Europës mund ta furnizonte krejt rajonin me qymyr. Madje të gjithë Europën juglindore, e citon artikulli profesorin e Oxfordit James Pettifer, një specialist botëror për Ballkanin. Deri 35’000 vende të reja pune në sektorin e energjisë sheh inxhinieri Rainer Hengstmann që ka punuar si këshilltar për Kombet e Bashkuara në Prishtinë. Ky qymyr është një shans për ta nxjerrë vendin nga mjerimi.
Kosova është një vend që, përveç tjerash, është prekur edhe nga kriza e euros. Më 2011 ekonomia u rrit për gati 4,5 për qind, ndërsa në 2012-tën – për 2,5 për qind, vitin e kaluar kishte rrënë gati komplet. Tani rrezikojnë të huqen dy burime të rëndësishme të parasë: Disa vende të UE-së i kanë shkurtuar ndihmat për Kosovën, kurse emigrantët po dërgojnë më pak para në shtëpi – një zhvillim fatal për vendin.
Megjithatë, qymyri kafe nuk është një mundësi për asistencë urgjente. Sipas profesorit të Oxfordit, aji mund t’i sjellë vendit mirëqenie, por jo sot për nesër. Investimet që duhet të bëhen këtu janë gjigande. Gjithsesi Obiliqi është rezervuari më i rëndësishëm i vendit. Por, jo i vetmi. Mineralet e përshkojnë Kosovën si damarët trupin, thotë reportazhi. 14,7 miliardë tonë minerale gjinden në tokë. Me kaq, Kosova është e pesta në planet për nga rezervat e tyre. Më shumë janë vetëm Rusia, Gjermania, Australia dhe SHBA-të. Dhe pjesa më e madhe mund të eksportohej, sepse nevojat e brendshme janë të vogla. Për rrymë aq sa zgjat një jetë njeriu, Kosovës i duhet vetëm gjysma e sipërfaqes së Obiliqit.
Me mjetet dhe ekspertizën vendore nxjerrja e mineraleve është shumë e mundimshme, ndërsa rezultati modest. Kosovës i mungojnë inxhinierët, thotë reportazhi. Kurse investitorët e huaj druajnë të vijnë për shkak të mungesës së sigurisë juridike, autoriteteve të rënda, korrupsionit. Për këtë, sipas Transparecy International, Kosova është në vendin e 11-të, ndërmjet Etiopisë dhe Tanzanisë. Për më tpër – thotë raporti – qytetarët druajnë që elitat e vendit janë të përfshira në tregtinë e armëve dhe të drogës.
Në disa provinca të vendit furnizimi i rrymës bëhet me orar. Kjo sipas Shoqërisë Gjermane për Bashkëpunim Ndërkombëtar nuk i josh ndërmarrjet për investime. Kushtet e jetesës së qytetarëve janë të këqija. Prodhimi i Brendshëm Bruto është 2’600 euro, sa i Mongolisë. Askund në Europë nuk ka më shumë të papunë – ajo shkon nga 45 deri në 80 për qind. Eksporte nuk ka, përveç metalit të vjetër të nxjerrë nga hekurishtet e automjeteve të vjetëruara. Lulëzon vetëm puna në të zezë me 30 deri 40 për qind. Të rinjtë shesin cigare në rrugë.
Pastaj vjen gjendja politike. Herë pas herë plasin konfliktet ndërmjet serbëve dhe shqiptarëve. Pika më e nxehtë e tij është Mitrovica, një qytet me 100’000 banorë në veriun e dominuar nga serbët – njërin ndër vendet e fundit të ndara në Europë. Në mes paqëruajtësit e Natos. Këto tensione e ngufasin zhvillimin e Kosovës.
Por, problemet nuk do të zgjidheshin edhe sikur Kosova një ditë ta nxirrte bujarinë e natyrës në shesh. Reportazhi kujton zhvillimet e dhunshme në vende të tjera me pasuri natyrore si nafta, gazi, apo ari. «Toka e tyre është e pasur, populli i tyre i varfër». Dy ekonomistë amerikanë, Jeffrey Sachs dhe Andrew Warner, e kanë gjetur një korrelacion në këtë mes: Rezervat nuk janë vetëm një bekim, ato mund të shëndrrohen në një mallkim. «Nëma e burimeve», quhet fenomeni. Qeveritë që iu bie diçka e tillë në prehër bëhen indiferente. Ato nuk investojnë më në shkolla, rrugë, spitale. Nuk çajnë kokën për ajrin e ndotur apo lumenjtë e helmuar. Nuk kujdesen për drejtësi, rend a transparencë. Në marrëveshjet për lëndën e parë ata kujdesen që të fitojë vetëm klani i tyre. Nepotizmi dhe dhuna e përcaktojnë përditshmërinë. Në shtetet të cilat jetojnë nga pasuritë nëntokësore gjasat e një lufte qytetare janë 23 për qind, transmeton reportazhi. Në vendet me mungesë të këtyre burimeve ky rrezik është një gjysmë përqind.
