Me ndihmën e Europol, forcat e policisë franceze kanë arrestuar dhjetë persona, që dyshohet se trafikonin shqiptarë për në Britaninë e Madhe.
Në një njoftim të Europol thuhet se të arrestuarve iu janë sekuestruar armë zjarri, celularë dhe një sasi kokaine.
Shqiptarët, pasi mbërrinin në Francë, vendoseshin në hotele pranë bregut.
Më pas, me anë të jahteve, ata dërgoheshin për në Britani.
Raportohet se grupi kriminal kishte dërguar më shumë se 200 shqiptarë në Britani gjatë dy viteve të fundit.
Policia thotë se ka arrestuar edhe liderin shqiptar të këtij grupi.
Mediat britanike thonë se ai është një kosovar i pasur.
Grupi kriminal u merrte shqiptarëve mbi 8 mijë sterlina për t’i dërguar në Angli.
Në rast se ishin familje, ata u merrnin 12 mijë sterlina./gazetatema