Përse duhet të jetë krativ dhe produktiv një vend që korr pa mbjellë? – pyet autori i artikullit Stefan Beutelsbacher. Përse duhen kushte për investitorët, apo investime në sektorë përreth? Aty ku perandoria e tokës mban thesare, ekonomia ritet ngadalë, sepse mungon nxitja për zhvillim. Këto vende vuajnë nga luhatjet e çmimeve në tregjet botërore. Kjo situatë kërkon planifikim të mirë, por qeveritë i josh vetëm jeta në kohën e tashme. Dhe ato jetojnë mirë – në kurriz të ekonomisë së keqe. Ky fenomen për herë të parë është vrojtuar në Holandë, kur në brigjet e saj më 1959 papritur u gjet gaz. Eksporti solli miliarda, kurse shteti vujati nga paraja si nga një infeksion. Prandaj ekonomistët e kishin quajtur atë «Sëmundja holandeze».
Në botë janë gjithë ato vende që dergjen nga mallkimi i burimeve: Nigeria, Kongo, Çadi, Gabuni, Venezuela, Birma, Rusia. Kosova mund të zgjedhë një rrugë tjetër nga regjimet që kanë humbur në qerthullin e burimeve. Për shembull duke i investuar miliardat e mëvonshme të lëndës së parë në infrastrukturë dhe shkkollim, e transmeton autori profesorin e Oxfordit. Duhet forcuar institucionet dhe prerë korrupsionin. Qeveria do të duhej të ngrinte fonde të mineraleve për të mos iu ekspozuar humorit të tregjeve botërore. Ideja është që vendi të pajiset për një të ardhme pa qymyr. Sepse, dhe kjo është e vërteta më e thjeshtë për burimet: Një ditë ato do të harxhohen. ks
Shumë shqiptar po gjejnë rrugën e vërtetë drejt Zotit të tyre, për të prehur shpirtërat në fenë Islame, prehje e garantuar në këtë jetë por edhe në botën e amshuar.
Ky fenomen me rritje rekorde në mbarë botën por edhe tek shqiptarët, karakterizohet me rikthimin në praktikën fetare dhe përmbushjen e adhurimeve të atyre njerëzve që kanë lindur si muslimanë por që nuk kanë qenë praktikantë më parë, por është shumë ngazëllyes fakti se shumë të krishterë anë e mbanë botës po e bëjnë të njëjtën gjë, madje shumë bashkëkombas të besimeve të krishtere po e ndjekin këtë rrugë. Shumë në heshtje e disa edhe në mënyra publike. Një rast i tillë ndodhi sot në Xhaminë “Dine Hoxha” ku shërben si imam hoxha i njohur Ahmed Kalaja
“Allahu ja shpërbleftë vëllaut tonë Klitit i cili sot u konvertua nga Ortodoks në Musliman.Falënderimi i takon Allahut që na u ëmbëlsua Xhumaja me një lajm të tillë!”
Një falënderim shkon edhe për vëlla Denisin që na mundësoi këtë suprizë, tha imami Kalaja duke iu referuar shokut të Klitit i cili i kishte treguar atij fenë./kohaislame.com
Nga Shkëlzen Rrecaj
Diskriminimi fetar në Kosovë vazhdon të mbetet i përmasave shqetësuese, sidomos kur është fjala për femrat. Tashmë jemi mësuar të dëgjojmë për raste të shumta të largimit nga shkolla të vajzave për shkak të bartjes së shamisë aq sa këto nuk zgjojmë më interesimin e medias dhe të shoqërisë në përgjithësi. Rastet e largimit nga puna të femrave të cilat kanë zgjedhur një mënyrë jetese më ndryshe, atë të praktikimit të normave islame, kanë qenë më të rralla. Kjo mbase atyre nuk u është dhënë fare mundësia të fitojnë një vend pune në sektorin publik. Ato që në start pavarësisht CV-së që mund të kenë paraqitur kanë qenë të përjashtuara nga konkursi. Megjithatë, neve na zë syri që në sektorë të caktuar të shohim femra që bartin shaminë. Deri para disa ditësh këtë fat e kishte edhe Indira Mujaj.
Indira Mujaj ishte shkolluar për police dhe i takon gjeneratës së 31-të të PK-së. Prej 01.08.2005 ka qenë pjesë e Policisë së Kosovës në Rajonin e Gjilanit. Më pas ajo transferohet në Mitrovicë 2008/2010, ndërsa prej shtatorit të vitit 2010 nga policja ka kaluar në staf civil. Aty ka shërbyer deri më 06.07.2015 kur ka vendosur të vëjë shaminë në kokë (mbulesën fislame). Nuk shkoi shumë kohë ajo u suspendua me arsyetimin se me shaminë e saj nuk e kishte respektuar kodin e veshjes së stafit civil.
Në vendimin e Komisionit të Brendshëm Disiplinor thuhet se e akuzuara Indira Mujaj ishte paraqitur në vendin e punës në Stacionin Policior Jugu në Mitrovicë me shami në kokë. “Veprimi i të akuzuarës bie në kundërshtim me Rregulloren e Qeverisë së Kosovës 04/2015, Parimet dhe Procedurat e Policisë së Kosovës. Parimi 4.10 si dhe Kodin e Etikës – Standardin e veshjes së stafit civil të punësuar në Policinë e Kosovës. Në bazë të këtyre e përmendura është suspenduar nga puna që shërbente si staf civil jo police me uniformë deri më datën 12.12.2015 ku me këtë datë asaj i është ndërprerë përfundimisht marrëdhënia e punës.”
I menjëhershëm ka qenë reagimi i palës së dëmtuar, znj. Mujaj. Ajo në ankesën e saj ka sqaruar se në asnjë moment nuk ka shkelur ligjin dhe argumentin e saj e ka mbështetur në rregulloren e QRK-së – nr. 04/2015 që flet për kodin e mirësjelljes në shërbimin civil të Republikës së Kosovës, nenin 22 – Veshja dhe paraqitja e nëpunësit civil.
Më tej, znj. Mujaj ka shpjeguar se ka shërbyer me përkushtim gjatë gjithë këtyre viteve sa ka qenë police po ashtu si staf civil duke treguar profesionalizëm, seriozitet dhe ndershmëri duke mbrojtur kështu imazhin e institucionit të PK-së dhe vendit të saj. Por pavarësisht agrumenteve të saj që ajo kishte paraqitur, ankesa iu refuzua. Tani rruga e saj mbetet procedimi i rastit të saj në organet e drejtësisë.
Kushtetuta e Republikës së Kosovës është “rrush” me nene dhe paragrafe që garantojnë të drejtat dhe liritë e qytetarëve të saj. Neni, 21, 24, 38 janë vetëm disa nga prej ligjeve të shumta që mbrojnë të drejtat e barabarta të qytetarëve të saj, pa dallim. Përkundrazi, as edhe në një paragraf të vetëm nuk mund të hasësh që ndalon shprehjen dhe manifestimin e bindjeve fetare, politike, ideologjike, etj.
Por, Kushtetuta e Kosovës u ka dhënë hapësirë edhe atyre të cilëve nuk ju pëlqen që dikush ta shfaq në publik besimin e tij/saj, duke ua mundësuar të bëjnë udhëzime administrative për t’i privuar nga e drejta e tyre për shkollim, punë, etj.
Në këtë vend që gjithçka është e mjegulluar, në vitin 2015 u nxor një rregullore nga QRK, nr. 04/2015 që sqaron kodin e mirësjelljes për shërbyesit civil të Republikës së Kosovës, ku në nenin 22 – Veshja dhe paraqitja e nëpunësit civil, në pikën 1 qëndron: Veshja dhe paraqitja e nëpunësit civil duhet të jenë serioze, për ta përfaqësuar sa më denjësisht institucionin në pajtim me legjislacionin në fuqi. Në vend që të jepte përgjigje përfundimtare për bartjen e veshjes fetare, kjo rregullore la të hapur arenën e interpretimeve sipas prirjeve dhe qejfeve të drejtuesve të institucioneve përkatëse publike. Ajo nuk specifikon se si të shkohet në punë, por mjafton që të jesh e veshur e jo e zhveshur. A nuk na qenka veshja islame serioze apo edhe këtu ka vend për debat?! Cila është atëherë?
Edhe një gjë, largimi i znj. Mujaj nga puna për shkak të veshjes fetare koincidoi me një deklaratë shpresëdhënëse të njërit prej pushtetarëve tanë, i cili gjatë vizitës që i bëri medresës, qe pyetur nga një nxënëse me shami se a do të jepej mundësia që pas shkollimit të saj të gjente një punë në institucionet e vendit.
Ai ishte përgjigjur me gojën plot se në institucionet e shtetit tonë do të ketë vend edhe për vajzat si ju do të thotë me shami. Se a do të ngelet edhe kjo deklaratë në kuadrin e ‘rregullit’ fjalë të mëdha, e punë aspak mbetet të shihet. Rasti i znj. Mujaj deri tani dëshmon tërësisht të kundërtën./tesheshi.com/
Të gjithë do të donim që bateria të zgjaste më shumë, aq sa disa njerëz janë gati të përdorin kasa të çuditshme – si ajo që lançoi Apple javën e kaluar – për të zgjatur jetëgjatësinë e baterisë.
Megjithatë, janë disa truke të thjeshta që mund t’ju ndihmojnë që bateria të zgjasë më shumë, pa pasur nevojë për ndonjë pajisje shtesë.
Që bateria e telefonit të zgjasë më shumë duhet të keni parasysh:
Të mbyllni shërbimet e vendndodhjes.
Të fikni njoftimet.
Të mbyllni çdo aplikacion që keni hapur dhe të ndryshoni opsionin tek konfigurimet që aplikacionet mos të funksionojë në sfond.
Sigurohuni që telefoni të mos nxehet shumë.
Gjiganti automobilistik gjerman BMW ka prezantuar konceptin elektrik i8 pa pasqyre.
Ky model i ka zëvendësuar pasqyrat anësore me dy kamera dhe një kamerë të tretë që është e pozicionuar në qosh të pasqyrës në xhamin e përparmë.
Pamjet nga tri kamerat janë të kombinuara në një fotografi të vetme që shfaqet në një ekran me rezolucion të lartë, që zëvendëson pasqyrën tradicionale në pjesën e përparme.
BMW thotë se fotografia e tillë tregon në kënde më të mëdha pamjen për dallim që mund të jepen nga pasqyrat tradicionale të brendshme dhe të jashtme.
Përdorimi i pasqyrës digjitale po ashtu jep sinjale në ekran për rreziqe të mundshme. Si shembull, pasqyra sinjalizon shoferët kur janë duke ndërruar shiritin ndërsa në këtë moment është duke iu ofruar një automobil tjetër.
Përpos modelit i8 pa pasqyre, BMW ka shpalosur edhe një version të ri të modelit i3, duke mos konfirmuar detaje për këtë koncept, përpos që ka një kamerë në kulmin e veturës.
Me një dietë të rregullt dhe stërvitje, efekti është edhe më i mirë, por edhe me anë të kësaj mbështjelljeje efikase do të keni rezultat…
Dëshironi që trupi juaj të shtrëngohet dhe të krijoni linja perfekte? Provoni me anë të recetës së mbështjelljes me xhenxhefil. Konsumimi i xhenxhefilit përshpejton metabolizmin, dhe si rezultat i kësaj ju humbisni peshë. Gjithashtu, efekt të ngjashëm kanë edhe kompresat apo mbështjellëset e trupit me përbërjen e xhenxhefilit. Mësoni si ta bëni këtë dhe mënyrat e përdorimit të saj.
Çka nevojitet:
Një lugë gjelle xhenxhefil pluhur (ose i freskët por i grimcuar), dy lugë losion trupi, folie plastike, peshqir, fashë elastike.
Si ta përgatitni:
Lagni peshqirin në ujë të nxehtë dhe vendoseni në pjesën e trupit që ju dëshironi të veni kompresën apo mbështjellësen me xhenxhefil. Lëreni të veprojë për disa minuta deri sa të hapen poret nga nxehtësia. Nëse është e nevojshme, përsëritni këtë hap edhe njëherë.Përzieni xhenxhefilin dhe losionin e trupit dhe aplikoni një shtresë të trashë të kësaj përzierje. Më pas, mbështjelleni disa herë me folje plastike apo transparente. Mbi foljen vendosni fashën elastike.
Mos e teproni shumë duke e shtrënguar me fashë, qëllimi është të ndiheni sa më rehat.Lëreni që kjo të veprojë së paku katër orë, dhe nëse nuk e keni problem edhe gjatë tërë natës. Në fillim ju mund të keni ndjesinë e djegies. Mos u shqetësoni, ky është rezultat i funskionimit të maskës.
Kjo maskë është e mirë sepse xhenxhefili redukton dhjamin e akumuluar në trup. Mirëpo, mbani mend se rezultatet janë edhe më efektive nëse ju jeni këmbëngulës, ushqeheni shëndetshëm dhe ushtroni rregullisht. Gjithashtu, shtimi i xhenxhefilit në dietën e përditshme rrit funksionin e kësaj maske që të humbni më shumë centimetra në bel.
Shënim: Mbani në mend se rezultatet ndryshojnë nga personi në person. Centimetrat që ju humbni varen nga metabolizmi juaj, niveli i aktivitetit si dhe mënyra e ushqyerjes./femra